شكراً الشركة العالمية للسيارات.....رينو مصر

[didomotors]

هو انا فى عربية واحد صاحبى هزة فى عربيته مش عارف انا حاسس ان ده كويل موبينه

[Ahmed Selim]

ممكن يكون كذا حاجة يا يس باشا
ممكن قواعد موتور و ممكن قواعد فتيس

أخبار السحب أيه ؟ لو عادى يبقى خليه يبص على القواعد

[M.Moustafa]

مبروك يا كبير على تغيير الكويلات بس هقولك حاجة خد عربيتي بالمرة اعملها على انها عربيتك وكلم توني يغيرهوملي ببلاش.d

يا باشا عموما انت راجل محترم وتستاهل كل خير، وعلى فكرة انت وكل الوحوش انا مسافر السعودية اخر الاسبوع اي خدمة حد من الوحوش عايزها من هناك يامر وانا انفذ وان شاء الله هروح توكيل رينو هناك احاول اشوف العربية السافران واعملكم تقرير عنها

[Sharky]

تروح و تيجى بالسلامة يا محمد

و مستنين تقييم السفران

[M.Moustafa]

تروح و تيجى بالسلامة يا محمد

و مستنين تقييم السفران

الله يسلمك يا كبير وبجد لو عايز اي حاجة من هناك قولي وانا في الخدمة يا باشا

[Ramy_Tantawi]

مبروك يا احمد باشا الاصلاح والحقيقه المواقف دي دائما ما تشعر الواحد بالامان من العربيه ودي شأنها شأن اي عربيه محترمه من شركه محترمه اقصد ان ممكن يتكرر لكن اللي صعب يتكرر فعلاً هي معاملة رينو و EIM للعملاء ووالله من قبل ما يشتروا العربيه حتى من اول ما تدخل عندهم تتفرج على حاجه او تسأل لغاية ما تاخد عربيتك وتبدأ تتعامل معاهم على انهم وكيل عربيتك وبيتها اللي مطلوب منهم يحافظولك عليها ويخللوك دائما راضي عنها ومبسوط انك مالك للعربيه دي وبتشكر ربنا .

التعامل بجد محترف لابعد الحدود حتى انك مش محتاج لورق واثبات نظريات والكلام ده لاختصام ..........انت بمجرد انك تشتكي او تقول على حاجه مش عجباك التصرف الاول عندهم بدون تفكير عندهم هو ارضاء العميل دون الخوض في اي نزاعات معاه انك خارج الضمان ولا لأ ومشكلتنا ولا لأ طب هات ورق يقول انك غيرت الكويل ده داخل الضمان عشان نغيره دلوقت .......... آسف للاطاله لكن الموقف بجد ينم عن ناس محترمه تعمل في الخفاء وعارفين شغلهم كويس جداً .

ملحوظه اخيره شفتها وحابب اضيفها طالما احنا بنتكلم عن EIM من حوالي اسبوعين تقريباً ان لم يكن اقل كان في تفتيش من رينو فرنسا وكان بالصدفه انا في اليوم ده هناك فا قلت اتفرج كده واشوف...........انا توقعت ان المعامله هاتختلف او على الاقل هايكون في فرق ده كعادتنا يعني..........المفاجأه انه لم يتحرك ساكن اطلاقا في التوكيل اليوم ده ........المهندسين بيستقبلوا العربيات بنفس النظام ونفس كل حاجه مافيش حاجه زادت ابداً......كل حاجه طبيعي انا عمال اقول لنفسي هو مافيش ورد هاييجي ؟؟؟ طب مافيش سجاده حمراء اللون تتحط !!!!! طيب بتاع الامن اللي بيستلم العربيه مني مش هايهاديني بي شوكولاته ولا حاجه ؟؟؟ طيب الكافيتيريا اللي جوه والناس بتوعها يمكن يوزعوا بيبسي بدل الشاي والقهوه والكلام ده ؟

المهم آخر ما غلبت قلت خلاص مفيش فرق الحاجات دي يبقى اكيد الدنيا داخل الورشه هاتكون مختلفه والعربيه هاتطلع قبل وقتها بكتير ما هو لازم يكون في فرق
الحمد لله خابت كل توقعاتي والعربيه طلعت في وقتها مغسوله بنفس النظام وكله تمام ......لا تتخيلوا مدى السعاده اللي كنت فيها والله العظيم وانا مش لامس اي تغيير بسبب زيارة رينو فرنسا دي وتأكدت ان هدف الناس دي هي رضاء العملاء وفقط .

[align=center]شكرا EIM[/align]

[Ramy_Tantawi]

محمد باشا رايح فين يا راجل الناس راجعه تعيد وانت سايبنا ورايح :b4_611:

توصل بالسلامه ان شاء الله يا محمد وان شاء الله تكون سفريه خفيفه ونشوفك قريب ان شاء الله وربنا معاك .

[M.Moustafa]

محمد باشا رايح فين يا راجل الناس راجعه تعيد وانت سايبنا ورايح :b4_611:

توصل بالسلامه ان شاء الله يا محمد وان شاء الله تكون سفريه خفيفه ونشوفك قريب ان شاء الله وربنا معاك .

يا باشا اسبوع في السريع وراجع واي اوامر يا باشا انا في الخدمة

[Ramy_Tantawi]

جزاكم الله كل خير يا محمد باشا انا عاوز سلامتك بس والله وان شاء الله اطمئن عليك قبل ما تسافر وبعد ماترجع بالسلامه ان شاء الله.

[Ahmed Selim]

مبروك يا كبير على تغيير الكويلات بس هقولك حاجة خد عربيتي بالمرة اعملها على انها عربيتك وكلم توني يغيرهوملي ببلاش.d

يا باشا عموما انت راجل محترم وتستاهل كل خير، وعلى فكرة انت وكل الوحوش انا مسافر السعودية اخر الاسبوع اي خدمة حد من الوحوش عايزها من هناك يامر وانا انفذ وان شاء الله هروح توكيل رينو هناك احاول اشوف العربية السافران واعملكم تقرير عنها

يا حمادة أنت تأمرنى بس

تروح وتيجى بالسلامة يا باشا

[Ahmed Selim]

شكرأ يا رامى......وواضح أن الناس هناك محترفة كلٍ فى أختصاصه ومش بتوع منظرة و كلام على الفاضى