رينو فلوانس 2015

[Mohamed Gebaly]

السلام عليكم
انا حجزت امبارح رينو فلوانس 2015 النبيتى من عند طارق اسماعيل اللى فى مول العرب , و كان فيه واحدة فى العرض الشخص اللى بتكلم معاه حجزها لى علشان استلمها بسرعة

عايز اخد رأى اعضاء المنتدى فى السيارة و اللون و هل اخدها من العرض و لا لأ ؟

شكرا

[mr.moustafa]

لو موديل 2015 تبقى ما قعدتش كتيير و ما اتهلكتش
اللون النبيتي حلو جدا

[Moratoz]

ادهالك بكام
لو عايز تشكيله ألوان أكثر روح أوتو زكي عند نفق القطاميه ولو عايز خصم ١٠٠٠ جم قولي وانا أجي معاك بس تديني لفه هههه

[blazer]

اللون الابيض العاجى عليها تحفه و كمان الفضى

[Abu Reem]

ما بلاش الطارق ...شوف غيره

تجربتي معاه سيئة جدا منذ اسبوع واحد في شراء فلوانس (كاش ).....ادوني اوراق عربية تانية..رغم اني اسمي مكتوب عليها...(بس رقم الموتور والشاسية كان لعربية تانية ) ولك ان تتخيل بعد ما توصل للمرور وتكمل الاوراق وتعمل بصمة للموتور والشاسية..تكتشف ان الارقام لعربية تانية وكانت هتبقى مشكلة....

وايضا....يقولوا لك العربية لسه جاية وهتسمتلها بعد اسبوع وتلاقي العربيات عندهم اساسا من فترة .....بس يقولوا لك كده ويسلموا لك العربية قبل الميعاد بكام يوم زيادة في الحبكة.....والعربيات عندهم من شهر 6 وهتعرف ده من شهادة بيانات العربية اللي اصلا...شهادة بيانتها ..هتكون متنهية الصلاحية....(ولازم تتنبه لده....علشان تجددها من المرور قبل ان تكمل اجراءاتك...

عموما العربية الحمرا دي انا شوفتها بعد العيد مباشرة وماكانتش موجودة قبل كده....اهم حاجة لو ناوي تشتري منهم....تكون حريص جدا.....

مع تمنياتي بالتوفيق

[engmoon]

مبروك مقدما

[Hany Saad]

أنا شخصياً مبحبش عربيات العرض...لو فيه غيرها مع انتظار بسيط يبقى أفضل
و ألف مبروك مقدماً

[Mohamed Gebaly]

انا شاكر اهتمامكم جدا
على العموم انا هستنى بكره ان شاء الله لو ما قالش استلمها هقوله شوفلى فى المخزن

[ahmedelfeky]

مبدئيا بلاش النبيتي بصراحه مش حلو ف العربيه دي ....
الفواتح شكلها افضل بكتير ولو ناوي علي لون غامق مفيش افضل من الاسود وخرابيش بخرابيش بقا
وفعلا بلاش عربيات العرض زي ماقال المهندس هاني

[ALshahba]

ابيض - عاجي - فضي - اسود ........... يعتبروا افضل الالوان
يفضل الابتعاد عن سيارات العرض

[noapology]

انا بفضل التوكيل عن اي معرض الصراحه

[Ahmed Hemaid]

انا معايا اللون النبيتى 2014 تحفه بصراحه و مختلف عن اللون بتاع الموديلات اللى فاتت و يعتبر احسن لون ماشر مع الاكصدام والشبكه الامامية و النيكل بتاع فوانيس الشبورة

مبروك وربنا يكفيك شرها

[Mohamed Gebaly]

متشكر جدا ليكم و انا الحمد لله جبتها و هى اللى كانت فى العرض معرفتش اهرب من حكاية المعرض دى بس الحمد لله هى تمام و عايز اسأل شوية اسألة

1 ينفع اركبلها وحدة رفع للزجاج فى التوكيل و بكام ؟
2 كنت قرأت فى الكتالوج ان فيه موديلات فيها كمبرسور لنفخ العجل ده موجود فى مصر و لا بره علشان انا ملقتهوش عندى ؟
3 الفوج شغال نهار يا ترى اسيبه و لا الغي موضوع day light ده ؟
4 لو حابب اروح اشيك عليها فى التوكيل لازم استنى ال5000 كيلو ؟
وشكرا

[yasser100]

متشكر جدا ليكم و انا الحمد لله جبتها و هى اللى كانت فى العرض معرفتش اهرب من حكاية المعرض دى بس الحمد لله هى تمام و عايز اسأل شوية اسألة

1 ينفع اركبلها وحدة رفع للزجاج فى التوكيل و بكام ؟
2 كنت قرأت فى الكتالوج ان فيه موديلات فيها كمبرسور لنفخ العجل ده موجود فى مصر و لا بره علشان انا ملقتهوش عندى ؟
3 الفوج شغال نهار يا ترى اسيبه و لا الغي موضوع day light ده ؟
4 لو حابب اروح اشيك عليها فى التوكيل لازم استنى ال5000 كيلو ؟
وشكرا

الف مبروك . بس دى الفئه الكام ؟؟ فيها ال day light يعنى الفئه التالته . و الفئه التالته من بدايتها فيها و حدات رفع زجاج فى الاربع ابواب . همه غيروا المواصفات ؟؟ سعرها كام .
لو عايز تشيك على اى حاجه مش ﻻزم تستنى 5000 كم اتصل و احجز

[Hany Saad]

متشكر جدا ليكم و انا الحمد لله جبتها و هى اللى كانت فى العرض معرفتش اهرب من حكاية المعرض دى بس الحمد لله هى تمام و عايز اسأل شوية اسألة

1 ينفع اركبلها وحدة رفع للزجاج فى التوكيل و بكام ؟
2 كنت قرأت فى الكتالوج ان فيه موديلات فيها كمبرسور لنفخ العجل ده موجود فى مصر و لا بره علشان انا ملقتهوش عندى ؟
3 الفوج شغال نهار يا ترى اسيبه و لا الغي موضوع day light ده ؟
4 لو حابب اروح اشيك عليها فى التوكيل لازم استنى ال5000 كيلو ؟
وشكرا

ألف مبروك العربية
دوس دوستين ورا بعض بسرعة جداً على زرار البصمة اللى فى أكرة الباب او زرار ال lock اللى فى الكارت هتلاقى وحدات الرفع اشتغلت و الاربع ازاز قفلوا

تحياتى