نقص زيت الموتور

[yasser100]

يا جماعه للمره المليون . الزيت المفروض فوق ال max و قبل المنطقه المتعرجه العليا فى المانيوال . المنطقه دى لوحدها نص كيلو زيت و بكورتين على الديجيتال . العربيه بتنزل الزيت فى المانيوال على على علامة ال max بالظبط يعنى ناقصه نص كيلو و حاجه بسيطه تحت ال max بيبدأ يطير فيها الكورتين . الموضوع بسيط و مش عارف ليه همه مصممين ينزلوها ناقصه نص كيلو زيت و تعمل وجع الدماغ ده كل شويه
نزل الويت اللى فى العربيه و حط 4.300 كيلو زيت بالفلتر هاتلاقيها على المانيوال فوق ال max . المهندس هانى عارف الكلام ده و صوره .

[Batman372]

على فكره يا باشمهندس صفوت . الديجيتال مش خادع خالص ده مظبوط و حساس جدا و عن تجربه و اختبار شخصى . الراجل ما عندوش مشكله. الكلام ده حصل معايا و شرحته بالتفصيل و حتى المهندس هانى كان متابع معايا على الخاص .

كل سنه و انت طيب :) .

ياسر بيه .. كل سنه و انت طيب و بخير :)
انا اقصد ان الحساس فى بعض الحالات لو المانيوال مظبوط ممكن جدا يكون به عيب deffect ... و حصلى فى بى ام قبل كده و غيرته فى الضمان ...
و زى ما حضرتك قلت .. غالبا صاحب الموضوع ليس عنده اى مشاكل ...
تحياتى ...

[Amr Montasser]

هو حاجة من الاتنين يا الزيت بينزل ناقص يا زيت الفابريكه تبخيره عالى. بس الموضوع ده حصل مع كام واحد اعرفه عموما لحد ما تغيره فى 10000 يا تزويده good will فى التوكيل يا لو فيه مشكلة فى بلف التبخير بيتغير فى الضمان. انا كان نزل عندى كورة مرتين و كورتين مرتين لحد ما غيرته على حسابى من ساعتها منزلش عندى تانى. لو مش عايز وجع دماغ انصحك تغيره و خلاص. و اسف للاطالة

[yasser100]

هو حاجة من الاتنين يا الزيت بينزل ناقص يا زيت الفابريكه تبخيره عالى. بس الموضوع ده حصل مع كام واحد اعرفه عموما لحد ما تغيره فى 10000 يا تزويده good will فى التوكيل يا لو فيه مشكلة فى بلف التبخير بيتغير فى الضمان. انا كان نزل عندى كورة مرتين و كورتين مرتين لحد ما غيرته على حسابى من ساعتها منزلش عندى تانى. لو مش عايز وجع دماغ انصحك تغيره و خلاص. و اسف للاطالة

ده اللى حصل معايا بالظبط فى ال 1200 كم و روحت نزلت زيت الفابريكه ده و حطيت موبيل 5w30 و بعدها و ﻻ الهوا ﻻ ديجيتال و ﻻ مانيوال و غيرته تانى مره كمان بعد ما عدى سنه و كل حاجه فى العربيه الحمد لله زى الساعه . ده جننى يا راجل . يوم كوره تنقص و بعدين ترجع و بعدين ينقص اتنين و يرجعوا و تمشى شويه ينقصوا تانى . ليه التوكيل مصمم يتمشى على زيت الفابريكه 10000 كم مش فاهم اى سبب . انا خلصت منه بنقصه بصوت الموتور الخشن بسحب الموتور المنيل . هو 1000 كم كفايه على زيت الفابريكه .

[mario maged]

فعلا انا كان ناقص عندي كورتين و امبارح روحت مشوار اسيوط و رجعت النهاردة لاقيته ناقص كورة واحدة؟!!!!
نصيحتك يا ياسر بيه اغيره في صيانة ال5000؟ ولا التوكيل هيرفض؟
و لو التوكيل رفض اتصرف ازاي؟

[yasser100]

فعلا انا كان ناقص عندي كورتين و امبارح روحت مشوار اسيوط و رجعت النهاردة لاقيته ناقص كورة واحدة؟!!!!
نصيحتك يا ياسر بيه اغيره في صيانة ال5000؟ ولا التوكيل هيرفض؟
و لو التوكيل رفض اتصرف ازاي؟

ده قرف و الله زيت الفابريكه ده . جننا كلنا . طالما عمال ينزل و يطلع كور كده عندك يبقا ما فيش مشكله اصلا . روح التوكيل و اطلب تغييره من عندهم بزيت توتال اللى بيحطوه على حسابك و عير الفلتر . كانك اشتريت عربيه من اللى تعليمات صيانتها اول تغيير زيت على 1000 كم . التوكيل مش هايقول حاجه . دى حاجه براحتك انشالله تغيروا كل 100 كم طالما على حسابك مش هايوقول لك حاجه .

[mario maged]

ده قرف و الله زيت الفابريكه ده . جننا كلنا . طالما عمال ينزل و يطلع كور كده عندك يبقا ما فيش مشكله اصلا . روح التوكيل و اطلب تغييره من عندهم بزيت توتال اللى بيحطوه على حسابك و عير الفلتر . كانك اشتريت عربيه من اللى تعليمات صيانتها اول تغيير زيت على 1000 كم . التوكيل مش هايقول حاجه . دى حاجه براحتك انشالله تغيروا كل 100 كم طالما على حسابك مش هايوقول لك حاجه .

طب مش الزيت اللي هيحطوه هو هو زيت الفابريكة توتال بردو؟

[yasser100]

طب مش الزيت اللي هيحطوه هو هو زيت الفابريكة توتال بردو؟

توتال . بس اعتقد انه غير زيت الفابريكه . مختلف فى اللزوجه الفابريكه اتقل .

[mario maged]

كان عندي استفسار تاني
العربية اتجرحت في الاكصدام الامامي من الجنب موتوسيكل ابن حلال حك فيها
عادي اعملها عند اي حد هنا في البلد يلمعهالي ولا اعملها في التوكيل؟

[yasser100]

كان عندي استفسار تاني
العربية اتجرحت في الاكصدام الامامي من الجنب موتوسيكل ابن حلال حك فيها
عادي اعملها عند اي حد هنا في البلد يلمعهالي ولا اعملها في التوكيل؟

ﻻ اعملها عند اى حد ما فيش فيها مشكله دى . اعتقد انه لو طلبتها فى التوكيل مش هايعملها حتى فى نفس اليوم .

[عاصم لاشين]

فعلا انا كان ناقص عندي كورتين و امبارح روحت مشوار اسيوط و رجعت النهاردة لاقيته ناقص كورة واحدة؟!!!!
نصيحتك يا ياسر بيه اغيره في صيانة ال5000؟ ولا التوكيل هيرفض؟
و لو التوكيل رفض اتصرف ازاي؟