العربية فصلت فجأة.......محتاج بطارية ولا ايه؟؟؟؟؟؟؟؟؟؟؟؟؟؟؟؟؟؟؟؟

[ali_333]

السلام عليكم

كنت ماشي بالعربية عادي وشغالة كويس وتمام....واما وقفت وركنتها شلت المفتاح ونزلت عند البقالة

اما رجعت حاولت اشغلها مفيش خالص.اما بفتح الكونتاكت في كهربا بسيطة يادوب ممكن افتح الشباك

ولمبة العداد بتشتغل........ الكهربائي شغلهالي بسهولة اما زقيناها كام متر كده حاجة بسيطة

واشتغلت وتمشي عادي زي الفل لكن اما اوقف واطفيها خالص مترضاش تشتغل تاني

الكهربائي قالي اشتري بطارية جديدة

ايه رايكم يارجالة؟ العيب من البطارية ولا ايه؟؟؟؟؟؟؟؟؟؟؟؟؟؟؟؟؟؟؟؟

مع العلم انا ماشي 67 الف كيلو وكل الصيانات مع التوكيل

[a7madahly]

البطاريه كده فى الباى باى..هاتلك بطاريه جديده

[ali_333]

البطاريه كده فى الباى باى..هاتلك بطاريه جديده

الف شكر ياباشا... طب ليه البطارية خرفت فجأة كده؟

واشتري بطارية نوعها ايه؟ وده مش حيخرجني برة الضمان؟

[a7madahly]

اساسا انت لو فى الضان يبقى البطاريه عليهم طبعا وتروح التكيل وتقلهم البطاريه باظت ويغيروهالك..

[a_nbm]

http://www.nilemotors.net/Nile/277864-a.html

[Egyzizo]

بقى لها معاك أد ايه؟

[ali_333]

بقالها سنتين وشهر تقريبا

[amr.elsayed]

حتشتريها على حسابك للاسف وممكن تجيب ac delco او فارتا .. ولاد حلال وبيعمروا و سمعتهم كويسة
وربنا يوفقك للخير

[Egyzizo]

كده بره الضمان ..
وماتزعلش ، ده عمرها .

[sherifboo]

في بطارية كنت شفتها في فرع "FIT & FIX" نوعها Energizer لما سألت عليها الناس اللي هناك شكرت فيها مع انها جديدة سعر ال 60 A خوالي 450 جنيه و معاها ضمان سنة بس شكلها محترم اوي و صناعة اتحاد اروبي ممكن حضرتك تشوفها برضه