رينو سانديرو ستيب واي - عيب تصنيع - تحذير - متشتريش العربيه دى

[mikazagreat]

ابعت علي ايميل علي الشركة في فرنسا و ان شاء الله خير. في كذا واقعة حصلت لحجات بالمنظر دا و الشركة في فرنسا اخدت اجاءات حاسمة مع التوكيل في مصر و جابت حق العميل
دا لينك الشكاوي في رينو فرنسا و اختار في after-sales complaint و اكتب كل اللي حصل معاك و كل اللي اتغير فالعربية و اذاي اكتشفوا فعلا ان الموضوع ناتج عن مشكلة في علبة الدريكسيون.
renault.com - contact

و ارجوك تقولنا حصل ايه معاك في الاغلب بردوا عليك في مصر بعد يوين تلاته اسبوع بالكتير.
تابعنا علي جروب الفيس بوك دا
https://m.facebook.com/groups/680983...12034172166758

مفيش كلام من ده, رينو شركه زباله و ده اللى انا اتأكدت منه, لما كان معايا ستروين و كنت بكلمهم كانوا بينفخوا عز العرب و تانى يوم كانت عربيتى بتخلص, رينو بيبعتوا الشكاوي اللى بتجيلهم هنا على الشركه, و بتوع خدمه العملا بيطرمخوا على المديرين صحابهم و مش بيوصلوا الشكوى لحد كبير, كل اللى بيعملوه يجيبولك نفس المدير اللى فاضل شويه و يقولى دى اللى عندنا, و ربنا يسهل هنيجي يوم مش عارف ايه نعمل حمله على مركز الخدمه اللى انت رحته و نشوف ليه مخلصوش العربيه بسرعه.
انهارده بعد ما طلعت ميتين الناس كلها مدير مركز الخدمه بيقولي لا ده فى عيب فى القنطره الخلفيه مش من علبه الدريكسيون و القنطره فيها فرق. قلتله غيرها وانا استلم العربيه منك, قالى لا لازم تيجي تحاسبنى على الفاتوره دى الأول.

[scientist9508]

بسم الله الرحمن الرحيم

الأخ الفاضل mikazagreat

أولآ: حمدآ لله على نجاتك من حادثة مروعه قبل أى شىء

ثانيآ: لقد كتبت كلمات أحزنتنى جدآ لأنها حقيقه شاخصة أمام أبصارنا كل يوم و هى أن الحق يضيع فى بلدنا مصر و لا أعرف لماذا؟
فإن تسبب مستهتر فى حادث كبدك الخسائر الفادحه فلا تأخذ حقك منه بالقانون (إلا فى حالات قليله جدآ و نادره)
و إن ضيعت شركة ما حقوقك و هربت من الوفاء بها فلا تستطيع أن تفعل لها شىء قانونى
جهاز حماية المستهلك فى مصر أشبه بوسيط صلح بين إثنين جيران مختلفين على شىء تافه و آخر مره سمعت أن جهاز حماية المستهلك طبق عقوبه فعليه كانت على شركة منصور شيفورليه بسبب عيب صناعه فى سياره آفيو (فى الإسكندريه) و بعد وقت طويل جدآ من وقت تحرير المحضر (لا يستطيع أحد تحمله و خاصة إن كان يعتمد على سيارته بشكل يومى ولن يصبر على العيب فترة طويله فيها)

و لا أعلم لماذا كلما وثقنا فى سياره أو فى شركة ما دائمآ نتفاجىء بمفاجأه صادمه من آداء السياره أو سلوك مخذل من الوكيل

ألهمك الله الصبر على هذا البلاء و أتمنى أن تخبرنا بكيف إنتهت المشكله

السلام عليكم و رحمة الله و بركاته

[asermohamed]

هو مش عيب صناعة لان صديق ليا معاة نفس العربية 2013 وتحفة ماشاء الله عليها ومشتكاش منها نهائي لكن الي حضرتك بتقولة دة ميتكتش علية ومتدفعش جنية واحد لو مشكلتك متحلتش وزعق معاهم لانك علي حق ولانهم احيانا مبينفعش معاهم الشخص المحترم وبينفع معاهم الي يزعقلهم انا اخويا كان عندة معاهم مشكلة بسيطة ولما زعق معاهم وكلم المدير اتحلت وحسبي الله ونعم الوكيل

[Super_Star_h]

حمد لله على سلامتك
مبلغ الـ 25 الف ان شايف انه استهبال
كنت عملتها بره التوكيل افضل
واظن ان عيب الدركسيون ده عيب صناعه ومتسبش حقك
لان دى هى المشكله الرئيسيه
اظن الساندرو زي اللوجان الدركسيون بتاعهم باور زيت مش كهربه وطبيعى يبقى تقيل
ونفس الماتور وماتور اللوجان صوته عالى
والتزييق والكلام ده كله بعض من ملاك اللوجان كانو بيشتكو منه
عمومآ العربيه دى مش بتاعة سرعه وجرى وسفر كتير
هى خفيفه شويه ع الطريق ولو فى هوا جامد بتتمرجح

[S O P H O S]

الحمد الله انك بخير

[abasabnfernas]

أنا عندى داستر و كنت بفكر اجيب الستيب واى لزوجتى و لكن بعد ما سمعت الكلام دة غيرت رأى

[عبدالله برعى]

شكرا على طرح الموضوع حتى يتثنى للناس معرفة التوكيلات على حقيقتها وكشف الابتسامة وقت الشراء
وتتحول فيما بعد الى هذه الاساليب والعميل برىء من هذه العيوب

اتمنى التوفيق

[raghebeg]

لﻻسف لم اقرا هذا الكﻻم اللي يموت من الخوف اﻻ بعد ما حجزت رينو ستيبواي 2015 بتحويشة العمر و مش عارفه اعمل ايه ربنا يستر اسالكم النصيحه

[scientist9508]

لﻻسف لم اقرا هذا الكﻻم اللي يموت من الخوف اﻻ بعد ما حجزت رينو ستيبواي 2015 بتحويشة العمر و مش عارفه اعمل ايه ربنا يستر اسالكم النصيحه

بسم الله الرحمن الرحيم

أختنا الفاضله

لا داعى أبدآ للخوف أو للذعر. أرجو الله أن يرفع هذا البلاء عن أخينا الذى ظهرت عنده هذه المشكله و أن يعوضه خيرآ و لكن فى نفس الوقت لم تظهر هذه المشكله عند أحد آخر (على حد علمى) ولذلك تظل هذه المشكله عيب تصنيع فى سيارته هو فقط و ليست فى كل السيارات اللوجان أو حتى بعضها.

و لزيادة التأكد يمكنك نشر كل إستفساراتك فى قسم الرينو وإن شاء الله ستجدين من المساعده ما تقر به عينك.

و لكن إن سكنت الريبة قلبك و ضعفت كل النصائح عن إخراجها فلايزال هناك حل و مخرج. يمكنك فعل الآتى:

1 - إما إرجاع وصل الحجز لشركة رينو
2 - أو البحث عمن ينوى شراؤها و بيع الوصل له

و على أى حال لا يوجد أى مجال للذعر او الخوف

أهداك الله من فضله ما يطمئن به قلبك و تقر بها عينك و تسعد بها نفسك

السلام عليكم و رحمة الله و بركاته

[moto5000500]

بيعها شكلها عربية نحس و قرفتها وحشه و اشترى ماذدا عربيه ناعمة جدا فى المطبات اقتصادية جدا فى البنزين و ثبات ممتاز على الطريق وشكل انيق وكفايه انها ياباني

[Mohamed Desoky]

السلام عليكم ورحمة الله وبركاته هوسؤال محيرنى الرينودى بكل انواعها وموديلاتها من الداتشا الى الداستر عمرى ماسمعت حدشكرفيها مع انها المفروض فرنسى الصنع زى بيجو وسيتروين والحاجه العجيبه الرينو ارخص بكتير من بيجو وسيتروين ممكن يفهمنى وشكرا

[moataz1313]

انا كا معايا رينو سانديرو الشكل الجديد ومن يوم ما جبتها كان فى مشكلة فى الدركسيون وبعد 4 شهور اعترفوا بيها وقالوا هانغيرلك القطمة وبالفعل بعد 4 شهور تانية اتصلوا بيا وغيروها ولكن كانت نفس المشكلة موجودة وهى ان العربية فعلا ما كنتش موزونة وفضلت كدة لحد ما واحد ابن........ خبطهالى من ورا فوق كوبرى اكتوبر وكنت فاكر انها خابطة بسيطة ولكن بعد شهر لقيت الخابطة داخلة على المكان اللى بيتحط فيه الاستبن لدرجة ان الاستبن مبخروجش من مكانه.. بعد كام يوم كنت ماشي بيها لقيت حاجة وقعت على رجلى وانا سايق ركنت لقيته مسمار كبير واقع من تحت الدركسيون.. مع العلم ان العربية كانت عاملة 20 الف كيلو فقط.. واخيرا بعتها على عيبها لواحد نصاب ب65 الف فقط .. قلت تغور فى ستين داهية بدون رجعة ودى تجربة لن تتكرر مع العربيات اللى من النوعية دى..

[msalx]

حمد الله على السلامة

[Colin Chapman]

[scientist9508]

بسم الله الرحمن الرحيم

الزملاء الأفاضل

كنت قد كتبت هذه المشاركه بتاريخ 8/8/2014 فى هذا الموضوع

بسم الله الرحمن الرحيم

أختنا الفاضله

لا داعى أبدآ للخوف أو للذعر. أرجو الله أن يرفع هذا البلاء عن أخينا الذى ظهرت عنده هذه المشكله و أن يعوضه خيرآ و لكن فى نفس الوقت لم تظهر هذه المشكله عند أحد آخر (على حد علمى) ولذلك تظل هذه المشكله عيب تصنيع فى سيارته هو فقط و ليست فى كل السيارات اللوجان أو حتى بعضها.

و لزيادة التأكد يمكنك نشر كل إستفساراتك فى قسم الرينو وإن شاء الله ستجدين من المساعده ما تقر به عينك.

و لكن إن سكنت الريبة قلبك و ضعفت كل النصائح عن إخراجها فلايزال هناك حل و مخرج. يمكنك فعل الآتى:

1 - إما إرجاع وصل الحجز لشركة رينو
2 - أو البحث عمن ينوى شراؤها و بيع الوصل له

و على أى حال لا يوجد أى مجال للذعر او الخوف

أهداك الله من فضله ما يطمئن به قلبك و تقر بها عينك و تسعد بها نفسك

السلام عليكم و رحمة الله و بركاته

و الآن أشهدكم جيعآ . . . أننى أسحب ما كتبت. . كلمه . . كلمه

إشترى قريب لى لوجان مانيوال جديده من الوكيل مباشرة و إستلمها من رينو العبور . . ثم بعد ذلك ندم أشد الندم على شرائها و إليكم ما وجدته بعد قيادتها بنفسى مرات و مرات.

قريبى جديد على القياده لذلك كان يحتاجنى كثيرآ لأقود له السياره و ذاك ما وجدته

1 - المحرك كسلان جدآ

2 - عزم المحرك ضعيف بشكل لا يصدق

3 - نفس الغيار قصير جدآ بشكل مستفز

4 - بداية من الشهر الثالث بدأنا نسمع أصوات من التابلوه (تكته)

5 - إستهلاك وقود عالى نسبيآ

6 - صاج السياره ضعيف

7 - دهان السياره ضعيف

8 - بعد أن نرجع من أى مشوار مهما كان قصير نسمع صوت تكته عاليه فى المحرك و عندما ذهب قريبى للتوكيل أخبره أن كل محركات الرينو بها هذا الصوت (تعجبت جدآ من ذلك)

9 - توقعنا أن تنتهى كل الملحوظات السابقه بعد تليين المحرك ثم تفتيحه (بناءآ على تعليمات الوكيل)

10 - إلا أن كانت المفاجأه فى إنتظارنا عن تفتيح المحرك

11 - بعد عمل صيانة التليين ذهبت مع قريبى لتفتيح المحرك

12 - قدت السياره بنفسى على الطريق الإقليمى

13 - أول ما هالنى و أفزعنى أننى وجدت أن السياره بلا أى ثبات تقريبآ

14 - فما أن تجاوزت سرعة 110 كم/ساعه و جدت الهواء يعصف بالسياره يمينآ و يسارآ حتى إننى من خوفى الشديد إضطررت لتخفيض السرعه خوفآ من أن تنقلب السياره بنا . . . لم أنجح فى الوصول لأقصى سرعه للمحرك

15 - أكملت الطريق حتى وصلت إلى بوابات السخنه ثم إستدرت عائدآ إلى القاهره من جديد

16 - حاولت مجددآ الوصول لأقصى سرعه للمحرك فكانت الصدمه تنتظرنى بأنى أقصى ما وصل إليع المحرك كان سرعة 155 كم/ساعه . . و يا لها من خيبة أمل

17 - فى المسافه (على عداد السرعه) بين رقمى 110 و 120 كان عقرب السرعه يتراقص و كأن عداد السرعه به عطل

18 - أول أمس قرأت تقرير مصور لأحد الزملاء على الفيس بوك فى صفحة ضد جشع التجار و قد نشر فيه صور لحادثة إنقلاب سيارته اللوجان نتيجة كسر المقص الأيمن للسياره بدون أى تدخل خارجى (عيب صناعه) . . كم نشر أيضآ صوره من التقرير الفنى الذى يفيد بأن سبب الحادث هو كسر المقص الأيمن للسياره . . .و بكل حزن مات فى هذه الحادث شخصان.

أكتب هذه الكلمات لأننى كتبت تشجيع لهذه السياره سابقآ . . فلابد من أن أصحح بعد ما تبين لى خطأ رأى و خطأ ما كتبت.

أعتذر عما كتبت و نشرت سابقآ

حمى الله الجميع من كل شر و سوء

السلام عليكم ورحمة الله و بركاته