توكيــــل ريـــنو eim ... مفهوم جديـــد فى خدمـــة العملاء

[Sharky]

ارزاق

دا إسمه قر و لا إيه ؟؟

sharky - هاني

بدون مبالغة و استماتة فالدفاع عن التوكيل الأنا أصلاً مقتنع بيه و مغير عندو كبل أير باج و علبة دركسيون فالضمان

النقطة البكلم فيها هي لو التوكيل قرار إنو يتحمل تغير بعض أجزاء صيانة ال-٦٠ - زي الطرمبة أو غيرو للعميل المواظب على الصيانة
يبئة ماينفعش واحد فتورتو تبئة ٣٠٠٠ و واحد تاني عندو نفس الصيانة يدفع ١٠٠٠

...................... .دة يبئة اسمو

هو مين يا عمرو اللى فاتورته كانت 3000 جم و مين اللى فاتورته 1000 جم فى صيانة الـ 60 الف
!!!!!!!!!!!!!!!!

[Ahmed Selim]

sharky - هاني

بدون مبالغة و استماتة فالدفاع عن التوكيل الأنا أصلاً مقتنع بيه و مغير عندو كبل أير باج و علبة دركسيون فالضمان

النقطة البكلم فيها هي لو التوكيل قرار إنو يتحمل تغير بعض أجزاء صيانة ال-٦٠ - زي الطرمبة أو غيرو للعميل المواظب على الصيانة
يبئة ماينفعش واحد فتورتو تبئة ٣٠٠٠ و واحد تاني عندو نفس الصيانة يدفع ١٠٠٠

...................... .دة يبئة اسمو

السؤال هو.......
أنت بتعمل كل صياناتك فى التوكيل أو مركز خدمة معتمد ؟؟؟ بما فيهم صيانة ال 5 ألاف.
بتعمل أى حاجة عاوزاها العربية هناك ؟؟؟ ( يعنى لو مثلاً سمكرة لا قدر الله؟ )

الفكرة أن التوكيل بيحافظ على العميل اللى بيواظب على الذهاب للتوكيل.....و ده حق مشروع ليه.

ويا ترى اخبار اسعار قطع الغيار فى التوكيل ايه ؟ انا سامع انها نار يعنى بتضرب سعر القطعة بره فى اتنين او تلاته هيكون ده سعر التوكيل .. واذا كان الأمر كده طب ليه المعاملة مش هتكون حلوه جميلة وذوق .. وكمان سمعت انهم بيرفضوا تماما تركيب اى قطعة غيار تم شراؤها من خارج الضمان!! كده والا انا غلطان

أيوة.......أسعار قطع الغيار مضروبة فى 2 و فى 3 أحياناً.........فى كل التوكيلات مش رينو بس.........طيب سألت نفسك ليه ؟؟؟
عشان اللى فى الشارع مش كله أصلى
عشان بتاخد ضمان سنة على الحاجة و لو حصل فيها مشكلة تانى هترجعلهم و هيغيروها ببلاش

ده غير أنك بتتعامل مع التوكيل ودى لوحدها بفلوس.......زى فكرة الهدوم السينييه كده
قميص ماركة عادية ممكن تلاقيه ب 100 جم و لو سينييه ( boos مثلاً ) ممكن تلاقيه ( و هو هو نفس القميص بالظبط ) تلاقيه ب 1000 جم

[Sharky]

ويا ترى اخبار اسعار قطع الغيار فى التوكيل ايه ؟ انا سامع انها نار يعنى بتضرب سعر القطعة بره فى اتنين او تلاته هيكون ده سعر التوكيل .. واذا كان الأمر كده طب ليه المعاملة مش هتكون حلوه جميلة وذوق .. وكمان سمعت انهم بيرفضوا تماما تركيب اى قطعة غيار تم شراؤها من خارج الضمان!! كده والا انا غلطان

أسعار قطع غيار التوكيل معقولة جدا بالنسبة لأسعار نفس منافسيها فى التوكيلات
و قطع الغيار إللى خارج التوكيل ممكن فعلا نصف تمن التوكيل لكن لإنها بتقى مستعملة إستيراد الخارج او بتبقى غير أصلية
دا غير ان قطع غيار التوكيل عليها ضمان سنة

على فكرة اى توكيل فى مصر بيرفض تركيب اى قطعة غيار خارج التوكيل

[nodey]

السلام عليكم
فعلا خدمه ممتازة
لكن ممكن اسألك عن ما هو الديفيزور
وايه اسم البكرات اللي يمر عليها سير الدينمو مع المكيف
شكرا لك

[Sharky]

دى مشاركة لزميل لينا فى المنتدى

يا جماعة بالنسبة للديفازر و دى تصنيع شركة delphi الأمريكية أعراض الديفازر خبطه جامده مع الدوران (كأنه صوت تكسير تروس فى المارش) و سعات تبطيل أول م السيارة تقوم فلازم تدوس بنزين على طول علشان متبطلش منك.

الديفازر أصلا عبارة عن حلقة بتدور بدخول الزيت جواها , علشان كده من أهم الأسباب اللى بتعجل بعطله هو عدم تغيير الزيت بإنتظام, إستخدام زيوت غير تخليقية (معدنية) عدم إستخدام السيارة بإنتظام (إستخدام بسيط) التدوير الكثير و المشاوير البسيطة (داخل المدينة).

[عمرو عمارة]

السلام عليكم
فعلا خدمه ممتازة
لكن ممكن اسألك عن ما هو الديفيزور
وايه اسم البكرات اللي يمر عليها سير الدينمو مع المكيف
شكرا لك

وما تقلقش الديفيزور موجود في الميجان بس

[Amr_Moh]

دا إسمه قر و لا إيه ؟؟




هو مين يا عمرو اللى فاتورته كانت 3000 جم و مين اللى فاتورته 1000 جم فى صيانة الـ 60 الف
!!!!!!!!!!!!!!!!

طبعاً منتا حظوظ... حتعرف منين

صيانة الستين كنت بحوالي ٢٧٠٠ جنيه فيهم تمن طرمبة المية الإتغيرتلك ببلاش

دفعت انتا كام يا نجم؟

[Amr_Moh]

السؤال هو.......
أنت بتعمل كل صياناتك فى التوكيل أو مركز خدمة معتمد ؟؟؟ بما فيهم صيانة ال 5 ألاف.
م

رغم إن المواصفات الفؤ تنطبق عليا،،، هما أصلاً مبسوش عندي ف كتاب الصيانة عشان يقرر إذا كانو حيحسبو عليا الترمبة ولا حيدفعوها

[Sharky]

طبعاً منتا حظوظ... حتعرف منين

صيانة الستين كنت بحوالي ٢٧٠٠ جنيه فيهم تمن طرمبة المية الإتغيرتلك ببلاش

دفعت انتا كام يا نجم؟

دا كده نظام قر بجد


أولا القصة مش حظ يا عمرو

ثانيا انا عملت صيانة الـ 50 الف + تمن السيور + المصنعيات للسيور و الديفيزور و الطلمبة + الضريبة اتكلفت حوالى 2100 جم

و معملتش اصلا حاجة من صيانة الـ 60 غير السيور فقط و تم خصم مبلغ الطلمبة و هى فى حدود 550 جم
يعنى الخصم كان فى الديفيزور و تمن الطلمبة فقط


و الطلمبة اتغيرت مجانا علشان مش ميعاد تغييرها اصلا

يعنى انا مرحتش عند صيانة الـ 60 الف اللى هو ميعاد تغيير الطلمبة الطبيعى و قلتلهم اعملولى الطلمبة مجانا

يعنى مادفعتش 1000 جم زى ما قلت يا عمرو

أظن كده الكلام واضح يا عمرو

[Mohamed.Ramah]

انا بقالى فترة عايز اعمل الموضوع دا بس مكسل
لكن لما سمعت امبارح موضوع وفاة محمد نصير قلت لازم اكتب التجربة دى



[gdwl]خلينا الأول نتفق على ان النظام فى مصر كالاتى:
*من الطبيعى أن التوكيل يغير قطع غيار بها عيوب صناعة طالما السيارة داخل الضمان
* من النادر ان تجد توكيل فى مصر يغير قطعة ضمان بها عيوب صناعة بعد إنتها ضمان السيارة
* من المستحيل ان تجد فى مصر توكيل يغير قطع غيار سليمة لإحتمال حدوث بها مشكلة بعد إنتهاء فترة الضمان و قد تكلف العميل مبلغ كبير بعد ذلك [/gdwl]



من اسبوع تقريبا رحت أعمل صيانة الـ 50 الف فى التوكيل لكن مش دا المهم و لا دا اللى حاتكلم عن تفاصيله المهم هو انى كنت عرفت من فترة ان المفروض ان سيور الميجان يتم تغيرها عند 60 الف أو 3 سنوات أيهما أقرب و انا الميجان عندى داخلة على 50 الف و تمت 4 سنوات بحمد الله
فقلت اكلم م/ محى مدير صيانة العبور أتأكد منه على المعلومة دى
فقالى المفروض ان جدول الصيانة إللى جاى من فرنسا بيقول إن الصيانة الشاملة عند 120 الف و تغيير السيور بيتم عند 120 الف أو 5 سنوات ايهما أقرب لكن لإختلاف طبيعة الجو عندنا فضلت رينو مصر تغيير السيور عند 60 الف أو 3 سنوات



المهم أتفقت معها إن أعملها مع صيانة الـ 50 الف و لقيته بيقولى انت غيرت الديفيزور و لا
قلت له : لأ
قالى : طيب بتشتكى من أعراضه
قلت له : لأ الحمد لله
قالى : طيب لما تروح هناك خلى مهندس الإستقبال يكلمنى
قلت له : ماشى

المهم لما رحت هناك بلغت مهندس الإستقبال بإنى عايز أعمل الصيانة + تغيير السيور و قلتله له كلم المهندس / محى (لإن الكلام دا كان يوم السبت و هو أجازة السبت )

المهم لقيته جاى ليه و بيقولى إحنا حنغيرها على حساب التوكيل بالمرة الديفيزور و طلمبه المياه
قلت له : ليه كده
قالى : لإن حضرتك اولا موظب على الصيانة عندنا عاطلول و ثانيا الإجراء دا إحتياطيا لتجنب ان الديفيزور يحصل فيه حاجة فتضطر تغير السيور معاه تانى قبل ما يكون فات عليهم 60 الف أو 3 سنوات جديدة !!
قلت له : طب طلمبه المياه
قال لى : دى لازم تتغير مع السيور و إحنا حنعملها ليك مجانا برضه لإنك جاى تغيير السيور فقط و مش جاى تعمل الصيانة الشاملة !!


عرفت منه إن تكلفة الديفيزور و طلمبه المياه فى حدود 1700 جم !


بصراحة سكت و معرفتش أرد لإنى أول مرة ألاقى توكيل فى مصر ممكن يغير قطعة غيار لعميل و سيارته خارج الضمان لمجرد إنه يوجد إحتمال لتغيرها بعد ذلك
و فى هذه الحالة سيتكلف العميل تمن السيور (قبل إنتهاء عمره الإفتراضى ) + طلمبه المياه + تمن الديفيزور

يعنى التوكيل رأى انه يتحمل تمن ديفيزور على ان ممكن العميل يتحمل التكاليف الأخرى ( ديفيزور + طلمبه مياه + سيور ) حتى لو كان إحتمال غير مؤكد لتحمل العميل هذه التكاليف !!



بصراحة توكيل رينو فى مصر محترم زيادة عن اللزوم
و خلانى أحس أنه معاملته لعملائه معامله أوربية بجد



بجد محمد نصير عرف يضع مقاييس جديدة فى مصر لخدمة ما بعد البيع

رحمك الله و غفر لك و أسكنك فسيح جناته



[gdwl]توكيل رينو فى مصر eim ... التوكيل الذى رفع مقاييس خدمة العملاء فى مصر [/gdwl]

الف شكر على الموضوع الجميل والافادة وبالنسبة التوكيل اللى انت رحتة بتاع رينو دا فين مكانة ولو انا عاوز اشترى اللوجان اية افضل مكان اشتريها منة

[M.Moustafa]

طيب قولي يا شاركي انا دلوقتي بعمل كل صياناتي من ساعة ما جيت مصر في فرنش موتورز وفي السعودية كنت طبعا بعملها في التوكيل هل فيه مشكلة لو وديتها دلوقتي التوكيل اعمل صيانة 100 الف هناك؟

[M.Moustafa]

وبالمرة كمان تقريبا صيانة ال 100 الف هتتكلف كام عندهم وهل اسعارهم زي فرنش موتورز ولا اعلى

[Ahmed Selim]

طبعاً منتا حظوظ... حتعرف منين

صيانة الستين كنت بحوالي ٢٧٠٠ جنيه فيهم تمن طرمبة المية الإتغيرتلك ببلاش

دفعت انتا كام يا نجم؟

أنا مغير الطرمبة على حسابى فى صيانة ال 60 ألف

[M.Moustafa]

عبد المقصود باشا في امل النهاردة؟

[Amr_Moh]

دا كده نظام قر بجد

لا يا باشا ازاي ربنا يباركلك ويحفظك من كل سوء


خلينا نكمل كلام فالمؤبلة الجيا إن شاء الله عشان أعرف اسيطر عليك فيس تو فيس