سؤال لخبراء الرينو عن سانديرو ستيب واي 2015

[mohamed.3zz]

والله يا جماعة ان اللي معايا 100 الف نقريبا و اختياري انحصر بين سانديرو ستيب واي 2015 و فيات بونتو مانوال 2015 و لسه مش عارف اقرر و ياريت لو تقدروا تفيدوني
انا عموما لظروف شغلي بسافر مرة او مرتين اسبوعيا من دمياط للقاهرة و دي مسافة مش قليلة و عايزة عربية تستحمل شوية . انا خبراتي في السيارات شبه معدومه لان دي اول مرة اشتري عربيات ... ف يا ريت لو تقدروا تساعدوني ف اني اعرف المزايا و العيوب للاتنين ... خصوصا اني سمعت ان بونتو كانت بتعيب فتيس في موديلات قديمة ف يا ريت لو حد يقدر يفيدني ...
شكرا

[demonarundo]

أظن السانديرو ستيب واي حتكون أفضل بكثير من البونتو

[a7med ezz 20]

وليه انت حاصر المقارنة بين الاتنين دول بس ، عموما لو بتسافر كتير يبقي عايز عربيه سيدان مش suv عشان الثبات ، مفكرتش ليه فالافيو الشكل الجديد والبيجو 301 والنيسان الصني وكمان انا افضل تجيب حاجة كسر زيرو وحدد انت عايز مانيوال ولا اتوماتيك لان مفيش حاجة ب 100 اتوماتيك ناو غير الافيو واللوجان ب ال 100 الف

[تامر.محمد]

في رأيي لو بتتكلم على البونتو ايفو دي

ففي رأيي هي افضل كعربية , موتورها مع انه 77 حصان الا انه عصبي و تسارعه كويس جدا , و ثباتها اظنه احسن كمان , و مع احترامي هي فعلا كعربية اعلى من الصني و الافيو و الحاجات دي
في المقابل يعيبها عدم استقرار توكيلها (العكس بالظبط في رينو) , و قطع غيارها (اظن) انها اغلى من السانديرو الجديدة لكن مش متأكد
السانديرو كمان اوسع منها

و اعتقد هتلاقي كمالياتهم متقاربة , الاتنين كويسين و لازم تعرف كماليات كل منهم بالتفصيل عشان تعرف انهي احسن

لو انا مكانك هاجيب البونتو , مع انك في الحقيقة محتاج عربية سيدان طالما بتسافر

[mohamed.3zz]

والله يا جماعة انا محتار زيادة ...
بالنسبة لموضوع كسر الزيرو ده انا بصراحة بقلق من اني اركب عربية اشتراها غيري لاي سبب بصراحة.
و الفكرة ان كل ما امتلكه هما ال 100 الف :d والله مافيش حتي خمسين قرش زيادة
و نفسي لو حد ركب العربيتين يقول مزاياهم و عيوبهم يا ريت
بالنسبة للافيو ف انا بكره شيفروليه زي ما بكره اسرائيل بالظبط بصراحة

[wmn]

لو سفر وسرعات بلاش الستيبواي، مش حلوة خالص في السرعات العالية، دي تجربتي الشخصية... اشتري حاجة تانية واطية وقريبة من الارض، فكرت في السويفت ديزاير أو الميتسوبيشي الاتراج؟

[mohamed.3zz]

لو سفر وسرعات بلاش الستيبواي، مش حلوة خالص في السرعات العالية، دي تجربتي الشخصية... اشتري حاجة تانية واطية وقريبة من الارض، فكرت في السويفت ديزاير أو الميتسوبيشي الاتراج؟

والله انا فكرت في السويفت بس بصراحة توكيلها وحش جدا جدا جدا لاقصي درجة ززز و الاتراج 3 سلندر ..... يعني توك توك :d ف مستحرم ادفع فيها 100 الف بصراحة

[a7med ezz 20]

انت قدامك 4 حلول:
يا تركب عربية عادية بالمبلغ ده زي " افيو ، لوجان ، اتراج ، اي نوع صيني "
يا تركب عربية نضيفه وعمليه كسر زيرو او ما قبل 2012 زي " لانسر ، النترا ، اوبترا "
يا تذود علي فلوسك وتخش فشريحة عربيات تانيه اللي هي من 120 الف ل 140 الف ودي هتبقي جمعت بين العربية الزيرو النضيفه ، الاوبشن ، الصناعه وهيبقي زي " لانسر شارك ، بيجو 301 ، اسكودا رابيد ، رينو فليوانس ، ايبزا ، ريو ، اكسنت ،سيراتو والنترا اقل فئة مانيوال .
اخر حاجة انت ممكن تحط المبلغ ده فعربية وتقسط الباقي .
يارب اكون افدتك

[mohamed.3zz]

انت قدامك 4 حلول:
يا تركب عربية عادية بالمبلغ ده زي " افيو ، لوجان ، اتراج ، اي نوع صيني "
يا تركب عربية نضيفه وعمليه كسر زيرو او ما قبل 2012 زي " لانسر ، النترا ، اوبترا "
يا تذود علي فلوسك وتخش فشريحة عربيات تانيه اللي هي من 120 الف ل 140 الف ودي هتبقي جمعت بين العربية الزيرو النضيفه ، الاوبشن ، الصناعه وهيبقي زي " لانسر شارك ، بيجو 301 ، اسكودا رابيد ، رينو فليوانس ، ايبزا ، ريو ، اكسنت ،سيراتو والنترا اقل فئة مانيوال .
اخر حاجة انت ممكن تحط المبلغ ده فعربية وتقسط الباقي .
يارب اكون افدتك

المشكلة ان انا معايا 50 و هاخد من اخويا 50 يعني مش هاعرف اجيب مليم زيادة علشان اشتري حاجة فوق 100 الف ...

[ahmed1981]

السانديرو يعيبها
دركسيونها التقيل
العفشة ناشفة
مفيش منها أوتوماتيك
لكن
توكيل محترم
قطع غيار متوسطة
عربية واسعة

الفيات اللي أعرفه عنها أنه يعيبها
توكيل تعبان
قطع غيار غالية

أكيد ليها مميزات وملاكها يقولولك
بس أنا مفكرتش فيها أساساً وجبت السانديرو 2013 أوتوماتيك

لو وقع تحت إيدك لانسر بومة 1600 مستعملة نضيفة
تبقى أحسن من الإتنين دول
وتبقى الحاجه الوالدة دعيالك

ـ

[a7med ezz 20]

في واحد صاحبي كان محتار زيك كدا بس اما شاف البريليانس s 60 عجبته اوي وعربية تقفيلها نضيف اوي وعالية و 97 الف بس ، بص عليها فاي معرض مش هتخصر حاجة وقارن

[hisham younes]

والله يا جماعة ان اللي معايا 100 الف نقريبا و اختياري انحصر بين سانديرو ستيب واي 2015 و فيات بونتو مانوال 2015 و لسه مش عارف اقرر و ياريت لو تقدروا تفيدوني
انا عموما لظروف شغلي بسافر مرة او مرتين اسبوعيا من دمياط للقاهرة و دي مسافة مش قليلة و عايزة عربية تستحمل شوية . انا خبراتي في السيارات شبه معدومه لان دي اول مرة اشتري عربيات ... ف يا ريت لو تقدروا تساعدوني ف اني اعرف المزايا و العيوب للاتنين ... خصوصا اني سمعت ان بونتو كانت بتعيب فتيس في موديلات قديمة ف يا ريت لو حد يقدر يفيدني ...
شكرا

رينو ستيب واي الأفضل بكل تأكيد ، أولا أنا لا أثق في الفيات ولا في إستقرار وكيله والصيانة الخاصة به ويمكن أن نعدد في ذلك حالات كثيرة ليس آخرها الفيات سيينا ولا أولها التمبرا
ثانيا الفيات بصفة عامة هي أقل تحديثا في كل شئ من باقي الصناعات الأوروبية
الستيب واي سيارة كروس أوفر حالة وسط بين السيدان والجيب ، يمكن مقارنتها بالكارينز والماتريكس مع فارق سعر كبير وخبرة أكبر
بالنسبة لقطع الغيار أظن أن رينو أفضل سواء من حيث إلتزام الوكيل بقطع الغيار أو تواجد قطع الغيار وفي أسوء الأحوال يمكن إستيراد قطعة الغيار إعتمادا على رقم الشاسيه مباشرة من الشركة الأم في فرنسا مع دفع جمرك 35% للعمليات غير التجارية
بإختصار رينو ستيب واي قريبا ستذكرك تماما بسيارات فرنسية عاشت طويلا في السوق المصري مثل البيجو 405 لأنها يمكن إعادة إصلاحها ببساطة شديدة وكما يقول الصنايعية من أولها لآخرها على مسامير مفيش لحام

[mfraig]

طبعا السانديرو ومش عشان هي احلى من الفيات بس عشان تحافظ شويه على فلوسك
قطع غيارها هتبقى متوفره اكتر وانتشارها اكتر وتوكيلها افضل بكتيييييييييير
اخويا جاب اللوجان 2013 وبيسافر بيها اسبوعيا هي طبعا مش هنقول ثبات ولا نيله بس عربيه حلوه واحسن من الافيو والفيرنا

المشكله اني لو مكانك مش هحب اركب عربيه مانوال زيرو وعارف اني حاطط فيها دم قلبي ومش هغيرها قبل 6-7 سنين قدام وساعتها ممكن اجيب فيرنا حتى اوتوماتك

على فكره انا كان معايا فيرن قبل الميجان وكنت بسافر بيها العريش شهريا وكانت كويسه جدا في حدود سرعة 120-130 بس طبعا فرامل الرينو اقوى بكتير ومافيهاش اير باج ولا نيله :)))

بس انا شخصيا لو مقابل الاوتوماتيك هجيبها

[a7med ezz 20]

شوف حاجة لانسر او اوبترا اتوماتيك استعمال نضيف موديل 2012 مثلا ولو بتسافر كتير يبقي تجيب سيدان او كروس اوفر مش suv عشان الثبات

[mohamed.3zz]

السانديرو يعيبها
دركسيونها التقيل
العفشة ناشفة
مفيش منها أوتوماتيك
لكن
توكيل محترم
قطع غيار متوسطة
عربية واسعة

الفيات اللي أعرفه عنها أنه يعيبها
توكيل تعبان
قطع غيار غالية

أكيد ليها مميزات وملاكها يقولولك
بس أنا مفكرتش فيها أساساً وجبت السانديرو 2013 أوتوماتيك

لو وقع تحت إيدك لانسر بومة 1600 مستعملة نضيفة
تبقى أحسن من الإتنين دول
وتبقى الحاجه الوالدة دعيالك

ـ

والله انا فعلا بدأت افكر في عربية مستعملة تون نضيفة بالتمن ده