انشاء رابطه غلابه للرينو

[M.ADEL KAMEL]

باذن الله سوف احاول انشاء رابطه لغلابه الرينو (للناس اللي عندهم عربيات اقل من الميجان و الكليو ومش لاقيين حد يساعدهم في استفساراتهم) ودا مش انقسام يا جماعه بس انا لاحظت ان اللي ماعندوش ميجان او كليو ما بيكملش في المنتدي دا كتيير وطبعا انا عارف ان الموضوع ده هايتمسح ويتلغي بسرعه بس يبقي الواحد عمل اللي عليه ويحاول يرضي ربنا سبحانه و تعالى
إمضاء

:b4_611: رابطه اتحاد غلابة الرينو

[Amr_Moh]

مفتكرش حتلاقي حد يوفئك علفكرتك الغريبة

[SANGEORGE]

باذن الله سوف احاول انشاء رابطه لغلابه الرينو (للناس اللي عندهم عربيات اقل من الميجان و الكليو ومش لاقيين حد يساعدهم في استفساراتهم) ودا مش انقسام يا جماعه بس انا لاحظت ان اللي ماعندوش ميجان او كليو ما بيكملش في المنتدي دا كتيير وطبعا انا عارف ان الموضوع ده هايتمسح ويتلغي بسرعه بس يبقي الواحد عمل اللي عليه ويحاول يرضي ربنا سبحانه و تعالى
إمضاء

:b4_611: رابطه اتحاد غلابة الرينو

انا معاك يا اخى
فى عربيات مثلا
رينبو
اوبيتما
r9
r19

[chato_eg]

و هو يعنى مجموعة " الغلابة " على حد تعبيرك ...حد منعهم من إفادة بعضهم فى ساحة قسم الرينو زى ما ملاك الكليو و الميجان بيعملوا مع بعض.....؟؟؟
إيه لازمة الكلام ده حضرتك ؟؟...
لو فى إمكانية أى حد مننا إنه يدلك على أى حاجة كويسة مش هانتأخر...لكن احنا عمر ما حد فينا إدعى إنه أبو الرينو فى مصر أو مناسب عائلة لويس رينو...
كلامك بيعطينى الشعور إنك مضطهد.....أتمنى إن ده مش إحساسك الحقيقى ...خصوصا إن لم يتعرض أحد بالسوء لأى من مشاركاتك...و عدم الرد ده معناه عدم الإفتاء بما لا نعلم مش علامة للتجاهل...و العقيد خالد أو أحمد عبد المقصود أوضح النقطة لك قبل كده...

[M.ADEL KAMEL]

الموضوع ان ملاك ميجان و كليو تقريبا و انا بقول تقريبا قافلين على بعضهم هما شخصيات محترمة جدا و مفيدا جدا بس لبعضها و ده مش هجاء خالص ياجماعة
و على العموم كلامى هايشد الغلابة اللى زيى

[akmal_hamdi]

بقول لسعادتك ايه انت مش لما طلبت مكان قطع غيار قبل كده لعربيتك وصفتلك عزبه شلبى ال فى المطريه يعنى محدش بيتأخر من ملاك الميجان و الكليو فى مساعدتك صح و بننصح فى حدود معرفتنا بص الأقتراح ده غير موفق و غير جيد

[momo10000]

افتكر ان حضرتك اتصلت بيا وانا قولتلك اي حاجة تحتجها ل 9 كلمني !!!!!!! صح

[ecybrarian]

ما فيش غلابة في منتدى رينو..كلنا وحوش والحمد لله...الفرق بس إن مش كلنا عندنا خبرة في الرينو 9 على سبيل المثال فمحدش عايز يفتي إلا إللي فاهم طبعا هو إللي بيرد على حضرتك...مش كده ولا إيييييييييييييه

[M.ADEL KAMEL]

طبعا انا ما انكرتش مساعدتكم خالص و جميلكم فوق دماغى من فوق بس الفكرة كلها فى الناس اللى عندها عربيات زى الr5 ,r9,r19,r21 ومالى ذلك يتلموا زى ما حضرتكوا بتعملوا (ملاك الميجان و الكليو ) و بعدين جميلك فوق راسى يا استاذ ايمن و يا استاذ اكمل

[chato_eg]

يا سيدى الموضوع مافيهوش جمايل و لا حاجة....احنا هنا الطبيعى بتاعنا إن لو حد سأل سؤال أو احتاج حاجة بتلاقى كل إللى حاسس إن عنده معلومة صغيرة ممكن تفيد بيقولها و يخدم.....

لو كان فى إمكان أى حد فينا أكتر من إللى عمله ماكنش إتأخر...

بس هى الناس لازم تزعل لما تلاقى واحد منهم عايز يتفصل و يكون كيان جديد خارج إطار الأسرة...خصوصا إنها سابقة فى اعائلة الكبيرة ( المنتدى )...
عندك مثلا فى منتدى VW ...ملاك ال Beetle جزء من القسم...مالهومش رابطة غلابة و لا حاجة....
و بعدين الإسم إللى حضرتك اقترحته ( غلابة ) مردوده فى المعنى مش حلو خالص...خصوصا لما يكون محطوط بجوار اقتراح انفصالى...
أرجو إن الصورة تكون وصلت لحضرتك

[Ahmed Selim]

يا سيدى الفاضل هو فى حد منعهم ......المشكلة أن شخص مثلاً بيدخل و يسأل سؤال و محدش بيعرف أجابته و بالتالى محدش بيرد عليه....يعمل أيه ؟؟؟؟

مش بيفكر زى حضرتك و يقول أنا أحاول أعمل مواضيع عشان تفيد الناس اللى بتسأل.....لأ هو بيستسهل و مش بيدخل تانى.

و المرة الوحيدة قبل كده اللى واحد كان معاه سوبر سانك و قال أنه هيعمل مواضيع عنها شوف قولناله أيه.
وحش فى الطريق