إعـــــــلان

**nomercy22** · 11-02-2012, 12:48 AM

المشاركة الأصلية كتبت بواسطة ringoo مشاهدة المشاركة

ربنا يتوب علينا يا عمرو من موضوع الطوب والحديد دة

ححكيلك على حاجة تانية
البلوة السابعة :-

مقدمة :
فى يوم من الايام قررت زى اى مواطن لوجوناوى انى اركب ترانسيميتر اللى بيشغل ام بى ثرى
وجيبت واحد محترم ويعتبر غالى من راديو شاك بريموت ومالتى فانكشن وحركات
...........................
بعديها بحوالى شهرين راجع من الشغل ومعايا واحد حبيبى جدا راكب جنبى وواحد راكب ورا بكل صراحة
بحاول اتجنبه لان معروف عنه ان عينه مدورة ومأورة ههه
المهم الراجل اللى انا مش بطيقه دة طول القاعدة عمال يتكلم على انى باجى بالعربية الشغل وان دى مصاريف كتييير وبنزيييين كتيير

وانا بدأت اتخنق من الكلام دة علشان انا مش متقبله منه لكن طبعا حاطط .. شوز فى ماى موس
قررت اغتت شوية عليه بقى لكن اللى متخيلتهوش ان لوجى كمان اشتركت معايا فى الغتاتة
روحت طافى التكييف وفاتح الازاز ويالا حر بحر بقى .. وقولت انا اكملها واولع سيجارة (ما انا فى عربيتى بقى ماحدش عايز منى حاجة)
شد سيجارة من العلبة واجى اولع .... الولاعة حلفت بالطلاق ماهى مولعة والغاز فضى منها (يوم باين من اوله)
روحت بمنتهى البساطة شايل الترنسميتر ومادد ايدى فى الدرج و وجيبت ولاعة العربية وحاطتها مكان الترنسميتر
يدوبك مافيش 10 ثوانى وانا مستنى الولاعة تعمل (تك) علشان اولع السيجارة بدل ما اولع فى نفسى
وكانت الكارثة :-------
الولاعة راحت عاملة ( طااااااااااااااااااااااااق ) فى سقف العربية وكل واحد بقى يحمى راسه زى ما يكون فى طلقة رصاص انضربت فى العربية
و طبعا حالة هرج ومرج فى الكنبة وراية وسامع الراجل اللى ورا بيقول ( اه اه .. ايه دة .. ايه دة ) وانا مش عارف اقف انا كنت ساعتها بجرى على الصحراوى على الشمال ومافيش مجال اقف فجأة
شوية ووقفت على جنب واللى حصل ان الترنسميتر وسع مكان الولاعة فا الولاعة لما تسخن المفروض تطلع من مكانها وتفرمل
بس مافيش حاجة توقفها فا بتنطلق لفووق ... وراحت واقعة فى حجر الراجل الغتت واتلسع منها وفضل يتنطط فى الكنبة من الولاعة :pointiy2[2]:
انا بصراحة كنت عمال اضحك ضحك هيستيرى عليه ههههه هههههههههه ومن ساعتها ما شوفتهوش تانى راكب معايا هههههههههههههههههه :pointiy2[2]:

هههههههههههههههههههههههههههههههههههههههههههههههههه ههههههههههه هموت من الضحك

**nomercy22** · 11-02-2012, 12:56 AM

المشاركة الأصلية كتبت بواسطة ringoo مشاهدة المشاركة

سوبر لوجان ايه .. دة ولا سوبر ماريو فى زمانه

يا باشا الولاعة وصاحب الولاعة تحت امرك

يا باشا اهو الواحد طول اليوم عايش فى المزاولات دى .. طب ححكيلك على حاجة حصلت معايا امبارح
كنت بقول يا ارض انشقى وابلعينى
.................................................. .......
امبارح كان الخميس ومتجمعين على القهوة ودومنو بقى وطاولة والدنيا والعة ... يدوب جات الساعة 10 وكل من هو متزوج قرر يروح بحجة ان الشبشب بيترفع بدرى

وفضلت قاعد مع اتنين من المتشردين اللى زى حالاتى ... هااا يا ولاد حتتهدوا وتروحوا بيتكوا .. كله قالك لأ النهاردة الخميس وبكرة اجازة ولازم نخرج
نروح فين نروح فين ... انا معايا كارنيهات المنتزة .. قولتلهم ايه رايكوا نروح المنتزة رد حاحا عليا وقالى لا دى بتبقى 90% من الناس هناك فى الوقت دة صيع
المهم اقنعته وقولتله طيب ما احنا متشردين .. ولما متشردين يروحوا مكان فيه صيع اعتقد ان كدة fair يعنى
المهم اقتنع ويالا بينا على المنتزة واول ما دخلت المنتزة قولتلهم حدخل الحمام علشان املا ازازة ماية علشان كنت عطشان جدا
طالع بقى من الحمام ورايح على العربية وافاجأ بكارثة مدوية

يالليلة سوحة العربية بقت عورة

والفوج لايت اليمين مش منور انا قولت لا اله الا الله دة اكييد اللمبة اتحرقت .. قربت شوية من العربية

عاااااااااا يا نهار مش فايت
دة الفوج لايت مكسور دة ايه اللى عمل فيه كدة انا حتجنن .. وروحت رايح للعربية وساند على الكبوت
ونزلت عند الاكصدام وعمال اقول ولاااا يا تامر (تعالا شوف اللى بيجرالى) واشاورلوا بايدى علشان ينزل من العربية
وتامر مش بينزل فا قومت وقفت بقى علشان اناديه يجى ييشوف معايا ايه اللى حصل دة وكانت المفاجأة
ابص جوة العربية الاقى اتنين قاعدين معرفهمش

والراجل اللى قاعد فى كرسى السواق ماسك سيجارة
اطول من فتيس اللوجان

ومحدش فيهم بينطق بكلمة واحدة
ايه دة مين دول ... دول بلطجية دول ولا ايه .... وابص ورا العربية اللى راكنة الاقى عربيتى واقفة وجوز الخيل قاعدين فاتحين بقهم مش عارفين انا بعمل ايه فى عربيات الناس

المهم روحت رايح للراجل اللى قاعد على كرسى السواق وانا فى نص هدومى وقولتله معلش انا معايا عربية زى بتاعت حضرتك و افتكرتها عربيتى :l_bhuhhh[1]: ولما شوفت الفوج لايت مكسور قولت اشوفه اتكسر من ايه
الراجل اللى قاعد جنبه كان حيموت من الرعب اظاهر كان فاكرنى مجنون ولا حاجة واول ما حكيت الحكاية انفجر من الضحك زى فيفى عبده ما بتضحك بالظبط :pointiy2[2]::pointiy2[2]: هههههه
والراجل صاحب العربية فضل يضحك وانا اضحك ويقولى يا باشا اتفضل معانا روحت قايله يا عم رووووح هو انت بتعزم عليا بسندوتش فول وسيبته وماشيت :pointiy2[2]: هههههههه
ودخلت العربية ربيت تامر وعمال اقوله انت اطرش عمال اقول يا تامر يا تامر حكيتلهم الحكاية وماتوا على نفسهم هم كمان هههههههه
اه يانى من اللى بيجرالى

ههههههههههههههههههههه حصلت معايا بالضبط

**amr.elsayed** · 11-02-2012, 02:42 AM

المشاركة الأصلية كتبت بواسطة nono533223 مشاهدة المشاركة

هههههه عمرو بجد موقفا لطوبة والولاعة جامدين جدا !! ليك وحشة كبيرة و ان شاء الله نتجمع قريب

تعالا شوف اخوك واللى بيجراله ... ونتجمع على خير ان شاء الله

المشاركة الأصلية كتبت بواسطة Hmatchy مشاهدة المشاركة

ومن ساعتها رحت عملت لزق على الجنوط علشان اعلم العربية ومبجيش جمبها الا لو فاكر راكنها فين بالظبت

هههههههههههههههههههههههههههههههههههههههههه
والله العظيم جدع ... دى احسن طريقة

المشاركة الأصلية كتبت بواسطة nomercy22 مشاهدة المشاركة

ههههههههههههههههههههه حصلت معايا بالضبط

ما هو موقف متكرر بس كل موقف منهم بيبقى فيه تفاصيل محرجة
فى مرة فى الصيف كنت راكن قريب من البحر ... ورايح اركب العربية ولاقيت ناس كتير مصيفين حوالين العربية
وعيل صغير قاعد على الكبوت ... وشنط سفر على الشنطة وكيس كبير فوق السقف وحاطين كرسى امام العربية وضهر الكرسى ضاغط على الاكصدام وواحدة قاعدة عليه حاجة يعنى اخر حلاوة
طبعا انا داخل عليهم لابس الوش الخشب وحفرقع منهم وبقول للراجل اللى معاهم
نزل يا عم انت الحاجات دى من على العربية ... هو فى حد يعمل كدة .. هى عربيات الناس لعبة
المهم الراجل جرى هو والست حرمه ينزله فى الشنط و راح رامى العيل من على الشنطة والست قامت من على الكرسى وخلية نحل شغالة ... وانا افتح العربية مش بتفتح .. افتح مش بتفتح والراجل واقف ورايا وباصصلى ومخنوق منى اوى طبعا عرفت انها مش عربيتى وروحت واخد بعضى وخالع قبل ما الراجل ياخد بالوا ويقتلنى

**amr.elsayed** · 11-02-2012, 04:19 AM

ححكيلكوا على موقف رعب حصلى قبل كدة بس قبل ما اتعلم السواقة بجد ويبقى معايا رخصة وكدة يعنى

..........................
فى يوم قاعد مع اتنين صحابى واحد اسمه كريم والتانى وليد المهم وليد قال عايزين نروح نغير جو ايه رايكوا لو نروح نصطاد الصبح
انا قولتلوا لا يا عم مش طالبة بحر وبتاع وفرهضة .. قالى طب ايه رايك نقضى الليلة مع بعض ونطلع احنا التلاتة الصبح نصطاد فى ماية عاذبة

عجبتنى الفكرة علشان حاشوف اراضى زراعية ومصارف وحاجة جديدة شوية على اى حد ساكن فى اسكندرية
طبعا قضينا الليل وروحنا الساعة 3 علشان كل واحد يحضر حاجته وترمص شاى بقى وماية وساندوتشات والكعبلة دى
اتقابلنا الساعة 5 الفجر وشدينا الرحال على المكان اللى احنا حنروحه وكانت عربية وليد وهو الوحيد اللى بيعرف يسوق ..
ووصلنا بالسلامة وطبعا اخدت زيرو بالعربية فى خط مستقيم وكنت يوميها فرحان جدا ان العربية مابطلتش منى

ههههه
المهم انا كنت مبهور بالمكان اللى احنا كنا فيه ... جو جميل ومكان ريفي جديد عليا شوية ... وصلنا ويدوب الشمس لسة بتشرق
واحنا قاعدين تحت شجرة وجنبنا المصرف اللى حنصطاد فيه بلطى وبورى بقى

وحنولعها
وقعدنا فطرنا و بعد ما فطرنا حسيت انى بدأت اشعر بالارهاق شوية من قلة النوم وبدأنا رحلة الصيد
وكالعادة يمين شمال مافيش بسرياية واحدة حتى راضية تطلع فين وفين لما حد يطلع بلطياية اد عقلتين الصوبع
ويقوم رميها للقطط الغلبانة .. بدأنا نتعب على الساعة 10 الساعة 11.30 كنا خلاص فيصنا

وقررنا اننا نروح .. جمعنا حاجتنا وركبنا العربية
وبسم الله توكلنا على الله .. و يدوبك مسكنا الطريق السريع وانا شايف وليد فى مراية النصف عينه دى عبارة عن خط احمر فقط لاغير

ودار بيننا الحوار الاتى :-
انا : وليد انت شكلك تعبان اوى وعينك مقفولة اوعى تنام فى السكة ولا حاجة .. حنروح فى داهية
وليد : نا نا ... انا ظاحى وظى الفل
كريم : ظاحى وزى الفل .. يا دى اليوم .. استر يا رب

وماشين فى وسط الطريق وحاسس ان العربية بتحدف شوية ناحية الجزيرة وترجع تانى .. تحدف وترجع تانى
روحت باصص على وليد فى المراية والاستاذ نايم فى سابع نومة .. روحت فى ساعتها رد فعل عفوى وروحت ضاربه على قفاه

وراح فايق
انا : ايه يا وليد انت حتصطعبت ولا ايه ... انت عايز تموتنا
كريم : وليد ظوق عدل وركس
انا : ايه يا كريم انت كمان .. انت حتنام ولا ايه .. دة انت راكب جنبه المفروض تفوقه
كريم : انا ظاحى اهو ......................... يادى المصيبة
وانا بقى مركز فى السكة ومرعوب ... خايف لوليد ينام ونبقى فى عداد الموتى وقاعد مصحصح علشان لو وليد نام اقوم مديله على قفاه

وانا حلفتله انه لو نام حديله على قفاه علشان يصحى وانا بتكلم بجد ومتضايق فعلا (حنموت يا جدعان)

ويدوب مافيش 10 دقايق وليد ماشى بالعربية بسرعة وبيقرب لعربية نقل امامنا ببص فى المراية لاقيت زفت الطين نام تانى
انا : وليد وليد .. تك على قفاه وتانى تك على قفاه وتك تك يا نهار اسود الحق يا كريييييااااااام
كريم :ايه ايه فى ايه ... يا وليييييييييييد يا وليييييييد و تراخ بالقلم على وش وليد
و الزفت صحى على كبسة فرامل بدون مبالغة كان فاضل اقل من 2 متر ونلبس فى العربية النقل لولا ستر الله سبحانه وتعالى وسرعة العربية قلت والموقف اتلحق

كريم مفزوع من اللى حصل

: اركن على جنب .. اركن بقولك .. والمعلم وليد وقف على جنب ومش عارفين نعمل ايه
كريم : انزل يا وليد انزل .. وكريم راح شادد ازازة ماية متلجة وراح غاسل لوليد دماغه وانا نزلت معاهم بس علشان اتفرج على قفا وليد بقى لونه ايه ههههههههههههههه
طبعا كان لونه احمرار فظيع
وليد : يااااااااه انا فوقت وباقيت زى الفل وراح مشغل اغانى وفعلا لاحظنا انه فاق وبقى تمام وبدأ يتحرك

مافيش 30 دقيقة ومين نام .... انا والمعلم كريم روحنا فى الزبادى ونايمين وبناكل رز بلبن مع الملايكة
واصحى على وشى لابس فى الكرسى بتاع وليد وقومت لاقينا نفسنا فى شارع قناة السويس وخبطنا عربية اوكتافيا
من الخلف وطبعا انا وكريم نزلنا اتاسفنا للراجل وشرحناله الموضوع والراجل اخد بعضه ومشى لان طبعا شكلنا مريب

المعلم وليد بقى فى العربية المفروض انه يصحى من الحادثة لا دة عمل الحادثة وفضل نايم مكانه وبيشخر كمان
كريم لطشه بالقلم ..
قوم يا زفت شوف عربيتك اتخرشمت (الشبكة اتخرشمت والفانوس اتكسر ) وفضلنا ماشيين بالراحااااااا
لحد ما وصلنا عند البيت الحمد لله وبقينا نازلين من العربية حنبوس الارض من كتر الرعب اللى شوفناه

**amriar** · 11-02-2012, 04:40 AM