إعـــــــلان

**Nour_Peugeot** · 09-11-2008, 04:53 AM

الحمد لله جت سليمه يا باشا بس الحمد لله انها جت علي كده

كل ده عشان ركبت حجات جديده و جامده بس متعرضش حاجة تاني للتحسد زي محصل

**ana** · 09-11-2008, 06:09 AM

ايه يا عم الحاج الفيلم الهندى ده وبعدين احنا كبرنا على حوارات الشد والكلام الفاضى ده انا صاحبى مات بسبب الحوار ده اتقلب باللانسر البومه والله يرحمه المفروض مترميش نفسك فى التهلكه لانك هتتسال عن الكلام ده وربنا يسهلك طريقك

**bemocarlo** · 09-11-2008, 06:23 AM

هههههههههههههه.الله يجازيك يا مومو.وطبعا كله اتلم عليك.ابو العربي وام العربي والواد عربي ههههههههه.الحمد لله انك رجعت لارض الوطن سالما.
bemo,ire

**theking2690** · 09-11-2008, 08:20 AM

حمدالله على سلامتك يا ايمن باشا وسلامة الوحش بتاعك وربنا يقوم الاتنين الشباب دول بالسلامه وعلى فكره الجرى فى الحالات ديه بيكون الجدعنه كلها

**Ramy_Tantawi** · 09-11-2008, 09:55 AM

لا حول ولا قوة الا بالله .

شوف مهما كانت الخساير يا عم ايمن فا كلها ولا حاجه والله عظيم قصاد اللي انت بتحكيه ده لأن الموضوع تطوره واضح منه ان الناس كانت فاكراك فعلاً المتسبب في الحادث والله اعلم برضه الناس دي ولادهم اتصابوا ولا عملوا ايه ............مع اني برضه مش شايف اي نسبة خطأ في اللي انت عملته ولا كان مفروض تفضل انت كمان بسرعتك وتكسر على اللي على يمينك وتلبسوا انتوا التلاته في بعض !!!! انا شايف تصرفك الحمد لله سليم ولميت نفسك بسرعه + انك فتحت مجال ليهم ييجوا يمين وشمال لئنك لما وقفت جامد هم قدروا يتحركوا بحريه لكن تقول ايه بقى الناس فاكره انها راكبه عربيات متظبطه يبقى دوس بنزين وخلاص والعربيه تعمل الباقي.

عموماً قدر ولطف والحمد لله ان الخسائر على قد كده بس كان ممكن الناس دي زي ما اخدت منك العربيه تاخدك انت واخوك تشرف عندهم شويه وبرضه الله اعلم بظروفهم واللي وصلهم اكيد انك المتسبب الاوحد في الحادث وبالتالي الموضوع اتغير مساره بالشكل ده.....انت اطمنت طيب على الولدين التانيين اللي كانوا بيشدوا معاك ؟؟ في اصابه او حاجه؟؟...........

الف مليووووووون سلامه يا كبيير وحمد لله على سلامت اخوك وخاللي بالك انت كده بقيت بلاك ليست عند اخوانا في بورسعيد ودي مشكله تانيه حاول بعد كده تروح متخفي او بعربيه تانيه ..................

**Ahmed REDA** · 09-11-2008, 10:13 AM

حمد الله علي سلامة حضرتك و كويس انها جت علي قد كدة ,بس معلش الناس اللي كانو في العربيتين التانيين اخبارهم اية ؟ ان شاء الله محدش فيهم تكون اصابتة خطيرة و نصيحة يا اخي بلاش الشد حفاظا علي حياتك و علي حياة الاخرين

**mohamed_rhem** · 09-11-2008, 10:19 AM

يا عم الحاج احمد ربنا انت رجعت سليم
انت بتتكلم في زجاج عربيه

طب احمد ربنا ان الناس سابوك
ده في ناس في الحوادث ده اجارك الله

حمدالله علي سلامتك وكويس انها جت علي قد كده

وخلي بالك يا جميل بعد كده وربنا يسترها معانا جميعاً

**Nader** · 09-11-2008, 10:42 AM

لا حول ولا قوة الا بالله

الحمد لله انك طلعت سليم.

لو كانوا عرفوا انك اهلاوي كمان

كنت رحت فيها:).

**Rsarabia** · 09-11-2008, 11:03 AM

تصرفك كان سليم 100 % اثناء الحادثة و بعد الحادثة لما غطيت العربية و رحت تشوف فى ايه لكن مش سليم لما قررت ترجع فى نفس اليوم للقاهرة تانى و اكيد الناس زى مش هبلة عشان تسيبك المفروض ساعتها كنت تروح مثلا من بورسعيد لاى بلد تانية و متمشيش من الطريق اللى هما متوقعين انك ترجع منه لانك متضمنش رد فعل شعبنا الكريم فى الموافق اللى زى دى حتى لو انت مش غلطان هيكسرولك عربيتك بعدين يبقو يسمعو انت غلطان ولا لا و دا من عيوب الشعب المصرى الكريم

**عمرو عمارة** · 09-11-2008, 11:16 AM

لا اله إلا الله!!!.....قدر اللهُ ما شاء فعل......أيمن حبيبي ألف حمد لله على سلامتك....والله أنا كنت مخضوض وأنا بقراء الي مكتوب....قولت أكيد حد هايطير من الشد ده

أنا قولتلك يا عم أيمن خد بالك من موضوع الشد ده لأن كل التعديلات الي إنت عملها ما شاء الله بتغريك إن إنت تشد مع أي حد.....بس حظك جه مع إتنين غشم سواقة عايزين يجروا بالعربية وخلاص وتصرفك ده كان في محله وإنت مش غلطان خالص...بالعكس إنت إديتهم براح يلموا فيه نفسهم بس الخبرة مش موجودة....ربنا يقومهم بالسلامة ويتعلموا من الدرس ده جامد

والله أنا شايف إن إنت ليك حق عند الناس دي لأن أولاً مش إنت الي طلبت منهم الشد...ثانياً إنت كنت بعيد عنهم خالص لما عملوا الحادثة ومكنتش السبب.....لو الرجالة دي فعلاً محترمة لما إن شاء الله يقوموا بالسلامة يحكوا الي حصل بالحق عشان الي إتعمل فيك ظلم

معلش أنا طولت عليك بس فعلاً موقف ضايقني بجد!!!......يا عم إنت بس إيه الي خلاك تاخد العربية تاني بعد ما كنت مغطيها....مفروض كنت طيران على القاهرة......حمد لله قدر الله ما شاء فعل

**KoDaK_Gti** · 09-11-2008, 11:35 AM

طيب كويس ياعم انك طلعت منها اصلا
بس بصراحة مش شطارة انك تشد مع اى حد انت جايب العربية ومظبطها ليك علشان تتمتع بيها
مش علشان تشد مع الناس وتبهدلها
وحمد الله على سلامتك مرة تانية

**أبو عبدالله** · 09-11-2008, 12:20 PM

قدر الله ماشاء فعل
بجد بجد
انت تحمد ربنا انك طلعت سليم من بورسعيد
بجد هما رأفو بك كده

انت مش متخيل السواحليه عموما لما بيحصل معاهم كده بيعملوا ايه (=( إلا من رحم ربي )=)

انا مره في راس البر حصل موقف غير كده والمهم حصل شكله بينا وبين ناس من عزبة البرج
والله ثم والله مش عاوز اقولك ان شارع بورسعيد في راس البر اتقفل ساعتها وعملوا زي كمين على العربيات علشان يطلعو حد منا

وفضلوا كل يوم في الشارع لحد حوالي 10 ايام متواصلة

يعني الحمد لله انك طلعت

Comment

Comment

إعـــــــلان

.

الحمد لله جت سليمة ... حادث بمدينة بورسعيد!!!

الحمد لله جت سليمة ... حادث بمدينة بورسعيد!!!

Comment

Comment

Comment

Comment

Comment

Comment

Comment

Comment

Comment

Comment

Comment

Comment