عاجل : كل تفاصيل رينو لوجان المغربية من مصادرها الرسمية !

[mo7a_mo7a]

الف شكر ليك يا مصطفي علي الموضوع الجميل
وشكر خاص لسبعاوي باشا علي التعليقات والتحليل المصري الصرف

والايام مفيش اقرب منها وان غدا لناظره قريب

[badry]

اللعبة هى لعبة مين اللى نفسه اطول، لو اشعب استرجل مرة وطول باله العربيات هتنزل هتنزل،
لكن انا فاكر تجربة حصلت السنة اللى فاتت كان احد طرفيها هو الشعب، والشعب كان نفسه قصير ومطولش باله، بالتالى خد على دماغه فى صورة غلاء سعر المواد البتروليه
مشكلتنا اننا بنتحمس جدا لاى مشروع فى البداية لكن بعد شوية ننزل على مافيش او نتلخم فى حاجة تانية، وليس ادل على ذلك من قضية الاطباء المصريين التى انداست تحت جنازير دبابات غرة، اللى هتنداس بدورها كمان شهرين تحت عجلات العربيات اللى مش بترخص او تحت وابل الشتائم الموجهة لأى دولة اجنبية اهان احد وماطنيها مقدساتنا ، او تحت امطار الشجب والتنديد لصعوبة امتحانات الثانوية العامة...الخ
بس مع ذلك انا لسة عندى امل ولو بسيط ان الشعب يسترجل مرة ويتمسك بحاجة
يعنى انا هحكيلك مثال ظريف جدا، انا وبعض اصدقائى حاليا مقاطعين البضائع الأمريكية والاسرائيلية والدنماركية والسعودية ومقاطعين شراء السيارات الجديدة، وكل واحدة من دول لسبب، امريكا حتى يتضح موقفها الجديد فى قضايا الشرق الأوسط، اسرائيل لما ارتكبته فى حق المواطن الغزاوى(وليس حماس)، السعودية بسبب قضية الأطباء، الدنمارك لموقفها المتعنت من اهانة مقدساتنا،شراء سيارات جديدة مشاركة مع الحملة، تعتقد كام واحد من شعبنا يقدر يلتزم بموقف زى ده وميتخلاش عن قضية فيهم لصالح قضية اخرى تحتل قمة هرم الاهتمام فى وقتها،
لذلك فالقصة ببساطة هى لو ان الشعب استرجل مرة وتمسك بقضية المقاطعة التجار هتنخ هتنخ، لو الشعب نفسه انقطع مش بس هناخد على دماغنا، هناخد على كل جزء فى جسمنا يمكن لعصا التجار ان تطوله، العربيات هتغلى، قطع الغيار هتغلى، خدمات السيارات هتغلى، الدنيا هتولع، وهو ده الشئ اللى التجار بيلعبو عليه، ان الشعب نفسه قصير وانهم يقدروا يغطوا مصاريفهم لفترة ، بعدها هيطلعوه على جتتنا اخماسا واسداسا، فالأمل الوحيد حاليا ان الشعب يسترجل

الله يفتح عليك كمان و كمان يا سبعاوي باشا يا كبير

و الله كلامك مزبوط و زي الفل...........

و زي ما قال الشاعر: إذا الشعب يوما أراد الحياه..........فلابد أن يستجيب القدر

و أنا بقول: إذا الشعب جيه في يوم و إسترجل...........إبقى سلملي على أم جلجل


و إن شاء الله يجي اليوم و نسلم على أم جلجل........

[AbuAbdAllah]

اللعبة هى لعبة مين اللى نفسه اطول، لو اشعب استرجل مرة وطول باله العربيات هتنزل هتنزل،
لكن انا فاكر تجربة حصلت السنة اللى فاتت كان احد طرفيها هو الشعب، والشعب كان نفسه قصير ومطولش باله، بالتالى خد على دماغه فى صورة غلاء سعر المواد البتروليه
مشكلتنا اننا بنتحمس جدا لاى مشروع فى البداية لكن بعد شوية ننزل على مافيش او نتلخم فى حاجة تانية، وليس ادل على ذلك من قضية الاطباء المصريين التى انداست تحت جنازير دبابات غرة، اللى هتنداس بدورها كمان شهرين تحت عجلات العربيات اللى مش بترخص او تحت وابل الشتائم الموجهة لأى دولة اجنبية اهان احد وماطنيها مقدساتنا ، او تحت امطار الشجب والتنديد لصعوبة امتحانات الثانوية العامة...الخ
بس مع ذلك انا لسة عندى امل ولو بسيط ان الشعب يسترجل مرة ويتمسك بحاجة
يعنى انا هحكيلك مثال ظريف جدا، انا وبعض اصدقائى حاليا مقاطعين البضائع الأمريكية والاسرائيلية والدنماركية والسعودية ومقاطعين شراء السيارات الجديدة، وكل واحدة من دول لسبب، امريكا حتى يتضح موقفها الجديد فى قضايا الشرق الأوسط، اسرائيل لما ارتكبته فى حق المواطن الغزاوى(وليس حماس)، السعودية بسبب قضية الأطباء، الدنمارك لموقفها المتعنت من اهانة مقدساتنا،شراء سيارات جديدة مشاركة مع الحملة، تعتقد كام واحد من شعبنا يقدر يلتزم بموقف زى ده وميتخلاش عن قضية فيهم لصالح قضية اخرى تحتل قمة هرم الاهتمام فى وقتها،
لذلك فالقصة ببساطة هى لو ان الشعب استرجل مرة وتمسك بقضية المقاطعة التجار هتنخ هتنخ، لو الشعب نفسه انقطع مش بس هناخد على دماغنا، هناخد على كل جزء فى جسمنا يمكن لعصا التجار ان تطوله، العربيات هتغلى، قطع الغيار هتغلى، خدمات السيارات هتغلى، الدنيا هتولع، وهو ده الشئ اللى التجار بيلعبو عليه، ان الشعب نفسه قصير وانهم يقدروا يغطوا مصاريفهم لفترة ، بعدها هيطلعوه على جتتنا اخماسا واسداسا، فالأمل الوحيد حاليا ان الشعب يسترجل

كلامك سليم تماما يا بشمهندس سبعاوي .. أنا من أكثر المهتمين بمتابعة موضوعاتك في رووم اللادا ومقارنات السيارات في المنتدي هنا وكذلك على موقع كونتكت كارز وبحييك على عطاءك المستمر لكل من يطلب مشورتك أو خبرتك في مجال السيارات .. وبالنسبة لفكر المقاطعة فهو في رأيي من أقوى أساليب التغيير بس ليه ناسه يعني صنعة وببساطة الموضوع عايز صبر وعزيمة وتضحية ونحط كذا خط تحت كلمة "تضحية" يعني حتى لو كان عدم شراء سيارة ضد مصلحة شخصية وقتية لأن في النهاية الهدف من مقاطعة الشراء هو المصلحة العامة، وأنا معاك إن فشل معظم محاولات المقاطعة في مصر راجع لأن نفس المواطن المصري قصير بس السبب الحقيقي هو قلة الوعي وانتشار فكر "أنا مالي" أو "أنا مش حغير الكون" اللي خلتنا شعب يوصم بالسلبية وعدم القدرة على المشاركة في اتخاذ أي قرار، ولذلك حتلاقي معظم المشاركين في مثل هذه الحملات إما شباب متحمس على الفيس بوك والمنتديات الشبابية أو مثقفين على قدر جيد من الوعي، عشان كدة نشر الوعي بين الناس بإيه اللي ليه وإيه اللي عليه هو الحل لو عايزين يكون لينا احترام داخل أو خارج بلدنا.

[AbO_FaRaH]

دلوقتى الموضوع فيه شويه حاجات مش قادر افهمها اولا: بفرض ان النولون البحرى بين المغرب و مصر اعلى من رومانيا ومصر................>حاليا بسبب الازمه العالميه حدث انخفاض رهيب فى النولون البحرى (مع ملاحظه النولون البحرى انخفاض بنسبه 90%)................................,تانيا:قال تكلفه الانتاج فى المغرب اعلى من رومانيا عشان حجم الانتاج.............................>طيب ازى المغرب بتصدر الى اروبا بسعر منافس معنى الكلام ده ان هذه السياره كده سعرها غير منافس فى اروبا وده عكس الكلام المعلن عن السياره . وفيه حاجه تانيه مهمه لازم توكيل رينو يضغط على الشركه المغربيه لتخفيض سعر السياره بسبب الازمه العالميه وانخفاض سعر المواد الخام والبترول وكمان فيه سبب مهم ان اروبا حاليا تعنى من الركود يعنى الطلب على هذه السياره من المغرب هايكون قليل بكده التوكيل يسطيع الضغط على الشركه بقوه ..............................> وبكده الوكيل يسطيع دخول السوق بسعر افضل من السعر االمتوقع(بدون جمارك)قبل حدوث الازمه العالميه وانخفاض الاسعار .(يعنى 50 الف تعتبر غاليه ده بالمنطق)
السؤال المهم ماهو سعر السياره بدون جمارك وطبعا بعد المصاريف ومكسب الوكيل؟؟؟؟؟؟؟؟؟؟؟؟ ارجو الرد

[som3aa]

أستاذ مصطفى , انا مش فاهم ايه هدفك كل شوية انك تطلع اشاعة؟
العربية لم تسعر و لو سالت نصير نفسه مش هيرد عليك
ارجوك بلاش اشاعات علشان الناس بتصدق الكلام دا.
اتصال من نايل موتورز مين؟ و مين اللى اتصل؟؟؟

[Terrible_DaRsH]

1500 Cc +
120 حصان + تصميم رائع + جميع الكماليات + توكيل محترم + تكنولوجيا فى التصنيع و ( 54000 جنيه ) !!! متجيش دى ..
ده على كده اللى اشتروا البريليانس Frv هيولعوا فى نفسهم مع الاعتذار ليهم !!
معتقدش انها هتكون رخيصة اصلا ..
لان كده حسام ابو الفتوح هيتخرب بيته وكل تجار الصينى والشيفروليه لانوس والفيرنا كمان ...
اللى هياخد قرار فى سعر العربية دى لازم يعرف انه بكده هيواجه مشاكل كتيرة جدا لان غبور مش هيسكتوا وشيفروليه مش هتسكت و اصحاب توكيلات البريليانس والشيري والاسبرانزا مش هيعدوها بالساهل
لان ده خراب عليهم كلهم لو نزلت بالسعر ده ( 52000 الى 55000 ) بكده محدش هيبص للفيرنا ولا اللانوس ولا الصينى بجميع انواعه فمهما عمل الشعب مش هيتغير حاجة ..
ولكن لو حصلت المعجزة واتحرك الشعب ده ولو لمرة فى حياته ..هيحصل الاتى :-
سعر العربية هينزل بالمعدل الطبيعى جداا
سعر الفيرنا هينخفض ليرتقي بالمنافسة او ممكن يلغوا انتاج الفيرنا اساسا ..
سعر اللانوس هينخفض ايضا ..
سعر الصينى كله هينزل الارض لان مينفعش يوقفوا انتاج الصينى كله ..
والموضوع مش بسيط يا جماعة .. الناس دى متفقة مع بعض من زمان على كل شيء ومينفعش يحصل تغيير فى الخطة بسهولة الا اذا ( الرجالة اتحركت )..

[ehabradwan]

انا شايف انها لو هتنزل بالسعر ده يبقى كويس احسن ماجيب فيرنا ولا كريستالة مستعملة

[Samir Elshahawy]

1500 Cc +
120 حصان + تصميم رائع + جميع الكماليات + توكيل محترم + تكنولوجيا فى التصنيع و ( 54000 جنيه ) !!! متجيش دى ..
ده على كده اللى اشتروا البريليانس Frv هيولعوا فى نفسهم مع الاعتذار ليهم !!
معتقدش انها هتكون رخيصة اصلا ..
لان كده حسام ابو الفتوح هيتخرب بيته وكل تجار الصينى والشيفروليه لانوس والفيرنا كمان ...
اللى هياخد قرار فى سعر العربية دى لازم يعرف انه بكده هيواجه مشاكل كتيرة جدا لان غبور مش هيسكتوا وشيفروليه مش هتسكت و اصحاب توكيلات البريليانس والشيري والاسبرانزا مش هيعدوها بالساهل
لان ده خراب عليهم كلهم لو نزلت بالسعر ده ( 52000 الى 55000 ) بكده محدش هيبص للفيرنا ولا اللانوس ولا الصينى بجميع انواعه فمهما عمل الشعب مش هيتغير حاجة ..
ولكن لو حصلت المعجزة واتحرك الشعب ده ولو لمرة فى حياته ..هيحصل الاتى :-
سعر العربية هينزل بالمعدل الطبيعى جداا
سعر الفيرنا هينخفض ليرتقي بالمنافسة او ممكن يلغوا انتاج الفيرنا اساسا ..
سعر اللانوس هينخفض ايضا ..
سعر الصينى كله هينزل الارض لان مينفعش يوقفوا انتاج الصينى كله ..
والموضوع مش بسيط يا جماعة .. الناس دى متفقة مع بعض من زمان على كل شيء ومينفعش يحصل تغيير فى الخطة بسهولة الا اذا ( الرجالة اتحركت )..

علشان كده انا بقول أننا لازم نستمر في حملتنا الي أن تتحقق كل أهدافها و مانفرحش بنزول سعر عربية واحدة كام ألف جنيه

و خلوا بالكم من أن فيه حاجات تانيه أهم من سعر العربيات زي قطع الغيار و خدمة مابعد البيع و أحترام التوكيل لشروط الضمان و قواعد الصيانة السليمة و توافر قطع الغيار
الموضوع مش سهل أحنا بنكسر في جبال تراكمت علينا بسبب صمتنا سنين و ربنا يعينا

[TaoTao]

شكراً ع الخبر .. بس السعر صدمة للمستهلكين وصدمة لتجار الماركات الأخرى على السواء!!

[Imhotep]

يا جماعة الموضوع مش مجرد مقاطعة للسيارات لفترة طالت او قصرت، انما هى روح جديدة من الوعى لدى المستهلك المصرى بحقوقه التى لابد ان يحصل عليها، والتى لا يمن احد عليه بها. صدقونى انا فى اشد الاحتياج الى سيارة لانى اسكن فى اكتوبر و اعمل بوسط البلد، تخيلوا المشوار ذهابا و ايابا يوميا. لكنى، ومنذ شهر سبتمبر الماضى، ومع بدء معرفتى بالحملة و مسبباتها المنطقية من مغالاة فى ثمن السيارات، لخدمة ما بعد البيع الغير موجودة، للكماليات الناقصة..... الخ الخ الخ، فقد قررت الانتظار حتى اطول وقت فى استطاعتى قبل شراء سيارة.
احمد الله انى بصحتى و استطيع الصبر على ابتلاء المواصلات العامة الى اقصى حد ممكن، صدقونى حاليا انا منتظر لمجرد الرغبة فى الانتظار لاطول فترة ممكنة بدون ان ادفع ثمن سلعة يذهب معظمه ما بين جبايات و هامش ربح غير معقول، تلك السلعة التى تباع بثلث ثمنها فى غير بلدنا الحبيبة. كان الله فى عون هذا الشعب.

[Sharky]

يا جماعة قبل ما نقول إنها غالية و لا مناسبة
لازم نعرف الأول هى بتتباع فى المغرب بكام

أنا كنت سمعت من زميل فى المنتدى إن سعرها فى المغرب فى حدود الخمسينات
فكده يبقى سعرها حلو جد

[ابوهاشم]

ياريت بس تنزل فعلا بالسعر ده ومايلعبو ش التجار بيها

[Rsarabia]

هو مينفعش نستورد يعنى الا اللوجان ؟؟؟ من حلاوتها اوى ؟
يعنى مينفعش ناخد اى عربية تانية تكون متجمعة فى المغرب مثلا

[ahmedehab]

طيب العربيه هتنزل في الاسواق المصريه امتي؟؟؟؟؟؟؟؟؟؟؟؟؟؟؟؟

[karimone]

بيقولو علي شهر مايو...