رأيكم في ميجان 2006

[ka3bool911]

السلآم عليكم جميعأ
انا من فتره كبيره بقراء في المنتدي عن الميجان و شايف انها اكتر عربيه مناسبه اظروفي و الحمد لله لقيت
عربيه كويسه في الوسيط و ادي الأعلن

-مو 2006 ـ فيرانى ـ تعديلات 2007
ـ فرش جد ـ
-ج الكماليات ماعدا الجنوط و فتحةسقف
ـ 34.000 كم ـ
-فابريقة ـ ممتازة
ـ 78.000 ج

و لكن هنا محتاج مشورتكم في :
1- رايكم فيها
2- يعني اه "تعديلات 2007 "
3-الكشف في التوكيل بياخد وقت

شكرأ مسبقأ

[Ahmed Selim]

كيف تشترى ميجان 2 مستعملة

[ضيف]

إختلاف 2007 هو شكلي و ليس جوهري
على ما أتذكر :
شكل الإكصدام أمامي و فوانيس أمامية بعدسة .
فوانيس خلفية الإختلاف في شكل الباغة (قبل 2007 شكل مدور عند لمبة المارشدير).
إضاءة التابلوه في 2007 لونها أبيض قبل 2007 برتقالي .
2007 عداد السرعة جهة اليمين و عداد rpm جهة اليسار (في التابلوه).
بالتوفيق إن شاء الله .

[ka3bool911]

إختلاف 2007 هو شكلي و ليس جوهري
على ما أتذكر :
شكل الإكصدام أمامي و فوانيس أمامية بعدسة .
فوانيس خلفية الإختلاف في شكل الباغة (قبل 2007 شكل مدور عند لمبة المارشدير).
إضاءة التابلوه في 2007 لونها أبيض قبل 2007 برتقالي .
2007 عداد السرعة جهة اليمين و عداد rpm جهة اليسار (في التابلوه).
بالتوفيق إن شاء الله .

شكرا علي سرعه ردك
ولكن السعر كده كويس
و لو العربيه فيها الجنوط و فتحة سقف المفروض تبقي بكام

[ضيف]

بالنسبة للأسعار عن نفسي ما عنديش فكرة لأن عربيتي جايبها زيرو (فبراير 2008) فتلاقيني مش متابع .
حضرتك مش محدد العربية مانيوال / أتوماتيك (لأنك كاتب مفيش جنوط) , لو مانيوال يبقى الفرش الجلد مش فابريقة , لو أول فئة أتوماتيك (لو هي أتوماتيك) يبقى برضه الفرش الجلد مش فابريقة و في الحالة دي لا قدر الله في الخبطة الجانبية يتفتح air bag الكرسي الأمامي تحت الفرش و لكن بدون الإستفادة المرجوّة منه .

[HassanEissa]

بالنسبه للسيارة سعرها عالي شويه ( و خصوصا انها بيذ لين )
ولكن العربيه الراجل كاتب انها معدله و فابريقه
يعني ايه ؟؟؟؟
اذي اغير الوش كله و الفوانيس و تبقي فابريقا ؟؟
ده غير انه لو كان مغير التابلوه تبقي مصيبه ( معرفش ده ممكن ولا لاء )
نصيحه بلاش تاخد عربيه ملعوب فيها و خصوصا ان قطع غيار العربيه دي غاليه جدا ( الوش فقط ب ٨٠٠٠ جنيه تقريبا )
ده معناه ان الي عدلها معدلهاش علشان الشكل و المنظر و لكن عدلها لحادث او كسر قوي
و علي العموم حاول تدور شويه و انصحك انك تجيب الهاي لين يعني فتحه السقف و الجونوط علشان تنبسط بالعربيه ( رأي شخصي )
و اعتقد ان ٧٨٠٠٠ جنيه يجبولك عربيه هاي لين نظيفه

[HassanEissa]

الكشف في التوكيل ٥٥٠ جنيه شامل الدهان و الماتور و الكهربا
و بيخد حوالي ٦ ساعات يعني يوم كامل
لازم تتصل الاول و اعتقد ان يوم الجمعه و السبت مافيش ريبورت للعربيه
رقم التوكيل ١٦٢٠٢

[Amr_Moh]

بالنسبه للسيارة سعرها عالي شويه ( و خصوصا انها بيذ لين )
ولكن العربيه الراجل كاتب انها معدله و فابريقه
يعني ايه ؟؟؟؟
اذي اغير الوش كله و الفوانيس و تبقي فابريقا ؟؟
ده غير انه لو كان مغير التابلوه تبقي مصيبه ( معرفش ده ممكن ولا لاء )

طول بالك .. محدش قال إن العربية صاحبها هو المعدلها


المقصود انها 2006 بس فيس لفت زي بتاعت 2007

و فعلاً في اواخر ٢٠٠٦ نزلت كام دفعة ميجان بالتعديل بتاع ٢٠٠٧

[ka3bool911]

هل ممكن حد يشرح تقسيم فئات الميجان من بيذ لين الي اعلي فئه

[Ahmed Selim]

baseline مانيوال و بيبقى فيها ABS و 6 أيرباجز و كاسيت سى دى و تكييف بكر و أزاز كهرباء و باور و سنتر و مرايات ضم( لحد 2006 بس ) و أمكانية التحكم فى الدركسيون ( فوق و تحت و لورا و لقدام كمان ) و أمكانية التحكم فى مستوى الفوانيس الأمامية و أمكانية التحكم فى مستوى أضاءة العدادات.

baseline أتوماتيك بيزيد عليها فتيس أتوماتيك ستيبترونيك.

ديناميك و بيزيد عليها نواكل و تكييف تاتش و جنوط 16 و فرش مختلف شوية بس مش جلد و من 2007 بقى فيها مثبت سرعة كمان.

أكستريم بتزيد فتحة سقف بانوراما و فرش جلد.

ده اللى فاكره حالياً

[Ahmed Selim]

معلش أنا نسيت أقول أن الكلام ده كان فى موديلات 2005 و 2006 بس موديلات 2007 و 2008 أتغيرت شوية الأمكانيات ( حاجات بسيطة زى الفوجات و المرايات الضم )

و غالباً أعلى موديل مكنش أسمه أكستريم........كان أسمه بريفيلدج privilege

[ضيف]

الله ينوّر عليك يا أحمد باشا للإيضاح
فعلاً إكستريم نزل بس 2008 منه سيدان (زيّ اللي معايا) و هاتش باك و ستيشن (إستيت)
كلمة إكستريم مكتوبة على الباب الخلفي يمين فوق باكتة الباب (للسيدان) , هاتش باك و إستيت بتكون الكلمة مكتوبة على الزجاج الشبه مثلث للباب الخلفي يمين .
فرش إكستريم مختلف تماماً فلونه أسود و شلتة الكنبة و الكرسيين فيها خياطة بلون أحمر +الكرسيين من عند تحت مسند رأس الراكب لكل كرسي في 3 أشكال شبه بيضاوية جلد أحمر .
جنط إكستريم 5 صوابع بس مش 8 و مفيش فتحة سقف نهائي و وقت لما إشتريت كان الموديل في نفس السعر (136) بأبشنز مختلفة (بالنسبة لإكستريم تطعيمات فوق درج التابلوه , مقابض أبواب خارجية و داخلية مش متنكلة ,مفيش بكرة جهة كوع السائق لراحة ضهر السائق ,مفيش مخدع بضهر الكنبة) إسمه c2d .