إعـــــــلان

Collapse

.

,
See more
See less

عاوز أجيب فلوينس بس خايف

Collapse
X
 
  • Filter
  • الوقت
  • Show
Clear All
new posts

  • #31
    السلام عليكم ورحمة الله وبركاته،،،

    أشكركم جميعاً على إهتمامكم وردودكم المستفيضه :) ربنا يكرمكم يا رب

    بصراحه كلامكم حببني واقنعني بالعربيه أكتر. بس أنا كمان هاقولكم عملت إيه

    أنا كتبت الموضوع ده قبل ما أقعد في أي عربيه في اللي كنت محتار ما بينهم ما عدا الكروز عشان دي عربية زميلي في الشغل.

    أنا بصراحه حاولت ألم معلومان وأراء قبل ما أقعد في أي عربيه في العربيات اللي كنت محتار بينها عشان يبقى قراري عقلاني مش عاطفي.

    زي ما إنتم عارفين أنا كنت محتار ما بين:
    • لانسر شارك
    • رينو فلوينس
    • شيفروليه كروز
    • نيسان تيدا
    • تيريوس

    رحت معرض سيارات كبير وقعدت فيهم كلهم ماعدا التيدا عشان ماكانتش موجوده.

    إنطباعاتي كالتالي:
    • لانسر شارك

    من جوه شكلها فقير وقديم حبتين. الشنطه ضيقه بس مش بالبشاعه اللي كنت باسمع عنها.
    • رينو فلوينس

    ممتازه ووقعت في حبها بصراحه. شكلها راقي جداً بدون تكلف.
    • شيفروليه كروز

    مش عارف ليه قعدتها مش عاجباني خالص.
    • نيسان تيدا

    ما جربتهاش عشان ماكانتش موجوده
    • تيريوس
    برضه شبه الشارك فقيره وقديمه حبتين. بس الوضعيه العاليه كويسه.

    وطبعاً النتيجه إني إقتنعت أكتر بالفلوينس

    الظريف بقى إني لقيت الفورد فوكاس في المعرض وقعدت فيها وعجبتني جداً. وكنت موهوم صراحه خاصة إنها كانت عربية صديقي الصدوق بس موديل 2007 وانا عارفها كويس وعارف إنها عربيه محترمه. وطلعت من المعرض وأنا محتار بينها وبين الفلوينس. بس بعدها بكام يوم دخلت على الجروب بتاعها على الفيسبوك ولقيت ناس بيتكلموا عن مشاكل جامده فيها فا صرفت نظر.


    دلوقت إستقريت على الفلوينس إن شاء الله. بس عاوز مساعدتكم تاني :)

    أول حاجه: فين ممكن أعمل تيست درايف؟
    تاني حاجه: هل في معرض فيه كل الألوان عشان أنقي اللون؟
    تالت حاجه: انا هاقسط إن شاء الله على 30 شهر . تنصحوني أقسط فين؟
    رابع حاجه وأهم حاجه: هل هي متوافره أصلا؟ الفئه e3? ولا هاستنى فتره؟

    شكراً
    محمد سعيد
    [B]"No act of kindness is ever wasted" [/B]

    Comment


    • #32
      المشاركة الأصلية كتبت بواسطة hamisa08 مشاهدة المشاركة
      انا هختلف شوية فى الرد

      ممكن تضيف الى القائمة سكودا رابيد نفس الفئة السعرية و حاجة المانى

      وانا حاليا مقبل على شراء ساجا اوتو او رينو لوجان مانول الشكل جديد

      انا سفرى كتير وهل الساجا عربية جديرة او راي حضرتك فيها اية ؟
      الساجا كويسه وقيمتها بالنسبه لسعرها كويسه جداً

      بس عيبها إنها بتاكل بنزين. بتاكل زي أي عربيه 1600 غير موفره

      في رأيي هي عربية مدينه مش عربية سفر

      وأي سؤال ممكن أجاوب حضرتك عليه
      محمد سعيد
      [B]"No act of kindness is ever wasted" [/B]

      Comment


      • #33
        معلش برضوا يا جماعه انا متحير بين الشارك والفلوانس اصحابى بيقولولى جيب شارك بلاش فلوانس عشان كارتات كهرباء وبيقولولى الكارتات متعبه جده ومكلفه لو قدر الله فى صيانه وبيقولولى مش اى حد يشتغل فى كهربه العربيه فخوفونى منها ؟؟؟؟

        Comment


        • #34
          المشاركة الأصلية كتبت بواسطة mahmoud atef مشاهدة المشاركة
          معلش برضوا يا جماعه انا متحير بين الشارك والفلوانس اصحابى بيقولولى جيب شارك بلاش فلوانس عشان كارتات كهرباء وبيقولولى الكارتات متعبه جده ومكلفه لو قدر الله فى صيانه وبيقولولى مش اى حد يشتغل فى كهربه العربيه فخوفونى منها ؟؟؟؟
          يعنى ايه كارتات كهربا ؟؟؟ ما كل الجديد كده :)
          هو حضرتك جايب عربيه زيرو غاليه و حتوديها بره التوكيل لكهربائى يلعب فيها ؟؟؟
          و عندك ٣ سنوات تحت الضمان ... و العربيه عموما من ٢٠١٠ و محدش اشتكى من اى عيوب فى الكهرباء ...
          تحياتى ...
          [SIZE="4"][COLOR="Navy"]Eng. Safwat Saleh[/COLOR][/SIZE]
          [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

          Comment


          • #35
            والله يا فندم انا اول مره اشترى عربيه وواحد صاحبى شغال فى قطع غيار العربيات قالى ابعد عن الفلوانس والبيجو لان صاينتهم وقطع غيارهم غاليه جدا قالى عاوز اعتماديه خليك ف الشرك انا شكل الفلوانس عاجبنى اكتر بكتير من الشارك بس انا مش جايب عربيه مثلا لو لا قدر الله وقفت منى تزعلنى

            Comment


            • #36
              المشاركة الأصلية كتبت بواسطة mahmoud atef مشاهدة المشاركة
              والله يا فندم انا اول مره اشترى عربيه وواحد صاحبى شغال فى قطع غيار العربيات قالى ابعد عن الفلوانس والبيجو لان صاينتهم وقطع غيارهم غاليه جدا قالى عاوز اعتماديه خليك ف الشرك انا شكل الفلوانس عاجبنى اكتر بكتير من الشارك بس انا مش جايب عربيه مثلا لو لا قدر الله وقفت منى تزعلنى
              شكرا لك على مداخلتك ... و ده واجبنا ان نوضح لك الحقائق و عن تجارب و امتلاك :)
              الكلام ده اليوم غير دقيق ... ممكن يكون كان واقعى فى الثمانينات و التسعينات ... لكن اليوم الصيانات و قطع الغيار مثل باقى مستوى السوق ... كمثال شوف مبيعات اللوجان اليوم .. انا بعتبرها ال ١٢٨ الحديثه ...
              و انا بكرر لحضرتك ... الفلوانس موجوده فى السوق من ٢٠١٠ و صلحت كل عيوب الميجان (مع انها كانت اجمالا عربيه جيده وعملت مبيعات ) و مفيش بها عيوب او اعطال قاتله فى الكهرباء او خلافه ...
              و لكى تتطمن و تتأكد بنفسك .. اعمل مقارنه لاسعار قطع الغيار و الصيانات ... و احكم بنفسك ... و لا تلتفت لمجرد كلام بيتقال ...
              تحياتى ...
              [SIZE="4"][COLOR="Navy"]Eng. Safwat Saleh[/COLOR][/SIZE]
              [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

              Comment


              • #37
                المشاركة الأصلية كتبت بواسطة mahmoud atef مشاهدة المشاركة
                والله يا فندم انا اول مره اشترى عربيه وواحد صاحبى شغال فى قطع غيار العربيات قالى ابعد عن الفلوانس والبيجو لان صاينتهم وقطع غيارهم غاليه جدا قالى عاوز اعتماديه خليك ف الشرك انا شكل الفلوانس عاجبنى اكتر بكتير من الشارك بس انا مش جايب عربيه مثلا لو لا قدر الله وقفت منى تزعلنى
                انا كنت محتار بين الفلوانس قبل ما اشتريها وكنت بسمع نفس الكلام بتاع قطع الغيار والكلام ده
                ونزلت وسالت على قطع الغيار بتاعتها مقارنه بعربيات تانيه زي الكورولا والفورد وكانت بدون مبالغه اقل منهم واحيانا بفرق كبير

                Comment


                • #38
                  المشاركة الأصلية كتبت بواسطة hamdi mossad مشاهدة المشاركة
                  انا كنت محتار بين الفلوانس قبل ما اشتريها وكنت بسمع نفس الكلام بتاع قطع الغيار والكلام ده
                  ونزلت وسالت على قطع الغيار بتاعتها مقارنه بعربيات تانيه زي الكورولا والفورد وكانت بدون مبالغه اقل منهم واحيانا بفرق كبير
                  كده حضرتك عملت الصح :)
                  سمعت كلام الناس كأستشاره سواء كان سلبى او ايجابى... و فى نفس الوقت بحثت و اتأكدت بنفسك ....
                  تحياتى ...
                  [SIZE="4"][COLOR="Navy"]Eng. Safwat Saleh[/COLOR][/SIZE]
                  [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                  Comment


                  • #39
                    شكرا جدا لحضراتكم الواحد يبحث بنفسه وانشاء الله خير

                    Comment


                    • #40
                      شباب

                      ما فيش مكان أقدر أعمل فيه تيست درايف؟

                      ويا تري فين أقدر أشوف كل الألوان على الطبيعه؟ أنا رحت معرض رينو اللي جنب المحكمه في مصر الجديده كان فيه رينو فلوينس واحده بس؟

                      يا ريت تجاوبوني بسرعه عشان المفروض أخلص الأسبوع اللي جاي

                      شكراً
                      محمد سعيد
                      [B]"No act of kindness is ever wasted" [/B]

                      Comment


                      • #41
                        المشاركة الأصلية كتبت بواسطة marsguy مشاهدة المشاركة
                        شباب

                        ما فيش مكان أقدر أعمل فيه تيست درايف؟

                        ويا تري فين أقدر أشوف كل الألوان على الطبيعه؟ أنا رحت معرض رينو اللي جنب المحكمه في مصر الجديده كان فيه رينو فلوينس واحده بس؟

                        يا ريت تجاوبوني بسرعه عشان المفروض أخلص الأسبوع اللي جاي

                        شكراً
                        اتصل بالتوكيل و اطلب منه حجز ميعاد تيست دريف . ده عادى و اوبشن موجود فى رينو . للاسف الاعداد منها قليله دلوقتى فى المعارض لانها عليها سحب مستمر و خصوصا مع عرض الخصم .
                        اللهم بارك لنا فيما رزقتنا

                        [SIGPIC][/SIGPIC]

                        Comment

                        Working...
                        X