رأيكم فى شراء ميجان مستعملة موديل 2005

[h_homosany]

السلام عليكم ياشباب انا اسمي حسين من القاهره انا معجب كتير بالميجان بس عمري ماركبتها عندي واحد جاري معاه بانوراما 2005 عامله 56000كيلو وغير مرشوشه من الخارج ولكن يوجد زجاج امامي مشروخ لونها نبيتي ومش راضي ينزل عن ال 86000جنيه مصري هل بخبرتكم تسوي العربيه دية بس انا كل ما اسأل حد عليها بيخوفني منها بسبب قطع الغيار المولعه وانها تقيله في البيع واقصي سعر لها من 77 الف حتي80 الف .
انا في حيره مع اني بالسعر ده اركب لانسر مثلا واللانسر اعطالها تكاد لا توجد اعطال وقطع غيارها مترميه بره التوكيل وكله بيصلحها
افيدوني بحكم خبرتكم الواسعه
وشكرا لتعاونكم
حسين الحمصاني

[Ahmed Selim]

راجع اللينكات التالية عشان تعرف أعطال الميجان اللى قابلت أصحابها من أعضاء المنتدى

http://www.nilemotors.net/Nile/showthread.php?t=12198

وده عشان تعرف أسعار الصيانة وقطع الغيار الأصلية ( فى التوكيل ) وفى حاجات مذكور أسعارها برة التوكيل كمان

http://www.nilemotors.net/Nile/showthread.php?t=2758

أسعار قطع الغيار غالية ولا لأ دى حاجة ترجعلك أنت بس على سبيل المثال
التيل الأمامى للميجان ب 380 جم تقريباً فى التوكيل
وتيل اللانسر فى التوكيل ب 340 أو 320 جم حسب ما سمعت من واحد صاحبى

أنا جربت عربية صاحبى و معايا عربيتى
رأيي أن الميجان تتفوق بكتير

بالنسبة للسعر أنا شايف أنه مش مبالغ فيه لو العربية نضيفة

ممكن حضرتك تكلم 16202 تستعلم عن سعر الزجاج الأمامى عشان تبقى عامل حسابك عليه

[ozzwana]

انا كمان كان معروض عليه ميجان بانوراما 2005 واختها لمده شهر للتجريب طبعا لاننا قرايب المهم ان 2005 فيها مشاكل جير بوكس لانها عطلت معايا وودتها للتوكيل الحقيقه محترم جدا العربيه تحفه من حيث الابشن طبعا بس دفعه 2005 فيها مشاكل كتير وتمنها دلوقتي 80 الف مش اكتر لمعلوماتك المهم اني اشتريت ميجان بانوراما 2008 من كتر حبي في العربيه التحفه ولان 2008 مفروض ان مشاكل السوفت وير اتعالجت زي ما بيقولو بس لسه ما جربتش العربيه ----عامه انت ممكن تتعايش مع مشاكل 2005 لان عربيه بكل المقاييس رائعه وسعرها كويس بس انا ما بحبش اشتري عربيه فيها مشاكل وطبعا لو ماكنتش بحب العربيه ما كنتش جبت 2008

[Ahmed Selim]

مبروك عليك يا باشا وربنا يديك خيرها ويكفيك شرها

مو 2005 كان فيه بعض المشاكل مع بعض العربيات مش كلهم

أنا عن نفسى معايا 2005 من الزيرو و عامل بيها 77 ألف لحد دلوقتى وبسم الله ما شاء الله و مفيهاش مشاكل تُذكر غير يمكن موضوع الكويل وحصل معايا مرة واحدة ( كان فى كويل واحد بايظ وغيرولى ال 4 فى الضمان )

واعتقد برضه شاركى معاه 2005 والحمد لله مفيش مشاكل

[Sharky]

مبروك عليك يا باشا وربنا يديك خيرها ويكفيك شرها

مو 2005 كان فيه بعض المشاكل مع بعض العربيات مش كلهم

أنا عن نفسى معايا 2005 من الزيرو و عامل بيها 77 ألف لحد دلوقتى وبسم الله ما شاء الله و مفيهاش مشاكل تُذكر غير يمكن موضوع الكويل وحصل معايا مرة واحدة ( كان فى كويل واحد بايظ وغيرولى ال 4 فى الضمان )

واعتقد برضه شاركى معاه 2005 والحمد لله مفيش مشاكل

كلام مظبوط يا احمد
الكلام دا كان فى دفعة عربيات جت من موديل 2005 يعنى مش كل الدفعات