تجارب متهورة مع الميجان

[د.محمود صلاح]

مما سبق : -

تحذير من الكولا دايت أو أى دايت لأنه ثبت انه يتحول داخل الجسم الى مادة الفورمالين المسرطنة

الجهاز السمبثاوى للسائق عندما كشر عن انيابه أدى لرفع كفاءة السيارة لأقصى درجة ( وهو الجهاز العصبى الخاص بسرعة الاستجابة فى المواقف الحرجة )

tc لا يوجد فى الميجان الخليجى او المصرى ومكانة مطموس بجوار زر تحديد وتثبيت السرعة أسفل الدركسيون

ضغط الهواء يوجد فى بعض الميجان الخليجى وبيركب فى التوكيل ب 1200 ج لل4 بلوف ويجب البرمجة ولو بدلت مكان البلوف ( العجل ) لا بد من البرمجة مرة أخرى

الميجان عربية فخمة جديرة بالإحترام

[chato_eg]

المشكلة أن الطرق السريعة هناك عليها رادارات ثابتة شغالى ليل و نهار.....و أقل مخالفة رادرا بحوالى 600 جم ( ده لو معدى السرعة ب 10 كم بس ) لو وصلت 20 كم المخالفة بتبقى بحوالى 900 جم.......جه غير نظام النقاط اللى شاغالين بيه هناك.......و صاحبى أصلاً باقى له 8 نقاط و يمنعوه من السواقة هناك :) بس الحمد لله ربنا سترها معانا.

ما أنا برضه لما كنت قاعد مستنيه بعد ما إديته الحاجة علشان يكلمنى يقول لى إنه عدى من الجوازات...تصورت لو فى بلد زى قطر و الإمارات و الرادارات و الكاميرات فى كل حتة....كان زمان المشوار ده آخر مشوار ليا فى البلد زائد إنه هيكلف بتاع 10 آلاف جنيه مثلا....

لسه مصر بخير يا كبير

[chato_eg]

انت متهور يا هانى و مكنوناتك الداخليه ظهرت على حقيقتها غير ال احنا نعرفها و بتوهمنا بيها

مكنتش فاكر ان انت كده ابدا ....... يا راجل دانت شكل هادي جدا
بس تمام ..... هيه دي الرجاله في المواقف الصعبه وحوش بتاكل الاسفلت
تشد يا كابتن

ما هى الفكرة كلها فى إنى فعلا مش بتاع شد ...و لا قرص....
أنا من النوع إللى بيعتبر الخروج بالميجان نزهة فى حد ذاتها لحد ما المشوار يخلص ( الشباكين الأماميين مفتوحين و صوت الهواء و العربية الرقيقين فى أذنى و طبعا وصلة ال AUX عاملة الواجب مع ال IPod )...
حتى لو ماشى بسرعة...بأكون بسرعة بالقدر إللى برضه أكون مريح مش مشدود عصبيا نهائى...
لكن المرة دى فعلا أول مرة أطبق خبرات تقفيل Need For SPeed السنين إللى فاتت على أرض الواقع...و كنت بأقول حكاية ال Under-Steer دى مش حقيقية...
بس طلعت بجد و الكاوتشات بتعمل صوت له Tone مميز مختلف خالص عن الصوت بتاع الفرملة المعتادة...
و عرفت الباشا إللى فى إعلان ال RS الجديدة إزاى بيخلى المؤخرة بتطوح و تعمل Over-Steer فى عربية جر أمامى...
بس العربية كانت صعبانة عليا جدا بعد المشوار ده...و عقايا لنفسى...برضه ما شغلتش التكييف و أنا راجع و طبعا كنت رجعت لسابق عهدى فى نمط القيادة...

[chato_eg]

مما سبق : -

تحذير من الكولا دايت أو أى دايت لأنه ثبت انه يتحول داخل الجسم الى مادة الفورمالين المسرطنة

الجهاز السمبثاوى للسائق عندما كشر عن انيابه أدى لرفع كفاءة السيارة لأقصى درجة ( وهو الجهاز العصبى الخاص بسرعة الاستجابة فى المواقف الحرجة )

tc لا يوجد فى الميجان الخليجى او المصرى ومكانة مطموس بجوار زر تحديد وتثبيت السرعة أسفل الدركسيون

ضغط الهواء يوجد فى بعض الميجان الخليجى وبيركب فى التوكيل ب 1200 ج لل4 بلوف ويجب البرمجة ولو بدلت مكان البلوف ( العجل ) لا بد من البرمجة مرة أخرى

الميجان عربية فخمة جديرة بالإحترام

الفورمالين...مش برضه بيستعمل كمادة حافظة.....مش عايز أقول لحضرتك كانوا بيستعملوه فى اللبن بكميات زائدة قد إيه...الحمد لله بطلته من سنين طوال..بس بعد إيه..!!

ال TC ...أنا إللى مخلينى بأتكلم عليه...إنى أحيانا كنت بأضعط على دواسة البنزين لكن بدون أى استجابة...أنا استنتجت إنى كنت بأضغط بشكل سوف يؤدى إلى نتائج كوارثية خصوصا على المنحنيات...فال TC كان مش بيوصل الحركة للعجلات...لإن صوت الموتور بيكون أعلى و الفتيس مش بينقل للسرعة الأعلى و مع ذلك العربية مش بتتسارع...

لما كنت قاعد مع الوحوش ..أكمل قال إن ال Sensor الواحد ب 450 جنيه...
و أنا فاكر فعلا من خلال المنتدى إنه ب 250 جنيه....
على كل ده أنا متأكد إنه مش عندى :K_crying[1]:...خسارة...حاجة مريحة و مطمئنة

و النهاردة الميجان أثبتت إنها سيارة فخمة و مريحة يمكنها تقمص الأداء الرياضى فى المواقف الصعبة...بالرعم إنها لو ما كنتش عملت كده ماكنش يبقى عليها لوم خالص...لكن دى عربية متكلفة...علشان يعملوا البرامج دى فى الفتيس و يخلوا الموتور يغير من سلوكه و تتحول العربية من ال Comfy Mode إلى Sport Mode فقط عن طريق تغير نمط القيادة...بدون أى الضغط على أى أزرار أو تعديل أى settings ...فده شىء أرفع له القبعة.....عربية حية...بتحس باللى سايق و طلباته

[Mohd_Adel_Amin]

الحمد لله على سلامتك وعلى سلامة صاحبك يا هاني باشا ... والحمد لله ان ربنا ستر على الميجان ومزعلتش منك وانتا بتتهور بيها !!
بس فعلا احيانا الواحد بيعمل حاجات بالعربية يبقى متضايق جدا وهو بيعملها بس الظروف بتضره (زي اكل المطبات مثلا !!) ..

[farahat]

الفورمالين...مش برضه بيستعمل كمادة حافظة.....مش عايز أقول لحضرتك كانوا بيستعملوه فى اللبن بكميات زائدة قد إيه...الحمد لله بطلته من سنين طوال..بس بعد إيه..!!

ال TC ...أنا إللى مخلينى بأتكلم عليه...إنى أحيانا كنت بأضعط على دواسة البنزين لكن بدون أى استجابة...أنا استنتجت إنى كنت بأضغط بشكل سوف يؤدى إلى نتائج كوارثية خصوصا على المنحنيات...فال TC كان مش بيوصل الحركة للعجلات...لإن صوت الموتور بيكون أعلى و الفتيس مش بينقل للسرعة الأعلى و مع ذلك العربية مش بتتسارع...

لما كنت قاعد مع الوحوش ..أكمل قال إن ال Sensor الواحد ب 450 جنيه...
و أنا فاكر فعلا من خلال المنتدى إنه ب 250 جنيه....
على كل ده أنا متأكد إنه مش عندى :K_crying[1]:...خسارة...حاجة مريحة و مطمئنة

و النهاردة الميجان أثبتت إنها سيارة فخمة و مريحة يمكنها تقمص الأداء الرياضى فى المواقف الصعبة...بالرعم إنها لو ما كنتش عملت كده ماكنش يبقى عليها لوم خالص...لكن دى عربية متكلفة...علشان يعملوا البرامج دى فى الفتيس و يخلوا الموتور يغير من سلوكه و تتحول العربية من ال Comfy Mode إلى Sport Mode فقط عن طريق تغير نمط القيادة...بدون أى الضغط على أى أزرار أو تعديل أى settings ...فده شىء أرفع له القبعة.....عربية حية...بتحس باللى سايق و طلباته

ألف حمد لله على السلامة يا وحش ، و ربنا يحفظك و يحفظ الميجان الغالية من كل شر

عندي بس تعليق فني (معلش مش بعرف أمسك نفسي سامحني :) ) بخصوص ال-TC .. الفكرة إن ال-TC كنظام بيتكون من وحدة تحكم لوحدها أو جزء من ال-ESP ، و دة بياخد سرعة دوران كل عجلة من حساس سرعة العجل إلي هو أصلاً موجود عشان ال-ABS ، و بعدين لم يحس إن فيه slipping أو زحلقة يقوم يتدخل لحل الوضع و تقليل الزحلقة ، طيب إيه نوع التدخل ؟
فيه طريقتين الأولى عن طريق تقليل عزم الموتور شوية عشان يخلي العجل ميلفش على الفاضي ، و التانية إنه يعمل فرملة على العجلة إلي فيها زحلقة عشان تعدل نفسها تاني . و أحياناً بيستخدم الطريقتين معاً على حسب الموقف .

الطريقة الأولى هو مش بيعمل حاجة في الموتور ، هو كل إلي عليها يبعت رسالة لوحدة تحكم الموتور يقول قليل العزم شوية ، و هي بدورها تعمل تحكم في الموتور بالوضع إلي يقلل العزم (عن طريق التحكم في توقيت الشرارة و الإشعال كأنك لعبت في الإسبرتير فالعزم قل )،
الأعراض دي مشابهة تماماً للوضع لم يكون في حمل علي على الموتور (Engine load ) ، لأن في الحالة دي الموتور هيكون توقيت الشرارة فيه مش قدر إحتياج التسارع بتاعك ، أو مش هيعرف يلاحقك ، أو ممكن بكلمات أخرى الموتور يتحكم في الشرارة في وقت الحمل بشكل يحافظ على إنتظام الدوران و عشان ميسقفش .

يعني باختصار ممكن نفس أعراض زيادة حمل الموتور تبقى هي نفسها أعراض تقليل العزم نتيجة Traction loss ، و غالباً هو دة إلي حصل معاك يا هاني باشا ، عموماً متقلقش المريض هيعيش و كله هيبقى تمام :))

[chato_eg]

أشكرك على الشرح الفنى الوافى...و ده إللى متعودين عليه منك دائما...
أفهم إن فعلا فى Traction Control و هو ده إللى أدى إلى ما يشبه فقد غير مفهوم فى القوة عند الضغط على دواسة البنزين ( ارتفاع صوت الموتور و الفتيس ما ينقلش للنقلة الأعلى و مع ذلك لا يوجد تسارع ) و خصوصا عند المنحنيات ؟؟؟

طيب ليه بيحصل over-Steer ( خروج المؤخرة عن مسارها فى صورة انزلاق ) و لو بسيط ...بالرغم من إن العربية جر أمامى...و أنا ممكن أتفهم الموضوع ده فى عربية دفع خلفى و مافيهاش Limited Slip Defferentials ...؟؟؟

[Amr_Moh]

حمداً للة عالسلامة يا هاني ،،
فرحات باشا اه الجمال دة

[M.Moustafa]

انت يا هاني تبطل من النهاردة تركب معايا تاني عشان انت اتعلمت الشقاوة كده عموما استمر بعد كده هلاقيك بتشد مع ايمن وتبدا في التعديلات

[chato_eg]

انت يا هاني تبطل من النهاردة تركب معايا تاني عشان انت اتعلمت الشقاوة كده عموما استمر بعد كده هلاقيك بتشد مع ايمن وتبدا في التعديلات

احنا كنا بنشد مع أشخاص تانيين و على طرق مستقيمة...
أنا كنت فى سباق مع الزمن و على منحنيات....
و إن كان على التعديلات...فأول حاجة ممكن أفكر فيها بعد التجربة دى هى الطنابير و التيول

[abasse]

حمدالله على السلامة يا هانى
ربنا يحفظك تجربة مثيرة

[PoweRPassioN]

مبرووووووك سلامه الوصول لكما
والحمد لله ربنا بيستر في المواقف دي

[tamer_samy]

حمدا لله علي سلامتك يا هاني

العربيه الميجان محترمه و يعتمد عليها
انا كان اي تجربه معاها كنت راجع من شرم الشيخ و كنت علي سرعه 130- 140 و عربيه نقل جايه في الاتجاه التاني و بيتجاوز منها bmw m5 في وشي حاولت اضرب فرامل بس قولت مش هينفع روحت نازل في طبان الطريق بعجلتين اليمين هو ده كان الحل الوحيد قدامي و طلعت تاني

الحمد لله العربيه ما شاء الله عليها ثبات انا مكنتش متخيل اني هطلع تاني علي 4 كاوتشات

[chato_eg]

حمد الله على السلامة....بس نصيحة ابقى خللى ودانك مع أى صوت فى العربية علشان ممكن تأثير الموقف مش لحظى....خصوصا إن الدنيا صيف و التكييف شغال و العربية مقفولة...فمش هاتسمع الأصوات بوضوح....
أنا مش قصدى أقلقك ....بس لو حابب...ممكن تخللى حد يبص لك عليها من تحت برضه