خبر مهم عن الفلوانس

[عماد الدين عزت]

خصم 5000 جنيه على السيارة .

[foxmanayman]

الخصم علي موديل 2014 ولا علي 2015 كمان

[yasser100]

انا اعرف انه بقا له فتره الخصم ده على فئة e2 2014 . فيه جديد ؟

[osamaos20022]

الخصم علي 2015 جميع الفئات

[ENG.MaRk]

مش عارف ليه حتي الآن مش عايزين يخدموا سوق العربية ديه و يرفعوا من مستواها في المنافسة في فئتها بتركيب esp !!!

[yasser100]

مش عارف ليه حتي الآن مش عايزين يخدموا سوق العربية ديه و يرفعوا من مستواها في المنافسة في فئتها بتركيب esp !!!

يا بيه ال esp ده مش حكايه . اذا كان ال euroencap نفسها رفعته من اختبارات الكفاءه و بتعطى الدرجه كامله عليه لاى عربيه بتدخل اختبارتها طالما فيها esp بدون اختبار لكفاءته . فقط علشان قوانين الاتحاد الاوروبى و كاتبين الكلام ده على موقعهم الرسمى . يعنى لولا قوانين الاتحاد الاوروبى ممكن كانوارفعوه خالص من الاختبارات لانه زى ما له فوائد له عيوب و مشاكل و ما ينفعش اقول على تجهيز معين انه تجهيز امان و هو له تأثير سلبى . وسيلة الامان تأثيرها ايجابى فقط لكن طالما اصبح له تأثير ايجابى و تأثير سلبى يبقا ما ينفعش اقول عليه تجهيز
امان . ممكن ادخله تحت بند الاوبشن و احتمال تلاقى الاتحاد الاوروبى بعد شويه يرفعه من التجهيزات الالزاميه زى ال euroencap ما رفعته من الاختبارات .

[george912]

هل فعلأ الهاند بريك بقى كهرباء فى الأنتاج الجديد ؟

[khaled_afandy]

الخصم علي 2015 جميع الفئات

غالبا دى بيكون اعلى خصم على اعلى فئة اللى هة ب 189 الف و باقى الفئات تتدرح فى الخصم
سأخاول التأكد من الأسعار على الفئات كلها من اول e1

[mfraig]

يا بيه ال esp ده مش حكايه . اذا كان ال euroencap نفسها رفعته من اختبارات الكفاءه و بتعطى الدرجه كامله عليه لاى عربيه بتدخل اختبارتها طالما فيها esp بدون اختبار لكفاءته . فقط علشان قوانين الاتحاد الاوروبى و كاتبين الكلام ده على موقعهم الرسمى . يعنى لولا قوانين الاتحاد الاوروبى ممكن كانوارفعوه خالص من الاختبارات لانه زى ما له فوائد له عيوب و مشاكل و ما ينفعش اقول على تجهيز معين انه تجهيز امان و هو له تأثير سلبى . وسيلة الامان تأثيرها ايجابى فقط لكن طالما اصبح له تأثير ايجابى و تأثير سلبى يبقا ما ينفعش اقول عليه تجهيز
امان . ممكن ادخله تحت بند الاوبشن و احتمال تلاقى الاتحاد الاوروبى بعد شويه يرفعه من التجهيزات الالزاميه زى ال euroencap ما رفعته من الاختبارات .

اشرحلنا ياباشا موضوع الايجابيات والسلبيات ده وماتنساش ان esp بيشتغل ويطفي بزرار مش زي ال abs شغال غصب عنك وانا اعتقد ان مافيش تجهيز امان يتعمل بزرار

[yasser100]

غالبا دى بيكون اعلى خصم على اعلى فئة اللى هة ب 189 الف و باقى الفئات تتدرح فى الخصم
سأخاول التأكد من الأسعار على الفئات كلها من اول e1

ﻻ فعلا فيه خصم على كل الفئات 2015 .
156000 - 151000 e2

170.500 - 165.500 e3
179000 - 174000 e3
189000 - 184000 e3

و بكده الفلوينس تنضم للاسترا و السيراتو و الجيتا فى عروض الخصم اليومين دول .

[yasser100]

اشرحلنا ياباشا موضوع الايجابيات والسلبيات ده وماتنساش ان esp بيشتغل ويطفي بزرار مش زي ال abs شغال غصب عنك وانا اعتقد ان مافيش تجهيز امان يتعمل بزرار

دى قصه طويله يا ريس ههههههه

ال esp يا باشا كل شغله فى العربيه لما تعوم منك بيحس انه العربيه خرجت عن مسارها فيبدأ يشتغل و يرجعها لوضعها .

فيه ناس قالت لك احنا فى مواقف معينه بنكون فعلا عايزين العربيه تعوم علشان نتفادى موقف اصعب هايحصل و هو طبعا بيشتغل و يرجع العربيه لوضعها تانى .

كان فيه عضو هنا على ما اتذكر كان فى قسم الكيا و كان كاتب انه كان سايق عربيه فيها النظام ده و الطريق فجأه قفل عليه من غير ما ياخد باله فكسر يمين جامد علشان يتفادى التصادم باللى قدامه و نزلت عجلتين فى الرمل على جنب الطريق لقا ال esp بيرجعه لوضعه تانى اللى هو بيهرب منه علشان يتفادى الاصطدام :))).

بره فيه جدل كبير من المستهلكين . على انه التجهيز ده بيدى رخصه لسائق العربيه انه يعمل اللى هو عايزه . يعنى غرز و الذى منه استنادا على و جود النظام ده انه هايلحقه لو حصل تعويم . بس فيه ناس تانيه من قائدين السيارات هاينضروا من التصرفات دى قد يدفعوا حياتهم فيها .

انت ممكن تقفله زى ما انت قلت بس بره لو قفلته و حصل حادثه لاى سبب شركات التأمين ما بتدفعش الفلوس لو كشفت على العربيه و لقته مقفول و زى ما قلت لك فيه ناس كتير مش بتفضل تستعمله لانهم شايفين الهاندلينج بتاعهم احسن منه فى المواقف الصعبه .

ده باختصار . يعنى ما ينفعش يكون تجهيز امان يكون له سلبيات و ايجابيات و على فكره هو مش جديد ده يمكن من سنة 1998 و نازل فى عربيات .. بس اعتقد بعد قرار ال euroencap السنه دى هايكون فيه اعاده لتقييمه كتجهيز امان .

[khaled_afandy]

ﻻ فعلا فيه خصم على كل الفئات 2015 .
156000 - 151000 e2

170.500 - 165.500 e3
179000 - 174000 e3
189000 - 184000 e3

و بكده الفلوينس تنضم للاسترا و السيراتو و الجيتا فى عروض الخصم اليومين دول .

و الله حاجة مغرية بصراحة، كنت خلاص نويت على مازدا 3، شكلى حأفكر تانى فى e3SL و جايز اجيب e2 علشان خايف برضه من الفلوانس!

[yasser100]

و الله حاجة مغرية بصراحة، كنت خلاص نويت على مازدا 3، شكلى حأفكر تانى فى e3sl و جايز اجيب e2 علشان خايف برضه من الفلوانس!

الهاى ﻻين ب 184 الف سعر مغرى جدا بصراحه . بس ده لفتره محدوده و الله اعلم هل السعر هايرد لاعلى من الاول و ﻻ ﻷ و هل هايشيلوا اوبشن و ﻻ ﻷ برضه . اصل الناس دى ما بتعملش حاجه لله ههههه. لانه الدولار رافع و ما تقلقش خالص من الفلوينس

[mfraig]

الهاى ﻻين ب 184 الف سعر مغرى جدا بصراحه . بس ده لفتره محدوده و الله اعلم هل السعر هايرد لاعلى من الاول و ﻻ ﻷ و هل هايشيلوا اوبشن و ﻻ ﻷ برضه . اصل الناس دى ما بتعملش حاجه لله ههههه. لانه الدولار رافع و ما تقلقش خالص من الفلوينس

تفتكر التخفيض ده ليه علاقه بموضوع الجمارك اللي هيتطبق من يناير 2015 اللي انا اصلا مش مقتنع ان الاسعار هتنزل ولا حاجه

[kamelyosef]

انا استلمت هاى لاين من من 11 يوم (189 الف)
دلوقئتى فهمت الاصرار الغريب من مسئول المبيعات انى استلم قبل الشهر ما يخلص لدرجه انى شكيت ان العربيه فيها حاجه و عاوز يلبسهالى
الحمد لله