انا بدأت اقفل من العربية ايه العمل؟

[عمرو عمارة]

أحمد باشا كل الحاجات الي إنت قولت عليها متسدعيش إنك تقفل من العربية......دي كلها حاجات بسيطة عمرها ما تؤثر على إعتمادية العربية......
معليش يا باشا كييف الميجان لازم يدفع ماتبخلش على عربيتك

[a_hassan184]

انا عربيتي 2007 و عاملة 25 الف كم و مكنتين الازاز الي اودام باظو واتغايرو في الضمان، والي بيببوظ في مكنة الازاز مش موتور الكهربا الي بيحصل ان في فبرة صغيرة مدورة بيلف عليها الوير بتاع ميكانيزم الازاز بتكسر فجاة وبدون مقدمات و انا شايف رغم ان دة ممكن يكون عيب في مكنة ازاز الميجان بس انا شايفو انو عيب صغير و سهل يتصلح .

[chato_eg]

إللى أعرفه...إن الناس لما بتحب تسافر فى الصيف مثلا....بتروح تعمل طقم service من بوجيهات و خلافه و تغير زيت و لو فيه تيل عايز يتغير و لا حاجة و بعديت تغسل العربية و تتوكل على الله....

مع الميجان بأنتقل لمرحلة الغسيل بدون المقدمات الأخرى....ما أنا محافظ على الصيانات فى مواعيدها و ما حدش يلعب فيها غير الناس إللى متدربين عليها و مؤهلين فنيا للتعامل معاها...هأخاف من إيه ؟؟؟
و كمان مش لازم أنا إللى أسافر...بأسيب والدتى و أختى يأخدوا جدى و جدتى و يسافروا هما لوحدهم.....هى دى العربية إللى أثق فيها و أئتمنها على أسرتى... و ما أخافش تعمل موقف و لا حاجة...لإنى عارف إنها حتى لو قسيت عليها زى مشيت بالتيل زيادة مثلا...برضه مش هاتخذلنى و عن تجربة.....

[triton]

انا رأيي طالما مش مرتاح و قافل منها انك تبيعها .... انا طبعا عمري ما ارتحت مع سياره زي الميجان بس عارف ان اذواق الناس بتختلف ولازم تكون مرتاح وانت راكب .... والميجان المفروض انها سياره معمره و مش بتاعه اعطال كل شويه .... و عموما استخير قبل اي حاجه

[Amr_Moh]

أنا مكنتش ناوي أعلق عل موضوع ده،
بس بمائنة حيفتح النقاش لأعداء نجاح الماركة ده، المعلوماتهم عنها محدودة جداً

فمن غير زعل ياحمد لو مش مريحاك بيعها

[akmal_hamdi]

[caution]لقد خالفت القاعدة رقم (13) من قواعد المنتدى لذا يتوجب حصولك على (تنبيه ).

يرجى مراجعة قواعد المنتدى

إدارة المنتــــدى - 3 [/caution]

[ahmed_gamal]

ابو حميد..انا برضه مش فاهم ازاي كهربة العربية ممكن تقطع!!! لو خدت بالك هاتلاقى إن البطارية واصل ليها أكثر من سلك او خط. يعني لو نزلت يوم لقيت الريموت مش بيفتح العربية وفتحت بالمفتاح ولقيت نور الصالون مش بينور..برضه العربية هاتدور (في أغلب الأحيان) بعد ما تحط الكارت وبعد شوية من التدوير هاتلاقي البطارية شحنت والدنيا رجعت زي الأول. لأن العربية دي بتـsense الشحن فابتفصل كهربة العربية ماعدا الدوارة...إلا طبعا لو البطارية ماتت تماما.


وكمان موضوع مكنة الزجاج دي لازم يكون لها مقدمات وأسباب ولا باظت خبط لزق؟؟؟ طب جربت تشوف فيوز الزجاج سليم ولا لأ..لو كانت المكنة ضعفت ها تسمع زنة المكنة ولكن الزجاج مابيرفعش .. جرب ترفع الزجاج بيدك اثناء الضغط على الزرار (تساعد المكنة). ولا مافيش اي صوت؟ لو مافيش صوت خالص ده معناه إن المكنة قاطعة كهربا، يعني اما مش واصل ليها كهربا (الـRelay بتاعها باظ) او المكنة نفسها اتحرقت..على العموم مواتير الكهربا سهل تصلحيها..بس انت هاتصلح فين وعند مين؟؟؟ انصحك روح لخالد الزيني في الرحاب (فرنش موتورز) كان ظبط لي موتور المساحات قبل كده

ارجو إني اكون افدتك...وماتخلليش اي حاجة تكرهك في عربيتك ومتنساش...حب العربية تحبك

هي قطعت زي ما النور بيقطع بالظبط والسبب ان في فيوز ضرب و عمل قافلة
بالنسبة لموضوع الزجاج فده بقي حصل فجأه بردو بدون اي مقدمات ركنت العربية لمدة ساعتين كنت في درس و بعدين نزلت عادي و ركبت العربية و صاحبي بيفتح الازاز فتح عادي بس مان صوت زي ميكون حاجة محشورة في الازاز سألته ايه الصوت ده قالي ده من الازاز جربت اقفله لاقيته بيطلع لحد قبل النص كده بشويه و يرجع يفتح تاني اكنه بيخبط في حاجة
بالنسبة للرحاب بعيدة عليا يا جماعة انا عندي امتحانات ولما بيكون عندي امتحانات مبنزلش من البيت

يا احمد باشا الف سلامة على عربيتك اولا، ثانيا يا احمد موضوع مكنة الاقزاز ده كان عيب في 2005 وكان بيتغير انا بتكلم على السعودية مش عارف هل ده كان حاصل في مصر ولا لاء.

ثانيا صدقني انا شوفت عربية وكنت حكيت عليها بتاعت شاب تقريبا كل حاجة فيها بايظة وللاسف الحاجات البايظة كلها كانت متظبطة قبل ما الراجل يبيعها وبعد لما الشاب اشتراها بدات كل العيوب تبان.

عموما انت لو حابب تروح لخالد الزيني يكشفلك عليها انا ممكن اكلمهولك او لو حابب كلم ايمن وكمل معاه في الناس بتوعه

الله يسلمك يا استاذ محمد
انا اول مرة بصراحة اسمع انها بتبوظ
العربية حالتها نضيفة جدا والله يا جماعة و الراجل محترم جدا و لما جيت اصلح موضوع الفيوزات ده الراجل قالي ان العربية نضيفة و محدش لعب فيها قبل كده (هو شغال في التوكيل )
وانا متشكر جدا يا باشا علي المبادرة دي بس الرحاب بعييييد اوي وانا الاليومين دول مش فاضي

على فكرة انا لما بحب أسافر أى سفرية دايما و الحمد لله بطلع بالميجان و ما بطلعش بالياريس لإنى الياريس مقلقة على طريق السفر عكس الميجان ممتعة جدا فى السفر

بالنسة لموضوع قطع الكهرباء بسبب فيوزات دى أول مرة أسمعها من حد فى الميجان
لكن هى حصلت لى قبل كده فى لانسر 98 و حصلت لأخو واحد صاحبى كان معاه كرولا 2008 جنوب افريقى قبل ما يبعيها

أحمد جمال الحاجات اللى قلت عليها من ديفيزور و كويل حصلت لمعظم ملاك الميجان يعنى حاجة انت اكيد عارفها و بالنسبة لموضوع الإشارة دى حاجة بسيطة يا أحمد و حصلت لى قبل كده و إتقالى أنها علقت لإنك ممكن تكون خدت مطب جامد أو حفرة فإتهزت من مكانها فعلشان كده ممكن تعلق منك

بالنسبة للديفيزور يا أحمد انا عرفت من م/ محى ان بيغيروه داخل الضمان للسيارات اللى معدتيش الـ 60 الف بشرط انك تكون مواظب على جميع الصيانات فى التوكيل

رأى الشخصى لو حتبدأ تقفل من الميجان بيعها أحسن لإنك بدات تقلق منها و مش حتعرف تستمع بيها

انا عارف المشاكل اللي ديما بتحصل لكن اللي دايقني اني قابلت حاجات مسمعتش عنها قبل كده
بالنسبة للعربية ماشية 54 الف و عاملة كل الصيانات في التوكيل و اخدت خبطة قبل كده و معمولة في التوكيل و مغيره علبة دركسيون في التوكيل كده هيغيروهولي

أحمد باشا كل الحاجات الي إنت قولت عليها متسدعيش إنك تقفل من العربية......دي كلها حاجات بسيطة عمرها ما تؤثر على إعتمادية العربية......
معليش يا باشا كييف الميجان لازم يدفع ماتبخلش على عربيتك

الموضوع مش موضوع فلوس هو بس ان حصل كذا مشكلة في فترة قصيرة

انا عربيتي 2007 و عاملة 25 الف كم و مكنتين الازاز الي اودام باظو واتغايرو في الضمان، والي بيببوظ في مكنة الازاز مش موتور الكهربا الي بيحصل ان في فبرة صغيرة مدورة بيلف عليها الوير بتاع ميكانيزم الازاز بتكسر فجاة وبدون مقدمات و انا شايف رغم ان دة ممكن يكون عيب في مكنة ازاز الميجان بس انا شايفو انو عيب صغير و سهل يتصلح .

اعتقد هو ده فعلا اللي حصل معايا لان المكنة بتطلع لحد مسافة معينة يعني شغالة

انا رأيي طالما مش مرتاح و قافل منها انك تبيعها .... انا طبعا عمري ما ارتحت مع سياره زي الميجان بس عارف ان اذواق الناس بتختلف ولازم تكون مرتاح وانت راكب .... والميجان المفروض انها سياره معمره و مش بتاعه اعطال كل شويه .... و عموما استخير قبل اي حاجه

يا جماعة انا حالتي مش للدرجة دي و مش لدرجة اني ابيعها انا بحب العربية جدا و لما بركب اي عربية تانية بحس انها عربية معفنة بدون ذكر انواع علشان محدش يزعل

أنا مكنتش ناوي أعلق عل موضوع ده،
بس بمائنة حيفتح النقاش لأعداء نجاح الماركة ده، المعلوماتهم عنها محدودة جداً

فمن غير زعل ياحمد لو مش مريحاك بيعها

و انا اللي قلت هتقولي تعالي يابوحميد نظبطهالك و نززل الحرفيين و المكنة عند الراجل اللي جبته منه الازاز بتاع الاستاذ رامي ثمنها 25 جنيه علشان ابقي محظوظ زيكوا

[ahmed_gamal]

+100000000 سيبك من الزجاج (الافضل انك تصلحه لو مافبش حاجة اتكسرت) وسيبك من الديفيزور والكويل اللى انا عايز اسألك عنه موضوع قطع الكهرباء العطل كان ايه واتصلح ازاى للاستفادة وماتزعلش دى حظوظ والعربية لازم تاخد العين يعنى لازم تاخد العين واسال اخاك. بس انا ليا استفسار انت بتقول ان صاحبها ادالك ورق الصيانة يعنى يا اما العربية مبتصرفش وده يبقى حظك العثر انها صرفت معاك يا اما كانت بتصرف كتير ومبهدلاه وتبقى العربية فيها مشكلة وتبقى انت الغلطان انك اشتريتها

استاذ ابو عبد الله لازم تركب ميجان علشان تعرف احنا بنحبها ليه وليه فضلناها على حاجات تانية كتير رغم ما يقال اللى يركب الميجان يحس انه مركبش عربيات قبل كده الميجان قصة تانية خالص.... وشكرا

شكرا يا استاذ محمد علي مشاركتك
السبب انا ذكرته في المشاركة اللي فاتت مش عارف انا كنت عامل اقتباس لكل المشاركات بس اول 3 اختفوا
العربية مصرفتش كتير ولا حاجة بالنسبة للميجان لكن بالنسبة لعربيات تانية هيبقي كتير

أحمد يا جمال.....
أولاً ربنا معاك

ثانياً يا أحمد أنت شارى عربية مستعملة يعنى لازم تتوقع أن ممكن يحصل فيها حاجة فى أى وقت.............أنت مش شارى عربية زيرو

و بما أن مشكلة الكهرباء اللى حصلت قبل كده كانت فيوزات و دلوقتى مشكلة أشارة فأنا أعتقد ( مجرد أعتقاد شخصى مش أكتر ) أن العربية فيها مشكلة كهرباء نتيجة لأن المالك الأول خلى حد مش فاهم أشتغل فيها.........و الله أعلم

احمد باشا
انا عارف ان اكيد في مشاكل هتحصل بس مش كله مره واحده
بالنسبة لموضوع الكهربة الراجل اللي هو اصلا شغال في الكهربة في التوكيل قالي انه ماتلعبش فيها قبل كده ولو كان اتلعب مكنتش هشتغل فيها
وانا اعتقد ان سبب اني قافل شوية ان االاهلي اخد الدوري و الامتحان جه زي الزفت الدكتور ( اسامة المليجي ) زمالكاوي و العربية جت كملت عليا

[Amr_Moh]

و انا اللي قلت هتقولي تعالي يابوحميد نظبطهالك و نززل الحرفيين و المكنة عند الراجل اللي جبته منه الازاز بتاع الاستاذ رامي ثمنها 25 جنيه علشان ابقي محظوظ زيكوا

يا باشا إطلب أي مساعدة حتلاقي ميت وحش جابولك الحرفيين لحد عندك

بس بلاش تجريح فالعربية .. دي بنت ناس مش بتاعت بهدلة

و بعدين لو بعتها وجالك نفس الرقم الحطيتو فيها حتجيب اه بيه بدلها.... حتت حديده لا طعم ولا لون ولا متعة

استهدى بالله

و بعدين انتا زملكاوي و كمان معك ميجان.. مش عايز ازاي يحصلك مشاكل

[ahmed_gamal]

يا باشا إطلب أي مساعدة حتلاقي ميت وحش جابولك الحرفيين لحد عندك

بس بلاش تجريح فالعربية .. دي بنت ناس مش بتاعت بهدلة

و بعدين لو بعتها وجالك نفس الرقم الحطيتو فيها حتجيب اه بيه بدلها.... حتت حديده لا طعم ولا لون ولا متعة

استهدى بالله

و بعدين انتا زملكاوي و كمان معك ميجان.. مش عايز ازاي يحصلك مشاكل

طيب ماقلتليش اعمل ايه في الازاز ؟؟؟؟؟؟؟؟؟؟؟؟؟؟؟
انا مجرحتش في العربية علي فكرة انا قولت اللي بيحصل معايا و قولت اشوف وجهة نظر الوحوش
خصوصا ان في مشاكل محدش ذكرها قبل كده

[Amr_Moh]

إتصل بالنمرة ده وسأل على سعرها إستيراد دة على إفترض ان المكانة هي البيظة
0121116053

[ahmed_gamal]

طيب مين ده ولا فين ؟
لو علشان مايبقاش اعلان ابعتلي علي الخاص

[akmal_hamdi]

متنسوش الكوتش بتاعكوا ال لسه واخد تنبيهه على باب الموضوعتنبيه و افتخر

[ضيف]

بتقول في صوت و القزاز طالع كأن حاجة محشورة , بيطلع لغاية النص و ينزل تاني يبقى فعلا في حاجة محشورة مش بعيد أبدا . جلاب ترفع قزاز أي باب و حط إيدك القزاز بمجرد اللمس بينزل تاني .
حاول بالنهار تبص على مجرى القزاز ممكن لو حصواية تعمل كده و الله أعلم .

[ahmed_gamal]

بتقول في صوت و القزاز طالع كأن حاجة محشورة , بيطلع لغاية النص و ينزل تاني يبقى فعلا في حاجة محشورة مش بعيد أبدا . جلاب ترفع قزاز أي باب و حط إيدك القزاز بمجرد اللمس بينزل تاني .
حاول بالنهار تبص على مجرى القزاز ممكن لو حصواية تعمل كده و الله أعلم .

مانا كنت بالنهار و اعتقدت كده فعلا و حاولت اشوف ان كان في حاجة محشورة ولا لا معرفتش فاتصلت بالراجل و شرحتله قالي كده تبقي باظت

و اتصلت دلوقتي بالرقم بتاع عمرو و قالي ان تمنها 500 جنيه و سألني بتاعت انهي ازاز يمين ولا شمال يظهر ان في فرق والله اعلم