الفلوينس ... عيب خطيييييييييير

[Menna Menna]

يا جماعة انا معايا الفلوينس 2015 من شهر يناير وعملت بيها حوالى 8000 كم ، مؤخرا بدأت اسمع صوت طقطقة لما بيكون الدريكسيون ناحية اليمين خاصة وانا بركن العربية ، فى التوكيل جربوا العربية قالوا استحاله يكون المشكلة فى الكوبلن ومع ذلك كشفوا على العربية وقالولى انهم فكوا عامود الدريكسيون ملقوش حاجة وكشفوا على البطاحات وقالو الموضوع كان محتاج تربيط عفشه بس !!! استلمت العربية وبرده نفس العيب لسه موجود ، حد عنده فكره ممكن تكون ايه المشكله
دا غير صوت الطقطقة االى بيكون جوا صالون العربية لما تكون العربيه على طريق غير ممهد واللى اشتكيت منها كذا مرة ومفيش اى رد من التوكيل على الموضوع دا
كمان سؤال هو ضمان العربية 3 سنوان ولا سنه واحدة؟

[dr_mohamed16]

انا بأضم صوتي لصوتك في موضوع السحب ده ... انا بحب كل حاجة فى الفلونس .. بس فعلا طلعة العربية بطيئة
مش عارف .. كنت بقول يمكن عشلت انا عشان بيكون واقف جنبي في الاشارة لكزس و يوكون و بورش فا بحس بالفرق

لكن واضح ان مش ده السبب .. بس على كل العربية ممتازة

[mmsobhi]

بعد اي مطب طلعه الفلوانس بتبقي بطيئه ثانيتين لا اكثر وبرغم الثانيتين دول بعدهم بترجع تسبق عربيات سبقتها فيهم وبعد 90 و100 بيكون التسارع ممتاز

[Abu Reem]

زى ما حضرتك عندك المشكلة دى....انا كمان مالك للفلوانس و عامل بيها ٣٠ الف كم و بأكد لحضرتك انى معنديش المشكلة دى أبداً و عمرى ما حسيت ان طلعة العربية بطيئة و لا انى مكسوف و لا العربيات القديمة و الجديدة بتطلع بسرعة بعد المطب و انا مش قادر....مين ده اللى يدفع 200 الف جنيه فى عربية و يدافع عنها لو فيها العيب ده؟؟!!!!
انا لما بقول اللى صممها مصممهاش للجرى مبقصدش انا احنا دفعنا المبالغ دى فى سلحفاة شيك.....
الفلوانس متفرقش عن الأسترا و لا الأوكتافيا الجديدة ال ١٦٠٠ و لا كل الرينج بتاع ال١٦٠٠ المتوافر فى السوق الا فروقات بسيطة جداً و ذلك بسبب تجميع الفتيس و خفية الصاج فى بعض الأحيان و لكن مش الفرق المحسوس اللى يخليك مكسوف من عربيتك و مش عارف تعدى باقى السيارات
حابب برده اوضح لحضرتك ان موتور السيارة هو هو بتاع النيسان قشقاى بوزنها التقيل
و نفس موتور و فتيس السنترا اللى محدش اشتكى من سحبها و طلعتها!!!!!!
و نفس موتور و فتيس الجوك اللى محدش اشتكى من سحبها و طلعتها!!!!!
اى عربية اوروبى او بمواصفات اوروبى زى الاوكتافيا و الاسترا و ما شابه هو ده الأداء و التجميع اللى بتاخده منهم....عربيات تقيلة و موزونة ( طلعة عادية و لكنها مش سلحفاة و لا تكسف و لا بتكون اخر واحد) و تجميع محترم بعد كده
بالنسبة لو حضرتك كنت متعود على عربيات أسيوى زى الهيونداى و الكيا و التويوتا و ما شابه فالموضوع بيختلف تماماً لأن الصاج اخف بكتير فبتحس بتجميع أقوى للموتور و طبعاً طلعة قوية
اتمنى ان حضرتك تكون عديت ال ٣٠٠٠ كم علشان تكون اخدت العزم المظبوط للموتور و فى الأخر مفيش عربية كاملة و كل واحد طبعاً بيشوف أولوياته فى العربية و بيجربها قبل الشراء

تحياتى

يا أستاذ هاني...عيني في عينك كده.............يبقى انت بقى معاك فلوانس غير اللي معانا

انا سيارتي 2015 ويمكن لسه ماكملتش بها 2000 كم...لاني مسافر ويادوب اخويا بيشغلها كل أسبوع او 10 أيام شوية علشان الركنة

لكن بالفعل السيارة مقارنة مثلا باي سيارة ثانية...فعلا بطيئة وثقيلة في الطلعة الأولى (لحد 40 كم )

ولعلمك انا سقت معظم أنواع السيارات ...(ارمادا / جراند شيروكي / باجيرو ، دودج دورانجو ، شيفروليه ترافيرس ، ....كورولا......نيسان تيدا ،،،، وهيونداي النترا ) وغيرهم

يعني...مش متعود على الكوري..الخفيف ولا حاجة...


وطبعا مسألة ان السيارة لما تعدي 3000 كم هتتحسن...برده يعني اشمعنى يعني باقي السيارات بتبقى من اول يوم...بتسحب زي الفل....(يعني التيدا مثلا واهي نيسان وتقيلة يعني مش كوري ) ومع ذلك من اول يوم شريت في العربية كانت زي الفل في السحب....

- لا شك ان أي أسباب.....لتكون السيارة بهذه الطريقة في السحب غير مقبول....من شركة مفروض انها...عريقة......فالزبون لايريد من شراؤه للفلوانس انه يعمل بها غرز....ويسحب بها كسيارات السباق...ولكن المطلوب ان تكون السيارة على الأقل سحبها عادي ..مساوي للسيارات الأخرى المشابهه.....

يعني مش باقول ان الفلوانس يبقى سحبها زي (الجولف مثلا أو الللانسر ) بس يعني تكون مثل الكورولا او التيدا ..او الفيكترا....او الاوكتافيا...او البيجو....

هذا هو المفروض....ولكنها للأسف سحبها اقل من هؤلاء جميعا...

[Hany Saad]

يا أستاذ هاني...عيني في عينك كده.............يبقى انت بقى معاك فلوانس غير اللي معانا

انا سيارتي 2015 ويمكن لسه ماكملتش بها 2000 كم...لاني مسافر ويادوب اخويا بيشغلها كل أسبوع او 10 أيام شوية علشان الركنة

لكن بالفعل السيارة مقارنة مثلا باي سيارة ثانية...فعلا بطيئة وثقيلة في الطلعة الأولى (لحد 40 كم )

ولعلمك انا سقت معظم أنواع السيارات ...(ارمادا / جراند شيروكي / باجيرو ، دودج دورانجو ، شيفروليه ترافيرس ، ....كورولا......نيسان تيدا ،،،، وهيونداي النترا ) وغيرهم

يعني...مش متعود على الكوري..الخفيف ولا حاجة...


وطبعا مسألة ان السيارة لما تعدي 3000 كم هتتحسن...برده يعني اشمعنى يعني باقي السيارات بتبقى من اول يوم...بتسحب زي الفل....(يعني التيدا مثلا واهي نيسان وتقيلة يعني مش كوري ) ومع ذلك من اول يوم شريت في العربية كانت زي الفل في السحب....

أنا مش جايب الكلام ده من دماغى و لا هو افتراض....ده كلام صانع السيارة المكتوب فى كتالوج العربية و اللى انا و كل الملاك اللى عدوا ال ٣٠٠٠ كم لاحظوه ان اداء العربية اتحسن جداً و فاقت بعد ٣٠٠٠ كم



و ده الجزء اللى بيتكلم عن كده من الكتالوج نفسه فى بداية شرح القيادة

الفتيس ال CVT له طريقة معينة فى السواقة علشان تاخد اللى انت عايزه منه....اعتقد لان حضرتك مش بتسوق العربية كتير فلسه متعودتش شوية عليه و يمكن تكون محتاج تقرص شوية لو حسيت ان الأداء مش قد كده
للأمانة أنا معنديش اى مشكلة فى السحب...طبعاً كل واحد بيختلف عن الاخر
انا ملقتش غير اللى كاتب الموضوع و دكتور احمد و هو ايضاً مالك جديد هما اللى ابدوا ملاحظات عن السحب و مع ان الموضوع شاهده الاف الأعضاء و الملاك و لو حضرتك راجعت كل مواضيع الفلوانس من سنة ٢٠١٣ مع بداية نزول الفلوانس فيس ليفت و حتى الان مش هتلاقى اى مالك بيشكو من ضعف السحب
تحياتى

[Amr Gamal 01]

انا رأي انها طريقه سواقه مش اكتر الفيتيس عايز طريقه معينه انت ليه بتحس ان العربيه مش بتسحب العربي الاوتوماتيك العاديه بعد المطب يدوس على البنزين دوسه ثابته يبتدي ال rpm يعلى مثلا ل 3 و بعدين هو لسه حاطت رجله على الدواسه محركهاش ولا كبس اكتر ولا حاجه تبتدي العربي تنقل وتاخد سرعه اعلى تعالى بقا. للفلوانس مفيش طبعا كدا فا انت بتعمل الطريقه السابق شرحها مع الفلوانس نظرا لخبرتك السابقه مع الاوتو العادي فمبيكونش في تسارع مقبول وتحس العربيه تقيله بعد المطب هدوس الrpm يبتدي يعلا وصل ل 2.5 متسكوتش زود دوس براحه متكبيسش يعني طول ما ال rpm بيعلا انت عمال تدوس بالتدريج على الدواسه متسبتش رجلك لحد ما توصل للسرعه المطلوبه انا جربت مع عربيات كتير لانسر ex و مزدا 3 القديمه و لانسر بومه و اوبل فيكترا c كل عربيه ليها طريقه سواقه معينه ال ايزي ترونيك غير الاوتو العادي غير السي في تي غير السيكونشال في الm3. غير الدول كلاتش كل حاجه وليها طريقه سواقه دا غير ان الفيتيس الواحد في النوع تختلف طريقه سواقته من عربيه للتانيه لاختلاف السوفت وير. فا ال انا عايز اقوله ان الموضوع مش اكتر من طريقه سواقه والدليل ان ارقام تسارع العربيه وعزمها ميفرقش عن ارقام العربيات ال في نفس فئتها تقل شويه تزيد عن حاجات تانيه شويه لاكن في الaverege وسلامي للجميع وسلا م خاص للعميد هاني بيك

[Abu Reem]

يعني كل السيارات الاوتامتيك التانية.....بتبقى سهلة وناعمة بعد المطب...والفلوانس وضعها مختلف ؟؟؟

ليه المفروض اقرص قوي علشان السيارة تطلع...وتسحب....ما هو القرص ده بيخلي الموتور صوته عالي...وبرده مع القرص الجامد ما بيكونش ناعم في التسارع...

- وبعدين حكاية ان الأداء بيتحسن بعد ال 3000 كم ده معناه...ان فيه مشكلة فعلا بقى...او بلاش نقول مشكلة ...خلينا نقول معنى كده اننا لما بنقول السحب بطيء جدا بعد التوقف....ده موجود طالما انه قبل 3000 كم بيحصل معناه انه موجود....وكون ان الأعضاء مش كلهم اشتكوا....مش معناه انه مش موجود...وقد تكون بعض السيارات مثلا...لا توجد بها هذه المشكلة...وهذا استثناء....

احنا بس ثقافتنا....ان احنا...ما بنحبش نقول أي عيوب عن أي شيء بنمتلكه....على أساس سلعتنا تغلى ويصبح لها قيمة اكبر....

- واظن ان انا معايا فلوانس مش باتكلم عن سيارة مش معايا....واللي مش مصدق يجي يجربها وهو يعرف الفرق في السحب بينها وبين أي سيارة تانية ...مماثلة ...واتحدى اذا السيارة ..سبقت أي أي سيارة تانية في ال 200 متر الأولى او ال 300 متر الأولى...

ورغم هذا انا معجب بالسيارة جدا.....لمميزات أخرى كثيرة...وكقيمة مقابل النقود.....ولعلوها عن الأرض والمطبات...وللفخامة النسبية في الشكل والحجم...

لكن بطيئة في السحب بعض التوقف او المطبات...(فهي بطيئة جدا ...ولا يعنيني سبب هذا البطء ....وأتمنى ان يزول بعد 3000 كم ....هانت يعني )

[Hany Saad]

احنا بس ثقافتنا....ان احنا...ما بنحبش نقول أي عيوب عن أي شيء بنمتلكه....على أساس سلعتنا تغلى ويصبح لها قيمة اكبر....

بشكر حضرتك على حسن الظن فيا شخصياً و فى كل الأعضاء المحترمين

فعلاً أنا بقول كلام مش مظبوط و بعانى من العربية و بخبى علشان نفسى العربية تشد و تغلى علشان لما أبيعها إستعمال بعد ١٠٠ الف كم استخدام اكسب فيها الف جنيه زيادة!!!!!!!
و دى ثقافتنا اللى هو احنا مين؟؟!!!!!!

لو هيريحك : الفلوانس عربية بطيئة فى الطلعة و اخر عربية بتبقى طالعة من المطب او من الإشارة و كل العربيات المانيوال و الأتوماتيك بتسبقها و هى مختلفة عن كل العربيات و مش هنقدر للأسف نعمل اى حاجة فى الموضوع ده
و على فكرة الموتور مش هيتحسن و لا هيفرق بعد ٣٠٠٠ كم و هيفضل بنفس البطء ده

أسف انى قولت ردى و دخلت فى الموضوع و حاولت اساعد

تحياتى

[Abu Reem]

بشكر حضرتك على حسن الظن فيا شخصياً و فى كل الأعضاء المحترمين

فعلاً أنا بقول كلام مش مظبوط و بعانى من العربية و بخبى علشان نفسى العربية تشد و تغلى علشان لما أبيعها إستعمال بعد ١٠٠ الف كم استخدام اكسب فيها الف جنيه زيادة!!!!!!!
و دى ثقافتنا اللى هو احنا مين؟؟!!!!!!

لو هيريحك : الفلوانس عربية بطيئة فى الطلعة و اخر عربية بتبقى طالعة من المطب او من الإشارة و كل العربيات المانيوال و الأتوماتيك بتسبقها و هى مختلفة عن كل العربيات و مش هنقدر للأسف نعمل اى حاجة فى الموضوع ده
و على فكرة الموتور مش هيتحسن و لا هيفرق بعد ٣٠٠٠ كم و هيفضل بنفس البطء ده

أسف انى قولت ردى و دخلت فى الموضوع و حاولت اساعد

تحياتى

لا كده انت زعلتني منك...

بجد يعني...........ياراجل ده انا شاري الفلوانس....تقريبا....بسببك لاني احترم رأيك...ومصداقيتك...

تقوم تاخد الموضوع شخصي بالطريقة دي..وتقول لي باشكك فيك....

- يعني لو بنفس المبدأ...ما أنا ممكن أقول برده ان انت مش مصدقني وانا راجل كداب...وبافتري...على العربية...وان انا الوحيد اللي باشتكي من بطء العربية في الطلعة الأولى...


يارجل هو انا كوني أقول ثقافتنا ان احنا نحب نبالغ فيما نمتلك دي حاجة عيب..يعني ...ام انها فهلا شيء موجود فينا كلنا بما فيهم انا..........

وعلى فكرة انت مش ملاحظ ان أساسا اللي فاتح الموضوع واحد تاني من ملاك السيارة..وبيشتكي نفس الشكوى ؟؟؟؟ وهو وانا لسنا الوحيدين...بل هناك غيرنا كثير اشتكوا من هذه المشكلة

لا بجد ان فعلا زعلت منك جدا......ومعرفش انك مش ديموقراطي......وسريع الغضب بالشكل ده..رغم ان كل واحد بيقول رأيه بصراحة ومن تجربته الشخصية.....

كده بقى انا .....هابيع العربية.....اللي اشتريتها بسببك.....واهطلب منك تعويض ..وهاشتري 128 علشان بتبقى طلقة جنب الفلوانس.

[dr_mohamed16]

صلوا على النبي يا جماعة ... هو الموضوع اخد منحنى تاني ليه كده

[Abu Reem]

صلوا على النبي يا جماعة ... هو الموضوع اخد منحنى تاني ليه كده

عليه الصلاة والسلام....

شكرا يا دكتور محمد

مفيش منحنى تاني ولا حاجة...

الأستاذ هاني...من ارقى وافضل الناس اللي بيتعبوا ويعطوا المعلومة للناس هو والأستاذ / ياسر ايضا، ....الحق يقال

بس هو....خد الكلام بتعصب شوية.....مثلما نتعصب للأهلي والزماك...


السيارة موجودة....مع العديد من الناس...واللي عاوز يجربها ويحكم..يقول لنا رأيه ...

لان مش معقول انا وصاحب الموضوع مثلا....وبعض الناس اللي ذكرت نفس هذه المشكلة..مش معقول كلنا يعني...مش واخدين بالنا....ان السيارة بتسحب...واحنا...اللي مش واخدين بالنا

- وزي ما قلت لو اخدنا الامر بهدوء هنلاقي ان ده مش معناه ان العربية وحشة...بالعكس السيارة جيدة جدا.....بس مفيش سيارة كاملة من جميع النواحي.....لازم نتقبل ده

وتحياتي لاستاذ هاني ولك..ولجميع ملاك الجميلة فلوانس