إعـــــــلان

Collapse

.

,
See more
See less

تجارب متهورة مع الميجان

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تجارب متهورة مع الميجان

    إنتم عارفين قصائد الشعر إللى أنا بأكتبها فى الميجان من ناحية الراحة و السلاسة و الجمال ...و التكييف السخن كمان ...

    النهاردة تعرضت لتجربة جديدة.....يمكن أكون مررت بها قبل كده لكن مش بالحدة دى...
    كنت بأوصل واحد صاحبى المطار....و إللى حصل كالآتى....
    مزلنا لاقينة الدنيا حر موت....كانت 45 على الترمومتر....قمت مشغل التكييف و قفلت العربية و استنينا فى الظل 5 دقائق لما العربية تسقع شوية....
    و فعلا ركبنا تانى و سألته " مش كده أحين ؟" ...
    قاللى - " أحسن بكتير "...قعلا كان الوضع اتغير كتير بعد ال 5 دقائق...المهم...رحنا من الحى الثامن لأول عباس العقاد علشان كان له استلام صور شخصية ...و لاقينا المصوراتى قافل...قام مدينى الوصل و قاللى ابقى هاتهم انت فى أى وقت و بعدين نشوف طريقة تبعتهم لى بعدين...و بعد ما وصلنا المطار و لازم نأخذ واجبنا فى التوهان هناك...و صلنا و ركننا و دخلنا و عمل Check IN للحقائب...و بعدين لاقيته بيكلمنى بيقول لى " ممكن ترجع البيت و تيجى تانى ؟"....
    أنا -" ليه نسيت إيه ؟ "....هو- "نسيت الفلوس فى درج المكتب بتاعك "...
    و احنا بنتكلم عن مبلغ كبير و ده إللى هيعيش ييه شوية لحد ما يقبض الله أعلم امتى....
    و من هنا يبدأ الجزء الأهم فى القصة و هى رحلة ذهابى إلى البيت و عودتى إلى المطار
    ببساطة...أنا على ما وصلت لل Shuttle Bus وحطيت رجلى فى العربية كانت الساعة 4 ...و الرحلة إقلاع 6 ...و هو لسه قدامه طابور الجوازات إللى مش هيقدر يعديه إذا كان عايز الفلوس تانى منى
    أنا دورت و قفلت التكييف علشان عارف إن الموضوع مش هيكون نزهة بالسيارة....
    و طيارة على البيت....فى طريق خارج من المطار بيتفرع ل 3 ...اليمين العروبة..على طول مدينة نصر و شمال الدائرى و طريق السويس...أنا أخدت الشمال ظنا منى إنهم يقصدوا الدائرى الصعير ده اللى بيلف حوالين مساكن شبراتون ...نزلت من على الموبرى و لاقيت المنظر غريب...شارع 3 حارات...ورصف أحسن من عند بيت الريس....و زرع على اليمين و الشمال...قولت فى عقلى يمكن وصلة و لا حاجة...خطوتين و لاقيت يافطة بتقول الدائرى بعد 4 كم...أنا أصلا كنت دايس جامد...بس لما لاقيت إنى تايه...قلت لأ...مش هينفع الراجل يسيب فلوسه هنا علشان أنا علطت فى فتحة كوبرى...و عينى ما تشوف إلا النور...بنزين إلى النهاية ...
    الطريق ده مليان منحنيات قاسية و أنا ما قعدتش عليه كتير...يدوب شوية و لاقيت يافطة بتقول إنى أرجع لمدينة نصر من عند الكيلو 4.5 و أنا لاقيت تريللا قدامى قمت عامل KICK DOWN و طالع من قدامه و من شماله قاطع طربقه و داخل من الفتحة...

    حتى الآن مش قادر أنسى منظر الطربق و الخطوط البيضاء الجديدة بتمر أما عينى بسرعة البرق و المنحنيات إللى أنا داخلها من غير ما أدوس فرامل...معتمد على الدوران فى تهدئة السرعة بس...و لأول مرة أسمع صوت كاوتش العربية على النغمة دى..قبل كده متعود على نغمة الفرملة على خطوط مستقيمة و بهدوء..نغمة مسرسعة من صوت احتكاك الكاوتش...إنما المرة دى الصوت له عمق و مدى و صدى ...و أيضا لأول مرة أجرب يعنى إيه Under-Steer لعربية بمعنى الكلمة....و الظريف..بل المخيف إنى ما كنتش بأخفف رجلى من على الدواسة لدرجة بعد الخروج من الملف بيحصل انحراف بسيط للمؤخرة لي محسوس تماما...يعنى Under-Steer و كمان Over-Steer لعربية جر أمامى ...و طبعا كل ما لذ و طاب من ال Kick-Downs على باقى السكة و نفس الشىء فى العودة..
    علشان تستوعبوا مدى الرعونة...أنا مشيت من المطار الساعة 4 ...رحت البيت و جبت الفلوس و كان ناسى شريط دواء الحموضة و أنا شربت نصف زجاجة مياه من الحر و الشدة العصبية و رجعت على المصوراتى تانى فى عباس العقاد ...جبت الصور و كنت دورت على مكان أركن فيه كمان....يعنى بما لا يقل عن 10 دقايق فى البيت و زيهم عند المصوراتى...تصوروا وثلت المطار الساعة كام ؟؟؟...
    4:45 كنت بأقفل العربية و بأجرى على ال Shuttle Bus ..أنا ما بقتش مصدق نفسى لما بصيت فى الساعة و لاقيت إنى رحت من المطار للبيت و غلطت فى الطريق و رجعت المطار عن طربق عباس العقاد فى 25 دقيقة.... I am such an idiot .....بس يدوب إديته الحاجة فى إيده الساعة 5 و هو كمل على الجوازات.....

    إللى يعنينا فى الموضوع...إن الميجان بالرغم من الأخطاء البشعة إللى ارتكبتها و أنا سايق بسرعة عالية...هى كانت بتصحح الأخطاء دى....و كنت حاسس بيها و هى شغالة خصوصا على المنحنيات و قد إيه ال EBD ده مهم و ال Tracktion Control إللى أعتقد بيسموه ASR كان بيتدخل لمنع توصيل الحركة الزائدة للعجلات أحيانا ...لإنى أكيد كنت بأخرج عن الحدود...و الفتيس و النتشات بتاعت تغيير نمط القيادة و الكلام ده كله تلاشى تماماو أصبحت إللى بتنقل على 2500 RpM دى بتنقل على 4800 أو 5000 و كل الإشارات إللى هى متعودة ترسلها لما أقرص عليها اختفت تماما مع الهواء الساخن اللافح على الطربق و تحولت إلى سيارة تكشر عن أنياب و هى الحمل الوديع الرقيق و صوتها بقى عالى و ليها نغمتها الخاصة إللى يعنى تشبه لحد ما فعلا ال RS مع الفرق طبعا....
    أحب أوضح إنها ما كانتش تجربة ممتعة....هى كانت عايزة عربية من الألمانى بتوع العفشة الناشفة و الأداء الرياضى إللى مش بيريحونى فى التعامل فى باقى الأوقات المعتادة غير التجربة دى...
    و أنا على الوصلة الحلوة كنت ساعتها بأقول فى نفسى....مع إن الميجان بتؤدى و باقتدار جدا و بأمان و ثبات و عاملة الواجب و زيادة كتير...لكن أكيد مع حاجة زى الولف كانت التجربة هتبقى أقل درامية و يمكن كانت حالة الرعب عندى هتقل و كانت هتبقى ممتعة و يبان لازمة للعربيات الناشفة دى....
    أحب أوضح إن التيل عندى على آخره و بيصفر و هيتغير بعد 1500 كيلو فى صيانة ال 35 ألف...لكن و الله بالرغم من السرعات إللى فوق ال 130 ما حستش بأى ضعف و تهوية فى قوة الفرملة....و كل الرحلة دى اتعملت على ال D يعنى الفتيس إللى زيته مش بيتغير و معمول فيه برامج لتوفير استهلاك البنزين و إللى بيأمن راحة فى القيادة للسائق و الرحلة للركاب....قدر إنه يقدم لى برنامج تانى فيه Response عالية أوى أوى و أداء رياضى رائع لم أكتشفه من قبل و فعلا الميجان إللى ساعات مش بترضى تجيب غيار عكسى تحولت إلى فرس نهم إلى السرعة و أقل ضغطة زائدة على البنزين تلاقى ال Kick Down المعتبر و إللى يفضل معاك لحد ما تقول له خلاص هات الغيار إللى بعده برفعة بسيطة للرجل من على دواسة البنزين ....

    طبعا إللى أسهم فى كده الطريق الفاضى و يوم الجمعة فى الوقت ده و فى الأماكن دى و الوصلة الجميلة أوى إللى كان نفسى أشوفها و دخلتها عن غير قصد...

    الحمد لله ربنا سترها


    Thank U "Migo" for saving my Day and Probably My Life as Well
    #ff00a6

    [gdwl]فى حد كان له تجارب أظهرت فيها الآنسة الفرنسية الرقيقة عضلاتها و كشفت عن شراستها ؟[/gdwl]

    [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
    [SIGPIC][/SIGPIC]
    [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
    [/CENTER]
    الكلمات الدلالية (Tags): 1500, 20, 40, 50, abs, bmw, engine, esp, font, good, gps, rpm, sensor, tyre, أحسن, إيه, احنا, استهلاك البنزين, الأولى, البنزين, البيضاء, التسارع, التو, التوكيل, التي, الجديدة, الجزء, السرعة, السيارة, الميجان, الي, ام, انا, انى, بدون, بس, بنزين, تجارب, تعديل, تغيير, تكييف, تيل, ثبات, جبت, حساس, حل, خاص, دى, رائع, ريس, زيت, سباق, سرعة, سعة, سيارة, شار, صوت, صوت الموتور, صور, صيانة, طريقة, عايز, عجلات, عربية, عرض, عفشة, على, عن, عندى, غيار, فتحة, فتيس, فرامل, فرق, في, قوة, كاوتش, كشف, كل, لازم, لكل, متهورة, مصر, مع, من, موضوع, مية, ميجان, مين, ناشفة, نور, هل, هنا, هي, يا, يقدم
  • #2
    بما إنك رجل المهام الصعبة (عن تجربة شخصية لي معك) , يبقى كده الفريق إكتمل بتواجد الميجان معاك (سيارة المهام الصعبة) .
    :b4_388:

    Comment

    • #3
      حمد الله على السلامه دا انت خليتنى انهج معاك يا راجل j
      انا اول مره اخد الوصله دى كنت تايه برده !!!
      بس مجبتش فيها اكتر من 140
      [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

      -- اللهم ارزقنيها --
      [/COLOR][/SIZE][/CENTER]

      Comment

      • #4
        المشاركة الأصلية كتبت بواسطة chato_eg مشاهدة المشاركة
        و كنت حاسس بيها و هى شغالة خصوصا على المنحنيات و قد إيه ال EBD ده مهم و ال Tracktion Control إللى أعتقد بيسموه ASR كان بيتدخل لمنع توصيل الحركة الزائدة للعجلات أحيانا ...لإنى أكيد كنت بأخرج عن الحدود...و الفتيس و النتشات
        اعتقد الميجان اللى نازله مصر فيها abs-ebd بس
        مفيهاش tcs او asr
        [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

        -- اللهم ارزقنيها --
        [/COLOR][/SIZE][/CENTER]

        Comment

        • #5
          أنا متهيألى إنه Standard مش Optional
          [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
          [SIGPIC][/SIGPIC]
          [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
          [/CENTER]

          Comment

          • #6
            هو standard بس مش فى مصر
            لان فى كذا حاجه متشالين من الميجان فى مصر زى ال
            tire pressure monitoring system-gps system--
            [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

            -- اللهم ارزقنيها --
            [/COLOR][/SIZE][/CENTER]

            Comment

            • #7
              عربية محمد مصطفى خليجى...مافيهاش Tyre Pressure Monitoring ..!!!
              و ال GPS ده Option و فى فرنسا نفسها...و كمان فى الميجان III
              [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
              [SIGPIC][/SIGPIC]
              [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
              [/CENTER]

              Comment

              • #8
                ثم لو ال GPS كان Standard ....أمال إيه بس إللى هيبقى Option يا راجل يا طيب
                [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
                [SIGPIC][/SIGPIC]
                [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
                [/CENTER]

                Comment

                • #9
                  ال gps كان نازل أوبشن فى أوروبا فى ميجان 2

                  بلاش تهور يا هانى الله يكرمك.........الوحوش عاوزينك
                  [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                  [/CENTER]

                  Comment

                  • #10
                    و الله أديك شوفت الموقف....ما كنتش متهور عن قصد...العملية خكمت إنى أروخ و أرجع فى الزمن ده بأى شكل....
                    لو الإقلاع 6 يبقى لازم واقف فى طابور الجوازات من 5 علشان هو إسمه مشترك مع واحد حبيب وزارة الداخلية فلازم يقعد معاهم 15 دقيقة على الأقل على ما بفحصوا ال Passport و يتأكدوا إنه مش الراجل اللى بيحبوه...
                    هاهاها..من شوية خطرت فى دماغى فكرة...لو بالبلونيز...كان إيه إللى هيحصل....أكيد ما كانش ينفع أغلط عند المفرق , أكيد أكيد كان لازم أنفض للصور....بس تصدقوا..البلونيز يا ما أنقذت مواقف برضه...بس مش بالسلاسة بتاعت الميجان طبعا...فى البلونيز كنت ممكن أتعافى من الصدمة العصبية بعديها بيومين مع اعتبار فرق المجهود المبذول...المرة دى محتاج لعلبة كوكاكولا دايت و Good Night Sleep ...
                    [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
                    [SIGPIC][/SIGPIC]
                    [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
                    [/CENTER]

                    Comment

                    • #11
                      على فكرة........أنا لسه حاصل معايا موقف مشابه و أنا فى الأمارات الأسبوع اللى فات.....بس طبعاً مكنش معايا الميجان :)

                      كنت فاكر طيارة العودة يوم الأتنين الساعة 4:45 عصراً و أكتشفت أنها فجراً و ليس عصراً قبلها بساعتين إلا ربع و كنت على بعد 110 كم من المطار مع واحد صاحبى و كان الباسبور و الشنط بتاعتى فى العربية اللى كنت مأجرها و كنت راكنها فى الشارقة ( على بعد 80 كم من المكان اللى كنت فيه ) يعنى كان لازم أدخل الشارقة الأول عشان أجيبهم.
                      مش عاوز أقولك أنى أتحركت الساعة 3 و خمسة وو صلت المطار 4 و خمسة بعد ما عديت على الشارقة و لميت الحاجات اللى كانت ناقصانى من العربية.

                      المشكلة أن الطرق السريعة هناك عليها رادارات ثابتة شغالى ليل و نهار.....و أقل مخالفة رادرا بحوالى 600 جم ( ده لو معدى السرعة ب 10 كم بس ) لو وصلت 20 كم المخالفة بتبقى بحوالى 900 جم.......جه غير نظام النقاط اللى شاغالين بيه هناك.......و صاحبى أصلاً باقى له 8 نقاط و يمنعوه من السواقة هناك :) بس الحمد لله ربنا سترها معانا.
                      [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                      [/CENTER]

                      Comment

                      • #12
                        انت متهور يا هانى و مكنوناتك الداخليه ظهرت على حقيقتها غير ال احنا نعرفها و بتوهمنا بيها
                        [CENTER] [B][SIZE=3]سلامى و تحياتى للجميع
                        د/أكمل حمدى عبد الله[/SIZE][/B][/CENTER]

                        Comment

                        • #13
                          مكنتش فاكر ان انت كده ابدا ....... يا راجل دانت شكل هادي جدا
                          بس تمام ..... هيه دي الرجاله في المواقف الصعبه وحوش بتاكل الاسفلت
                          تشد يا كابتن
                          [FONT="Tahoma"][SIZE="4"][COLOR="Navy"][B]سبحان الله و بحمده ..... سبحان الله العظيم[/B][/COLOR][/SIZE][/FONT]
                          [img3]http://images.drive.com.au/drive_images/dealer/caraucserqld/U16760/1_m.jpg[/img3]

                          [URL="www.hassaneissa.com"][COLOR="DeepSkyBlue"]www.hassanissa.com[/COLOR][/URL]

                          Comment

                          • #14
                            انا واحد من الناس مكنتش مقتنع تماما بالرينو والفرنسى عامة فى شوارع مصر الحرير
                            بس شوفت كام موقف كدة للميجان حببتنى فيها
                            بصراحة تستاهل فلوسها

                            Comment

                            • #15
                              والله يا وحوش انتو 10 علي 10

                              موضوع جميل جدا بجد و ربنا يخليلكوا الميجان الجميلة......
                              [CENTER][rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


                              You 're beautiful , Its true


                              [/CENTER]

                              Comment

                              السابق 1 2 template التالي
                              Working...
                              X