Tweet
السلام عليكم ورحمة الله وبركاته.
الحقيقه انا قررت اعمل الموضوع ده عن اللوجان وافكر معاكم بصوت عالي لا اكثر ولا اقل ربما يتضح لينا كلنا واحنا بنفكر بصوت عالي شوية حقائق .
بداية عاوز اقول ان الموضوع ده لا اقصد به ابداً اني اقول اللوجان حلوه او وحشه ....الموضوع وما فيه اني فكرت مع نفسي ليه كم الهجوم الغير مبرر على العربيه . !! وليه كلنا منتظرين يكون سعرها اقل من كده ؟ على اي اساس ؟ طب هل العربيه تستحق السعر ده ولا لأ ؟ الاصوات كلها دلوقتي ويمكن انا منهم هايقولوا لأ طبعاً العربيه سعرها مبالغ فيه وغاليه ! طب بناء على ايه قرارنا ده ؟ وليه احنا شايفينها غاليه ومبالغ في تسعيرها ؟ وليه حاسين ان التوكيل منزلها بسعر ضاحك علينا بيه ؟ ...ده باختصار شديد سبب الموضوع ده ان شاء الله وربنا يقدرني واوضح اللي انا قاصده ونستفيد جميعاً ..
نبدأ باسم الله ....الصدفه اللي خللتني اشوف اللوجان المغربي كان يوم الجمعه الماضيه كنت في التوكيل باعمل صيانة عربيتي..ولقيت الدنيا مقلوبه هناك مع ان المبيعات اجازه اليوم ده الا اني فهمت ان سبب الهوجه اللي حاصله للتوكيل ان اعلان اللوجان المغربي كان نازل في اهرام الجمعه والناس مش عاوز اقولكم قد ايه اتصالاً بالتوكيل ...المهم قلت طيب اشوف العربيه .....للأسف ماقدرتش اشوفها كويس لانها كانت مغلقه ولكن شعرت بفرحه مش عارف ليه وانبهار لمجرد اني وقفت شويه اتمعن فيها ..رجعت بيتنا اليوم ده وانا ناوي انزل في يوم مخصوص اشوف العربيه بالتفصيل الممل وبالفعل الحمد لله نزلت وشفت العربيه من الداخل والخارج وكل صغيره وكبيره فيها........بجد شيء مشرف ومبهر لي وكنت قمه في السعاده وانا بفصص العربيه ومش عاوز اقول ان الناس تقريباً واقفين طابور عشان بس يتفرجوا على العربيه !!......ولم اسمع لمدة ساعتين او اكتر تعليق سلبي من واحد او اتنين اتفرجوا على العربيه بجد ......تغير الشكل الى الافضل والتابلوه من الداخل لم يتغير شكلاً كثيراً لكن الخامات المستخدمه فيه محترمه جداً ومقبوله .....الصالون بصوره عامه محترم جداً وخاماته هي الاخرى محترمه ومقبوله جداً ......باخصتار كي لا اطيل على حضراتكم العربيه في تقيمي الشخصي تستحق 8/10 ....
طيب الجزئيه الاهم اللي عاوز اتكلم فيها باستفاضه هي السعر اللي نازله بيه العربيه واللي كلنا حاسين انه مبالغ فيه مش عارف ليه !!!!.
اولاً حابب اوضح حاجه مهمه جداً يمكن تكون مختلطه عند البعض مننا وهو كلمة ان العربيه تجميع تركي او مغربي او روماني.او تقفيل مغربي ...لأ الموضوع مش كده خالص....التقفيل المغربي او التجميع المغربي لا يحق له ان يغادر بلاده ولا يصلح الا للاستخدام المحلي داخل البلاد فقط !!! طيب ايه اللي مغربي وتركي ؟ دي ببساطه مصنع رينو في المغرب .... مصنع رينو في تركيا....مصنع رينو في فرنسا ..... ولذلك لو رجعنا لفاتورة شراء عربياتنا الميجان او الكليو هتلاقي مكتوب بلد المنشأ تركيا .....هل معنى كده ان عربياتنا تركي ؟ لأ طبعاً هي فرنسي حتى النخاع ولكن صنعة من قبل مصنع رينو في تركيا ..... طيب هل في الخامات ما هو تركي ؟ بالطبع على سبيل المثال لا الحصر كاوتشات + كراسي + موكيت وفرش + بعض الصناعات التكميليه دي كلها حاجات تركي الاصل ...بما لا يزيد عن 40 % من مكونات السياره ........طيب هل رينو بقوتها وجابروتها وخبرتها في المجال ده بالبلاهه وعدم الوعي انها تسيب عربياتها تتجمع او تتقفل في مكان تاني ؟ لأ طبعاً وبالتالي رينو عملت مصنع في تركيا.....مصنع في رومانيا ...مصنع في المغرب....طيب ليه عملوا كده ؟ عشان يصنع عربيه محترمه بسعر قليل قدر الامكان ...حاجه كمان افتكرتها دلوقتي ؟ اجهزتنا الكهربائيه دلوقتي يا جماعه اللي باناسونيك او سوني هل في حد متخيل ان لسه فيه منها ياباني ؟ 99% من الماركتين دول بالذات دلوقتي صيني .. مش صيني مضروب ولا حاجه الموضوع ببساطه ان سوني راح اشترى مصنع في الصين وبقى يصنع المنتج بتاعه هناك بس بدل ما كانت ساعة العمل في اليابان بتكلفه 10 جنيه بتكلفه دلوقتي في الصين 5 جنيه ......نفس المثل ده ينطبق دلوقتي على اللي رينو عملته ... راحت اشترت مصانع في اكتر من بلد وبقت تصنع منتجها هناك ..............طيب يجي سؤال دلوقتي يقول .يعن دلوقتي الموتور مثلاً ده فرنسي ولا تركي ؟ طيب مقبض الباب فرنسي ولا تركي ؟ هاقوله كله فرنسي .... كله رينو ... ايه المهم في انك تعرف متصنع فين اصلاً ؟ هو رينو وواخد علامة وضمان رينو هي مسؤوله عنه ...كون بقى المصنع يتاعهم يبقى في اليابان او في كفر الشيخ ده لا يعيبهم في شيء ... دي كلها نظريات تجاريه وتسويقيه وانتاجيه بعيده كل البعد عن المنتج نفسه .
طيب نشوف بقى سعر اللوجان عامل ايه وايه اخباره ؟ برضه هاحكي حكايه بسيطه وبعدين اوضح اللي عاوز اقوله......من سنين كتير كنت عايش في السعوديه ...وفجأه كده وانا في السوبر ماركت لقيت منتج ظريف جداً اسمه شمعدان...ومنتج اظرف منه اسمه نايتي ...... ما تضحكوش انا جاي في الكلام...المهم المنتجين دول عجبوني جداً وبقيت اجيبهم واكل منهم ....كنت فخور كمان انها حاجه مصري ومحطوطه على ارفف الحلوى بجانب كادبري و جلاكسي وتويكس ...المهم بعد كام شهر نزلت مصر في اجازه وفجأه قلت انا عاوز شمعدان ونايتي ... نبرة الفخر اللي كانت طالعه مغلفه الطلب اللي طلبته كانت زياده او مبالغ فيها تقريباً لاني لقيت البياع مستغرب اوي وكأنه بيقول في سره ( ايه العيل العبيط ده ) المهم الراجل قام مطلع لي واحد شمعدان وواحده نايتي واخد مني وقتها ربع جنيه تقريباً !!! فا انا استغربت جداً اولا انا كنت بادفع فيهم ريال او ريالين دلوقتي ربع جنيه ! وبعدين الراجل ضاحك عليا ومديني بسكويت عامل حادثه والنايتي واخده بشله في وشها ........مش هاطول عليكم اكتر ما انا مطول المهم وقتها انا كا طفل انهارت لاني مش لاقي اللي انا عاوزه ......لما كبرت فهمت الفرق بين منتج طالع يتصدر ومنتج طالع يباع محلياً ......وده اللي عاوز اوصل ليه من الموضوع الممل اللي قلته ده ......ده اللي حاصل في موضوع العربيه المغربي واننا نقارن سعرها اللي بتتباع بيه هناك كا انتاج محلي وسعرها بعد ما جت هنا مصر كا انتاج تصديري اولاً .....
اللوجان نازله مصر لينا 3 فئات .
الفئه الأولى / بدون اي كماليات ولا تكيف ولا باور بحوالي 54.000 جنيه مصري
الفئه الثانيه / تكيف باور سنتر زجاج كهربائي امامي فقط .بحوالي 62.000 مصري
الفئه الثالثه / زياده عن الثانيه بي زجاج كهربائي خلفي + كمبيوتر رحلات + مساند رأس + ريموت مفتاح + مرايات كهربائيه . بحوالي 67.000 جنيه مصري .
تعالوا نقارن السعر ده باللي موجود دلوقتي في السوق اصلا ونشوف هي ارخص ولا لأ واجود ولا لأ ؟ وبعدين احنا ليه بنهاجم وعمالين نقول مغربي بالسعر ده !!!!!! يا عم دي مغربي .... طيب اذا كان منتجك المحلي اللي انت بتصنعه بإيدك اغلى منه اصلاً متخيلين يا جماعه !!! يعني انا مش فاهم احنا منين شايفين انه كتير على مغربي تكون بالسعر ده ؟ اذا منتجك المحلي ايام ما كانت النصر لسه شغاله اغلى من كده !!! الفرنا والانوس دلوقتي والعربيات اللي بتتقفل وتتجمع عندنا ( ايوه المره دي هاقول بتتقفل وتتجمع ) ولاحظ اننا مش بنصدر عربيات متقفله عندنا ......صحيح باسمع اننا بنطلع مرسيدس و عربيات غبور سوناتا وفيرنا ....... لكن اعتقد المعلومه دي محتاجين نراجعها سوى ..... احنا ما عندناش خط انتاج كفايه عشان نصدر العربيات دي ..... وبالتالي مرسيدس اللي بتتجمع هنا هي للاستخدام والتسويق المحللي فقط لا غير .....لا ترقى ابداً للتصدير ومن ساعده الحظ وسافر وساق عربيات هيونداي او شيروكي مثلاً بره هايعرف اللي اقصده ايه بكلامي ........الفرق بجد كبير جداً بين اللي هنا واللي هناك ..........
ارجع تاني لجزئية السعر .....لما يكون عربيه عندنا هنا في بلادنا ....تم تجميعها بايدي محليه ومصريه ...ونفس ال 40 % من المنتج مصري الصنع 100 % وتتباع بي 60 و 70 الف ....اللي هاتجيلك من بلد تاني مصروف عليها شحن وتأمين وضرائب متصورين ليه انها تيجي بسعر اقل من اللي عندنا ؟ على فكره التصور ده انا نفسي واقع فيه يعني لا اقصد بكلامي ابداً والله شيء وانما افكر بصوت عالي كما بدأت موضوعي ليس اكثر.
طيب نيجي لجودة المنتج وضمانه ؟ لما يكون عربيه بالسعر ده خللينا نقول مرتفع حتى لكن مقابل ده توكيل محترم وضمان محترم 3 سنين و 100.000 كيلو متر .... ما دي كلها ميزات للعربيه غيرها كفاءه اقل منها وتوكيل اقل وضمان اقل بالسعر ده ويكمن اكتر كمان ......
في النهايه يا جماعه عاوز اختم بحاجه بس كانت سبب اساسي اني اعمل الموضوع ده وهو اننا في يوم وليله حكمنا على العربيه انها سيئه ومبالغ في سعرها وعلى ايه يا حسره دي لوجان .... وايه دي مغربي !!! ادفع كل ده في مغربي ؟ ؟ كلها مواقف طبعاً من حق الجميع ان يرى ما يراه وما يحلو له . لكن الموضوع حسيته غريب الحقيقه ....حسيت كمان نفسي وانا باقول الكلمتين اللي فوق دول اني عايش في دنيا غير الدنيا....اقصد اني وانا باقول ايه ادفع في مغربي ده ؟ ؟ كان في رد عنيف داخلي مر جداً بيقول ( جاتك خيبه ......طب اعمل عربيه نص المغربي دي وادفع فيها اد كده 10 مراات بس اعملها بسسسسسسس ) .......يا رب ما يكونش الموضوع ده دمه تقيل وبايخ ....ويا رب اكون قدرت اوصل اللي اقصده واللي بجد بعيد تمام البعد عن اني اقول حتى رأيي في العربيه حلوه او وحشه ..... انا كان شاغلني اكتر بجد طريقة تفكيرنا وتناولنا للموضوع منذ بدايته من شهور ماضيه من اول ما تم الاعلان عن اتفاقية اغادير والاعفاء الجمركي والكلام ده كله ...............
سلام عليكم.
الحقيقه انا قررت اعمل الموضوع ده عن اللوجان وافكر معاكم بصوت عالي لا اكثر ولا اقل ربما يتضح لينا كلنا واحنا بنفكر بصوت عالي شوية حقائق .
بداية عاوز اقول ان الموضوع ده لا اقصد به ابداً اني اقول اللوجان حلوه او وحشه ....الموضوع وما فيه اني فكرت مع نفسي ليه كم الهجوم الغير مبرر على العربيه . !! وليه كلنا منتظرين يكون سعرها اقل من كده ؟ على اي اساس ؟ طب هل العربيه تستحق السعر ده ولا لأ ؟ الاصوات كلها دلوقتي ويمكن انا منهم هايقولوا لأ طبعاً العربيه سعرها مبالغ فيه وغاليه ! طب بناء على ايه قرارنا ده ؟ وليه احنا شايفينها غاليه ومبالغ في تسعيرها ؟ وليه حاسين ان التوكيل منزلها بسعر ضاحك علينا بيه ؟ ...ده باختصار شديد سبب الموضوع ده ان شاء الله وربنا يقدرني واوضح اللي انا قاصده ونستفيد جميعاً ..
نبدأ باسم الله ....الصدفه اللي خللتني اشوف اللوجان المغربي كان يوم الجمعه الماضيه كنت في التوكيل باعمل صيانة عربيتي..ولقيت الدنيا مقلوبه هناك مع ان المبيعات اجازه اليوم ده الا اني فهمت ان سبب الهوجه اللي حاصله للتوكيل ان اعلان اللوجان المغربي كان نازل في اهرام الجمعه والناس مش عاوز اقولكم قد ايه اتصالاً بالتوكيل ...المهم قلت طيب اشوف العربيه .....للأسف ماقدرتش اشوفها كويس لانها كانت مغلقه ولكن شعرت بفرحه مش عارف ليه وانبهار لمجرد اني وقفت شويه اتمعن فيها ..رجعت بيتنا اليوم ده وانا ناوي انزل في يوم مخصوص اشوف العربيه بالتفصيل الممل وبالفعل الحمد لله نزلت وشفت العربيه من الداخل والخارج وكل صغيره وكبيره فيها........بجد شيء مشرف ومبهر لي وكنت قمه في السعاده وانا بفصص العربيه ومش عاوز اقول ان الناس تقريباً واقفين طابور عشان بس يتفرجوا على العربيه !!......ولم اسمع لمدة ساعتين او اكتر تعليق سلبي من واحد او اتنين اتفرجوا على العربيه بجد ......تغير الشكل الى الافضل والتابلوه من الداخل لم يتغير شكلاً كثيراً لكن الخامات المستخدمه فيه محترمه جداً ومقبوله .....الصالون بصوره عامه محترم جداً وخاماته هي الاخرى محترمه ومقبوله جداً ......باخصتار كي لا اطيل على حضراتكم العربيه في تقيمي الشخصي تستحق 8/10 ....
طيب الجزئيه الاهم اللي عاوز اتكلم فيها باستفاضه هي السعر اللي نازله بيه العربيه واللي كلنا حاسين انه مبالغ فيه مش عارف ليه !!!!.
اولاً حابب اوضح حاجه مهمه جداً يمكن تكون مختلطه عند البعض مننا وهو كلمة ان العربيه تجميع تركي او مغربي او روماني.او تقفيل مغربي ...لأ الموضوع مش كده خالص....التقفيل المغربي او التجميع المغربي لا يحق له ان يغادر بلاده ولا يصلح الا للاستخدام المحلي داخل البلاد فقط !!! طيب ايه اللي مغربي وتركي ؟ دي ببساطه مصنع رينو في المغرب .... مصنع رينو في تركيا....مصنع رينو في فرنسا ..... ولذلك لو رجعنا لفاتورة شراء عربياتنا الميجان او الكليو هتلاقي مكتوب بلد المنشأ تركيا .....هل معنى كده ان عربياتنا تركي ؟ لأ طبعاً هي فرنسي حتى النخاع ولكن صنعة من قبل مصنع رينو في تركيا ..... طيب هل في الخامات ما هو تركي ؟ بالطبع على سبيل المثال لا الحصر كاوتشات + كراسي + موكيت وفرش + بعض الصناعات التكميليه دي كلها حاجات تركي الاصل ...بما لا يزيد عن 40 % من مكونات السياره ........طيب هل رينو بقوتها وجابروتها وخبرتها في المجال ده بالبلاهه وعدم الوعي انها تسيب عربياتها تتجمع او تتقفل في مكان تاني ؟ لأ طبعاً وبالتالي رينو عملت مصنع في تركيا.....مصنع في رومانيا ...مصنع في المغرب....طيب ليه عملوا كده ؟ عشان يصنع عربيه محترمه بسعر قليل قدر الامكان ...حاجه كمان افتكرتها دلوقتي ؟ اجهزتنا الكهربائيه دلوقتي يا جماعه اللي باناسونيك او سوني هل في حد متخيل ان لسه فيه منها ياباني ؟ 99% من الماركتين دول بالذات دلوقتي صيني .. مش صيني مضروب ولا حاجه الموضوع ببساطه ان سوني راح اشترى مصنع في الصين وبقى يصنع المنتج بتاعه هناك بس بدل ما كانت ساعة العمل في اليابان بتكلفه 10 جنيه بتكلفه دلوقتي في الصين 5 جنيه ......نفس المثل ده ينطبق دلوقتي على اللي رينو عملته ... راحت اشترت مصانع في اكتر من بلد وبقت تصنع منتجها هناك ..............طيب يجي سؤال دلوقتي يقول .يعن دلوقتي الموتور مثلاً ده فرنسي ولا تركي ؟ طيب مقبض الباب فرنسي ولا تركي ؟ هاقوله كله فرنسي .... كله رينو ... ايه المهم في انك تعرف متصنع فين اصلاً ؟ هو رينو وواخد علامة وضمان رينو هي مسؤوله عنه ...كون بقى المصنع يتاعهم يبقى في اليابان او في كفر الشيخ ده لا يعيبهم في شيء ... دي كلها نظريات تجاريه وتسويقيه وانتاجيه بعيده كل البعد عن المنتج نفسه .
طيب نشوف بقى سعر اللوجان عامل ايه وايه اخباره ؟ برضه هاحكي حكايه بسيطه وبعدين اوضح اللي عاوز اقوله......من سنين كتير كنت عايش في السعوديه ...وفجأه كده وانا في السوبر ماركت لقيت منتج ظريف جداً اسمه شمعدان...ومنتج اظرف منه اسمه نايتي ...... ما تضحكوش انا جاي في الكلام...المهم المنتجين دول عجبوني جداً وبقيت اجيبهم واكل منهم ....كنت فخور كمان انها حاجه مصري ومحطوطه على ارفف الحلوى بجانب كادبري و جلاكسي وتويكس ...المهم بعد كام شهر نزلت مصر في اجازه وفجأه قلت انا عاوز شمعدان ونايتي ... نبرة الفخر اللي كانت طالعه مغلفه الطلب اللي طلبته كانت زياده او مبالغ فيها تقريباً لاني لقيت البياع مستغرب اوي وكأنه بيقول في سره ( ايه العيل العبيط ده ) المهم الراجل قام مطلع لي واحد شمعدان وواحده نايتي واخد مني وقتها ربع جنيه تقريباً !!! فا انا استغربت جداً اولا انا كنت بادفع فيهم ريال او ريالين دلوقتي ربع جنيه ! وبعدين الراجل ضاحك عليا ومديني بسكويت عامل حادثه والنايتي واخده بشله في وشها ........مش هاطول عليكم اكتر ما انا مطول المهم وقتها انا كا طفل انهارت لاني مش لاقي اللي انا عاوزه ......لما كبرت فهمت الفرق بين منتج طالع يتصدر ومنتج طالع يباع محلياً ......وده اللي عاوز اوصل ليه من الموضوع الممل اللي قلته ده ......ده اللي حاصل في موضوع العربيه المغربي واننا نقارن سعرها اللي بتتباع بيه هناك كا انتاج محلي وسعرها بعد ما جت هنا مصر كا انتاج تصديري اولاً .....
اللوجان نازله مصر لينا 3 فئات .
الفئه الأولى / بدون اي كماليات ولا تكيف ولا باور بحوالي 54.000 جنيه مصري
الفئه الثانيه / تكيف باور سنتر زجاج كهربائي امامي فقط .بحوالي 62.000 مصري
الفئه الثالثه / زياده عن الثانيه بي زجاج كهربائي خلفي + كمبيوتر رحلات + مساند رأس + ريموت مفتاح + مرايات كهربائيه . بحوالي 67.000 جنيه مصري .
تعالوا نقارن السعر ده باللي موجود دلوقتي في السوق اصلا ونشوف هي ارخص ولا لأ واجود ولا لأ ؟ وبعدين احنا ليه بنهاجم وعمالين نقول مغربي بالسعر ده !!!!!! يا عم دي مغربي .... طيب اذا كان منتجك المحلي اللي انت بتصنعه بإيدك اغلى منه اصلاً متخيلين يا جماعه !!! يعني انا مش فاهم احنا منين شايفين انه كتير على مغربي تكون بالسعر ده ؟ اذا منتجك المحلي ايام ما كانت النصر لسه شغاله اغلى من كده !!! الفرنا والانوس دلوقتي والعربيات اللي بتتقفل وتتجمع عندنا ( ايوه المره دي هاقول بتتقفل وتتجمع ) ولاحظ اننا مش بنصدر عربيات متقفله عندنا ......صحيح باسمع اننا بنطلع مرسيدس و عربيات غبور سوناتا وفيرنا ....... لكن اعتقد المعلومه دي محتاجين نراجعها سوى ..... احنا ما عندناش خط انتاج كفايه عشان نصدر العربيات دي ..... وبالتالي مرسيدس اللي بتتجمع هنا هي للاستخدام والتسويق المحللي فقط لا غير .....لا ترقى ابداً للتصدير ومن ساعده الحظ وسافر وساق عربيات هيونداي او شيروكي مثلاً بره هايعرف اللي اقصده ايه بكلامي ........الفرق بجد كبير جداً بين اللي هنا واللي هناك ..........
ارجع تاني لجزئية السعر .....لما يكون عربيه عندنا هنا في بلادنا ....تم تجميعها بايدي محليه ومصريه ...ونفس ال 40 % من المنتج مصري الصنع 100 % وتتباع بي 60 و 70 الف ....اللي هاتجيلك من بلد تاني مصروف عليها شحن وتأمين وضرائب متصورين ليه انها تيجي بسعر اقل من اللي عندنا ؟ على فكره التصور ده انا نفسي واقع فيه يعني لا اقصد بكلامي ابداً والله شيء وانما افكر بصوت عالي كما بدأت موضوعي ليس اكثر.
طيب نيجي لجودة المنتج وضمانه ؟ لما يكون عربيه بالسعر ده خللينا نقول مرتفع حتى لكن مقابل ده توكيل محترم وضمان محترم 3 سنين و 100.000 كيلو متر .... ما دي كلها ميزات للعربيه غيرها كفاءه اقل منها وتوكيل اقل وضمان اقل بالسعر ده ويكمن اكتر كمان ......
في النهايه يا جماعه عاوز اختم بحاجه بس كانت سبب اساسي اني اعمل الموضوع ده وهو اننا في يوم وليله حكمنا على العربيه انها سيئه ومبالغ في سعرها وعلى ايه يا حسره دي لوجان .... وايه دي مغربي !!! ادفع كل ده في مغربي ؟ ؟ كلها مواقف طبعاً من حق الجميع ان يرى ما يراه وما يحلو له . لكن الموضوع حسيته غريب الحقيقه ....حسيت كمان نفسي وانا باقول الكلمتين اللي فوق دول اني عايش في دنيا غير الدنيا....اقصد اني وانا باقول ايه ادفع في مغربي ده ؟ ؟ كان في رد عنيف داخلي مر جداً بيقول ( جاتك خيبه ......طب اعمل عربيه نص المغربي دي وادفع فيها اد كده 10 مراات بس اعملها بسسسسسسس ) .......يا رب ما يكونش الموضوع ده دمه تقيل وبايخ ....ويا رب اكون قدرت اوصل اللي اقصده واللي بجد بعيد تمام البعد عن اني اقول حتى رأيي في العربيه حلوه او وحشه ..... انا كان شاغلني اكتر بجد طريقة تفكيرنا وتناولنا للموضوع منذ بدايته من شهور ماضيه من اول ما تم الاعلان عن اتفاقية اغادير والاعفاء الجمركي والكلام ده كله ...............
سلام عليكم.
Comment