إلى وحوش الميجان ارجو سرعه الرد

[Hesham Hamdy]

السلام عليكم ورحمه الله وبركاته

انا خوكم هشام
كنت بقالي فتره بدور على ميجان و عرفت ان اسوء موديلات فيها 2005/2006
فالمهم يعني ربنا كرمني ولاقيت واحده 2008 عامله 90كيلو
بانوراما فبريكا جوه و بره ماعدا رفرفين قدام
المهم بقى ارجوا الرد سريعا على الاسئله القادمه

هل موديل 2008 فعلا أقل مشاكل وعيوب عن 2005/2006 ولا هي هي المشاكل
سعر الحاله دي كام عشان مايبقاش اضحك عليا
هل فعلا صيانه العربيه فالتوكيل غاليه و قطع غيارها غاليه برده فعلا
هل العربيه فينيسيا وحش فعلا و بيبوظ بسرعه
و هل لو هاتفيا اكشف فالتوكيل اللي فالعمر سعره عشان يكشف على العربيه ككل العربيه من كل النواحي بياخد كام
وفعلا بيبقى التقرير وافي و موثوق فيه ولا لا
و ايه مواعيده عشان انا بخلص شغلي فالمعادي الساعه 5 فهل هلق اروح التوكيل بعد كدا ولا اخليها يوم اجازه احسن

وبجد شكرا على سرعة الرد

[M.Radwan]

السلام عليكم ورحمه الله وبركاته

انا خوكم هشام
كنت بقالي فتره بدور على ميجان و عرفت ان اسوء موديلات فيها 2005/2006
فالمهم يعني ربنا كرمني ولاقيت واحده 2008 عامله 90كيلو
بانوراما فبريكا جوه و بره ماعدا رفرفين قدام
المهم بقى ارجوا الرد سريعا على الاسئله القادمه

هل موديل 2008 فعلا أقل مشاكل وعيوب عن 2005/2006 ولا هي هي المشاكل
سعر الحاله دي كام عشان مايبقاش اضحك عليا
هل فعلا صيانه العربيه فالتوكيل غاليه و قطع غيارها غاليه برده فعلا
هل العربيه فينيسيا وحش فعلا و بيبوظ بسرعه
و هل لو هاتفيا اكشف فالتوكيل اللي فالعمر سعره عشان يكشف على العربيه ككل العربيه من كل النواحي بياخد كام
وفعلا بيبقى التقرير وافي و موثوق فيه ولا لا
و ايه مواعيده عشان انا بخلص شغلي فالمعادي الساعه 5 فهل هلق اروح التوكيل بعد كدا ولا اخليها يوم اجازه احسن

وبجد شكرا على سرعة الرد

انا معايا أختها موديل 2009 وعامل 95 ألف كيلو..
- أول تكشف في التوكيل أحسن من أي مكان تاني..الكشف الكامل حوالي 550 جنيه والميعاد لازم يبقى الصبح أكيد عشان هما بيخلصو الساعة 5 وبياخد وقت كبير في الكشف.
- السعر على الحالة اللى بتقولها دي لو من غير مشاكل تانية خالص..يبقى في حدود 80.000 يقل أو يزيد حاجة بسيطة.
- في التوكيل قطع الغيار غالية والصيانة غالية...برا التوكيل العكس تماما هتلاقي قطع غيار رخيصة جدا بس أكيد مش نفس جودة الأصلي. الوسط في الموضوع انك تجيب حاجة الكهرباء والسيور من التوكيل، أي حاجة تانية مستهلكة اشتريها من برا واعملها برا أرخص بكتير من التوكيل.
- العربية دي لازم تبقى إيدك فيها علطول ولو ظهر عطل متسكتش عليه..فلو انت من النوع اللى بيهتم بالعربية..اشتريها..لكن لو من النوع اللى شغله مضغوط ومش فاضي، بلاش منها عشان هتغلبك شوية.

[mfraig]

السلام عليكم ورحمه الله وبركاته

انا خوكم هشام
كنت بقالي فتره بدور على ميجان و عرفت ان اسوء موديلات فيها 2005/2006
فالمهم يعني ربنا كرمني ولاقيت واحده 2008 عامله 90كيلو
بانوراما فبريكا جوه و بره ماعدا رفرفين قدام
المهم بقى ارجوا الرد سريعا على الاسئله القادمه

هل موديل 2008 فعلا أقل مشاكل وعيوب عن 2005/2006 ولا هي هي المشاكل
سعر الحاله دي كام عشان مايبقاش اضحك عليا
هل فعلا صيانه العربيه فالتوكيل غاليه و قطع غيارها غاليه برده فعلا
هل العربيه فينيسيا وحش فعلا و بيبوظ بسرعه
و هل لو هاتفيا اكشف فالتوكيل اللي فالعمر سعره عشان يكشف على العربيه ككل العربيه من كل النواحي بياخد كام
وفعلا بيبقى التقرير وافي و موثوق فيه ولا لا
و ايه مواعيده عشان انا بخلص شغلي فالمعادي الساعه 5 فهل هلق اروح التوكيل بعد كدا ولا اخليها يوم اجازه احسن

وبجد شكرا على سرعة الرد

كلام اخي في المشاركه اللي فاتت صح 100% واحب اضيف بس:
1-موديل 2008 او 2006 هي هي نفس العربيه والمشاكل وفي الاخر حالة العربيه هي اللي بتفرق لكن بقى من الشائع ان موديل 2008 افضل عشان الناس بهدلت اوي الموديلات القديمه في التعامل مع الميكانيكيه بره التوكيل واتعلمو في الموديلات الحديثه ان العربيه ده مش بتاعت بهدله وعك
2-اكشف عالعربيه كويس وهتحتاج تحجز في التوكيل قبلها والفحص بياخد طول اليوم تقريبا يعني ممكن لو نويت تشتري ماتلحقش الشهر العقاري اصلا ويفضل ان العربيه ده تكون بتعمل صياناتها في التوكيل وانك تحافظ على ده اما لو كانت متبهدله عند الصنايعيه اهرب منها فوراااااااااااااا
3-مش هكدب عليك الفيتيس اه وحش وفيه نتشه في الغيار التاني وده حال كل الرينو بس لو الفيتيس حالته كويسه هتعوضها بقيت العربيه لانها ركوبه كحترمه جداااااا
4-تقرير التوكيل هيبقى وافي وكويس بس التوكيييييييييييييييل مش مراكز الصيانه المعتمده زي الميكانيكيون العرب وفرينش موتور دول نصابييييييييين وزي ماقلتلك لو العربيه متهانه بلاش تكشف عليها اصلا حاول تجيب عربيه متحافظ عليها وبتعمل صيانات في التوكيل بصوره دوريه
5- العربيه حلوه جدا بس نصيحه ماتتسرعش وتجيب اي عربيه والا هتتعبك جدا وهتتبهدل معاها اوي واختار حاله تكون 100 100 يااما بلاش من الميجان خالص

[gym1974]

السلام عليكم ورحمه الله بص انا هاقول اللى يرضى ضميرى قدام ربنا انا معايا موديل 2010 عاملة 79 الف كيلو الحمد لله عملت فيها كل حاجة ومحافظ عليها جدا بس هى كعربية ركوبة جميلة بس اعتمادية صفر مشاكلها كتير جدا جدا لو تقدر تجيب حاجة تانية بنفس السعر اوروبى برده يبقى افضل ميه مرة

[Hesham Hamdy]

متشكر جدا يا رجاله بجد على الردود الحلوه دي بس بالنسبه لاستاذ gym 1974 ليه بس القفله دي
انا بس كل اللي في دماغي انها عربيه محترمه بسعر مناسب
اصل الكوري و الياباني بيستهبلو اكتر من اللزوم اليومين دول
فكل اللي فكرت فيه أن الميجان عربيه محترمه بسعر مناسب بس عاوزه اعتني واهتمام زياده شويه ولو على كده فده مقدور عليه
لو على قطع الغيارحالها زي اي عربيه جديده
و كذلك الصيانه
يعني ممكن بالسعر ده ممكن اجيب صيني و برده قطع غيار غاليه و صيانة عاديه و اعتمادية صفرين مش صفر واحد
و انا عادي مش بهلك العربيه من البيت للشغل و من الشغل للبيت
و يوم الجمعه خروج خفيف بس
بس بجد العربيه دي حيرتني بما فيه الكفاية عشان كده عملت الموضوع ده عشان ارسي على قرار
و النتيجه اني احترت اكتر

[Hesham Hamdy]

مزيد من الردود عشان ناوي انزل اخلص يوم الجمعه أن شاء لله

[mfraig]

متشكر جدا يا رجاله بجد على الردود الحلوه دي بس بالنسبه لاستاذ gym 1974 ليه بس القفله دي
انا بس كل اللي في دماغي انها عربيه محترمه بسعر مناسب
اصل الكوري و الياباني بيستهبلو اكتر من اللزوم اليومين دول
فكل اللي فكرت فيه أن الميجان عربيه محترمه بسعر مناسب بس عاوزه اعتني واهتمام زياده شويه ولو على كده فده مقدور عليه
لو على قطع الغيارحالها زي اي عربيه جديده
و كذلك الصيانه
يعني ممكن بالسعر ده ممكن اجيب صيني و برده قطع غيار غاليه و صيانة عاديه و اعتمادية صفرين مش صفر واحد
و انا عادي مش بهلك العربيه من البيت للشغل و من الشغل للبيت
و يوم الجمعه خروج خفيف بس
بس بجد العربيه دي حيرتني بما فيه الكفاية عشان كده عملت الموضوع ده عشان ارسي على قرار
و النتيجه اني احترت اكتر

بص ياباشا اخونا يقصد باعتماديه زيرو ان العربيه ممكن تطلعلك بمشاكل من الهوا
هي فعلا عربيه ركوبه محترمه جدا جدا لكن مشاكلها كتير عشان كده في تحزير انك تجيبها ملعوب فيها وماتكشفش عليها كتير لانها هتبهدلك معاها
انا كان معايا الميجان والفيرنا وكنت ببقى مطمن بالفيرنا اكتر لان الميجان في اي لحظه ممكن تعطل منك بدون اي سبب او سابق انزار في حين الفيرنا عمرها ماعملتها معايا خااااااااااااااالص
العربيات الصيني اعتماديتها اعلى والتيجو مثلا عربيه مشاكلها قليله او لا تزكر لو قارنتها بالميجان
لو نويت على الميجان اتأكد ان العربيه بتتصان صح وخلي بالك من النقطه ده وحافظ على صياناتك كل 10000 كيلو وماتقلقش من قطع الغيار والاسعار بس المهم تفضل محافظ عليها عشان ماتتعبش معاها

[M.Radwan]

متشكر جدا يا رجاله بجد على الردود الحلوه دي بس بالنسبه لاستاذ gym 1974 ليه بس القفله دي
انا بس كل اللي في دماغي انها عربيه محترمه بسعر مناسب
اصل الكوري و الياباني بيستهبلو اكتر من اللزوم اليومين دول
فكل اللي فكرت فيه أن الميجان عربيه محترمه بسعر مناسب بس عاوزه اعتني واهتمام زياده شويه ولو على كده فده مقدور عليه
لو على قطع الغيارحالها زي اي عربيه جديده
و كذلك الصيانه
يعني ممكن بالسعر ده ممكن اجيب صيني و برده قطع غيار غاليه و صيانة عاديه و اعتمادية صفرين مش صفر واحد
و انا عادي مش بهلك العربيه من البيت للشغل و من الشغل للبيت
و يوم الجمعه خروج خفيف بس
بس بجد العربيه دي حيرتني بما فيه الكفاية عشان كده عملت الموضوع ده عشان ارسي على قرار
و النتيجه اني احترت اكتر

شكلك كده بتحبها ومستريح ليها
وعشان كده هقولك جيبها..بس اتأكد انها حالتها كويسة من الكشف في التوكيل
أهم حاجة الموتور والفتيس والكهرباء والشاسيه والفرش الداخلي والتابلوه
الموتور والفتيس والكهرباء والشاسيه: التوكيل هيقولك على حالتهم بالظبط..أي حاجة مش مريحاك متشتريش
الأجزاء الداخلية اتأكد منها بنفسك انها مش متهانة ولا مجرحة
طالما انت من النوع اللى مهتم بعربيته واستخدامك خفيف يبقى مش هتزعلك..وبصراحة هي أحسن من الصيني الجديد بمراحل.

[Hesham Hamdy]

تسلم يا باشا

بص ياباشا اخونا يقصد باعتماديه زيرو ان العربيه ممكن تطلعلك بمشاكل من الهوا
هي فعلا عربيه ركوبه محترمه جدا جدا لكن مشاكلها كتير عشان كده في تحزير انك تجيبها ملعوب فيها وماتكشفش عليها كتير لانها هتبهدلك معاها
انا كان معايا الميجان والفيرنا وكنت ببقى مطمن بالفيرنا اكتر لان الميجان في اي لحظه ممكن تعطل منك بدون اي سبب او سابق انزار في حين الفيرنا عمرها ماعملتها معايا خااااااااااااااالص
العربيات الصيني اعتماديتها اعلى والتيجو مثلا عربيه مشاكلها قليله او لا تزكر لو قارنتها بالميجان
لو نويت على الميجان اتأكد ان العربيه بتتصان صح وخلي بالك من النقطه ده وحافظ على صياناتك كل 10000 كيلو وماتقلقش من قطع الغيار والاسعار بس المهم تفضل محافظ عليها عشان ماتتعبش معاها

[تامر.محمد]

السلام عليكم ورحمه الله وبركاته

انا خوكم هشام
كنت بقالي فتره بدور على ميجان و عرفت ان اسوء موديلات فيها 2005/2006
فالمهم يعني ربنا كرمني ولاقيت واحده 2008 عامله 90كيلو
بانوراما فبريكا جوه و بره ماعدا رفرفين قدام
المهم بقى ارجوا الرد سريعا على الاسئله القادمه

هل موديل 2008 فعلا أقل مشاكل وعيوب عن 2005/2006 ولا هي هي المشاكل

احصائيا اه , هل السبب ان 2005\2006 اتبهدل برة التوكيل , و ده حقيقي , ولا ان 2007-2010 اتعدل فيها شوية حاجات , و ده برده حقيقي , الله اعلم

هل فعلا صيانه العربيه فالتوكيل غاليه و قطع غيارها غاليه برده فعلا

زي كل عربيات فئتها , و ممكن ارخص شوية كمان نسبيا , بس برده , قطع الغيار في التوكيل غالية
الصيانات اغلبها معقول

هل العربيه فينيسيا وحش فعلا و بيبوظ بسرعه

مشاكل phase2 اللي شفتها قليلة

و هل لو هاتفيا اكشف فالتوكيل اللي فالعمر سعره عشان يكشف على العربيه ككل العربيه من كل النواحي بياخد كام
وفعلا بيبقى التقرير وافي و موثوق فيه ولا لا

التوكيل بياخد حوالي 600 جنيه , معلش تكلفة بس عشان تحمي باقي فلوسك

و ايه مواعيده عشان انا بخلص شغلي فالمعادي الساعه 5 فهل هلق اروح التوكيل بعد كدا ولا اخليها يوم اجازه احسن

غالبا هاتعوز تاخد يوم اجازة , و خد بالك التوكيل بيبقى بالحجز

وبجد شكرا على سرعة الرد

[Hesham Hamdy]

بجد شكرا كتر الف خيرك

[gym1974]

صباح الفل عليك استاذ هشام وعلى كل الاخوة انا مش قصدى والله اقفلك من العربية بس حبيت اقولك على كل حاجة بصراحة ان االوقت اللى اشتريت فيه الميجان واحد صحبى جاب سوبارو امبريزا موديل 2009 وتقريبا الاثنين قربين من السعر انا كعيت دم قلبى على الميجان وهو صرف عليها كلام فاضى لحد دلوقتى وبصراحة تعظيم سلام للسوبارو فى كل حاجة تكييف وثبات زى ما انت عايز افضل من الميجان بس مشكلتها عدم الانتشار يعنى عليك وعلى التوكيل على طول فكر فى السوبارو مش عايز اتكلم اكتر من كده احسن الناس تقول عليا دخيل وانا والله معايا ميجان موديل 2010 بجد بس لو رجع بيه الزمان بصراحة مش هافكر فيها هتقولى طيب بيعها هاقولك مش هينفع لأنى بصراحة خليت العربية على سنجة عشرة وصرفت عليها كتير بالتوفيق استاذ هشام

[تامر.محمد]

يا باشا لا دخيل ولا حاجة , انا ماليش في السوبارو عشان اعترض او ادعم كلامك , بس هاتبقى شايف كلمة حق او وجهة نظر معينة و تكتمها يعني ؟ :))))

بس مفروض عربيتك 2010 يعني قريبة , ايه اللي عملته معاك ؟
يعني انا عربيتي - 2010 برده - ما بدأت تخرف الا بعد ما عملت بيها حادثة :(

[mfraig]

صباح الفل عليك استاذ هشام وعلى كل الاخوة انا مش قصدى والله اقفلك من العربية بس حبيت اقولك على كل حاجة بصراحة ان االوقت اللى اشتريت فيه الميجان واحد صحبى جاب سوبارو امبريزا موديل 2009 وتقريبا الاثنين قربين من السعر انا كعيت دم قلبى على الميجان وهو صرف عليها كلام فاضى لحد دلوقتى وبصراحة تعظيم سلام للسوبارو فى كل حاجة تكييف وثبات زى ما انت عايز افضل من الميجان بس مشكلتها عدم الانتشار يعنى عليك وعلى التوكيل على طول فكر فى السوبارو مش عايز اتكلم اكتر من كده احسن الناس تقول عليا دخيل وانا والله معايا ميجان موديل 2010 بجد بس لو رجع بيه الزمان بصراحة مش هافكر فيها هتقولى طيب بيعها هاقولك مش هينفع لأنى بصراحة خليت العربية على سنجة عشرة وصرفت عليها كتير بالتوفيق استاذ هشام

كلامك صح انا برضه مافكرتش ابيعها لكن لما سافرت بعتها على طول ومش بفكر اجيب تاني غير الفلوانس يااما هخرج بره الرينو خالص

[El Gen2]

ا. هشام .....
واضح ان كل عضو من الاعضاء المحترمين بيديك رأى عن تجربته الشخصيه و ربما ما راءه من حوله.
احب اقولك انى سمعت ان العربيه مشاكلها كتير و الكلام ده .... و لكن انا شخصيا معايا ميجان 2006 و عاملا 160,000 كم و ماشيا زى الفل .... صحيح دلوقتى قلقان منها شويه فى سفر طويل او حاجه بس زمان كنت اصحى الصبح تطلع فى دماغى اروح شارم على مره واحده من غير رست.
العربيه ممتازه ركوبه و ثبات و اوبشنز و اعتماديه (ايوه اعتماديه) ... المشاكل الطبيعيه بتاعه اى عربيه و الحاجات الى لازم بتتغير مع الوقت.
بصراحه من كتر ما سمعت الناس بتقول على العربيه بتاعه مشاكل حسيت ان العربيه بتاعتى هى الى "متفرده" ... فالله اعلم.
زى ما الزملاء كلهم قالو .... اكشف كويسسسسسس