تقرير عن صيانة 60000 كم خارج التوكيل

[yalahwy2010]

انا قررت أخيرا أعمل صيانة ال 60000 كم خارج التوكيل والأسباب كالآتى
1. بدأت أكره عملية الاصلاح من غير ما أشوف ايه اللى بيحصل
2. كذا مرة أقولهم على مشاكل فالعربية وبعد ما انتظر بالخمس ساعات وألاقى المشكلة ماحدش بص فيها ولا حد صلح حاجة
3. الأموال الطائلة اللى بتدفع فى حاجات هايفة بدون داعى

انا اشتريت قطع الغيار من التوكيل وركبتها برة
والأسعار كالتالى

كل مكونات صيانة ال 60000 كم ماعدا الزيت تمنها كان 1700 جنيه بالضريبة

غيرت زيت كاسترول ايدج 5w 40 وكان سعر ال 5 لتر 400 جنيه بالتغيير

مصنعية الصيانة عند عادل كانت 250 جنيه

تمت الصيانة بنجاح والحمد لله

ملحوظة على عادل..........هو كويس بس رحت الساعة 9 الصبح وبدأو فى العربية السعة 12 ..........عنده زحمة جدا.....بس مش هو اللى بيشتغل ب ايده.........شباب صغيرين هم اللى بيشتغلوا.........وفى اطفال كمان

بس الصنايعي اللى اشتغل أنجز الصيانة فى ساعتين ....وشغله كويس

العريية سحبها فرق ونعمت خالص وصوت الموتور هدى تماما

[أسامه الحسيني]

ممكن تفاصيل قطع الغيار بالاضافه الى ثمنها
وشكرا على نقل التجربه

[ENG.MaRk]

مشكور لنقل التجربة ... شجعتني أسيب التوكيل

[D.Ahmed Ismail]

ملحوظة .انا شاري كاسترول ايدج ٥_٤٠ امبارح ب ٣١٠

[mfraig]

بصراحه وياريت تقبل كلامي
حرام عليك انت مش شايف اللي حصل في الميجان بعد ماخرجت من التوكيل وابتدت الناس تصلحها بره
انت مش كاتب موديل عربيتك بس اعتقد ان كلامك عالفلوانس

[yalahwy2010]

فلوانس 2011

طقم كاتينة 790
سير دينامو 125
فلتر هوا 125
فلتر زيت 60
فلتر بنزين 95
بوجيهات 160
السعر ده من غير ضريبة

بالنسبة للكاسترول ايدج ال 5 لتر ب 390......وال 4 تقريبا هو اللى ب 310

انا بصراحة ما سبتش التوكيل الا لما حسيت انه بيستعبط فى حاجات.....معلش هو اللى بيشتغل فالتوكيل دول بنى ادمين.....وصنايعية عادى......مافيش فرق بينهم وبين الناس اللى فاتحة برة
انا كانت عندى الاشارة اللى ورا بايظة.....قلتلهم كذا مرة عليها.....ولا الهوا....ماعملوش حاجة.....المهم رحت لناصر الكهربائي .....لقا الدايرة اللى ورا سايحة.....لوحدها كدة......قاللى تمنها فوق ال 500 جنيه.........صلحها وأخد 25 جنيه

التوكيل حلو مافيش كلام......بس انا بحب اشوف الشغل على إيدى......ومن الناحية التانية انا مابستريحش مع اى حد برة.....بالاضافة ان قطع الغيار هى الاصلية بتاعت التوكيل.....عشان اكون مطمن......حاجة تانية بقي.....معلش هو انا أدفع 400 جنيع عشان أغير زيت وفلتر ....(كلامى على صيانة ال 10000).....
صيانة ال 60000 مكلفانى 250 جنيه.....بالاضافة ل 1600 تقريبا حساب قطع الغيار......+ 400 زيت (وبيمشى 15000 كم) ....يبقى الاجمالى 2250..........التوكيل بياخد 3080 تقريبا......مش كدة حرام ....؟؟!!!!

والعربية الشغل كله معمول قدام عينى.....وزى الفل .....ومافيش الحمد لله أى مشاكل......

انا صياناتى كلها قبل كدة كانت فالتوكيل......وبصراحة ماكنتش مسترح معاهم.........الكلام اللى بيتقال هناك مش كلام مهندسين بيفهموا فى ميكانيكا السيارات..........وبعدين سياسة شيل وحط هى دى السياسة القائمة.........مافيش فكرة الاصلاح عندهم........وطبعا دا مكلف جدا

[Super_Star_h]

فلوانس 2011

طقم كاتينة 790
سير دينامو 125
فلتر هوا 125
فلتر زيت 60
فلتر بنزين 95
بوجيهات 160
السعر ده من غير ضريبة

بالنسبة للكاسترول ايدج ال 5 لتر ب 390......وال 4 تقريبا هو اللى ب 310

انا بصراحة ما سبتش التوكيل الا لما حسيت انه بيستعبط فى حاجات.....معلش هو اللى بيشتغل فالتوكيل دول بنى ادمين.....وصنايعية عادى......مافيش فرق بينهم وبين الناس اللى فاتحة برة
انا كانت عندى الاشارة اللى ورا بايظة.....قلتلهم كذا مرة عليها.....ولا الهوا....ماعملوش حاجة.....المهم رحت لناصر الكهربائي .....لقا الدايرة اللى ورا سايحة.....لوحدها كدة......قاللى تمنها فوق ال 500 جنيه.........صلحها وأخد 25 جنيه

التوكيل حلو مافيش كلام......بس انا بحب اشوف الشغل على إيدى......ومن الناحية التانية انا مابستريحش مع اى حد برة.....بالاضافة ان قطع الغيار هى الاصلية بتاعت التوكيل.....عشان اكون مطمن......حاجة تانية بقي.....معلش هو انا أدفع 400 جنيع عشان أغير زيت وفلتر ....(كلامى على صيانة ال 10000).....
صيانة ال 60000 مكلفانى 250 جنيه.....بالاضافة ل 1600 تقريبا حساب قطع الغيار......+ 400 زيت (وبيمشى 15000 كم) ....يبقى الاجمالى 2250..........التوكيل بياخد 3080 تقريبا......مش كدة حرام ....؟؟!!!!

والعربية الشغل كله معمول قدام عينى.....وزى الفل .....ومافيش الحمد لله أى مشاكل......

انا صياناتى كلها قبل كدة كانت فالتوكيل......وبصراحة ماكنتش مسترح معاهم.........الكلام اللى بيتقال هناك مش كلام مهندسين بيفهموا فى ميكانيكا السيارات..........وبعدين سياسة شيل وحط هى دى السياسة القائمة.........مافيش فكرة الاصلاح عندهم........وطبعا دا مكلف جدا

ما هو للأسف سياسه شيل وحط دى هى الصح
لكن شغل مشى حالك ده هو اللى خلى عربيه زي الميجان واقعه
شغل مشى حالك ده يبقى فى حاجات بسيطه ومقدور عليها
لكن اياك والكهربه واللعب فى الضفيره والكروت كارثه بكل المقاييس خاصه فى العربيات الفرنسيه

[yalahwy2010]

ما هو للأسف سياسه شيل وحط دى هى الصح
لكن شغل مشى حالك ده هو اللى خلى عربيه زي الميجان واقعه
شغل مشى حالك ده يبقى فى حاجات بسيطه ومقدور عليها
لكن اياك والكهربه واللعب فى الضفيره والكروت كارثه بكل المقاييس خاصه فى العربيات الفرنسيه

اطمن يا باشا ...انا خبرة 3 سنين ميجان......و2 ونص فلوانس......والحمد لله العربية الواحد هارسها ومجرب كل وسائل الاصلاح فيها

وانا دايما من خلال تجربتي بقطع الغيار بحذر من استخدام قطع غيار تقليد او مش اصلى.....ملهاش لازمة وخسارة فيها الفلوس........
بالنسبة للاصلاح......الدائرة اللى صلحها ناصر كان فيها مسار الاشارة مش موصل.....فا أخد واصلة بسلك عشان يكمل الدائرة..........وانا بيني وبينك لقيتها حاجة صغيرة وبعيدة عن مشيان العربية...........وهى دائرة مستقلة لوحدها......والحمد لله بقالها اكتر من 4 شهور وشغالة زى الفل
هو مش اى حاجة تتصلح.........ولا كل حاجة لازم تتشال وتتحط مكانها جديد.......الا لو احنا بقا عايشين فالخليج والفلوس مدلعانا ....وبدل ما اصلح العربية........اجيب جديد وخلاص......
للأسف الاسعار بقت نااااااااار........وعشان الواحد يمشى ورا التوكيل ممكن يدفع نص تمن العربية........وربنا يسترها علينا كلنا

[mfraig]

اطمن يا باشا ...انا خبرة 3 سنين ميجان......و2 ونص فلوانس......والحمد لله العربية الواحد هارسها ومجرب كل وسائل الاصلاح فيها

وانا دايما من خلال تجربتي بقطع الغيار بحذر من استخدام قطع غيار تقليد او مش اصلى.....ملهاش لازمة وخسارة فيها الفلوس........
بالنسبة للاصلاح......الدائرة اللى صلحها ناصر كان فيها مسار الاشارة مش موصل.....فا أخد واصلة بسلك عشان يكمل الدائرة..........وانا بيني وبينك لقيتها حاجة صغيرة وبعيدة عن مشيان العربية...........وهى دائرة مستقلة لوحدها......والحمد لله بقالها اكتر من 4 شهور وشغالة زى الفل
هو مش اى حاجة تتصلح.........ولا كل حاجة لازم تتشال وتتحط مكانها جديد.......الا لو احنا بقا عايشين فالخليج والفلوس مدلعانا ....وبدل ما اصلح العربية........اجيب جديد وخلاص......
للأسف الاسعار بقت نااااااااار........وعشان الواحد يمشى ورا التوكيل ممكن يدفع نص تمن العربية........وربنا يسترها علينا كلنا

ممكن تكون فكرتك صحيحه بس الواقع بيقول غير كده
صحيح كل اللي شغالين في التوكيل ناس عاديين واغلبهم بعد كده بيفتحو ورش بره بس الفكره انهم جوه التوكيل غير بره خالص
كل الصنايعيه بره بيحبو العك وده عن تجربتي مع الميجان
انت متعرضتش للموضوع ده لانك بتعمل صيانه بسيطه مافيهاش مشاكل مع اني لو مكانك اعمل صيانة ال 60 في التوكيل عشان تغير السيور وبعدين اعمل الصيانات الصغيره بره وارجع اعمل صيانة ال 120 في التوكيل وكده
الواقع الملموس قدام عنينا ان الميجان اللي ماشيه في الشوارع حاليا وماسكه نفسها وتتركب فعلا هي اللي مخرجتش بره التوكيل وكل اللي اتعك فيه بره بقت الفيرنا احسن منها

[mfraig]

اطمن يا باشا ...انا خبرة 3 سنين ميجان......و2 ونص فلوانس......والحمد لله العربية الواحد هارسها ومجرب كل وسائل الاصلاح فيها

وانا دايما من خلال تجربتي بقطع الغيار بحذر من استخدام قطع غيار تقليد او مش اصلى.....ملهاش لازمة وخسارة فيها الفلوس........
بالنسبة للاصلاح......الدائرة اللى صلحها ناصر كان فيها مسار الاشارة مش موصل.....فا أخد واصلة بسلك عشان يكمل الدائرة..........وانا بيني وبينك لقيتها حاجة صغيرة وبعيدة عن مشيان العربية...........وهى دائرة مستقلة لوحدها......والحمد لله بقالها اكتر من 4 شهور وشغالة زى الفل
هو مش اى حاجة تتصلح.........ولا كل حاجة لازم تتشال وتتحط مكانها جديد.......الا لو احنا بقا عايشين فالخليج والفلوس مدلعانا ....وبدل ما اصلح العربية........اجيب جديد وخلاص......
للأسف الاسعار بقت نااااااااار........وعشان الواحد يمشى ورا التوكيل ممكن يدفع نص تمن العربية........وربنا يسترها علينا كلنا

ممكن تكون فكرتك صحيحه بس الواقع بيقول غير كده
صحيح كل اللي شغالين في التوكيل ناس عاديين واغلبهم بعد كده بيفتحو ورش بره بس الفكره انهم جوه التوكيل غير بره خالص
كل الصنايعيه بره بيحبو العك وده عن تجربتي مع الميجان
انت متعرضتش للموضوع ده لانك بتعمل صيانه بسيطه مافيهاش مشاكل مع اني لو مكانك اعمل صيانة ال 60 في التوكيل عشان تغير السيور وبعدين اعمل الصيانات الصغيره بره وارجع اعمل صيانة ال 120 في التوكيل وكده
الواقع الملموس قدام عنينا ان الميجان اللي ماشيه في الشوارع حاليا وماسكه نفسها وتتركب فعلا هي اللي مخرجتش بره التوكيل وكل اللي اتعك فيه بره بقت الفيرنا احسن منها

[medohai510]

مناقشة اكثر من رائعة في موضوع مهم جدا
اولا كل واحد له تفكيره الخاص به بما يراعي ظروفه المادية وراحته النفسية
ثانيا انا رأي ان العربية المصانه في التوكيل طبعا احسن حالا من المصانه خارجة لسبب ان التوكيل له معايير في شغلة ومن اهمها عدم الاصلاح يعني حل القطعة البايظة وركب جديد اصلي مهما كانت التكلفة
لكن لو مالك العربية فاهم كويس في اختيار قطع الغيار او ليشتري من التوكيل وبيصون العربية عن متخصص و فاهم في العربية كويس وما بيحبش يفتي ويعك يبقي الموضوع تمام
وعلي فكرة عادل في صقر قريش من الناس القليلة المحترمة للمفاهمة في الرينو كويس جدا
وفي انتظار باقي الاراء

[ahmed.teawater]

يا باشا انت صح وتمام بس بصراحه انا قلبى ميطاوعنيش اغير طقم كاتينه بره التوكيل
لكن بدام حضرتك فاهم يبقى دوس

تحياتى

[mfraig]

مناقشة اكثر من رائعة في موضوع مهم جدا
اولا كل واحد له تفكيره الخاص به بما يراعي ظروفه المادية وراحته النفسية
ثانيا انا رأي ان العربية المصانه في التوكيل طبعا احسن حالا من المصانه خارجة لسبب ان التوكيل له معايير في شغلة ومن اهمها عدم الاصلاح يعني حل القطعة البايظة وركب جديد اصلي مهما كانت التكلفة
لكن لو مالك العربية فاهم كويس في اختيار قطع الغيار او ليشتري من التوكيل وبيصون العربية عن متخصص و فاهم في العربية كويس وما بيحبش يفتي ويعك يبقي الموضوع تمام
وعلي فكرة عادل في صقر قريش من الناس القليلة المحترمة للمفاهمة في الرينو كويس جدا
وفي انتظار باقي الاراء

صدقني الموضوع مش موضع امكانيات ماديه هو بس لازم تحسبها صح
كل واحد فينا بيحب يوفر لما يعمل الصيانه وملاك الفلوانس يعني مش اغنياء غنا فاحش ولا حاجه هي مش مرسيدس يعني :))))
بس الفكره انا شفتها بنفسي في الميجان وعرفت ان كل جنيه زياده بتدفعه في التوكيل مقابل انك تشتري دماغك والعربيه ماتجيش بعد فتره وتظهر مشاكلها ده لاتقدر بمال
انا شخصيا زمان لما اشتريت الفيرنا زيرو عملت صيانتين بس في التوكيل وقلت تمام كده وزي الفل ومعتبتوش تاني
لان عربيه عن عربيه تفرق والرينو بتحتاج معامله خاصه
والميجان اهي تشهد والاف الاعضاء دلوقتي من ملاك الميجان 2 يدخلو يحكو العك اللي شايفينه من اللعب في العربيه
هو صحيح عمل صيانه عاديه وماتخوفش اوي لكن المشكله انه يتعود على كده :)))))))

[mfraig]

يا باشا انت صح وتمام بس بصراحه انا قلبى ميطاوعنيش اغير طقم كاتينه بره التوكيل
لكن بدام حضرتك فاهم يبقى دوس

تحياتى

استلم انت بس الاول وبعدين نبقى نشوف هتعمل الصيانه فين :)))))))

[ahmed.teawater]

طبعا ف التوكيل ههههههههه