سؤال عن رينو كليو

[bebo_bambino]

ايه اخبار العربيه دي.
و كنت عايز اعرف ايه الاوبشن بتاعها :D

[limo]

الكليو

انا عندى كليو 2003 وبصراحه العربيه ممتازه جدا حتى الان
اما عن ملاحظاتى عن العربيه فهى كالاتى:
طبعا موديل 2003 1200سىسى 75 حصان 16صباب بعكس موديل 2007 1400سىسى 75حصان 8صباب
العفشه قويه بس هيه ناشفه شويه
المتور ناعم جدا جدا جدا
خامات التقفيل من الداخل معقوله مش زى اليبانى ولكن احسن من الكورى
العربيه تقفيل تركى صناعه فرنساوى لدرجه انى لما كنت بغير بعض قطع الغيار كنت اجد مكتوب عليها (صنع فى فرنسا)بس طبعا اسعار قطع الغيار الفرنساوى غاليه جدا جدا ولكن يوجد قطع غيار بتقى ايطالى معتمده من شركه رينو وبتكون برضه بنفس الكفاءه وارخص كتير
مشكله العربيه ان محدش بيفهم فييها خالص يعنى لازم تروح التوكيل او احدى المراكز التخصصه من قبل شركه رينو
استهلاك البنزين كويس جدا جدا انا بتعمل معايا فى 30لتر 400كم لاحظ انى بسوق بسرعه ورجلى تقيله على البزين
ان عن الاوبشن بتاعها :D انا مش فاكر باظبط ايه الابشن بتاعه 2007 بس كانت
زجاج كهربائى امامى وخلفى ومريات كهرباء ومجهزه لوضع راديو كاسيت تكيف وسنتر وتقريبا مفتاح ريموت وباورو اير باج وامكانيه عدم اداره المحرك الابالمفتاح الاصلى

[sab3aawy]

يا ترى انت بتسأل على جديد وللا مستعمل

بالنسبة للمستعمل انا كان لى تجربة من رينو كليو 2003 ، 1200 سى سى

عربية حكاية

محرك ناعم جدا جدا وقوى جدا جدا

ثبات على الأرض رائع

هدوء فوق الوصف

انيقة جدا من جوة وخامات التابلوه والصالون رائعة

عيبها ان الصالون ضيق شوية ورفارفها الأمامية بلاستيك، الى جانب ان لا يفضل نهائيا محاولة اصلاحها خارج التوكيل

[د.اشرف هنداوى]

i want a clio model 2005 , any idea about price

[limo]

انت عايز 1200ولا 1400

i want a clio model 2005 , any idea about price

لو موديل2002-2003-2004 هى سعرها من 50 الى55الف لوا كانت جميع الكمليات زود الف او الفين على حسب الحاله
او2005 1200سىسى تعمل من55 الى 60 على حسب الحاله
لو 2005 1400سىسى تعمل من 60الى 67الف جنيه عاده الاتوماتيك معرفش تعمل كام
تحت امرك فى اى استفسار
limo

[Sherif Khalifa]

ممكن حد يفيدنى بنظام اسعار قطع الغيار مقارنة بالكورى

[sab3aawy]

اسعار قطع الغيار اغلى شوية من الكورى، ممكن تكون فى رينج اليابانى لكن كلها موجودة، الى جانب انها مش بتحتاج قطع غيار كتير

سبعاوى

[د.اشرف هنداوى]

thank you limo for your reply , i have another question ; is there a big difference bet. 1200 and 1400 ?

[limo]

اعتقد لا

مو 2003 و2004 كانت 1200 سىسى 75 حصان 16 صباب كله فتيس عاده
ومو2005و2006 كانت 1400 16 صباب مش فاكر عدد الاحصنه اد ايه بس كان فوق 90 حصان ده بينزل منه اتوماتيك وعاده
مو2007 الجديد 1400سى سى 8 صباب 75 حصان فتيس عاده بس
انا معايا 2003 1200سى سى ومجربتش ولا 2005 و لا 2007
بس انا اعتقد ان موديل 2003 و2007 اداءهم متقارب يعنى زى بعض ,بس و2005 هيبفى فى فرق ملحوظ نظرا لان السعه التتريه اكبر والصبابات 16 وعدد الاحصنه اكبر
بس مش معنى كده ان 1200 سى سى اداءه وحش لا بالعكس سحبه حلو جدا والتسارع بتاعه 10 على10
limo :lol:

[شريف]

طب موديل 2002 بيكون 1200 ولا 1400
و هو نفسه الموديل 2003
ايه هى الكماليات اللى فيه
و شكرا يا جماعه مقدما

[شريف]

و هو موديل 2002 شكله مختلف عن الموديل 2005 او2007
و ايه اخباره مع تشغيل التكييف هل السحب بيقل
و ايه الملاحضات اللى الواحدلازم ياخد باله منها لما ييجى يشتري
معلش اصل امامى واحده2002 وعايز اعرف عنها اكتر

[Sherif Khalifa]

معروضة عليك بكام و كمالياتها اية عشان العربية دى لعبة فى دماغى جامد :lol:

[limo]

الرد

- الكليو او مانزلت كان سنه 2001 والموديل ده كان 1400 سى سى فى منه جميع الكمليات وفى منه نص كمليات وتقدر تميزه بالفوانيس الاماميه هتلاقى الفوانيس واخده شكل بيضاوى وعاديه مش كرستاله ووكانت كمالياته زجاج كهرباء امامى وسنتر وريموت من غير انذار ايرباج مريات عاديه ساعه وسطى بالتابلوه كاسيت تكيف وباور فوانيس شبوره مساند راس خلفيه, ظل الشكل موجود فى السوق الى شهر 5او6 2002 الى ان طرح الشكل الجديد وهوه اكثر شكل منتشر فى الشارع وتقدر تميزه بالفوانيس الاماميه هتلاقيها واخده شكل مثلث وبداخل المثلت كشافين كل واحد واخد شكر دائرى وفوق الكشافين مثلت صغير للاشاره وكرستال طبعا ,من هنا نزلت السعه التتريه الى 1200سى سى 75 حصان 16 صباب وبرضوا كانت بنزل جميع الكمليات تشمل (تكيف -باور -زجاج ك - سنتر ومفتاح ريموت ثلاث مساند رأس خلفيه فوانيس شبوره - ساعه وسطى بالتابلوه عداد ار بى ام -اير باج للساثق - نور الصالون يغلق تدريجيا فرش غامق ) شكل طاسات مختلف عن الهاف اوبشن وكاسيت يتم التحكم فيه من عجله القياده عدم امكانيه اداره المحرك الابالمفتاح الاصلى للسياره
اما عن الهاف اوبشن تكيف باور مجهزه لوضع رايو كاسيت اير باج عدم امكانيه اداره المحرك الا بالمفتاح الاصلى للسياره .
يعنى ممكن العربيه الى معروضه عليك تكون شكل 2001 او 2003 على حسب هيه 1400 ولا 1200 وهوه اشتراها امتى
-2005 ,2006 مبدئيا القانوس الخلفى متغير بس التقسيمه هى هيه فبدل ماكان جزء الاشاره لونه برتقالى اصبح لونه ابيض والغماز كمان بئه ابيض اول 2005 كانت 1200 وفى شهر 5 اصبحت 1400 جميع الكمليات عاده واوتوماتيك
2007 نزلوا فى عدد الصبات والاحصنه لتصبح 75 حصان و 8صباب وغيروا حاجات فى الشكل منها دهان البكتات الجانيه واوكر الباب بلون السياره ودمج علامه رينو الخلفيه مع مفتاح الشنطه وشالوا باكتات الاكصدام وزاد4 زجاج كهرباء بدل الامامى ومريات كهرباء .
- للتكيف ممتاز وتبريده حلو طبعا بيسأثر على السحب بس مش جامد يعنى مش بالدرجه الملحوظه
-الكشف على العربيه كأى عربيه بس نصيحه خلى اى مركز رينو معتمد يكشف عليها ده علشان مش هتلاقى حد كويس بيفهم فيها بره التوكيل
طبعا بالنسبه للهياكل خلى اى سمكرى كويس يبص عليها وخلاص .
ربنا يوفقك وانا تحت امرك فى اى استفسار

limo :lol:

[د.اشرف هنداوى]

limo , thanks again for your reply
are you sellimg your clio ?

[شريف]

شكرا ليك يا استلذ ليمو على هذا الوصف الرائع

طب هى الشكل القديم ال 1400 ده 8 ولا 16 صباب و كام حصان
و ايه اخبار قطع الغيار متوافره ولا نادره بالنسبه للموديل ده وصبعا الاسعار غاليه بس بتعيش صح؟
و المراكز المعتمده لرينو فين اقرب حاجه لمدينه نصر او حاجه فى الحدود دى