إلى وحوش الميجان ارجو سرعه الرد

[أسامه الحسيني]

انا اول ماجبت الميجان فى خلال شهرين كنت قفلت منها وكنت ناوى اخلص منها بس وكان السبب راجع لفشه كهرباء مالهاش 3/4 اللازمه والحمد لله غيرت فيش الكهرباء البايظه ومن ساعتها زى الفل والحمد لله
وبصراحه هى عربيه تمتاز انها شكلها حلو - كماليات - ثبات وربنا يبعد عنك عك الصنايعيه

[mfraig]

ا. هشام .....
واضح ان كل عضو من الاعضاء المحترمين بيديك رأى عن تجربته الشخصيه و ربما ما راءه من حوله.
احب اقولك انى سمعت ان العربيه مشاكلها كتير و الكلام ده .... و لكن انا شخصيا معايا ميجان 2006 و عاملا 160,000 كم و ماشيا زى الفل .... صحيح دلوقتى قلقان منها شويه فى سفر طويل او حاجه بس زمان كنت اصحى الصبح تطلع فى دماغى اروح شارم على مره واحده من غير رست.
العربيه ممتازه ركوبه و ثبات و اوبشنز و اعتماديه (ايوه اعتماديه) ... المشاكل الطبيعيه بتاعه اى عربيه و الحاجات الى لازم بتتغير مع الوقت.
بصراحه من كتر ما سمعت الناس بتقول على العربيه بتاعه مشاكل حسيت ان العربيه بتاعتى هى الى "متفرده" ... فالله اعلم.
زى ما الزملاء كلهم قالو .... اكشف كويسسسسسس

ربنا يباركلك في عربيتك بس خللي بالك ان هو بيشتري مستعمل واحتمالية العك كبيره وعشان كده انا بقوله لو ناوي اكشف كويس وطبعا لو كانت العربيه حلوه هينبسط منها احلى انبساط بس ده لايمنع انها عربيه تخوف في السفر انا اتلطعت فوق ال 4 ساعات على طريق العالمين مستني ونش عشان الدينامو قرر فجأه انه يتحرق ومن غير اي مبرر

[gym1974]

صباح الفل على كل الاخوة الافاضل وبالاخص استاذ تامر بص يا استاذ تامر انا شايف ان العربية بتفتح بقها فى حاجات غريبة جدا يعنى مثلا الدينامو وقفنى مرة ملطوع فى الشارع لحد الساعة 2 بالليل لحد ما ونش حن عليا ورفعتها عليا وطبعا غيرته بجديد يعنى حاجات تانية كتير كفاية نقطة مهمة جدا احساس انا العربية ممكن تعطل بيك فى اى وقت ودون سابق انذار بصراحة هو اللى مخاوف الواحد جدا من العربية ده