بخصوص تخفيضات الجمارك 2016

[باسم الصاوي]

السلام عليكم....
كنت عاوز أسأل على حاجة بخصوص موضوع تخفيض الجمارك اللي حصل من كان يوم....
هو التخفيض ده على السيارات موديل 2015 -2016 (الزيرو)بس ولا على السيارات اللي من زمان (كسر زيرو)؟
يعني انا مثلاً أخويا شغال في السعودية وكنت عاوزه يبعتلي عريية رينو فلوانس 2011 (أتوماتيك -1600 سي سي)
فهل جمرك العربية دي 16% ولا لسه 40%؟
وجمركها حوالي كام لو تخضع لللتخفيض اللي حصل؟، وأيه رأيكم فيها من حيث أبرز المميزات والعيوب؟
وشكراً مقدماً

[Mecha]

عشان تدخل عربيه من الخارج ، مش لازم تكون موديل السنه؟؟

[mohbasyouni]

التخفيض لا يسرى على السيارات الاوروبيه القادمه من الخليج

[باسم الصاوي]

عشان تدخل عربيه من الخارج ، مش لازم تكون موديل السنه؟؟

مسموح ب10 سنين يعني ممكن لحد 2006

[باسم الصاوي]

التخفيض لا يسرى على السيارات الاوروبيه القادمه من الخليج

هو مش التخفيض ده على العربية أوروبية الصنع؟ متمش زكر خليجي أو أوروبي
قبل التخفيض كان الأتنين 40% ،وكان جمرك الرينو فلوانس 2011 72 ألف جنيه شامل المبيعات و الجمارك وكله.

[tasaka]

هل التخفيضات دى على العربيات من اوروبا فقط ؟؟

سؤالى عن مرسيدس او هوندا او تويوتا تيجى من امريكا .. هل تنطبق عليها التخفيضات ام لا ؟؟

هل العبره هى جايه منين ام اصل الماركه .. يعنى مثلا تويوتا اصلها يابانى .. بس فى تويوتا بتتصنع فى امريكا

ارجو التوضيح

[Hosam_Optrawy]

لازم تكون اوروبى جايه من بلدها مباشرة

من الخليج او من أمريكا ماينفعش

[tasaka]

لازم تكون اوروبى جايه من بلدها مباشرة

من الخليج او من أمريكا ماينفعش

شكرا لاهتمامك

[باسم الصاوي]

يعني لازم أجيب العربية من فرنسا أنما لو من السعودية مينفعش ؟
يعني هما بيشوفوا وارد منين ولا بيشوفوا أصل ماركة العربية أيه؟
يعني في حالة الرينو ،الرينو فرنساوي وتبع الأتفاقية و يسري عليها التخفيض لو جبتها من السعودية ،يبقى العربية يتقال عليها فرنساوي ويتطبق عليها القانون ولا هيقولك لا دي جايه من السعودية ومش مهم الماركة فتدفع الضريبة العادية؟

[Hany Saad]

تخفيض الجمارك يسرى على المنتج الأوروبى و حسب شهادة المنشأ اللى جاى بيها
يعنى بغض النظر عن ماركة العربية، المهم منشأ السيارة المستوردة دى إيه؟
بمعنى: تويوتا ماركة يابانية 100% و لكن يتم تصنيع الكورولا فى تركيا....يبقى تسرى عليها التخفيضات الأخيرة لأنها ذات منشأ أوروبى.

مشكلة الفلوانس اللى حضرتك بتفكر تجيبها من الخليج أنها تصنيع كورى....إذا شهادة منشأها كوريا و لذلك لا تخضع للتخفيض

تحياتى

[Hosam_Optrawy]

يعني لازم أجيب العربية من فرنسا أنما لو من السعودية مينفعش ؟
يعني هما بيشوفوا وارد منين ولا بيشوفوا أصل ماركة العربية أيه؟
يعني في حالة الرينو ،الرينو فرنساوي وتبع الأتفاقية و يسري عليها التخفيض لو جبتها من السعودية ،يبقى العربية يتقال عليها فرنساوي ويتطبق عليها القانون ولا هيقولك لا دي جايه من السعودية ومش مهم الماركة فتدفع الضريبة العادية؟

طبعا بيشوفوا جايه منين

لو جبتها من السعوديه هاتدفع الجمارك كامله 40 % + 15 % + 3 %

[باسم الصاوي]

يعني حضرتك لو من الخليج بس عربية منشأها فرنسي 100% يسري عليها التخفيض؟؟
وبعد اذنك عربيات ايه اللي يسري عليها التخفيض وممكن أجبها من الخليج بس متكونش بعد 2011
يعني يفضل 2008 إلى 2011

[Hosam_Optrawy]

يعني حضرتك لو من الخليج بس عربية منشأها فرنسي 100% يسري عليها التخفيض؟؟

لأ

مفيش تخفيضات جمركيه على اى عربيه وارده من الخليج

وبعد اذنك عربيات ايه اللي يسري عليها التخفيض وممكن أجبها من الخليج بس متكونش بعد 2011
يعني يفضل 2008 إلى 2011

مفيش تخفيض زى ماقولت ، لكن في حاجه اسمها خصم إستعمال ، يعنى لو حضرتك شارى عربيه من 4 - 5 سنين وعايز تنزلها السنه دى هاتدفع جمارك أقل من اللى لسه شارى عربيته السنه دى وعايز ينزلها

لكن الجمرك ثابت

[باسم الصاوي]

انا كنت كتبت الرد قبل مشوف رد حضرتك انا آسف
سؤال اخير الخصم كام في الميه على كل سنه؟
وايه رايك في الفلوانس 2011 1600 سي سي

[Hosam_Optrawy]

الخصم 10 % من تمن العربيه اول سنه ، و 5 % لكل سنه بعدها بحد أقصى 50 % يعنى بعد 9 سنين مش هاترخص تانى

يعنى لو العربيه مثلا بما يعادل 100 الف جنيه هاتدفع عليهم 65 الف جمرك

بعد سنه تنزل 10 % تبقى قيمتها 90 الف تدفع عليها جمرك 58.5 الف

بعد سنتين تنزل 15 % تبقى 85 الف تدفع عليها 55 الف

لحد 9 سنين نتنزل 50 % تبقى ب 50 الف وتدفع 32 الف جمرك

الفلوونس اللى في الخليج مختلفه عن اللى في مصر وتقفيل كورى