الحمد لله جت سليمة ... حادث بمدينة بورسعيد!!!

[human]

ممدوح باشا
هدى اللعب الله يخليك :)
فيه ناس تانيه تخش تدافع عن وجه نظره و انت و ناس تانيه و هيبقى جدال عقيم
هو اترد عليه كويس وانت رديت عليه اكتر من مره
بجد صح حكايه الكورنيش ديه و صلاح سالم برده
و ياريت يا جماعه نهدى شويه
بجد انا وغير بنحزن قوى كل مانشوف جدال بسبب ان فيه ناس متطرفه فى نظرتها للامور
ياريت نبعد كلنا بقى عن الجدال فى الموضوع ده و نتعلم و ننصح بعض

[human]

للأستاذ Ruqi:-
إقرأ الكلمتين بتوع الدم السايح و الدماغ المكسرة على لسانك و اللى أنا معلمهم بالأزرق و بمقاس كبير و قوللى لو أنا وجهتهم ليك هتعتبرها شتيمة و لا لأ ؟؟؟
******************************************

هو الحق على أيمن إنه راجل و وقف ساعة الحادثة ؟؟؟

بعد كده يا جماعة اللى يشوف حادثة أو يكون جزء منها ما يقفش و لا يساعد و إلا هيوجه ليه اتهام.....كلنا نتخذ الموقف النبيل لسائق التاكسى ....انفد بجلدك...لا حد يضربك فى الشارع ولا عربيتك تتكسر....و كده كده انت مش غلطان ( وفقا لقناعتك) فهتنام بالليل مستريح......
آدى حال البلد نتيجة التحزب الأعمى و القبلية الجوفاء...كل واحد يشوف مين تبعه و يروح يتخانق له بحق أو بدون....
يعنى حرفنا معنى الحديث ( انصر أخاك ظالما أو مظلوما )
استغفرك ربى و أتوب إليك إنك أرحم الراحمين

يا استاذى ده صراع بقاء
يقف و يموت ولا يجرى و يعيش؟
لو انت شايف انك هتبقى مبسوط و انت راقد جمبه فى المستشفى مكسر من الضرب لو حصل ابقى اققف

يا استاذى ديه مش حادثه ينفع تقف فيها اللى هيقف هيضرب لما يموت
و مش عايعيش عشان ينام و يفكر فى اللى عمله صح ولا غلط

و بعدين الحديث انا مش محرفه ولو مش عاجبك المعنى او كلامى كله انت حر بس بلاش كلام افترى من نوع " آدى حال البلد نتيجة التحزب الأعمى و القبلية الجوفاء...كل واحد يشوف مين تبعه و يروح يتخانق له بحق أو بدون...."

انا مغلطش فيك

و ده نص الحديث
قال عليه الصلاة والسلام : ((انصر أخاك ظالماً أو مظلوماً ، فقالوا : يا رسول الله ننصره مظلوماً فكيف ننصره ظالماً ؟ قال : بالأخذ على يده )) .

( من الجامع لأحكام القرآن )

[human]

عزيزى chato_eg
انا حاسس انى فهمت غلط
لو فهمت غلط سامحنى و لو فهمت صح برده اعذرنى لو كان كلامى جاف

[KOLIU2002]

بعيدا عن نقد الموقف ككل والقاء اللوم على شباب الثلاثه من ضمنهم ايمن احنا كلنا مرنا بمواقف الاستفزاز والعربيه المتزبطه والكل بيقى عاوز يسبت لنفسه اد ايه هو واثق ف عربيته وبخلاف مين بيسوق احسمن من مين الحمد لله على سلامتك يا ايمن اولا ثانيا انت وقعت ف الفخ
يعنى بورسعيد بعد الساعه 2 بليل هى عباره عن مونت كارلو حتى الفجر ولو انت مكنتش شديد مع الاتنين دول كنت هتلاقى اتنين غيرهم بعد المسله ولو ملتش هتلاقى ف شارع الجمهوريه المشكله فى البورسعيده وانا ياجمعا بورسعيدى وراكب منطقه حره وانا عن نفسى عارف ان هما اكيييييييييييييييييد استفزوك بس المشكله ان البلد كل عربيتها متزبطه يعنى مكنتش هتخلص انا واحد من الناس عايش فى القاهره لما بنزل بورسعيد والله بركن العربيه ومبمشيش بيها علشان الجو ده
المهم انا مش برفع عنك المسئوليه بس انا بشرح للاعضاء ايه ئلى بيحصل ف بورسعيد واكيد انتا شفت بنفسك وبجد نصيحه منى متنزلش بورسعيد بالعربيه دى تانى لان كل الشباب عرفين بعض وبيحامو لبعض حتى لو هما غلطنين حتا لو مكنش حصل كده كان ممكن اى مشكله تانيه ف وقت زى ده تحصل الف سلامه عليك وربنا يقومهم بالسلامه والحمد لله انها جت على اد كده ومترحش المتشفى خاااااااااالص دلوقتى ولو رحت خد حد معاك ولو عوزنى اجى معاك انا والله ما عندى اى مانع بس خلى بالك عند المستشفى هتلاقى الف صاحب من صحابه ,
البورسعديه بيقفو مع صحابهم حتى ف الغلط
اسف انا انا طولت وحاول شيل العنوان ده ملوش لزمه

[haneena]

استاذ ايمن الف حمد الله على السلامة وربنا يقوم المصابين بالسلامة برده ويهديهم ويكونوا اتعلموا من الدرس
انا راى ان حضرتك غلطان فى موضوع الشد والجرى لانك مش ضامن الطريق مهما كان وحضرتك اعترفت بالغلط ده وده شئ كويس
لكن برده راى ان حضرتك غير متسبب فى الحادث اللى حصل للعربيتين التانيين وشايفة كمان ان حضرتك ليك حق عند اهل الشابين دول ولو فيه حد المفروض يتعوض يبقى انت بالتاكيد
كلكلم اخدتوا قرار خاطئ ولكن حضرتك الوحيد اللى حولت القرار الخاطئ ده لقرار سليم جدا فى لحظة مافرملت بالعربية وهو ده اللى كان لازم على الشابين دول يعملوه هما كمان لكن هم اختاروا يستمروا فى الخطأ يبقى هم يتحملوا مسؤولية قرارهم الخاطئ للمرة التانية
وارجوك بلاش تسمع كلام اللى يقولك روح المستشفى لانك مش هاتقدر تضمن رد فعل اهل المصاب خصوصا انهم ابدوا فعلا رايهم فى الموضوع لما اتهجموا عليك وكسروا العربية بدون وجه حق وواضح ان القانون السائد عندهم هو قانون الغابة زى اغلب المصريين للاسف
والف حمد الله على سلامتك مرة تانية وماتزعلش نفسك وتشيل نفسك ذنب الشابين دول لان ببساطة انت ماليكش ذنب اصلا

[abou_ruqi]

يا باشا دى ناس فاكرة الدنيا فتحة صدر و صوت عالى و خلاص.. و تلاقية ولا قراء الموضوع من اساسة و دخل يرميلة كلمتين عشان يعمل منظر بس

و طالما عامل ابو الرجال كدة ابقى ورينا شطارتك و انت بتعدى كورنيش اسكندرية كدة و فرجنا حتكسر دماغ الناس ازاى... دا انت مش حيبقالك دية ساعتها... بس لو فكرت تعمل كدة ابقى انزل لوحدك عشان مراتك و اولادك ملهومش ذنب فى التهور اللى انت بتعملة

اولا الله يسامحك علي الاسلوب العظيم ده
اللي هو غريب جدا من واحد لا اعرفه ولا يعرفني وعمري ما غلطت فيه!
فمش فاهم انت عاوز عداوة ليه ؟
حترتاح يعني لما ارد عليك باسلوب اعنف من اللي انت كتبه ؟؟ تفتكر يعني اني اعجز عن كده ؟؟؟


ثانيا انت واضح انك من اللي بيعدوا الكورنيش في اسكندرية و مبتعرفش !
ده لانك ماتعرفش انه مفيش تعدية علي الكورنيش لان فيه انفاق للمشاه
ده غير ان اللي يموت حد بياخد براءة وبيطلع من النيابة في ساعتها
لان المشاة غلطان في كل الحالات عندنا
انما بقه في بورسعيد ، في انفاق عبور مشاة ؟؟؟؟

اشكرك مرة اخري انك غلطت فيا وانا موجهتلكش كلام

[وائل عطية]

بصراحة عنوان الموضوع مستفز جداً وكأنه استعراض ومنظرة
سبحان الله ! إذا بُليتم فاستتروا
والأخ اللي هاجم صاحب الموضوع الناس هاجت عليه مش عارف ليه !
الراجل حط نفسه مكان أهل المصابين دول وكأنهم أولاده ..وشعر بضيق من الموضوع ..عادي
مش عارف ليه افتكرت الموضوع دا

http://www.almasry-alyoum.com/article2.aspx?ArticleID=185911&IssueID=1220

لو سمحتم اقرأوا وحطوا نفسكم مكان أهل الطفل دا وشوفوا رد فعلكم إيه (طبعاً مع فارق التشبيه)

[MMamdouh]

اولا الله يسامحك علي الاسلوب العظيم ده
اللي هو غريب جدا من واحد لا اعرفه ولا يعرفني وعمري ما غلطت فيه!
فمش فاهم انت عاوز عداوة ليه ؟
حترتاح يعني لما ارد عليك باسلوب اعنف من اللي انت كتبه ؟؟ تفتكر يعني اني اعجز عن كده ؟؟؟


ثانيا انت واضح انك من اللي بيعدوا الكورنيش في اسكندرية و مبتعرفش !
ده لانك ماتعرفش انه مفيش تعدية علي الكورنيش لان فيه انفاق للمشاه
ده غير ان اللي يموت حد بياخد براءة وبيطلع من النيابة في ساعتها
لان المشاة غلطان في كل الحالات عندنا
انما بقه في بورسعيد ، في انفاق عبور مشاة ؟؟؟؟

اشكرك مرة اخري انك غلطت فيا وانا موجهتلكش كلام

انا لا بشد ولا بسابق... ولا عمرى سوقت عربية فى اسكندرية اصلا... و عارف كويس ان الكورنيش فيه انفاق و لو كل واحد كان عدى من النفق مكنش حصلت حوادث اساسا... و انا مبعملش فهلوى و اعدى من وسط الشارع... نا بعدى من اماكن عبور المشاه او على اسواء الفروض بعدى و الاشارة مقفولة و مبرميش جتتى على اصحاب العربيات زى باقى الناس

و برضة عارف كويس ان اللى بيخبط حد بياخد براءة لانى خبط واحد قبل كدة و عشت الحوار من اولة لاخرة

انا كلامى موجة لنقطة محددة و هى انك بتلوم - على فرض ان الاسلوب اللى كتبتة يصنف تحت بند اللوم فقط لاغير - على الوحيد اللى اتصرف صح لحظة وقوع الحادث و سايب الاتنين اللى دخلوا فى بعض و بهدلوا الدنيا

انا معاك ان الشد و الجرى و السباقات فى الشوارع غلط و انا عمرى ما طلعت اسابق مع حد و انا كلمت ايمن و لومتة على قرارة بالشد و الجرى مع الناس دى ووضحتلة ان بمنتهى البساطة كان ممكن يبقى نزيل فى نفس المستشفى معاهم لو ربنا كرمة او ميبقاش معانا اساسا لا قدر الله و كان سهل اوى يموت حد وسط الزحمة و يكون ملوش ذنب

و كمان هجومك علية و دعائك عليه اسلوب غير مقبول... لو غرضك النصيحة يبقى الاسلوب غلط... و لو غرضك حاجة تانية يبقى برضة غلط... و اعتقد ان دى وجهة نظر الناس هنا برضة يعنى انا مش بتجنى عليك

MMamdouh

[abou_ruqi]

بصراحة عنوان الموضوع مستفز جداً وكأنه استعراض ومنظرة
سبحان الله ! إذا بُليتم فاستتروا
والأخ اللي هاجم صاحب الموضوع الناس هاجت عليه مش عارف ليه !
الراجل حط نفسه مكان أهل المصابين دول وكأنهم أولاده ..وشعر بضيق من الموضوع ..عادي
مش عارف ليه افتكرت الموضوع دا

http://www.almasry-alyoum.com/article2.aspx?ArticleID=185911&IssueID=1220

لو سمحتم اقرأوا وحطوا نفسكم مكان أهل الطفل دا وشوفوا رد فعلكم إيه (طبعاً مع فارق التشبيه)

اخيرا حد قال كلمة حق

وانا علشان مزعلش حد مش حشارك في الموضوع ده
وكل نفس بما كسبت رهينة

[MMamdouh]

الراجل حط نفسه مكان أهل المصابين دول وكأنهم أولاده ..وشعر بضيق من الموضوع ..عادي

كام سؤال كدة بعد اذنك يا وائل....

هو مش المصابين دول كانوا بيشدوا برضة ولا كانوا ماشيين جنب الحيط؟؟ و افتكر كمان ان هما اللى بداؤا الموضوع

هو بتاع الهوندا الفضى لو كان فرمل بدل ما رمى يمين زى بتوع الميكروباص مكنتش الحادثة حصلت؟؟؟ او على اسواء الفروض حتبقى بينه و بين التاكسى اللى قطع الطريق بدل ما تبقى مع عربيتين تانيين؟

هو لو مكنش ايمن فرمل كان بتاع التاكسى دخل فى المعمعة دى و اتصاب لان بتاع الهوندا الفضى مش حيعرف يفاديه برضة؟ و اكيد ساعتها كانت حتبقى حادثة موت بجد؟

مش الراجل اللى عندة مشكلة فى العامود الفقرى دخل فى الحادث اصلا عشان قريبة بتاع الهوندا الفضى دخل فية من ورا؟؟

يعنى من الاخر الحادث بين العربيتين الهوندا و بسبب سواق التاكسى... سيبنا كل الناس دى و مسكنا فى ايمن... و حسب ما افتكر هو قال انه بالفعل غلطان لانة سخن و شد معاهم

اذا كان اهل المصابين زعلانين يبقى كان من باب اولى يشوفوا ولادهم بيصرفوا الفلوس على عربياتهم ازاى و بيعملوا بيها ايه... و اذا كان حد محروق من المتسبب فى الحادث يبقى يصب غضبة على بتاع الهوندا الفضى مش ايمن

و اللى عايز يحط نفسة مكان اهل المصابين يروح يتكلم مع بتاع الهوندا الفضى

MMamdouh

[وائل عطية]

كام سؤال كدة بعد اذنك يا وائل....

هو مش المصابين دول كانوا بيشدوا برضة ولا كانوا ماشيين جنب الحيط؟؟ و افتكر كمان ان هما اللى بداؤا الموضوع

هو بتاع الهوندا الفضى لو كان فرمل بدل ما رمى يمين زى بتوع الميكروباص مكنتش الحادثة حصلت؟؟؟ او على اسواء الفروض حتبقى بينه و بين التاكسى اللى قطع الطريق بدل ما تبقى مع عربيتين تانيين؟

هو لو مكنش ايمن فرمل كان بتاع التاكسى دخل فى المعمعة دى و اتصاب لان بتاع الهوندا الفضى مش حيعرف يفاديه برضة؟ و اكيد ساعتها كانت حتبقى حادثة موت بجد؟

مش الراجل اللى عندة مشكلة فى العامود الفقرى دخل فى الحادث اصلا عشان قريبة بتاع الهوندا الفضى دخل فية من ورا؟؟

يعنى من الاخر الحادث بين العربيتين الهوندا و بسبب سواق التاكسى... سيبنا كل الناس دى و مسكنا فى ايمن... و حسب ما افتكر هو قال انه بالفعل غلطان لانة سخن و شد معاهم

اذا كان اهل المصابين زعلانين يبقى كان من باب اولى يشوفوا ولادهم بيصرفوا الفلوس على عربياتهم ازاى و بيعملوا بيها ايه... و اذا كان حد محروق من المتسبب فى الحادث يبقى يصب غضبة على بتاع الهوندا الفضى مش ايمن

و اللى عايز يحط نفسة مكان اهل المصابين يروح يتكلم مع بتاع الهوندا الفضى

MMamdouh

رسالتك وصلت يامحمد ..ويهمني أسجل اعتراضي وانزعاجي الشديد من العنوان.. معلش حسيت فيه بلامبالاة
وربنا يهدي الجميع ويشفي المصابين إن شاء الله
ومحدش بيتعلم ببلاش ..المهم الواحد ياخد العبرة من المواقف اللي بيمر بيها

[MMamdouh]

رسالتك وصلت يامحمد ..ويهمني أسجل اعتراضي وانزعاجي الشديد من العنوان.. معلش حسيت فيه بلامبالاة
وربنا يهدي الجميع ويشفي المصابين إن شاء الله
ومحدش بيتعلم ببلاش ..المهم الواحد ياخد العبرة من المواقف اللي بيمر بيها

+10000000000000

و فى النهاية ياريت كلنا نلتزم بالقوانين و ناخد بمبداء الحيطة و الحذر و مخليش الشيطان يغرينا بالجرى و كدة لان العواقب وخيمة... و دة لينك لكل واحد عايز ياخد عظة بجد:

http://www.wreckedexotics.com/newpho...d/bad918.shtml
MMamdouh

[عمرو عمارة]

كام سؤال كدة بعد اذنك يا وائل....

هو مش المصابين دول كانوا بيشدوا برضة ولا كانوا ماشيين جنب الحيط؟؟ و افتكر كمان ان هما اللى بداؤا الموضوع

هو بتاع الهوندا الفضى لو كان فرمل بدل ما رمى يمين زى بتوع الميكروباص مكنتش الحادثة حصلت؟؟؟ او على اسواء الفروض حتبقى بينه و بين التاكسى اللى قطع الطريق بدل ما تبقى مع عربيتين تانيين؟

هو لو مكنش ايمن فرمل كان بتاع التاكسى دخل فى المعمعة دى و اتصاب لان بتاع الهوندا الفضى مش حيعرف يفاديه برضة؟ و اكيد ساعتها كانت حتبقى حادثة موت بجد؟

مش الراجل اللى عندة مشكلة فى العامود الفقرى دخل فى الحادث اصلا عشان قريبة بتاع الهوندا الفضى دخل فية من ورا؟؟

يعنى من الاخر الحادث بين العربيتين الهوندا و بسبب سواق التاكسى... سيبنا كل الناس دى و مسكنا فى ايمن... و حسب ما افتكر هو قال انه بالفعل غلطان لانة سخن و شد معاهم

اذا كان اهل المصابين زعلانين يبقى كان من باب اولى يشوفوا ولادهم بيصرفوا الفلوس على عربياتهم ازاى و بيعملوا بيها ايه... و اذا كان حد محروق من المتسبب فى الحادث يبقى يصب غضبة على بتاع الهوندا الفضى مش ايمن

و اللى عايز يحط نفسة مكان اهل المصابين يروح يتكلم مع بتاع الهوندا الفضى

MMamdouh

تمام كده يا باشا وهو ده الي إحنا كلنا فاهمينه..؟؟؟؟

___________________
الأعضاء الكرام، كاتب الموضوع...

لقد قررنا بعد المشاورة غلق الموضوع لحيدة بعيداً عن هدفة فكان من المفترض أنه كان موضوع خبري لسرد قصة الحادث وظروفة، ولكنة تحول كثيراً عن مسارة واصبح موضوع جدلي احتوى الكثير من الشخصنة والهجوم على كاتب الموضوع بغض النظر عن فعله ورد فعله.

شكراً لتفهمكم
(إ.م.2)