رينو فلوانس 2015

[dedoo_reshoo]

السلام عليكم
انا اشتريت فلونس e3 اللون الاسود والحمد الله
بس عندى كام تعليق
اولا دى مش اول عربيه اركبها
عايز افهم ايه فكره مؤشر البنزين عشان انا تايه ومش عارف احسب منه حاجه وكل شارطه بتنزل بشكل مختلف عن التانى يعني اول شارطه بتعد تقريبا 80 كيلو والتانية 20 والتالته 70 كده
واول اما جابت اخر شارتطين روحت فوولت اخد 34 لتر بنزين بس

وحاسس ان الفرامل مش بتجمع بسرعه
انا قلت لسه التيل بيطبع بس انا بقالى بيها 1000 كيلو لحد دلوقتي ومش عجبانى وكمان الدواسه بقت تجمع فرامل من تحت مش من اول الدوسه عكس الاول

وبسمع صوت تكه مع اي حفره فوق الحزام بتاعى بس مش من الحزام تقريبا من الباب الي ورا
انا مشكلتى اني وداني حساسه ومش بحب اسمع اي صوت فى العربيه

وهل ممكن اغير فولدر الاغانى من المالتى
اهل ممكن اركب سمعات خلفيه لا صعب وهتعمل بهدله ؟؟

[mmsobhi]

الف مبروك وربنا يباركلك فيها وانا معايا اللون النبيتي وجميل جدا عليها

[hanyyacot]

السلام عليكم
انا اشتريت فلونس e3 اللون الاسود والحمد الله
بس عندى كام تعليق
اولا دى مش اول عربيه اركبها
عايز افهم ايه فكره مؤشر البنزين عشان انا تايه ومش عارف احسب منه حاجه وكل شارطه بتنزل بشكل مختلف عن التانى يعني اول شارطه بتعد تقريبا 80 كيلو والتانية 20 والتالته 70 كده
واول اما جابت اخر شارتطين روحت فوولت اخد 34 لتر بنزين بس

وحاسس ان الفرامل مش بتجمع بسرعه
انا قلت لسه التيل بيطبع بس انا بقالى بيها 1000 كيلو لحد دلوقتي ومش عجبانى وكمان الدواسه بقت تجمع فرامل من تحت مش من اول الدوسه عكس الاول

وبسمع صوت تكه مع اي حفره فوق الحزام بتاعى بس مش من الحزام تقريبا من الباب الي ورا
انا مشكلتى اني وداني حساسه ومش بحب اسمع اي صوت فى العربيه

وهل ممكن اغير فولدر الاغانى من المالتى
اهل ممكن اركب سمعات خلفيه لا صعب وهتعمل بهدله ؟؟

الف مبروك على عربيتك اولا وربنا يكتبلك خيرها ,
بالنسبة لمؤشر البنزين هو فعلا الشرط اللى فيه مش متساوية وغالبا اللى تحت هى اللى بتبقى كمية كبيرة من البنزين عشان تنبهك او لو ماخدتش بالك يبقى لسه فيها يمشيك كتير , عموما الرجالة هنا كانوا حسبوها بالظبط وعاملين موضوع بكده, ولو لقيتلك اللينك بتاعه هابعتهولك بس عموما ماتقلقش من النقطة دى.
بالنسبة للفرامل دى بقى اللى مشكله , لان من اروع الحاجات اللى فى الفلوانس هى فراملها وانها بتجمع بسرعه وقوية وفى نفس الوقت ناعمة ( ملحوظة فى عربيات بتجمع من لمسة واحدة ولو دوست جامد شوية تخليك تلبس فى التابلوه زى مثلا البيجو 2008 , فلو انت كنت راكب حاجة زى كده ف طبيعى انك تحس باختلاف فى الفلوانس) بس برضه مع التاكيد ان اللى عندك ده مش طبيعى لان فراملها ممتازة وبتجمع بسرعة, احسنلك احجز ميعاد فى التوكيل واى حاجة هما هايعملوهالك وماتقلقش, موضوع التكة دى بقى ماعرفش فيها.

[Hany Saad]

أتفضل:

http://www.nilemotors.net/Nile/409405-a.html

تحياتى

[dedoo_reshoo]

متشكر لردك يا باشا
والله يبارك فيك يا باشا وربنا يحفظهالك ان شاء الله :)
انا كان معايه جراند بونتو 2009 ودي فراملها بالشعره بس انا بدءت اتعود وجربت عربيات كتير فعارف الفروقات بس انا حاسس ان الفارمل مش دا الطبيعى بتعها على حسب كلامك
ولازم ادوس جامد اوى عشان تكلبش الفرامل

ومحدش أفادنى بخصوص الكاسيت
اذاي اغير فلدر من المالتى لو ممكن

[ReeMoOo]

وبسمع صوت تكه مع اي حفره فوق الحزام بتاعى بس مش من الحزام تقريبا من الباب الي ورا

على فكرة انا كمان عندي نفس صوت التكه دا وتقريبا كمان في نفس المكان. احيانا بحس انها جايه من الحزام واحيانا فعلا بحس انها جايه في الباب اللي ورا

وبتظهر معايا بس لما بكون ماشيه في شارع مكسر او طريق مش ممهد

صوت التكه دا مضايقني جدا خصوصا اني على طول بركز معاه عشان اقدر اعرف مصدره ايه بس تعبت من كتر التركيز ولسه مقدرتش اوصل للمشكله..


ارجو الافاده لو حد عنده حل

[dedoo_reshoo]

طيب الحمد الله اهو طلع حد معايه في نفس المشكله
بس انا صوت التكه ده بسمعو لما باخد حفره لتحت براحه اول وساعات مع المطبات

[dedoo_reshoo]

سؤال مهم
1- اللمبه الى في الفانوس الصغيره ام 3 جنيه دي(الي بتنور مع اول لفه او تكه) مش بتنور خالص هل هيه كده ولا الاتنين محروقين ولا ايه بظبط ولا فيوز
2- ولو حبيت اغير الكلاكس اجيب ايه والتوكيل هيوافق ولا لاء