الى محبى الداتشا

[محمد النرويجى]

يا جماعه انا من خلال بحثى عن الداتشيا نوفا فى المواقع الاخرى لقيت ان فى ناس عارضه العربيه على عشرين الف انا مش عارف ليه العربيه حلوه ولكن هى جديده كانت ب 24 الف جنيه تعرضها انتا ب 20 الف ليه طيب ممكن حد يا جماعه يكون عندو صور ليها يقولى ونتفرج عليها علشان انا ان شاء الله هجيب واحده قريب ولكن بلاقى اسعار استغلاليه وكل واحد يقرا الموضوع يقولى سعرها المعقول كام

[محمد النرويجى]

يا جماعه ايه الفرق بين الداتشيا نوفا والداتشيا 1310 من ناحيه السعر وايهما افضل

[محمد النرويجى]

انا حاسس انى فى منتدى لا يسمع ولا يتكلم محد يرد يا حلوانيه

[bnoqo]

اولا انا مش من حلوان بس هارد عليك

ايه بامحمد بيه بس مالك حاضر ياعم الرد جاهز

الداتشيا القديمة والداتشيا نوفا الفرق مابينهم الشكل طبعا والشكل مابين الاثنين يعتبر طفرة فى عالم تصميم السيارات فى رومانيا

بالنسبة للداتشيا اولا عربية ممتازة حمالة قسية يركب عليها قطع غيار الرينو 12 ماعدا الفرق الفتيس بس
والعربية عيبها فقط شكلها مش مستحب عند بعض الناس بس هيا عربية ممتازة اقتصادية قطع الغيار بتاعتها الاصلية غالية شوية والاستيراد بتاعها مولع بس هيا فين وفين لما بتحتاج قطع غيار للعربية

اخر موديل فيها على ما اعتقد 1995 مفيها كماليات ولا اى حاجة صاجها متين جدا وبيهدل اى عربية ثاتبة على الارض بس مش عربية تقيلة والميكانيكا بتاعتها سهله اى حد يشتغل فيها

الداتشيا نوفا بقى
كماليات مفيش
ماتور معمر جدا الا لو اشتريتها من واحد مغير مكنتها برينو 9 وده ممتاز جدا على العربية ديه بس يكون مغير الصالة

مش اى حد بيفهم فيها وهيا عربية من راى انا احسن من الكورى لانها كانت نزلة فى وقت كانت الاكسيل فيه بتقول ياهادى فا من راى انا هيا احسن من الداتشيا العاديه فى الشكل والسحب وكده

اقتصادية فى البنزين التانك بتاعها 40 لتر

بيركب عليها لو عايز ماتور اللوجان
عزلها كويس زي اى عربية بعد موديل 1995
سعرها كويس لو عربية مش ملعوب فيها وسيبك من انها بــــ 24 الف العربية وقتها كانت غالية يمكن فوق ال 30

ثابتة على الارض بس مش تقيلة
قطع الغيار مش موجودة بالنسبة للصالون يعنى زراير التابلوه والتابلوه نفسه مفيش حاليا رفارف ولاكابوت استيراد

ممكن تعمل فيها تعديل وهايبان فيها قوى صاجها برضة تقيل مصفحة من تحت جدا شاسية محترم وعربية شكلها جميل لو حافظت عليها

عيوبها ان مفيش عربية نضيفة من الموجودين على النت غير عربية العضو wma وديه عربية سعرها لازم يعدى فوق الــ 23 الف جنيه


يعنى انا بس كتبت الى انا فاكرة دلوقت وكتبت علشان معايا داتشيا نوفا

[محمد النرويجى]

انا بشكرك جدا على انك رديت عليا وفهمتنى كتير يا باشا بس انا لما كتبت الموضوع ناس كتير دخلت ومحدش رد عليا فانا اضايقت انا بفكر اجيب داتشيا 1310 عارفها لانها شغاله فى حلوان تاكسى يا ترى من رايك سعرها هيكون كام انا واحد عارضها عليا فى التليفون قالى انه هيبعها ب8 الاف بس حسيت ان العربيه مش كويسه ومش معنى كده انه لو قالى ب10 هشتريها لا انا لازم اكشف عليها من الاف للياء ولو قدام حد داتشيا 1310 يقولى وشكرا مره تانيه على الرد

[bnoqo]

العفو يا محمد بيه احنا هنا لنقل الخبرات والرد على كل الاعضاء ا

اولا العفو ياباشا على ايه انا اخوك وتحت امرك
ثانيا الداتشيا العادية عربية كويسة بس تكون بخيرها لانى واثق بالسعر ده هاتكون عشة فراخ لان عربية بالسعر ده يبقى لا صالون ولا ماتور ولا اى حاجة هتلاقيها بس دواخل سليمة وممكن لا على العموم انا لو غاوى العربية وعايز تعمل حاجة من الالف للياء وتبنى العربية انا انصحك بالداتشيا نوفا علشان هيا عربيتى وعارفها وقطع الغيار بتاعتها قريبة وفي منها جديد واستيراد ونفس تقل الصاج وممكن تلاقيها بعشرة وتصرف عليها شوبة بس هاتبان قوى العربية وانا بحبها مقارنة بالعربية 128 علشان الشكل والسحب والعفشة وطبعا السعر

[الصيداح]

ناظر هذا الموضوع

http://www.nilemotors.net/Nile/316965-a.html