ضبط الاطارات والصيف

[ada7]

حسب معلوماتى ان ضبط اطارات اللوجان هو 29 امامى و32 خلفى
هل ده صيف وشتاء؟؟؟
لو كده حرارة الصيف مش هتأثر؟؟
اخبار النيتروجين مع اللوجان ايه

[mohamed1979]

لسه النهارده مظبط ضغط الأطارات و كان مظبوط و اخر مره ظبطه كان من شهر تقريبا
النيتروجين اختراع هايل

[albasem]

على فكره أنا جربت النيتروجين ومريحنى جدا له أكتر من ثلاث شهور

[tamer61]

النيتروجين إختراع هايل وضغطه ثابت لفترات طويله وأنا بستخدمه من أول ما إستلمت العربيه من 8 شهور. وبظبط الضغط 30 صيف شتاء حسب ما قالولي في التوكيل. و تقبل تحياتي.

[bishoy02010]

النيتروجين إختراع هايل وضغطه ثابت لفترات طويله وأنا بستخدمه من أول ما إستلمت العربيه من 8 شهور. وبظبط الضغط 30 صيف شتاء حسب ما قالولي في التوكيل. و تقبل تحياتي.

المفروض 29 قدام و 32 ورا أنهى توكيل قال كده ؟؟؟!!!

[waleedfadeel]

ارجو مراجعة الرابط

http://www.nilemotors.net/Nile/164668-a-2.html#post3872878352

لاحظت ان هناك استفسارات كثيرة حول ضغط الاطارات فلزم ان نستفيض قليلا فى شرح المعلومة رقم 60 الفقرة الاخيرة وهى

- ضغط الاطارات يجب ضبطه والهواء بارد واذا لم تستطع اعتبر ان هناك زياده حوالى 0.2 الى 0.3bar. ( يعنى المفرض الضغط المطلوب فى حالة الهواء الساخن يكون ازيد من الطبيعى بحوالى 2.9 الى 4.35 PSi يعنى بدلا من 30 تظبط على حوالى 33 وده طبيعى لان الهواء بعد ما يبرد سوف ينكمش ويكون ضغطه 30)

وذلك عن طريق مجموعة من النقاط

1- يوجد على باب السائق جدول بانواع الاطارات وكل نوع مرسوم امامه رسمتين العلويه وهى طريق وعليه شرطه بالعرض وتعنى ان السيارة ليست على الطريق السريع والسفليه بها رسم طريق بدون اى شرط و تعنى ان السيارة تسير على الطريق السريع وباقى الاعمده واحد للاطار الامامى والاخر للاطار الخلفى.

2- ما يعنينا هنا نوع الاطار للوجان وهو بالطبع محفور على الاطار وهو 15 / 65 / 185 وبمراجعة الجدول يتضح ان الضغط للاطار الامامى هو 2 bar(ما يعادل 29 psi) والخلفى هو 2.2 bar (ما يعادل 32 psi ) وذلك فى جميع الاحوال اى على الطرق السريعة والغير سريعة. ومن المعلوم ان 1 bar يعادل 14.5 psi

3- علميا يتغير الضغط داخل الاطار بتغير درجة الحرارة تبعا للقانون العام للغازات of Ideal gas Law وكلما زادت درجة الحرارة زاد الضغط مع ثبات حجم الاطار.

اذا يوجد للاطار الواحد اكثر من ضغط حسب درجة حرارة الهواء داخل الاطار فمثلا بعد مشوار طويل تجد الاطارات ساخنه وبالتالى فان الهواء بداخلها ساخن ولو قست الضغط فى هذه الحاله سوف تجده زياده.

4- والسؤال هو متى اقيس الضغط واضبطه على 29 او 32 والاجابه عندما يكون الهواء داخل الاطار بارد اى فى درجة حرارة الهواء العادى الخارجى وتسمى درجة حرارة الهواء المحيط Atmospheric temperature.

5- لو اضطريت تضبط والهواء ساخن داخل الاطاريعنى كنت عامل مشوار جامد (حط ايدك على الكاوتش وانت تعرف) زود حوالى 3 زى ما الدليل بيقول علشان لمل يبرد الهواء ويكون فى درجة حرارة الجو المحيط هيرجع لوحدة ويكون 29 او 32 زى ما انت عاوز بالضبط.

(عملت حسبه سريعة وجدت ان 3 لما تكون درجة حرارة الاطار فى حدود 60 درجة).

6- وهل يوجد اختلاف بين الشتاء والصيف

والاجابه لا يوجد فرق

والسبب لو انت ظابط على 29 شتاء فى درجة حرارة 10 مثلا سوف تظل 29 طول ما درجة الحرارة فى حدود 10

ولو انت ظابط على 29 صيفا فى درجة حرارة 30 مثلا سوف تظل 29 طول ما درجة الحرارة فى حدود 30 وطبعا مش هاروح اقيس ضغط الهواء كل ساعة علشان درجة الحرارة بتتغير على مدار اليوم

وهذا يقودنا الى النتيجة الاخيرة وهى ان العمليه نسبيه لانه يوجد قدر من الخطأ خارج عن ارادتنا بسبب تغير درجة حرارة الجو وايضا تبعا لنوع المشاوير التى نقوم بها والتى تؤثر على درجة حرارة الاطار

وبالحساب وجدت ان كل زياده 10 درجات فى الحرارة يزيد بالمقابل الضغط درجة واحده فقط تقريبا.

وهنا يسعنا الخلاف يعنى 32 ماشى 31 ماشى 30 ماشى 29 ماشى كله ينفع فى حدود خطا لا يتجاوز 10% يحدث هذا الخطأ شئنا ام ابينا

[sukkar76]

الاستاذ وليد الف شكر على المعلومات القيمه دى
اللى نقدر نستنتجه من كلامك ان احسن حاجه ضبط الاطارات الاماميه على 29 والخلفيه 32 صيف او شتاء صح كده؟

[waleedfadeel]

الاستاذ وليد الف شكر على المعلومات القيمه دى
اللى نقدر نستنتجه من كلامك ان احسن حاجه ضبط الاطارات الاماميه على 29 والخلفيه 32 صيف او شتاء صح كده؟

مضبوط سعادتك زى ما هو مكتوب فى الدليل ومش هاتفرق كتير لو فيه فرق 1 او 2 لاننا فرضنا جدلا ان جهاز قياس الضغط مضبوط 100% وثانيا احمال العربيه بتختلف من وقت الى اخر واخيرا درجات الحرارة تختلف من يوم الى اخر

انا بضبط 30 ورا وقدام

[karimnet]

29 قدام و 32 ورا

ده الاصح

[zkralla]

لسه النهارده مظبط ضغط الأطارات و كان مظبوط و اخر مره ظبطه كان من شهر تقريبا
النيتروجين اختراع هايل

+11111111
وطبعا مش موافق على 30 قدام ووا
هما 29 /32
موافق ان الفرق مش هيهد الدنيا بس ليه ما امسعش كلام الى عمل العربيه

[A.Saad]

صيف وشتا
هوا او نيتروجين
الضغط لا يتغير

[mohandes0ali]

السلام عليكم


يا جماعه حبيت انوه الاخوه اللي ماليين هوا مش نيتروجين

انا من 4 ايام بس ظبط الكاوتشات على 30 كلو

ولكني حسيت النهارده ان العربيه مش ناعمه على الارض خاااالص

والمطبات بحسها في نفوخي

رحت شفت الضغط لقيتو 35

طبعا ظبطو وكل حاجه بقت تمام

حبيت اقول خدو بالكم من الاطارات عشان الحر اللي احنا فيه بيغير الضغط بسرعه جدا وممكن يعمل مشاكل لا قدر الله...


وكل عام وانتو بخير

[bishoy02010]

السلام عليكم


يا جماعه حبيت انوه الاخوه اللي ماليين هوا مش نيتروجين

انا من 4 ايام بس ظبط الكاوتشات على 30 كلو

ولكني حسيت النهارده ان العربيه مش ناعمه على الارض خاااالص

والمطبات بحسها في نفوخي

رحت شفت الضغط لقيتو 35

طبعا ظبطو وكل حاجه بقت تمام

حبيت اقول خدو بالكم من الاطارات عشان الحر اللي احنا فيه بيغير الضغط بسرعه جدا وممكن يعمل مشاكل لا قدر الله...


وكل عام وانتو بخير

99% الراجل اللى مليت من عنده نيتروجين انابيب النيتروجين فاضيه وملاهم هوا عادى

[mohandes0ali]

مهو انا كاتب ان الموضوع ده للي مالي هوا مش نيتروجين

[bishoy02010]

مهو انا كاتب ان الموضوع ده للي مالي هوا مش نيتروجين

أسف جداااا مخدتش بالى من كلمة هوا مش نيتروجين