مشـــكلة فى كليـــو موديل 2002 - ميــاه داخل السيـــارة !!

[أبو عبدالله]

حضرتك المشكلة هتتحل بخروج المياه دي من العلبة
ولكن المشكلة ان العلبة دي عاوزه تتنظف كويس باسبريهات اجهزة الكترونية
علشان متعملشي ترطيب بعد كده جوه وبعد شوية تلاقيها عملت حركه زي دي تانيه

بس انا عاوز اعرف الموضوع ده وسبب دخول الميه ان انت عندك حاجه في العربية مش في مكانها
يعني مثلا البربيز بتاع الزجاج في حتت ناقصه فيه

اصل انا عارف ان الزاوية بتاعت الشريط الجلد اللي على الزجاج الأمامي دائما بتبقى مش موجوده لأن تثبيتها ضعيف وبتقع من مكانها وغالبا بتضيع
دي مثلا مش موجوده ودخلت ميه ولا ايه اللي دخل الميه

علشان نعرف مسئولية مين

[melsatar]

يعنى الميه دخلت و العربية راكنة ؟
طب حضرتك كنت فاتح جزء من الزجاج ؟

لأ بس بعد ما المطر وقف رشيت عليا ميه عشان الطين الى كان عليها - و انا بشك ممكن بس 1% ان الباب ميكنش مقفول كويس.

بس عمتا ان بغسلها كتير و عمر ما كان فى ميه

بس إنهارده كان فى مية كتير تحت الدواسسة كمان فمعنا كده انها نازلة من جوة العربية

[melsatar]

حضرتك المشكلة هتتحل بخروج المياه دي من العلبة
ولكن المشكلة ان العلبة دي عاوزه تتنظف كويس باسبريهات اجهزة الكترونية
علشان متعملشي ترطيب بعد كده جوه وبعد شوية تلاقيها عملت حركه زي دي تانيه

بس انا عاوز اعرف الموضوع ده وسبب دخول الميه ان انت عندك حاجه في العربية مش في مكانها
يعني مثلا البربيز بتاع الزجاج في حتت ناقصه فيه

اصل انا عارف ان الزاوية بتاعت الشريط الجلد اللي على الزجاج الأمامي دائما بتبقى مش موجوده لأن تثبيتها ضعيف وبتقع من مكانها وغالبا بتضيع
دي مثلا مش موجوده ودخلت ميه ولا ايه اللي دخل الميه

علشان نعرف مسئولية مين

امممم هو الراجل بتاع التوكيل شال المية و رش السبراى و عمل الازم - و كان فر رجل IC متكلة ديبة - بس أكيد مش فى ساعة و 2 هدوب يعنى بسبب المية.

لكن الجلد موجود

[Sharky]

لأ بس بعد ما المطر وقف رشيت عليا ميه عشان الطين الى كان عليها - و انا بشك ممكن بس 1% ان الباب ميكنش مقفول كويس.

بس عمتا ان بغسلها كتير و عمر ما كان فى ميه

بس إنهارده كان فى مية كتير تحت الدواسسة كمان فمعنا كده انها نازلة من جوة العربية

طالما غسلتها كتير قبل كده بالطريقة دى يبقى العيب مش من العربية
ممكن جدا يكون الباب زى ما بتقول ماكنش مقفول كويس فسرب الميه داخل العربية و زى ما قال أبو عبدالله الجلدة إللى على الزجاج الامامى مهوية و دى تتأكد منها لو مالقتهاش

[melsatar]

طالما غسلتها كتير قبل كده بالطريقة دى يبقى العيب مش من العربية
ممكن جدا يكون الباب زى ما بتقول ماكنش مقفول كويس فسرب الميه داخل العربية و زى ما قال أبو عبدالله الجلدة إللى على الزجاج الامامى مهوية و دى تتأكد منها لو مالقتهاش

طيب الى حصل ، حصل المهم طيب ايه الحل فى امل ان العربية هترجع تدور ولا لازم التوكيل.

عشان الموضوع بدام Board يبقى هيطلبوا كتير

[MoToRiZeR]

حصل معايا قبل كدة إن واد صغير كان عايز يطلع علي سقف العربية فا طلع عالكبوب و سند برجليه عالإزاز فا البربريز نزل لتحت و بقي فيه حتي في أخر القزاز واقفة عالهوا .. مع تراكم المياه في الحتة دي بسبب المطرة ممكن تكون دخلت لجوة العربية .. يا ريت تشوف الموضوع ده و إن شاء الله خير

[Sharky]

طيب الى حصل ، حصل المهم طيب ايه الحل فى امل ان العربية هترجع تدور ولا لازم التوكيل.

عشان الموضوع بدام Board يبقى هيطلبوا كتير

إستنى لحد بكره لو مدارتش يبقى لازم تروح التوكيل علشان بشوف الأضرار إللى سببتها الميه و يحلها

[melsatar]

إستنى لحد بكره لو مدارتش يبقى لازم تروح التوكيل علشان بشوف الأضرار إللى سببتها الميه و يحلها

طيب معندكش فكرة عن التكلفة

و لو عايز أغير كوتشات الإزاز و الأبواب فين - و لو عملت بالمرة عفشة العربية فى التوكيل يخدوا كام

[أبو عبدالله]

انا رايي انك تستنى شويه
لحد ما تشوف كل حاجه تمام وبعد كده تشوف الأي سي دي
وطبعا الأي سي دي اكيد مدبتشي في يوم وليله زي ما هو بيقول

عالعموم انتظر شويه
وربنا ييسرلك امرك بإذن الله ويكون خير

بس موضوع الباب مفتوح ده مش واقعي قوي
لأن الباب لو مفتوح نص فتحه الجلد برضه مش هدخل ميه لأنها بتبقى قافله برضه الفرق

اما لو كان الباب مفتوح خالص او على الأقل مش معشق خالص مع القوايم
يبقى كده غلطتك يا جميل

[Sharky]

بصراحة دى معرفهاش لإنى مش من ملاك الكليو
لكن ممكن ملاك الكليو فى المنتدى لما يشوفوا الموضوع يردودا عليك بحلول أفضل

[Sharky]

بس موضوع الباب مفتوح ده مش واقعي قوي
لأن الباب لو مفتوح نص فتحه الجلد برضه مش هدخل ميه لأنها بتبقى قافله برضه الفرق

اما لو كان الباب مفتوح خالص او على الأقل مش معشق خالص مع القوايم
يبقى كده غلطتك يا جميل

ممكن يدخل ميه يا أبو عبدالله لو رش مية من تحت الباب أو من جنب الرفرف

[melsatar]

انا رايي انك تستنى شويه
لحد ما تشوف كل حاجه تمام وبعد كده تشوف الأي سي دي
وطبعا الأي سي دي اكيد مدبتشي في يوم وليله زي ما هو بيقول

عالعموم انتظر شويه
وربنا ييسرلك امرك بإذن الله ويكون خير

بس موضوع الباب مفتوح ده مش واقعي قوي
لأن الباب لو مفتوح نص فتحه الجلد برضه مش هدخل ميه لأنها بتبقى قافله برضه الفرق

اما لو كان الباب مفتوح خالص او على الأقل مش معشق خالص مع القوايم
يبقى كده غلطتك يا جميل

هههه لأ لأ مش للدرجادى يعنى انا بفترض ان ممكن يكون مش مقفول كويس و ده أفتراض جدلا و نسبته 1%

[أبو عبدالله]

طيب معندكش فكرة عن التكلفة

و لو عايز أغير كوتشات الإزاز و الأبواب فين - و لو عملت بالمرة عفشة العربية فى التوكيل يخدوا كام

انت عاوز تغير الكاوتشات ليه
دي حاجه مش من الحاجات اللي بتتغير كده يعني

اما بخصوص العفشة كل حاجتها موجوده في شارع دمشق في روكسي ده اللي انا اعرفه
واكيد في محلات تانيه
بس عموما عافشتها مساعدين وطنابير وتيل وكده كل ده موجود بره التوكيل عادي

[Sharky]

أنا بس ليه سؤال
هو حضرتك كنت ماشى بالعربية لما مطرت و بعد كده ركنتها و نضفتها
و لا هى كانت راكنة أصلا وقت المطر و بعد كده إنت نضفتها ؟

[أبو عبدالله]

يا احمد ما هو قالك انها كانت راكنه
يعني كانت راكنه والسماء مطرت ولما جه يدورها عملت كده