احنا ننتخب بعض وحوش اللوجان يروحوا التوكيل يعرضوا وجهة نظرنا وان لقيوا الدنيا مقفوله نهدد بكارت الدعاية السلبية .. ولازم نلعب بالكارت ده لأن الوكيل تاجر يعنى مش هايفهم غير لغه الارقام وان كنتم شايفين ان الدعاية السلبية هاتضرنا طب ماتشوفوا الضرر اللي واقع علينا دلوقتى
X
-
ما هو ده اللى قولت عليه ياريت تعمل موضوع بالكلام ده ولازم لما نروحلهم نعرفوا احنا عملنالهم دعايه مجانيه بالملايين فى نايل موتورز وانا قولتلهم الكلام ده برده على الفيس بوكالمشاركة الأصلية كتبت بواسطة wassim_nasser مشاهدة المشاركةاحنا ننتخب بعض وحوش اللوجان يروحوا التوكيل يعرضوا وجهة نظرنا وان لقيوا الدنيا مقفوله نهدد بكارت الدعاية السلبية .. ولازم نلعب بالكارت ده لأن الوكيل تاجر يعنى مش هايفهم غير لغه الارقام وان كنتم شايفين ان الدعاية السلبية هاتضرنا طب ماتشوفوا الضرر اللي واقع علينا دلوقتى[sor2]http://img266.imageshack.us/img266/2162/f04g.jpg[/sor2]
Comment
-
المشاركة الأصلية كتبت بواسطة hysagm مشاهدة المشاركةطيب ليه منعملش وقفه احتجاجيه امام التوكيل ولو قريتو الجريد المصرى اليوم كانو جيبين خبر عن وقفه احتجاجيه امام توكيل كيا علشلن العربيات السراتو الى بتتسرق وبيتهمو االتوكيل بتهريب شفره المفتاح يعنى الحرامى جى بمفتاحه المهم الوقفه شكله حلواحنا كمان نقف قدام توكيل العبور والمقطم ومحدش يعمل حاجه غير انه يجى بعلابيته ويفتح الكبوت ةيكتب يفطه على الماتور لو بوظت اصلحك بكام
تحياتي أستاذ هيثم ... خد بالك ان عصابة الكيا وصلت دمياط الجديدة ... والنهارده الصبح عربية جارتي اتسرقت من شارع الصعيدي الجديد (عربية كيا سيراتو) .. خد بالك من عربيتك لأن اللي سرق الكيا المشفرة هايسرق اللوجان برضه ...
Comment
-
انا عن نفسى تعبت من الكلام و اخذت فترة من الصمت عن الحديث فى هذا الموضوع بشكل مباشر ووجدت نفس الرد اللى انت كتبته.المشاركة الأصلية كتبت بواسطة amrelzawawy مشاهدة المشاركةصباح الخير بقالنا شهر بنتناقش نقف ولا منقفش نفتح الكبوت ولا نقفله وسيدى اللى فتح الدعايه السلبيه العربيه عدت ال10 الاف فى شوارع مصر ومقابلها زودو اسعار قطع الغيار ...........شكلها ولا وقفه ولا يحزنون هنا للتحدث فقط ربنا يوفق الجميع
وربنا يستر على الجميع
Comment
-
فعلا لازم نبدا الانالمشاركة الأصلية كتبت بواسطة ahmed76 مشاهدة المشاركةاحنا بنتكلم كتير يا جماعه ولسه ما عملناش حاجه
اللى عايز يرشح نفسه وعنده من الوقت والخبره فى التفاوض يتفضل - وبعدين نبقى عارفين هانعترض على ايه على بالضبط
على طاسه ولا علبه دريكسيون ولا مرايه ولا فانوس ؟؟[sor2]http://img266.imageshack.us/img266/2162/f04g.jpg[/sor2]
Comment
-
انا كنت عايز اقول كلمه بس لو تسمحولى اتدخل معاكم فى المناقشة
انا مش معايا لوجان عربيتى فيات ريجاتا موديل 89 و قطع غيارها تعتبر ببلاش بالقياس لكم و بعمل اغلب صياناتها بايدى او عندى صبى الميكانيكى لكن انا بادعى ان عندى خبره شويه فى مجال السيارات كمستخدم و مالك و عارف كويس جدا شغل التوكيلات بحكم عملى فى مكان بيتعامل مع اغلب توكيلات السيارات و المعدات الثقيله من الناحيه الماليه
اول حاجه : موضوع انكم تقارنوا قطع غيار السيارات اللى فى نفس الفئه السعريه ببعضها علشان تقولوا للتوكيل شفتوا مثلا انتو عندكم الاكصدام بالف جنيه و فى توكيل كذا مثلا اكصدام العربيه اللى اسمها كذا و اللى بتتباع بنفس ثمن اللوجان اقل فى السعر دى فكره مش هتجيب نتيجه لانه ببساطه شديده رد التوكيل جاهز : قطع الغيار بتختلف من حيث بلد المنشأ و الخامه و تكلفه الاستيراد + ان تحديد الاسعار دى سياسه للتوكيل داخل فيها كذا حاجه + ان توكيل ربنو مش مسئول عن اسعار التوكيلات الثانيه
لتوضيح كلامى من ناحيه بلد المنشأ : مثلا لو قارنتو قطع غيار لوجان بقطع BYD F3 الصينيه اللى بنفس سعر اللوجان (70 الف جنيه) (القائمه موجوده فى قسم BYD فى موضوع مثيت لاسعار قطع الغيار فى التوكيل) هتبقى المقارنه مش منطقيه لانه طبيعى ان سعر اى حاجه صينى تكون اقل من الكورى و اقل من الاوروبى
و لتوضيح كلامى من ناحيه سياسه التوكيل : اسعار قطع غيار السياره هيونداى i10 اعلى بمراحل من اسعار الهيونداى فيرنا رغم ان سعر السياره i10 حاجه و خمسين الف جنيه بفارق يصل الى 15 الف جنيه عن سعر الفيرنا و لما سأل ملاكها فى التوكيل كان الرد الجاهز ان كميه مبيعات الفيرنا اعلى من i10 و بالتالى التوكيل لو بيكسب فى قطع الغيار جنيه واحد لكل قطعه فهيكون مكسبه فى الفيرنا 100 جنيه بينما فى i10 جنيه واحد و بالتالى لازم تكون قطع غيار i10 بسعر اعلى
فارجو ان اللى هيتكلم مع التوكيل ياخد باله من النقطه دى كويس جداً جداً ......
ثانى حاجه مهمه : واضح جدا ان حل المشكله مش فى التوكيل و لكن فى قطع الغيار لانه لو توفرت قطع الغيار اللى سعرها مبالغ فيه فى التوكيل فى محلات خارج التوكيل الناس مش هتشترى من التوكيل و بالتالى هيجبر انه يخفض السعر و لو شويه و الدليل على ذلك فى التسعينات لما نزلت دايو مصر مع توكيل حسام ابوالفتوح الناس كانت متخوفه من اسعار قطع غيارها باعتبار انه كان معاه توكيل BMW وقتها و معروف ما هى اسعار البى ام و فعلا الاول اسعار قطع الغيار كانت غاليه شويه لكن بمجرد ما بدأت تنزل قطع غيار لها فى المحلات الراجل نزل الاسعار و نشر اعلان على صفحه كامله فى الاهرام يعلن فيه تخفيض اسعاره و نشر قائمه بقطع الغيار و اسعارها تحت عنوان اشترى المنتج الاصلى على ما اتذكر
اللوجان كعربيه موجوده فى مصر من سنه 2008 الى الان و احنا فى سنه 2011 يعنى 4 سنوات و الى الان مفيش اى مستورد او تاجر قطع غيار فى جمهوريه مصر العربيه كلها بيتعامل فى قطع غيارها الاصليه (بمعنى اللى راكبه فى العربيه من المصنع من البدائل او replacement زى مثلا نوع تيل فرامل مطابق فى المقاس و مختلف فى الخامه او مرايه جنب نفس الشكل بالضبط)
مع ان فيه عربيات تانى نزلت مصر بعد اللوجان و مش منتشره بنفس انتشارها و التجار و المستوردين بقوا يستوردوا لها قطع غيار بل و يوجد منها سيارات حوادث و استعمال الخارج تم تقطيعها لبيعها كقطع غيار مستعمله (مثلا سيارات بريليانس الصينيه او الشيفروليه اوبترا و كروز او اللانسر الشكل الجديد)
مش بذمتكم حاجه تحير و تخلى الواحد يشك ان التوكيل بصلاته بالشركه الام و المصانع المغذيه مانع ده علشان يحتكر هو السوق و لو حتى لمده معينه و الموضوع موضوع احتكار من التوكيل رغم الانتشار الهائل للعربيه ؟!
ثالث حاجه : لو التوكيل تحجج برفع سعر قطع الغيار نتيجه ارتفاع الدولار فده كلام مش صحيح لان قطع غيار اللوجان تدخل مصر عبر المغرب بدون جمارك طبقاً لاتفاقيه اغادير بين مصر و المغرب او عبر اى دوله تبع الاتحاد الاوروبى (فرنسا مثلا) بجمارك 5% الى 10% فقط طبقاً لاتفاقيه التعاون بين مصر و الاتحاد الاوروبى و فى كلتا الحالتين يتم الدفع باليورو اللى نزل سعره مقابل ارتفاع سعر الدولار و النفط
عموما انا عارف انى طولت على حضراتكم و ربنا يوفقكم فى الشكوى دى و ينصركم على كل محتكر و مستغل
مع خالص تحياتى
[B]اللهم ارزقنا علم آدم وعمر نوح وحلم إبراهيم و طاعة إسماعيل وبشرى يعقوب وجمال يوسف
وقوة موسى وبلاغة هارون و ملك داوود وغنى سليمان وصبر أيوب و سماحة عيسى
وشفاعة حبيبك محمد (صلى الله عليه و سلم)
[/B]
Comment

Comment