الازاز بيعلق !

[Super_Star_h]

الازاز الخلفى اللى ورا السواق علق ومش عايز يفتح ولا يقفل !
وبعد عدة محاولات كتيره قفل سنه بسيطه ووقف
مش عارف ايه سبب المشكله دى !
انا حاليآ سايبه مفتوح بس راكنها فى الجراج

[georgedada82]

ممكن حضرتك غسلتها بس وجه عليها ماية او جه عليها تراب ... هتفك العلبة اللي فيها الزرارين وتشيل الفيش من الزرارين وتجيب اكاي او اي مادة بتاعة الكترونيات كده وترش علي الزرار وتسيبه ينشف وتجرب هتلاقيه شغال باذن الله وركب العلبة مكانها وبس

[makarther]

نضف مجرى الزجاج ب wd40 قابلتنى المشكلة ديه

http://www.nilemotors.net/Nile/431892-405-wd40.html

[Mohamed.Raafat]

روح لحد كهربائي بشوف لك العيب في ماكينة الزجاج ولا في وصلات الأسلاك

[amr_elbazz]

روح لحد كهربائي بشوف لك العيب في ماكينة الزجاج ولا في وصلات الأسلاك

+11111111
اتفق معك

[أسامه الحسيني]

هوا الزجاج لا يستجيب سواء من الزرار بتاع الباب او الزرار الى جنب كرسي السائق \ممكن حضرتك تفك فرش الباب وتتاكد ان مافيش سلك فالت او مقطوع واتاكد بردة من الفيشه الى هيا ما بين مفصلات الباب ممكن تكون سايبه شويه
وبالمره زيت مجارى الزجاج بـ wd-40

[Super_Star_h]

انا عندى الزرارين مش شغالين
وحتى وحده الرفع مش بترفعه
هو من بعد عدة محاولات الاقيه اتحرك شويه وبعد كده قطع تانى
انا هروح لكهربائى
وربنا يسهل

[Super_Star_h]

روحت للكهربائى اللى بتعامل معاه قالى ان المكنه كده ودعت وهتحتاج مكنه جديده
روحت سألت عليها كذا تاجر استيراد واحد قالى 600 وواحد قالى 450
وسألت التاجر اللى بتعامل معاه فى القاهره قالى 300 جنيه مع الواجب عشانك انت
على فكره المكنه بتيجى بالدراعات بتاعتها كلها حته واحده
كل اللى هتعمله انك هتربطها فى مكانها بالمسامير
وتوصل لها الفيشه وتسقط فوقيها الازاز وشكرآ

[أسامه الحسيني]

روحت للكهربائى اللى بتعامل معاه قالى ان المكنه كده ودعت وهتحتاج مكنه جديده
روحت سألت عليها كذا تاجر استيراد واحد قالى 600 وواحد قالى 450
وسألت التاجر اللى بتعامل معاه فى القاهره قالى 300 جنيه مع الواجب عشانك انت
على فكره المكنه بتيجى بالدراعات بتاعتها كلها حته واحده
كل اللى هتعمله انك هتربطها فى مكانها بالمسامير
وتوصل لها الفيشه وتسقط فوقيها الازاز وشكرآ

هى الماكنه دى ملهاش تصليح

[Super_Star_h]

هى الماكنه دى ملهاش تصليح

لاء دى متقفله
انا فكيت فرش الباب
لاقيتها هى والدراعات حته واحده
مرضيتش طبعآ اطلعها بره واشوفها عشان مش هعرف اركبها تانى والازاز مش هيتقفل
لما اجيب المكنه ان شاء الله انا اللى هركبها واشيل القديمه
طريقه تركيبها سهل ومافيهوش تعقيد خاصه انك هتجيب المكنه بالدرعات بالواير ملفوف
هتشيل وتركب وتسقط الازاز عليها وهتربط ال 3 مسامير وتقفل الفرش وخلاص

[Super_Star_h]

الازاز اشتغل تانى لوحده وبقى بيطلع وينزل زي الفل !
العربيه دى متعفرته ولا ايـــــه

[Ahmed Selim]

غالباً المشكلة فى السلك......بيوصل لمرحلة من التعقيد بتعيق الحركة بتاعته.

و على فكرة بيتفك و يتصلح عند واحد فى مدينة نصر.....بس السعر اللى جالك فى المكنة حلو

الراجل ده صلحه لواحد صاحبي ب 100 أو 120
و لسه من كام شهر جايب مكنة لواحد صاحبي تاني بحوالى 400 أو 450 مش فاكر.

[Super_Star_h]

غالباً المشكلة فى السلك......بيوصل لمرحلة من التعقيد بتعيق الحركة بتاعته.

و على فكرة بيتفك و يتصلح عند واحد فى مدينة نصر.....بس السعر اللى جالك فى المكنة حلو

الراجل ده صلحه لواحد صاحبي ب 100 أو 120
و لسه من كام شهر جايب مكنة لواحد صاحبي تاني بحوالى 400 أو 450 مش فاكر.

قصدك على الواير ؟
لا المشكله مش فى الواير انا شايفه سليم ومترتب على البكره كويس ومشدود
المشكله ان المكنه مكنتش بتشتغل خالص ولا بتزن حتى كأن مش موصلها كهربه !
انا لما فكيت الفرش كله نضفت الفيشه ونضفت الواير وحطيت عليه زيت عشان كان ناشف
وقفلت الفرش وقولت خلاص هسيبها على كده والازاز الحمد لله اترفع لغايت الاخر
ملعبتش تانى فيها بقى وقولت اسأل على المكنه عشان ابقى اجيبها
وكنت ناوى لما انزل القاهره اعدى على الراجل فى الحرفيين واخد منه المكنه بالمره لانه هيدهالى ب 300 وده سعر كويس بالنسبه للأسعار اللى سمعتها هنا اقلها 450

[أسامه الحسيني]

ممبروك الاصلاح نفس الى حصل معايا الازاز كان كل شويه يفقد البرمجه بتاعته واطر ان اطلعه سنه سنه وبرمجه من تانى فكيت فرش الاباب ونظفت الفيش وزيت المجرى ولقيت السلك بتاع لمبه الباب مقطوع فصلحته ومن ساعتها شغال تمام