مشاكل خطيرة فى الميجان

[abdelshafy85]

يا فندم عمرات الموتير الاوروبى صعبة انها تنفع وتعيش لازم كان من الاول تغير
المكانيكى عرض شغل تصليح وحضرتك وافقت والنتيجة غير مرضية بالتاكيد
هو قال لحضرتك التصليح عليه ضمان طبعا لا اذن فهو عمل شغله وخد اجره
انا مش بدافع عن الميكانيكى بس انا اسف انى اقول لحضرتك انك غلط انك عملت عمرة للموتور
كنت غيرت اوفر لك بكتييييييييير واريح وربنا يعوض على حضرتك بالخير يا رب
تقبل خالص تحياتى

هو الراجل فى آخر مرة رحتله بعد تهرب منى أكتر من مرة قلتله انى نازل صقر قريش عشان أظبط الشغل المزفت اللى هوا عمله راح متعصب وعلى صوته وكان أدام اكتر من واحد وقال أقسم بالله المكنة دى لو فيها اى حاجة أركبلك مكانها مكنة تانية وقالى اعمل بالعربية ألف كم وبعد كدة تعالى أقفلك الشغل لكن لو حد تانى حط اي ده فى العربية أنا معرفش المكنة دى

انا عارف انى غلطت بس الراجل كمان غلط والصح انه يتحمل
عالعموم ربنا يجزيك خير على الردود ومشكور شكراً جزلاً

[lanos2004]

صحبى جاب ماتور بالفتيس بالتركيب 6500 لان ماتورة اتكسر من تحت ناتج عن تصادم فى حجر على الطريق

[abdelshafy85]

صحبى جاب ماتور بالفتيس بالتركيب 6500 لان ماتورة اتكسر من تحت ناتج عن تصادم فى حجر على الطريق

ده جايبه امتى ومنين ؟؟؟؟؟؟؟؟؟؟؟؟؟

[أسامه الحسيني]

هوا حضرتك ليه اديته كل حسابه قبل ما تجرب العربيه
مش المفروض تجرب العربيه وتسيب جزء تحت الحساب لغايه لما يظبط الشغل

[abdelshafy85]

هوا حضرتك ليه اديته كل حسابه قبل ما تجرب العربيه
مش المفروض تجرب العربيه وتسيب جزء تحت الحساب لغايه لما يظبط الشغل

العربية فضلت عنده شهر بيشتغل فيها وكل شوية بيطلب فلوس عشان بيشترى قطع غيار ومصنعيته كانت حوالى 800 جنيه وانا مبحبش الزن الكتير وبحب أريح دماغى بس للأسف كنت غلطان , أنا معترف .

[mardellyvip]

نفس الموقف دا حصل معايا وعانزل الموضوع بالتفصيل بعد شوية وكنت هاعمل زيك كدا بالظبط بس الميكانيكى قالى هات شورت بلوك استيراد وكدا يبقى كسبت موتور جديد انا جبت واحد ب 6800 جنية بالعافية موديل 2007

[abdelshafy85]

نفس الموقف دا حصل معايا وعانزل الموضوع بالتفصيل بعد شوية وكنت هاعمل زيك كدا بالظبط بس الميكانيكى قالى هات شورت بلوك استيراد وكدا يبقى كسبت موتور جديد انا جبت واحد ب 6800 جنية بالعافية موديل 2007

الحمد لله انه كان ميكانيكى محترم قالك عالصح...

الباشا بتاعى الله لا يباركله قالى الشورت بلوك هيعمل 8 أو 9 آلاف عشان هيفكه من نص عربية وبعد ما اتصدمت من السعر وقررت انى هركنها لحد ما ربنا يسهلها قالى انا ممكن أظبطهالك والتكلفة من 3000 ل 4500 بالمصنعيات وسألت ولاد الحلال ربنا يسامحهم قالولى توكل على الله وريح دماغك من مشاكل الورق بتاع الموتور الاستيراد وهتدوخ بسببه, فوقعت فى الفخ...

ربنا يحفظ الجميع ويرحمنا من البلد اللى بقت الامانة فيها حاجة شاذة والطبيعى انك تتسرق وملكش اى حق عند أى حد.

[تامر.محمد]

كل ده عيب صنايعي للأسف
وقعت في صنايعي منه لله :(

[abdelshafy85]

ربنا يجازيكم خير جميعاً على الردود ومشكورين

بس أنا ملاحظ ان كل الردود تتلخص فى ان الحل موتور جديد وربنا يعوض علينا فى اللى اتدفع,
يعنى مش ممكن أوصل لأى حاجة مع الميكانيكى ولا حتى انه يتحمل جزء من التكلفة وانا أتحمل جزء,

الميكانيكى ده هو الوحيد فى السويس اللى شغال فى الرينو وعامل لنفسه سمعة انه كان شغال فى فرنش موتورز وان والده هو كبير الفنيين هناك وانه بيجيب قطع غيار أصلية عن طريق المركز بأسعار أقل من أسعارها فى التوكيل, هل ممكن المهندس خالد الزينى يكون ليه تدخل فى الموضوع ده ولو كلمته هل ممكن يعمل حاجة ولا مفيش أمل ؟؟؟؟؟؟؟؟؟؟

[أسامه الحسيني]

العربية فضلت عنده شهر بيشتغل فيها وكل شوية بيطلب فلوس عشان بيشترى قطع غيار ومصنعيته كانت حوالى 800 جنيه وانا مبحبش الزن الكتير وبحب أريح دماغى بس للأسف كنت غلطان , أنا معترف .

ربنا يعوض عليك خير ان شاء الله
الواحد مش بيتعلم ببلاش

[أسامه الحسيني]

هو الراجل فى آخر مرة رحتله بعد تهرب منى أكتر من مرة قلتله انى نازل صقر قريش عشان أظبط الشغل المزفت اللى هوا عمله راح متعصب وعلى صوته وكان أدام اكتر من واحد وقال أقسم بالله المكنة دى لو فيها اى حاجة أركبلك مكانها مكنة تانية وقالى اعمل بالعربية ألف كم وبعد كدة تعالى أقفلك الشغل لكن لو حد تانى حط اي ده فى العربية أنا معرفش المكنة دى

انا عارف انى غلطت بس الراجل كمان غلط والصح انه يتحمل
عالعموم ربنا يجزيك خير على الردود ومشكور شكراً جزلاً

طب معلش ما تستحمل وامشي بالعربيه الالف كيلو علشان ما يبقاش ليه حجه وقوله انت مسئول انك ترجعلي العربيه مظبوطه

[broadband]

معلش الخبرة مش ببلاش و ياما الواحد كع فلوس بس اتعلم و الحمد لله انها جت على الفلوس ..ربنا يعوضك
و المفروض ان المنتدى هنا بيغطى كل المشاكل و ايه الحل الانسب ليها . فنصيحة ليك و للاخوة قراءة الموضوعات المتعلقة بالمشكلة قبل اتخاذ القرار فى عملية الاصلاح و ايضا معرفة الفنيين اللى الناس تعاملت معاهم و مدى خبرتهم

انا شخصيا باعمل كده .....

و متزعلش على اى حاجة . انشاء الله تتحل
و انا ناوى اشترى ميجان 2 بس تبقى هاى لاين و تكييف تتش و علشان كده بادرس المشاكل كلها و اقرر بعدين

و شــــــــــكـــــــــــــر ا ا ا

[ah-gawad]

قدر الله و ما شاء فعل لا تحزن .الحمد لله انك انت سليم و انها جت في العربية

[abdelshafy85]

شكراً لجميع من شاركونى بالردود

[Super_Star_h]

يا باشا انت غلطان بصراحه وانا مش محتاج اقولك كده
انا كنت لسه مغير ماتور ب 5000 واشرفت على فكه بنفسى ومش عايز اقولك ان كل مسمار فيه كان بيلمع
عربيتى حسيت انها رجعت زيرو
نصيحتى ليك اوعى تحاول تبيعها على حالتها دى ابدآ هتخسر فيها جامد جدآ جدآ وكله هينزل بيها الارض
الحل الامثل انك تنسى الخساره اللى خسرتها وتصبر شويه وتركب مكنه استيراد وتمشى بالعربيه شويه وان شاء الله مش هتندم
ولو اتخنقت منها بيعها هتجبلك السعر اللى انت عايزه المهم انك تبيع عربيه ماشيه