كنت عايز اشترى ميجان

[blackman]

كنت عايز اشترى ميجان بس كنت خايف من الناس بيقلوا على العربية دى من مشاكل ecuوا التهنيج بتاعها وحاجات تانى فلو حد يعرف يفدنى يارات
(انا سمعت انها بتفصل وهي ماشية ودة عيب ecu
بس انا مش مقتنع ان رينو تنزل حاجة فيها العيوب دى كلها
و هل الميجان فى نفس مستوى الفكترا b من حيث المتانة ولا لا وهل ليها قطع غيار متوفرة ولا لا معلش انا اسف طولت عليكم

[Abdo_Eldesokey]

خش يا باشا في قسم الرينو هتلاقي كل حاجة نفسك تعرفها عن الميجان

وسيبك من كل الإشاعات دي

[Amr_Moh]

Be brave ....

[Ahmed Selim]

أعطـــــــال الميـــــجان II من مـــلاكهـــا و إصلاحــــها

وبعد لما تشوف أعطالها اللى مُلاكها قالوها شوف اللينك دى.....هتلاقى فيها مواضيع كتيييييييير قوى أهمهم فى رأيي
1- أسعار قطع الغيار والصيانة فى التوكيل
2- أسعار قطع الغيار خارج التوكيل
3- أمان الميجان عن تجربة حقيقية ( حصلت لزميل معانا أسمه رامى طنطاوى )
4- حلقات أسباب سوء سمعة الميجان

معلش هما هايخدوا منك شوية وقت بس مفيدين جداً.

على فكرة أنا قبل الميجان كان معايا فيكترا 97 و 2000 مش 1600
الفيكترا أحسن فى الثبات فوق ال 170 أو 180 كم و عزمها أعلى طبعاً.....بس فى رأيي الباقى ميجان تكسب فيه.

[Sharky]

انا سمعت انها بتفصل وهي ماشية ودة عيب ecu
بس انا مش مقتنع ان رينو تنزل حاجة فيها العيوب دى كلها

الكلام دا إشاعات و ما بيحصلش
أنصحك بقرأءة الللينك دا فيه كل حاجة عن الميجان

http://www.nilemotors.net/Nile/showthread.php?t=24062

[sshafie]

انا معايا ميجان موديل 2005 ما واجهتش غيرال 3 مشاكل المشهورين :
1- علبة و عامود الدركسيون و تم تغيرها على الضمان فى التوكيل
2- سوفت وير الفتيس و تم تغييره برضه على الضمان
3- الكاوتش و الجنوط و غيرتهم ب جنوط مومو و كاوتش بريدجستون

و على فكرة انا ناوى ابيعها ف خلال شهر إن شاء الله لو حضرتك اقتنعت بيها او محتاج تفاصيل اكتر كلمنى

[M.Mokhtar]

هل الميجان فى نفس مستوى الفكترا b من حيث المتانة ولا لا وهل ليها قطع غيار متوفرة ولا لا معلش انا اسف طولت عليكم

الرد

على فكرة أنا قبل الميجان كان معايا فيكترا 97 و 2000 مش 1600
الفيكترا أحسن فى الثبات فوق ال 170 أو 180 كم و عزمها أعلى طبعاً.....بس فى رأيي الباقى ميجان تكسب فيه.

ومن حيث المتانه اعتقد الفكترا تكسب برده بس خلى بالك ده مأثر فى وزن العربيه وبتالى على الموتور ال 1600 تعتبر تقيله فى الطلعة

[blackman]

شكرا يا وحوش بجد على الرد السريع وجارى قراءة المواضيع

[ringoo84]

فعلا الميجان عربيه تستاهل الاهتمام واكيد لو حضرتك ركبتها هتعرف ليه الكلام الجامد الي ملاك الميجان بيقولوه على العربيه دي ...........
وربنا يعملك الي فيه الخير............

[Ahmed Selim]

الرد


ومن حيث المتانه اعتقد الفكترا تكسب برده بس خلى بالك ده مأثر فى وزن العربيه وبتالى على الموتور ال 1600 تعتبر تقيله فى الطلعة

المتانة اللى هى أيه بالظبط ؟؟؟
قوة الصاج ؟ صاج الفيكترا أكيد أحسن بس فى الحوادث لا قدر الله الميجان أكثر أماناً.
الخامات الداخلية.....الفيكترا أكثر أحتمالاً من الميجان شوية.
وبالنسبة لموضوع الوزن فهو صحيح طبعاً.