Tweet
السلام عليكم ورحمة الله وبركاته،،،
اليومين دول بافكر أغير عربيتي الساجا بعد 5 سنين خدمه :)
الأول فكرت في حاجه في رينج النيسان صاني بس لقيت إن فيها مشاكل كتير فقلت أعلى شويه عشان أشتري حاجه نضيفه
قررت إني أعلى لرينج 140 - 165 ألف
الرينج ده أنا محتار ما بين:
إن شاء الله هاعمل موضوع للمقارنه بينهم في قسم المقارنات, بس مبدئياً أنا عاجباني الرينو أكتر حاجه فيهم بس في حاجات مخوفاني.
خليني الأول أكلمكم عن سواقتي وطباعي وظروفي:
أنا زي ما قلت معايا ساجا أوتوماتيك
سواقتي متحضره جداً ومن النوع اللي باربط الحزام وباقف في الإشارات وبتكلم في السماعه :)
ماليش في الجري ولا القرص ولا الغرز ومن النوع اللي بادي إشاره قبل أما أغير حاره أو أخش شارع حتى لو ماشي لوحدي.
باحب الراحه في السواقه ومش باركب مانوال
لحد النهارده باعمل صيانتي في التوكيل حتى بعد ما عربيتي وصلت 80000 كيلو
أعتقد وفقاً للي أنا كاتبه ده الرينو هاتكون مناسبه لي جداً. وهي عاجباني قلباً وقالباً بس خليني أقولكم على مخاوفي:
أول حاجه: قرأت قبل كده هنا إن في بعض العربيات ظهر فيها عيب خطير, ألا وهو إن الزيت بينقص. الموضوع ده عاملي رعب! بصراحه مش هاستحمل أجيب عربيه بالسعر ده ويطلع فيها عيب خطير كده.
تاني حاجه: أنا شفت كذا حد من صحابي كان معاهم ميجان وغيروا فيها حاجات أساسيه غاليه جداً زي الفتيس ودفعوا دم قلبهم. في حين إني ما سمعتش عن حد مثلاً غير فتيس لانسر شارك ولا سيفيك.
تالت حاجه: أنا لو جبت العربيه دي هاجيبها بطلوع الروح بصراحه وخايف إنها يكون الريسيل بتاعها في الأرض. أنا متقبل إن الريسيل مش زي الكورولا مثلاً بس خايف برضه إنه يكون في الأرض.
أتمنى تطمنوني :)
عندي سؤال: أنا عاوز أجيب تاني فئه اللي هي بـ 165.500 يا ترى هي متوافره؟ ولا حجز؟
شكراً وأتمنى تقبلوني زميل ليكم في القسم
اليومين دول بافكر أغير عربيتي الساجا بعد 5 سنين خدمه :)
الأول فكرت في حاجه في رينج النيسان صاني بس لقيت إن فيها مشاكل كتير فقلت أعلى شويه عشان أشتري حاجه نضيفه
قررت إني أعلى لرينج 140 - 165 ألف
الرينج ده أنا محتار ما بين:
- لانسر شارك
- رينو فلوينس
- شيفروليه كروز
- نيسان تيدا
- تيريوس
إن شاء الله هاعمل موضوع للمقارنه بينهم في قسم المقارنات, بس مبدئياً أنا عاجباني الرينو أكتر حاجه فيهم بس في حاجات مخوفاني.
خليني الأول أكلمكم عن سواقتي وطباعي وظروفي:
أنا زي ما قلت معايا ساجا أوتوماتيك
سواقتي متحضره جداً ومن النوع اللي باربط الحزام وباقف في الإشارات وبتكلم في السماعه :)
ماليش في الجري ولا القرص ولا الغرز ومن النوع اللي بادي إشاره قبل أما أغير حاره أو أخش شارع حتى لو ماشي لوحدي.
باحب الراحه في السواقه ومش باركب مانوال
لحد النهارده باعمل صيانتي في التوكيل حتى بعد ما عربيتي وصلت 80000 كيلو
أعتقد وفقاً للي أنا كاتبه ده الرينو هاتكون مناسبه لي جداً. وهي عاجباني قلباً وقالباً بس خليني أقولكم على مخاوفي:
أول حاجه: قرأت قبل كده هنا إن في بعض العربيات ظهر فيها عيب خطير, ألا وهو إن الزيت بينقص. الموضوع ده عاملي رعب! بصراحه مش هاستحمل أجيب عربيه بالسعر ده ويطلع فيها عيب خطير كده.
تاني حاجه: أنا شفت كذا حد من صحابي كان معاهم ميجان وغيروا فيها حاجات أساسيه غاليه جداً زي الفتيس ودفعوا دم قلبهم. في حين إني ما سمعتش عن حد مثلاً غير فتيس لانسر شارك ولا سيفيك.
تالت حاجه: أنا لو جبت العربيه دي هاجيبها بطلوع الروح بصراحه وخايف إنها يكون الريسيل بتاعها في الأرض. أنا متقبل إن الريسيل مش زي الكورولا مثلاً بس خايف برضه إنه يكون في الأرض.
أتمنى تطمنوني :)
عندي سؤال: أنا عاوز أجيب تاني فئه اللي هي بـ 165.500 يا ترى هي متوافره؟ ولا حجز؟
شكراً وأتمنى تقبلوني زميل ليكم في القسم
Comment