خواطر تخص اللوجان !

[hesham_tawfiq]

السلام عليكم جميعا
اولا الف شكر للاستاذ رامى على الموضوع بس انا ليا رأى اعتقد انو مش واضح للناس اللى مش عاجبها السعر
التكاليف اللى بتتحمل على العربيه من اول ما بتطلع من المصنع لحد ماتوصل للتاجر هى الجمارك + شحن + ارضيات ونولون +اى ضريبه تانيه بالاضافه لفروق العمله من اول ما العربيه بتتشحن من المصنع لحد ما بتدخل الدايره الجمركيه فى مصر ( قرية البضائع ) وبالاضافه لان الجمارك فى مصر بتثبت اسعار استرشاديه للعمله طول الشهربصرف النظر عن تقلبات السوق اللى كللنا عارفينها واللى بيتحمل ربحها او خسارتها الوكيل وبالتالى بيحملها على العربيه وطبعا كل طرف من اطراف عملية البيع والتوزيع بيزود عليها هامش ربحه اللى المستهلك النهائى طبعا بيتحمل كل دا
مجموع كل التكاليف دى بيتقسم على عدد العربيات اللى فالشحنه علشان نعرف كل عربيه اتكللفت اد ايه بالظبط قبل اضافة هامش الربح - اللى طبعا هيكون غير قابل للتخفيض او التفاوض من جانب الوكيل مهما انخفض سعر العربيه-
معنى كده ان لو عدد العربيات اللى جايه من بره اصلا قليل ككميه هتتحمل بنسب اعلى من التكاليف ودا اعتقد بيلغى اى اثر لالغاء الجمارك.
بالاضافه طبعا لظروف السوق لان طبعا الوكيل من حقه انه يحافظ على الفئه السعريه لموديلاته فالسوق علشان قيمتها متقللش فى نظر المستهلكين ودا طبعا بالاضافه لان اكيد الشركه الام فى فرنسا ليها رأى فالاسعار اللى محطوطه ولازم الرأى دا يمشى زى اى شركه اجنبيه ما بتتعامل مع الوكلاء

[Ahmed Hamdy]

يا جماعة من الآخر متتعبوش نفسكوا فى حسابات وكلام منطقى .. لانها بالحساب والمنطق مش حتيجى والمفروض كل العربيات سعرها يقل كتير جدا ... بس هى قوانين السوق المصرية التى يتحكم بها مجموعة من حيتان السوق مع الكبار .. يعنى مينفعش محمد نصير ييجى ينزل عربية فى نفس فئة الفيرنا واللانوس وأحسن منهم كمان وأرخص بفرق كبير .. بيقى كده كل اللى حيشترى فى الفئة دى حيشترى لوجان ومفيش فيرنا ولانوس .. طيب وهل ده يعقل ؟؟ هل يعقل إن مصانع غبور ومنصور تقف وتبطل إنتاج ويفقدوا نصيبهم فى السوق ؟؟ طبعا لأ .. ممكن نصير ينزل ياخد حتة من السوق ماشى .. إنما ياخد السوق كله .. طبعا لا وألف لا ..
وبعدين فرق الجمارك ده بأه راح فين .. الله أعلم .. ممكن مكسب لنصير.. ممكن يكون اتقسم على شوية ناس تانية .. ممكن أى حاجة .. مش مهم راح فين .. المهم انه مراحش لحد غريب يعنى .. أهه كلهم مننا وعلينا برضه ..

[mkhalil71]

الموضوع جميل و لكن؟؟؟؟؟؟

انا مش مختلف معاك الا فى جزئية السعر
السعر غالى كتيير لان اكيد مصنع المغرب بينتج سيارات ارخص من مصنع رومانيا والا يقفلوه احسن على الاقل بنفس السعر المفروض يعنى احنا المفروض نشترى عربية بدون جمارك بسعر العربية العالمى اما الكلام عن ان العربية سعرها كويس لا العربية غالية قوى او العربيات التانية رخيصة و احنا مش واخدين بالنا

[إبراهيم.صادق]

فعلا دا سعر خاص للدفعة دى فقط و مش السعر الطبيعى ليها و دا علشان تعرف تتباع قبل ما المغربى تنزل

هل معنى السعر الخاص ده ان الوكيل خسران او الشركة نفسها باعتها بالخسارة؟؟ أكيد لأ وده معناه -على الأقل من وجهة نظري- ان مكسبه في العربية اللي من غير جمارك مضاعف

ممكن نصير ينزل ياخد حتة من السوق ماشى .. إنما ياخد السوق كله .. طبعا لا وألف لا ..

بالاضافه طبعا لظروف السوق لان طبعا الوكيل من حقه انه يحافظ على الفئه السعريه لموديلاته

حضرتك كده جبت المفيد...كل مافي الأمر انه ماينفعش ينزل سعرها عن الفئة السعرية دي سواء بقى بمزاجه او بمزاج غيره من الموجودين في السوق

[Sharky]

هل معنى السعر الخاص ده ان الوكيل خسران او الشركة نفسها باعتها بالخسارة؟؟ أكيد لأ وده معناه -على الأقل من وجهة نظري- ان مكسبه في العربية اللي من غير جمارك مضاعف

يا سيدى الفاضل بإختصار أخدوا خصم من رينو رومانيا
يعنى لما كان بياخدها مثلا بـ 10 جم فى الدفعة دى فقط خدوها بـ 5 جم يعنى التخفيض من رينو رومانيا فقط

[إبراهيم.صادق]

يا سيدى الفاضل بإختصار أخدوا خصم من رينو رومانيا
يعنى لما كان بياخدها مثلا بـ 10 جم فى الدفعة دى فقط خدوها بـ 5 جم يعنى التخفيض من رينو رومانيا فقط

معلهش استحملني شوية عشان انا بس فهمي على قدي، هسأل حضرتك سؤالين:
ايه مصلحة رينو رومانيا انها تعمله خصم كبير زي ده -بما يوازي تقريباً قيمة الجمارك 40%- مع ان دي آخر دفعة هاياخدها منهم؟
هل حضرتك مقتنع ان مكسب الوكيل هو نفسه في الحالتين العربية الروماني والمغربي؟؟

[hesham_tawfiq]

اكيد رينو رومانيا ملهاش مصلحه ولكن دا بيبئى من الشركه الام فى فرنسا
ودا بيحصل مع كل الشركات فى كل حاجه مستورده وبيكون اسمه تعويض فرق سعر علشان مش معقول الوكيل هيبيع الرومانى بسعر والمغربى بسعر فالشركه الام بتعوض الوكيل بفؤق السعر دا عن العربيات اللى لسه متباعتش من الموديل الاقدم علشان يقدر يبيع الموديل الاجدد بسعر تنافسى.
يعنى مثلا - والكلام دا بيحصل معايا انا شخصيا - لما نوكيا بتحب تنزل سعر موديل معين فالسوق طبقا لسياسة التسعير عندها بتخاطب الوكلاء فى مصر عشان تعرف هما عندهم أد ايه من الموديل دا لسه متباعش وتعوضهم بفرق السعر القديم عن الجديد فى صورة خصومات وبعدين بتلزم الوكلاء انهم يبيعو باسعر الجديد اللى هو الاقل وألا تفسخ عقد الوكاله

[bishoy02010]

اكيد رينو رومانيا ملهاش مصلحه ولكن دا بيبئى من الشركه الام فى فرنسا
ودا بيحصل مع كل الشركات فى كل حاجه مستورده وبيكون اسمه تعويض فرق سعر علشان مش معقول الوكيل هيبيع الرومانى بسعر والمغربى بسعر فالشركه الام بتعوض الوكيل بفؤق السعر دا عن العربيات اللى لسه متباعتش من الموديل الاقدم علشان يقدر يبيع الموديل الاجدد بسعر تنافسى.
يعنى مثلا - والكلام دا بيحصل معايا انا شخصيا - لما نوكيا بتحب تنزل سعر موديل معين فالسوق طبقا لسياسة التسعير عندها بتخاطب الوكلاء فى مصر عشان تعرف هما عندهم أد ايه من الموديل دا لسه متباعش وتعوضهم بفرق السعر القديم عن الجديد فى صورة خصومات وبعدين بتلزم الوكلاء انهم يبيعو باسعر الجديد اللى هو الاقل وألا تفسخ عقد الوكاله

+111111111111

[Sharky]

اكيد رينو رومانيا ملهاش مصلحه ولكن دا بيبئى من الشركه الام فى فرنسا
ودا بيحصل مع كل الشركات فى كل حاجه مستورده وبيكون اسمه تعويض فرق سعر علشان مش معقول الوكيل هيبيع الرومانى بسعر والمغربى بسعر فالشركه الام بتعوض الوكيل بفؤق السعر دا عن العربيات اللى لسه متباعتش من الموديل الاقدم علشان يقدر يبيع الموديل الاجدد بسعر تنافسى.
يعنى مثلا - والكلام دا بيحصل معايا انا شخصيا - لما نوكيا بتحب تنزل سعر موديل معين فالسوق طبقا لسياسة التسعير عندها بتخاطب الوكلاء فى مصر عشان تعرف هما عندهم أد ايه من الموديل دا لسه متباعش وتعوضهم بفرق السعر القديم عن الجديد فى صورة خصومات وبعدين بتلزم الوكلاء انهم يبيعو باسعر الجديد اللى هو الاقل وألا تفسخ عقد الوكاله

أظن كده بقت واضحة يا أستاذ إبراهيم

[إبراهيم.صادق]

اكيد رينو رومانيا ملهاش مصلحه ولكن دا بيبئى من الشركه الام فى فرنسا
ودا بيحصل مع كل الشركات فى كل حاجه مستورده وبيكون اسمه تعويض فرق سعر علشان مش معقول الوكيل هيبيع الرومانى بسعر والمغربى بسعر فالشركه الام بتعوض الوكيل بفؤق السعر دا عن العربيات اللى لسه متباعتش من الموديل الاقدم علشان يقدر يبيع الموديل الاجدد بسعر تنافسى.
يعنى مثلا - والكلام دا بيحصل معايا انا شخصيا - لما نوكيا بتحب تنزل سعر موديل معين فالسوق طبقا لسياسة التسعير عندها بتخاطب الوكلاء فى مصر عشان تعرف هما عندهم أد ايه من الموديل دا لسه متباعش وتعوضهم بفرق السعر القديم عن الجديد فى صورة خصومات وبعدين بتلزم الوكلاء انهم يبيعو باسعر الجديد اللى هو الاقل وألا تفسخ عقد الوكاله

أظن كده بقت واضحة يا أستاذ إبراهيم

شكراً يافندم للتوضيح

[amirhamed]

موضوع جميل والف شكر

[mohamed1979]

و الله انت راجل فاهم انا اخذت قرار بيع الأفيو و استبدالها بالوجان قى 12 ساعه

[bishoy02010]

و الله انت راجل فاهم انا اخذت قرار بيع الأفيو و استبدالها بالوجان قى 12 ساعه

+111111111111

[عبدالحميد]

الأستاذ صاحب الموضوع رأيه منطقى لكنه غفل عن نقطتين هامتين:
أولا : المشكلة فى سعرها مش إنها ما تستحقش لكن فى لغز الجمارك الغامض اللى خفض العربية رقم لا يمكن توليفه أبدا مع ال 40 % المزعومة
ثانياً : مين قال إن إحنا مقتنعين بسعر الفيرنا و اللانوس المجمعين محليا علشان نقارنهم باللوجان. ما هما كمان أسعار لا تمت للمنطق بشىْ

خلاصة رأيى الموتواضع:
1- اللوجان ممتازة مقارنة بالمتاح و لكنها الإحباط الكبير لآمال أى مواطن كان بيحلم بالتحرير من الغزو الجمركى الغاشم
2- العيب مش على التجار لوحدهم المستهلكين اللى أنا منهم و بنشترى أى حاجة عند إشتداد الحاجة عليهم اللوم
3- خلـــــــــــــــــــــــوها تصــــــــــدى و وكيلها يهــــــــــــــــــــدى:k17:

[Ramy_Tantawi]

انا مش مختلف معاك الا فى جزئية السعر
السعر غالى كتيير لان اكيد مصنع المغرب بينتج سيارات ارخص من مصنع رومانيا والا يقفلوه احسن على الاقل بنفس السعر المفروض يعنى احنا المفروض نشترى عربية بدون جمارك بسعر العربية العالمى اما الكلام عن ان العربية سعرها كويس لا العربية غالية قوى او العربيات التانية رخيصة و احنا مش واخدين بالنا

شكراً جزيلا للمداخله وتشريف الموضوع ... الاختلاف شيء طبيعي ورأيك يحترم .