مشـــكلة فى كليـــو موديل 2002 - ميــاه داخل السيـــارة !!

[Ahmed Selim]

م\ محمد

التوكيل فعلاً ناس محترمين.....بس هو توكيل المقطم زحمة شوية عادةً.......حاول معاهم وأقنعهم أنك لازم تاخدها النهاردة أن شاء الله
ولو منفعش قلهم أنك عاوز تكلم مدير الصيانة.......بس متتأخرش فى الموضوع ده عشان ميقولوش الساعة بقت 12 ولا 1 و مش هنلحق

ربنا معاك.....بس أتكلم معاهم بهدوء وبلاش عصبية :)

[momo10000]

باشا لو سمحت اتصل بيا ضروري دلوقتي

انا بعتلك رقمي عالخاص

في انتظارك

[عمرو عمارة]

السلام عليكم

هي فعلاً زي ما الأخوة وضحوا مشكلة في إنسداد مجاري المياهالي موجودة تحت الفيبرة الي موجودة تحت المساحات( إشمعنى دي إلي مش هاتنسد ماهي البلد كلها غارقانة).....عربيتي القديمة كانت بتعمل كدة كل ما أغسلها الاقي بركة مية تحت رجلي

معظم أوربا بيشتكوا من هذه المشكلة لكثرة الأمطار عندهم ودة من كل الماركات مش الرينو بس......بس إحنا على حظنا إن الرينو فيها Immbolizer فلازم المية هاتعمل فيه كدة

[أبو عبدالله]

ابو عبد الله باشا :

ثق وتاكد تماما تماما تماما ان ردودك السلبية بخصوص الرينو مش حتغير من واقع واحترام واعتمادية الاسم الفرنسي العريق.

الكليو والميجان تم اختيارهم افضل سيارات في اوروبا ( ارجوك افتكر الجملة دي عالطول )

العبد لله كان معاة كليو من الزيزو وبعتها ماشيه 70000 كيلو

اقسم بالله العظيم ماغيرت فيها الا طلمبة البنزين في الفرسان والعربية دي شافت الويل مني.

ارجوك يا ابو عبدالله اما حد يبقي عندو مشكلة خلي استجابتك ايجابية وياريت تشرفنا في تجمعات الوحووووووش وتتكلم براحتك علي السلبيات اللي شايفها. علي الاقل كلنا نحافط علي شكل المنتدي في استجابتة لمشاكل الاعضاء.

يا ابوعبدالله علي اليو تيوب في مقارنة شهيرة بين الميجان والجولف فايف والاسترا

والتفوق كان للميجان بكل المقايسس علي الجولف ولاسترا ( يعني عمالقة الالمان )

فمهما كانت السلبيات اللي حضرتك بتتكلم عليها ، فهناك ايجابيات اقوي بكتييييير

ارجوك يا بوعبدالله خلينا نحافط كلنا علي شكل المنتدي

وشكرا.

أولا اشكرك يا اخي الكريم على طلبك لي لحضور المقابلات الريناويه
ولكن هو ايه اللي انا كتبته يخلي حضرتك تقولي ان المشاركة تبقى ايجابية

انا استفسرت من الأخ الكريم صاحب المشكلة على الموضوع لني مش هفتي من الباب للطاقه كده اكيد

ثانيا انا والله لو هو ساكن في نفس بلدي ما كنت اتأخر عليه في اني اروح اشوفها بنفسي
فانا مش عارف هو المفروض كنت اعمل ايه زياده ... مش عارف

ثالثا موضوع مقارنةاليمجان والكلام ده
انا نفسي الناس تصدق اني اعلم عن الميجان والكليو الكثري
ولا اتكلم عن اي عربيه بدون علم مسبق بها
والدليل ان ممكن تقول 80 % من العربيات والماركتا هنا ففي المنتدى لا اتكلم في ساحتها نهائي لعدم علمي عنها

فمش عارف ليه الناس بتحسسني اني مش عارف حاجه عن العربيات دي
مش ممكن يكون اللي مجربش غيرهم ميعرفشي انا بتكلم في ايه

اعذروني فأنا لا اقارنها بالدايهاتسو السيريون بتاعتي
ولكن انا بقارنها باللي جربته من العربيات الأخري
وارى ان تحييزي سيكون اقل منكم انتم ماكلي السيارة
فعندما تكون مالك للسيارة اكيد لما تركب سيارة اخرى حتى لو متقاربة معها في الاداء
سوف تقول لك نفسك مليون دليل ان عربيتك افضل
اما من لا يملك السيارة سوف يرى هذا افضل من مالكيها


وشكرا لك

[Ramy_Tantawi]

بامشهندس محمد.
التوكيل عن تجربه ناس محترمه وان شاء الله يحلوا لحضرتك مشكلتك على طول وبأقل خسائر ممكنه وطمنا على حضرتك باستمرار ولا تتردد في اي طلب ان شاء الله .

[momo10000]

يا جماعة فعلا الفايظ طلع مسدود

والعلبة اتغيرت والناس لسة شغاليييين في العربية وإن شاء الله كلة تمام

[محمد ابراهيم 1]

إن شاء الله يكون الموضوع بسيط والفاتوره حنينه

[عمرو عمارة]

انا نفسي الناس تصدق اني اعلم عن الميجان والكليو الكثري
ولا اتكلم عن اي عربيه بدون علم مسبق بها
والدليل ان ممكن تقول 80 % من العربيات والماركتا هنا ففي المنتدى لا اتكلم في ساحتها نهائي لعدم علمي عنها

ماهو يا أبو عبدالله لما ردك يكون "ياريت اصحاب اعتمادية رينو يقولولنا في عربية من شوية مطر تعمل كده" وهي باينة جداً إن دة عيب في إنسداد في الفايظ ودة ممكن يحصل لأي عربية مش الرينو بس

وبرده قبل كدة رديت على واحد عنده مشكلة أعتقد إسمه Seeika عالطول روحت قايل "ما هو احنا قلنا الكلام ده من قبل كده وطلع اني مش عارف ايه وبتلكك والكلام ده ....اهه واحد من ملاكها وبيقول انه راح بيها لعز العرب ومعرفوش يعملو حاجه حاجه وعشرين يوم كمان ....نفس المشكلة العربيه تقطع وانا قلتها قبل كده " وطلع في الاخر عيب في رشاش!!!!......فين العلم دة بقى يا أبو عبدالله!!؟؟

[أبو عبدالله]

ماهو يا أبو عبدالله لما ردك يكون "ياريت اصحاب اعتمادية رينو يقولولنا في عربية من شوية مطر تعمل كده" وهي باينة جداً إن دة عيب في إنسداد في الفايظ ودة ممكن يحصل لأي عربية مش الرينو بس

وبرده قبل كدة رديت على واحد عنده مشكلة أعتقد إسمه Seeika عالطول روحت قايل "ما هو احنا قلنا الكلام ده من قبل كده وطلع اني مش عارف ايه وبتلكك والكلام ده ....اهه واحد من ملاكها وبيقول انه راح بيها لعز العرب ومعرفوش يعملو حاجه حاجه وعشرين يوم كمان ....نفس المشكلة العربيه تقطع وانا قلتها قبل كده " وطلع في الاخر عيب في رشاش!!!!......فين العلم دة بقى يا أبو عبدالله!!؟؟

عمر اخي الكريم

متهيألي الكلام واضح
اني لما قولت ان الكليو بتعمل الحركه دي قبل ذلك
بعض الناس هنا شككت في كلامي وقالت اني مش مالك للعربيه ومش عارف ايه
فأكيد لما الاقي حد قال نفس المشكلة هنا اكيد هقول كده
خصوصا برضه ان العيب في العربيه نفسها مش في صاحب العربيه

ايه الغريب في كده

هو الرشاش ده مش من العربيه ولا ايه

انا مش فاهم والله ايه لازمة المداخلة دي والتعليق ده

وكمان مسألة العربية والمطر كان تعليقي فيها علشان ازاي الميه تدخل جوه العربيه
ولو حتى الفايظ ده انسد هو ده مش ممكن يكون عيب في التصميم برضه ولا ايه
هو العربيات بتاعتنا اللي عايشه تحت الشجر المفروض يحصل فيها كده
كام عربيه حصل فيها كده في مصر
وبعيدن في التكنولوجيا اللي المفروض تحول الميه اللي داخله للعربيه بعيدا عن علبة الفيوز

مش عارف ليه كل حاجه بتحصل في رينو بتبقى عاديه خالص حتى لو غيروا ماتور العربية علشان جاب وش سلندر
متهيالي الحاجات دي لو في عربية تانيه مكنش اتقال الكام بالطريقة دي من ناحيتكم

بص يا عمر
كل ما المزايدات بتزيد تأكد كل ما هيبقى في ردود عليها
انا لست مهاجم للعربية نفسها ولكن انا برد على كل كلام ارى فيه زيادات مش اكتر ولا اقل

[AHMEDCAR]

من الاخر كده و المعروف ان الاستاذ ابو عبد الله مش بيحب الرينو ياريت يا جماعه و يا ملاك الرينو محدش يتضايق منه و ده رايه الشخصى

انا عن نفسى عندى ميجان و كليو العربيتيين بصراحه كويسين مافيهمش مشاكل لحد دلوقتى و الاتنين عاملين 42 الف كيلو و الميجان دى على ما اضن كنت انا اول مالك ليها فى مصر من سنه 2005 و بصراحه مش شايف منها مشكل حتى الان و الحمد لله


من الاخر كده العربيات دى قرف بعنى ممن انت تجيب العربيه و اخوك يجب اختها و نفس الاستعمال لكن تلاقى بتاعتك انت اللى خربانه على طول عادى

[AHMEDCAR]

انا عن نفسى شايف ان الفيرنا بتاعتى احسن من كل العربيات و يمكن احسن من المرسيدس كمان على شان على قدى و شيلانى لكن مش ممكن اروح لبتوع مرسيدس و اقولهم انها احسن منكوا بالعند و خلاص

[عمرو عمارة]

هو الرشاش ده مش من العربيه ولا ايه

أخي أبو عبدالله

-نعم الرشاش دة من العربية وممكن أي رشاش في أي عربية يبوظ....بس ما ينفعش في الرينو

وكمان مسألة العربية والمطر كان تعليقي فيها علشان ازاي الميه تدخل جوه العربيه
ولو حتى الفايظ ده انسد هو ده مش ممكن يكون عيب في التصميم برضه ولا ايه
هو العربيات بتاعتنا اللي عايشه تحت الشجر المفروض يحصل فيها كده
كام عربيه حصل فيها كده في مصر

-أؤكدلك عن علم إن نص عربيات مصر فيها الإنسداد دة والناس مش حاسة عشان إحنا معندناش مطر كتير ومعظم العربيات مافيهاش نظام تشفير....روح شوف التعديلات الي بتحصل في الحرفيين عشان خاطر موضوع المية دة بيغيروا في المسارات عشان المية ماتخشش جوة الصالون

مش عارف ليه كل حاجه بتحصل في رينو بتبقى عاديه خالص حتى لو غيروا ماتور العربية علشان جاب وش سلندر
متهيالي الحاجات دي لو في عربية تانيه مكنش اتقال الكام بالطريقة دي من ناحيتكم

-إنت كدة بتعكس الكلام......أنا مش عارف ليه لما تحصل أي مشكلة في عربية رينو الدنيا كلها بتقوم عليها ولما نفس المشكلة دي تحصل في عربية تانية يبقى عادي خالص

تقبل تحياتي لك أخي الكريم.....ماتنساش هذا الإختلاف لا يفسد المحبة الي بيننا

[أبو عبدالله]

انا عن نفسى شايف ان الفيرنا بتاعتى احسن من كل العربيات و يمكن احسن من المرسيدس كمان على شان على قدى و شيلانى لكن مش ممكن اروح لبتوع مرسيدس و اقولهم انها احسن منكوا بالعند و خلاص

كلام جميل والله
وانا معاك فيه
اكيد كل عربيه بتعطيك احتياجاتك مع قدراتك تبقى عربية جميلة بالنسبة لك ولي الكل
وهو ده اللي يارب الناس تفهمه

ان مش معنى اني معنديش مشكلة اني اصرف على العربيه واروح كل صيانة التوكيل
ولو حصل فيها اي حاجه لازم اروح التوكيل
يبقى كده عادي عند كل الناس

وانا مبقولشي الا كده ان مش كل الناس بتتقبل الكلام ده بل العكس غالب الناس بيرفض الكلام ده
والدليل سوق المستعمل لو نظرت فيه هتعرف الناس بتختار ايه وليه وعلشان ايه ؟؟؟؟

يارب فهمنا بما علمتنا

[أبو عبدالله]

أخي أبو عبدالله

-نعم الرشاش دة من العربية وممكن أي رشاش في أي عربية يبوظ....بس ما ينفعش في الرينو

تقبل تحياتي لك أخي الكريم.....ماتنساش هذا الإختلاف لا يفسد المحبة الي بيننا

هو ده الملخص بقه
ممكن تقولي انهي عربية تانيه بيبوظ فيها رشاشات غير الدايو

الهيونداي لا
كوري كله ماعدا الدايو لنها معروفة بالموضوع ده لأ
الياباني كله لأ


مين تاني وده مش حاله فريده لأن طلمبة البنزين دايما برضه بتبوظ
ومش كل العربيات لأني عمري ما شوفت عربيات من اللي انا ذكرتهم دول بيحصل فيها الكام ده حتى لو موديل 80

وطبعا الموده والمحبه ده شئ تاني خالص والله بجد
انت شخصية محترمه جدا يا عمرو وقديرة بالاحترام بجد

[Ahmed Selim]

يا جماعة فعلا الفايظ طلع مسدود

والعلبة اتغيرت والناس لسة شغاليييين في العربية وإن شاء الله كلة تمام

أيه الأخبار يا جماعة ؟؟؟