الحمد لله اشتريت الميجان ملاحظاتى وما لا نعرفه عنها(الموضوع قديم)

[د.محمود صلاح]

الحمد لله وفقنى الله لشراء الميجان التى كنت ابحث عنها من 4 اشهر وهى موديل اخر 2006 ماشية 21 الف كم فى 8 اشهر فرش جلد بيج ومثبت سرعة وفتحة سقف وملاحظاتى المبدئية عنها:
ثبات رائع فى السرعات العالية وصلت بها الى 200 بالراحة بدون عناء
مثبت السرعة ومحدد السرعة بها أكثر من رائع السيارة تتسارع لوحدها حتى تصل للسرعة المطلوبة
السيارة بها اشطراطات ومواصفات لحماية البيئة تحملنا تكلفتها على الفاضى ( لا يطبق فى مصر)
فتحة تانك البنزين لا تسمع بمرور بنزين بالرصاص فقط بنزين خالى الرصاص
الCD بها ممتاز وبه خاصية تعلية وخفض الصوت حسب سرعة العربية
استهلاك البنزين لا باس به بالنسبة للاوتوماتيك
الكلاكس مش بيخجل ولازم يتغير او يتزود له فردة تانيه
تيل الفرامل يتآكل بسرعة وهذا عيب الاوتوماتيك فى اغلب العربيات
كتالوج السيارة ذكر فيه أشياء لا أعلم ان كانت موجودة بالسيارة أم لا :
1- نظام الثبات الالكترونى electronic stsbility programm ESP وأشار اليه بلمبه فى التابلوه وهى موجودة ولكن لاتضيئ ابدا فهل هى مجهزة بذالك ام فقط فى مواصفات دول اخرى؟
2-نظام التحكم فى الشد (الحك) traction control ASR وهوالنظام الذى يمنع دوران العجل على الفاضى عند التسارع على ارض مزحلقة - ثلج مثلا - وله زر ابطال تحت الدركسيون كما فى الصورة فى الكتالوج (غير موجود ايضا )
3-نظام مراقبة ضغط الهواء فى الاطارات هل هو موجود فعلا!!
4- نظام اغلاق ابواب السيارة من الداخل والخارج -كما ذكر ضغطتين على زر الغلق فى الريموت- يغلق الابواب من الداخل والخارج عشان لا احد يفتحها عند كسر الزجاج من الداخل-
وهذا النظام غير موجود فى السيارة او غير مفعل ( الله اعلم)
5- هل المرآة بتاعة الصالون فعلا electrochrome بمعنى انها تعتم عند النور المبهر القادم من السيارات الى خلفك؟
هذه بعض ملاحظاتى من اول يوم ركبتها فيه
والعربية لازم تكون راكبها جنب التوكيل وهى مصصمة للشعوب والاجواء والطرق والقوانين الاوروبية وليست مناسبة بتاتا لمصر وطرقها وجوها وقوانينها وهى عربية عظماء لو عطلت يديها للسواق يوديها التوكيل ويركب هو العربية التانية وانا بفكر ابيعها تانى لهذه الاسباب
شكرا د.محمود المنيا

[fahd_628]

الف مبرووووووووووووووك يا باشا و ربنا يباركلك فيها

[د.محمود صلاح]

نسيت اقول ان بها مبرد فى درج التابلوه ( توصيلة من التكييف )

[Nader]

الف مبروك وربنا يحفظها لك وربنا ما يجيب اعطال.

[bassam nagy]

الف مبروك وربنا يديك خيرها ويبعد عنك شرها

[ابوحميد]

اولا :
الف مبروك على العربية

ثانيا :
فعلا حاجات كتير من اللى قلت عليها فى الاغلب مش حتبقى موجودة فى العربيةانا مثلا اشتريت تيريوس حاجات كتير موجودة فى المانيوال بتاع العربية لكن فى العربية مش موجودة (زى مثلا فى عداد فى العداد متعدد الوظائف فيه مثلا ساعة ومقياس حرارة للجو ومقياس للضغط الجوى ومقياس للارتفاع عن سطح البحر ومقياس معدل استهلاك الوقود ومعدل استهلاك الوقود اللحظى وعداد كيلو متر وعدادين كيلو متر للرحلات بيتصفروا زى ما انت عاوز لكن فى الحقيقة العربية اللى استلمتها مفيهاش غير الساعة وعداد الكيلومتر والعداادين اللى بيتصفروا والباقى مش موجود رغم ان العربية من اليابان مش متجمعة فى مصر)
وسبب دا يا د.محمود ان الحاجات دى بتعتبرها الجمارك فى مصر من الكماليات ودا بيسبب ان الجمارك تعلى عليها ويسبب ارتفاع سعرها ياراجل دا لدرجة انهم بيعتبروا الrpm من الكماليات

[معاذ الشرباصى]

الف مبروك عليك

ربنا يباركلك فيها و يحفظهالك من كل سوء

الميجان ممتازة جدا جدا

[hazem_khidr]

عربيه جميله جدا و لو اهتميت بصيانتها مش حتزعلك خال و ما تفكرش في بيعها الا لو كنت ناوي تهملها.
و اي عربيه حتجيها في التمن دا لازم تكون ساكن جنب التوكيل برضه ف المساله عاديه و طالما مرتاح للعربيه يبقي حبها و اركبها و استمتع بيها

[tandeshaker]

الف مبروك يا باشا ويديلك خيرها يا رب
و علشان التوكيل عارف ان ما ينفعش تفتح الكبوت بره عمل خدمه عملاء 24 ساعة وعلى فكره فعلا بيجوا لغايه عندك وبسرعة وده في اي مكن نمرتهم :16202
والتوكيل الى يعمل كده يكون توكيل محترم وعلى فكره هما عندهم 2 محطه خدمه واحده في المقطم والثانيه في مدينه العبور
بس فعلا العربيه محترمه جدا ووسعه جدا من الداخل وفيها كماليات لو موجوده في اي عربيه هتكون غليا جدا
ومن وجهه نظري بلاش تبيع العربيه علشان الحاجات الي انت قلتها ديه لان مفيش عربيه كامله . الكمال لله وحده
ومبروك مره تانيه

[د.محمود صلاح]

شكرا على النصائح والردود وبارك الله فيكم
اكتشفت انه لا يوجد بها نظام مراقبة ضغط الاطارات ولا نظام الثبات الاكترونى ولا نظام انذار صوتى عند كسر الزجاج وفتح الباب من الداخل بحيث يمكن كسر الزجاج وسرقة محتويات السيارة كما ان ال CD بتاعها لا يوجد به خاصية تقديم الاغنية او ترجيعها ( لو انك حاطط اسطوانة لام كلثوم مثلا واردت ان اسمع الاغنية من نصفها لا يمكنك تقديم او تاخير الاغنية ) وكود الكاسيت غير مدون فى كتيب الضمان ولا اعلم اين هو

[Karim_Monir]

انا شايف انك خدت عربيها فيها كفاءة وكماليات عربية جيتا او باسات بتمن اقل
وعمر افتارضي اقل الا لو احسنت اليه وخليتك مع التوكيل
وانا ليا صديق مهندس اتصالات وعملة بيخلية دائم التنقل في كل محافظات مصر وممكن يعمل اكتر من 50 الف في السنة
هيا معاه موديل 2005 وقاللي عربية روعة ومش بفكر ابيعها ابدا رغم انه قبلها كان راكب بورا الا انه بيشكر فيها جدا جدا

[Abo_Lina]

الف مبروك على السيارة ..بس انا حاسس انك قلقان منها شوية يمكن علشان الكلام الكتير اللي ي عليها ..نصيحة استمتع بهذه السيارة الرائعة التي لا يختلف عليها اثنين (من مالكيها)


يمكن تقديم و ترجع التراكات بالغط المستمر على زر تغيير التراك (عدم رفع الاصبع من على الزرار)
كود الكاسيت مكون من اربع ارقا و مكتوب على ورقة الضمان الرئيسية الموجودة في كتيب الضمان(الورقة الي مكتوب فيها رقم الموتور و الشاسيه.....)
الضغط بسرعة على زر الغلق في الكارت مرتين يفعل وحدات الرفع فيقوم بغلق الزجاج و فتحة السقف

نصيحة قراءة كتيب السيارة جيدا فالسيارة بها اشياء ووظائف كثيرة يصعب شرحها....واخيرا اهنئك على حسن اختيارك

[د.محمود صلاح]

اشكركم مرة اخرى على الردود والنصائح هل السيارة التى اشتريتها هى ميجان 1 ولا ميجان 2 ؟ الجيل الاول ام الجيل الثاتى ؟ هى انوار تابلوهها برتقالى وليس ابيض وشبكتها الامامية كتلك الموجودة فى الصورة فى الرد السابق . للعلم الرخصة من اول ديسمبر 2006 وعلى حد علمى الضمان 3 سنوات للدفعة ميجان 2 النصف الثانى من 2006 هل يسرى على سيارتى؟
اعتقد انها دفعة 2005 ولكن اشتراها مالكها اخر 2006 تماما كما يحصل الان الموجود دفغة 2007 ومن اول 2008 سترخص على انها موديل 2008
سؤال اخر .... اين توجد بصمة الشاسية عشان المرور عندنا غشم ولا يعرفون اماكن اخذ البصمة ؟ بصمة الموتور شفتها خلاص
هل يوجد مؤشر زيت الهيدرولك يجب فحصة يوميا او اسبوعيا قبل التحرك ؟
يوجد درج صغير اسفل ال CD وامام الولاعة لا يمكننى فتحه وهو غير مذكور بالكتالوج ما هو هذا الدرج؟

[Sharky]

اشكركم مرة اخرى على الردود والنصائح هل السيارة التى اشتريتها هى ميجان 1 ولا ميجان 2 ؟ الجيل الاول ام الجيل الثاتى ؟ هى انوار تابلوهها برتقالى وليس ابيض وشبكتها الامامية كتلك الموجودة فى الصورة فى الرد السابق . للعلم الرخصة من اول ديسمبر 2006 وعلى حد علمى الضمان 3 سنوات للدفعة ميجان 2 النصف الثانى من 2006 هل يسرى على سيارتى؟
اعتقد انها دفعة 2005 ولكن اشتراها مالكها اخر 2006 تماما كما يحصل الان الموجود دفغة 2007 ومن اول 2008 سترخص على انها موديل 2008
سؤال اخر .... اين توجد بصمة الشاسية عشان المرور عندنا غشم ولا يعرفون اماكن اخذ البصمة ؟ بصمة الموتور شفتها خلاص
هل يوجد مؤشر زيت الهيدرولك يجب فحصة يوميا او اسبوعيا قبل التحرك ؟
يوجد درج صغير اسفل ال CD وامام الولاعة لا يمكننى فتحه وهو غير مذكور بالكتالوج ما هو هذا الدرج؟

أولا :كل موديلات الميجان إبتدأ من 2004 هى ميجان 2

ثانيا : كل موديلات 2006 ضمانها 3 سنوات أو 60.000 كم و ممكن تعرف السيارة موديل 2005 أو 2006 من رخصة السيارة بيكتب بها الموديل.

ثالثا: بالنسبة لموشر الزيت إنت لست فى حاجة إليه لإنك بمجرد ما تشغل العربية بتقيس الزيت فى شاشة الكمبيوتر و بيقولك ok لو مستوى الزيت تمام أو بيظهر أنها ناقصة.

رابعا : الدرج الضغير دا لا تحاول فيتحه دا خاص بوصلة الكمبيوتر الموجودة فى التوكيل - يعنى بيوصه العربيةبـLaptop فى الصيانة علشان يعرفه فيها أعطال و لا لأ.

خامسا : الف مبروك و متحاولش تبيع العربية صدقنى دى تحفة و جربها من غير قلق و حتستمتع بيها

[Sharky]

re: الحمد لله اشتريت الميجان ملاحظاتى وما لا نعرفه عنها(الموضوع قديم)

الحمد لله وفقنى الله لشراء الميجان التى كنت ابحث عنها من 4 اشهر وهى موديل اخر 2006 ماشية 21 الف كم فى 8 اشهر فرش جلد بيج ومثبت سرعة وفتحة سقف وملاحظاتى المبدئية عنها:

ثبات رائع فى السرعات العالية وصلت بها الى 200 بالراحة بدون عناء
مثبت السرعة ومحدد السرعة بها أكثر من رائع السيارة تتسارع لوحدها حتى تصل للسرعة المطلوبة
السيارة بها اشطراطات ومواصفات لحماية البيئة تحملنا تكلفتها على الفاضى ( لا يطبق فى مصر)
فتحة تانك البنزين لا تسمع بمرور بنزين بالرصاص فقط بنزين خالى الرصاص
الCD بها ممتاز وبه خاصية تعلية وخفض الصوت حسب سرعة العربية
استهلاك البنزين لا باس به بالنسبة للاوتوماتيك
الكلاكس مش بيخجل ولازم يتغير او يتزود له فردة تانيه
تيل الفرامل يتآكل بسرعة وهذا عيب الاوتوماتيك فى اغلب العربيات
كتالوج السيارة ذكر فيه أشياء لا أعلم ان كانت موجودة بالسيارة أم لا :
1- نظام الثبات الالكترونى electronic stsbility programm ESP وأشار اليه بلمبه فى التابلوه وهى موجودة ولكن لاتضيئ ابدا فهل هى مجهزة بذالك ام فقط فى مواصفات دول اخرى؟
2-نظام التحكم فى الشد (الحك) traction control ASR وهوالنظام الذى يمنع دوران العجل على الفاضى عند التسارع على ارض مزحلقة - ثلج مثلا - وله زر ابطال تحت الدركسيون كما فى الصورة فى الكتالوج (غير موجود ايضا )
3-نظام مراقبة ضغط الهواء فى الاطارات هل هو موجود فعلا!!
4- نظام اغلاق ابواب السيارة من الداخل والخارج -كما ذكر ضغطتين على زر الغلق فى الريموت- يغلق الابواب من الداخل والخارج عشان لا احد يفتحها عند كسر الزجاج من الداخل-
وهذا النظام غير موجود فى السيارة او غير مفعل ( الله اعلم)
5- هل المرآة بتاعة الصالون فعلا electrochrome بمعنى انها تعتم عند النور المبهر القادم من السيارات الى خلفك؟
هذه بعض ملاحظاتى من اول يوم ركبتها فيه
والعربية لازم تكون راكبها جنب التوكيل وهى مصصمة للشعوب والاجواء والطرق والقوانين الاوروبية وليست مناسبة بتاتا لمصر وطرقها وجوها وقوانينها وهى عربية عظماء لو عطلت يديها للسواق يوديها التوكيل ويركب هو العربية التانية وانا بفكر ابيعها تانى لهذه الاسباب
شكرا د.محمود المنيا

أولا:فعلا السيارة ثباتها و تسارعها رائع جدا و أنا جبت بيها 210 كم/ساعة .

ثانيا: الكلاكس بتاعا فردة واحد كعادة السيارات الفرنساوى

ثالثا : غير موجود نظام مراقبة ضغط الهواء لكن ممكن تركبه فى التوكيل فى حدود 2.000 جم.

رابعا: لا يوجد نظام electrochrome فى العربية.

خامسا: العربية تحفة و مش لازم تكون ساكن جنب التوكيل علشان إن شاء الله مافيش حاجة حتعطل هو معظم اللى جابوها كانوا منبهرين من التكنولوجيا اللى فيها و كانوا بيخافوا زيك كده لكن بمرور الوقت تأكدوا إن العربية تحفة و لا يوجد بها أعطال

سادسا : ما تقلقش لإن فيه نمرة اللى هية 16202 دى نمرة الكول سنتر و شغال 24 ساعة أنا ليه واحد صاحبى كان الساعة 2 باليل و هو طالع من المطعم اللى كان سهران فيه جى يشغل العربية ماشتغلتش كلم الكول سنت و جولوا و قالولوا دى بطارية و سحبوا العربية على التوكيل و قالولوا تعالى الصبح إستلمها و فعلا إستلمها الصبح و غيرولوا البطارية ببلاش و كان نفس الموقف دا حصل معايا فى مارينا السنة اللى فاتت و جالى مهندس من فرع التوكيل فى الأسكندرية و غيرولى البطارية و أنا واقف و ببلاش يعنى من الأخر ماتقلقش نهائى العربية زى الفل و التوكيل بتاعها رائع و فى أى وقت تلاقيه جاهز.