إعـــــــلان

Collapse

.

,
See more
See less

حجزت صيانة في العامرية يارجالة

Collapse
X
 
  • Filter
  • الوقت
  • Show
Clear All
new posts

  • حجزت صيانة في العامرية يارجالة

    كلمت ١٦٢٠٢ عشان أحجز صيانة في العامرية, العربية مكملتش ١١٠٠ كم بس من ساعت ما إستلمتها ودراع المالتي فنكشن فيه مشكلة في خفض الصوت فإن شاء الله يغيروه في الضمان.

    الأول إتصلت بالعامرية عشان أتأكد إن الدراع موجود, بس ملاحظ إن إللى بيردو في العامرية ملهومش أي علاقة بكونهم خدمة عملاء الصراحة, يعني بحس إن إللى بيرد عليا ميكانيكي مثلا (ألو .. أيوه ياباشا ....) هههههه, المهم شرحتلو الموضوع فقاللى (طب حضرتك عرفت منين إن العيب في الدراع) قلتلو (زرار تعليه الصوت شغال تمام, لاكن زرار الخفض مش شغال تمام, إنت إيه رأيك يبقى العيب فين؟!!!!!!) رد وقالي (ماشي عموما الدراع موجود), ربنا يسهل ويستر بقى ويحلوها من غير مالواحد يغتت ويقل أدبه هههههه.

    بعد كده كلمت ١٦٢٠٢ ناس ذوق ذوق الصراحة, قلتله المراد عمله بالصيانة وشرحتلو نفس الموضوع.

    النقطة الأهم وإللى تهم ناس كتير, قلتلو (أنا كمان عندي مشكلة بخصوص التكيف السخن والصهد إللى بتسببه المواسير بتاعته, وأعرف ناس حلو الموضوع في فرع المقطم بإنهم قامو بإلغاءئه ومنع المياه الساخنة من دخول الصالون), كنت متوقع إندهاش أو إستنكار لاقيتو قاللى (آه تمام, يبقى نضيف كمان إلغاء التكيف السخن)!!!! بصراحة مصدقتش, برضه كنت متوقع إني لسه حاهاتي ويتقطع نفسي في الإقناع, بس بصراحة قفلت وأنا مبسوط, بس لسه قلقان إني ألاقي عندهم إستنكار للحكاية لما أروح العامرية إن شاء الله, ربنا يسهل.

    هو موضوع السخونية ده مش مدايقني قوي بس بصراحة لو هيفرق في التكيف زي ماسمعت هيكون أفضل من السخن إللى مضنش حد بيستخمة, وكمان أعتقد ده حيفرق في إستهلاك البنزين.

    كفاية كده عليكو بقى, إيه الرغي ده كله!!!!

  • #2
    ربنا معاك يا فندم :)

    انا بردو بفكر الغى السخن لو مفيش حل غير كدة !
    [CENTER][aldl]http://www.bashkiriaauto.ru/img/news/2009_03_31/logan_black_line.jpg[/aldl][/CENTER]

    Comment


    • #3
      متهيأ لى مجرد عمل فرش جلد لأرضية العربية هيخليكم ماتحسوش بالمشكلة دى .. أنا عملته أول ما جبت العربية من 3 سنين ، وعمرى ما اشتكيت من صهد ولا سخونة ..

      خسارة الغاء التكييف السخن ، جايز تحتاجوه فى احدى ليالى الشتاء القارصة.
      [LEFT]The only alternative to coexistence is codestruction - [I]Nehru[/I]
      [/LEFT]
      [LEFT][COLOR=#000000][LEFT]

      [/LEFT]
      [/COLOR][/LEFT]

      Comment


      • #4
        السلام عليكم
        ياريت الأستاذ ahmed نعرف منه التوكيل فعلا قام بألغاء التكييف السخن وأعمال الصيانه الدوريه
        وجزاك الله خيرا
        :7_9_6v[2]:

        Comment


        • #5
          المشاركة الأصلية كتبت بواسطة egyzizo مشاهدة المشاركة
          متهيأ لى مجرد عمل فرش جلد لأرضية العربية هيخليكم ماتحسوش بالمشكلة دى .. أنا عملته أول ما جبت العربية من 3 سنين ، وعمرى ما اشتكيت من صهد ولا سخونة ..

          خسارة الغاء التكييف السخن ، جايز تحتاجوه فى احدى ليالى الشتاء القارصة.
          هو الفكرة مش القضاء على الصهد قد ماهي الإستفاده القصوي من التكيف البارد, لأن أدائه بيزيد لما تلغي مصدر السخونة, وده أكيد بينعكس على إستهلاك البنزين.

          أنا عن نفسي مش حاسس إني ممكن أستخدم التكيف السخن لكذا سبب:
          - إندفاع هواء ساخن داخل العربية هيسبب شبوره على الزجاج من الداخل, ده من غير حاجة الزجاج بيشبر أول متركب العربية لو الجو برد.

          - عزل العربية كويس جدا وهيكتم معاك لو قافل الزجاج وده في رأي كفاية.

          - زياده إحتمال الإصابة بالبرد.

          طب أنا عايز أسألك كخبير ٣ سنوات مع اللوجان, حضرتك كام مره شغلت التكيف السخن خلال ثلالث سنوات؟ إجابت حضرتك هتساعد كتير نعرف هو فعلا ليه لازمه في مصر ولا مش للدرجة.

          Comment


          • #6
            المشاركة الأصلية كتبت بواسطة alsakr مشاهدة المشاركة
            السلام عليكم
            ياريت الأستاذ ahmed نعرف منه التوكيل فعلا قام بألغاء التكييف السخن وأعمال الصيانه الدوريه
            وجزاك الله خيرا
            أنا لسه رايح يوم الإثنين القادم إن شاء الله, لما تتم العملية هطمنكو.

            Comment


            • #7
              ربنا معاكو يا رجاله وانا عن نفسي عايز ألغيه بس بقول طب في الشتا هاعمل إييه.
              جاري البحث عن توقيع مناسب

              Comment


              • #8
                بسم الله الرحمن الرحيم
                مشكوووووور والله يعطيك الف عافيه

                Comment


                • #9
                  هو ياجماعة صيانة اسكندرية بقت لازم بالحجز ولا ايه ؟؟؟
                  ............................................
                  بالنسبة لموضوع الغاء السخن انا كلمت مهندس فى التوكيل قالى استحالة نعمل كده فى التوكيل وده اصلا حاجة غلط ... وبالتالى انا حشوف الناس اللى حتتكلم معاهم فى التوكيل فعلا حيعملوا معاهم ايه ؟ ... وان حل العزل هو الصح بس ممكن نزود المساحة ودى غالبا لو حعملها حيبقى بره التوكيل
                  ربنا ارضى عنا وارحمنا .. امين

                  Comment


                  • #10
                    المشاركة الأصلية كتبت بواسطة ahmed_m_ashraf مشاهدة المشاركة
                    هو الفكرة مش القضاء على الصهد قد ماهي الإستفاده القصوي من التكيف البارد, لأن أدائه بيزيد لما تلغي مصدر السخونة, وده أكيد بينعكس على إستهلاك البنزين.
                    .
                    يعنى زيادة كفاءة التكييف البارد هيبقى علشان حرارة المواسير اختفت من الصالون واللا لأسباب أخرى؟
                    [LEFT]The only alternative to coexistence is codestruction - [I]Nehru[/I]
                    [/LEFT]
                    [LEFT][COLOR=#000000][LEFT]

                    [/LEFT]
                    [/COLOR][/LEFT]

                    Comment


                    • #11
                      المشاركة الأصلية كتبت بواسطة Egyzizo مشاهدة المشاركة
                      يعنى زيادة كفاءة التكييف البارد هيبقى علشان حرارة المواسير اختفت من الصالون واللا لأسباب أخرى؟
                      أقول لحضرتك وجهة نظري ...
                      لما بيكون مؤشر الحرارة على أعلي درجة للبارد بيكون الهواء الخارج من الهوايات بارد وكل لما تنقص درجة التبريد وتدخل على المنطقة الحمراء قي الؤشر بيبدأ الهواء يسخن (جرب والتكيف مقفول والمروحه شغالة فقط) وده المعروف بالتكيف السخن.

                      لما نيجي بقى نشغل التكيف بيندفع هواء بازد صحيح لاكن طول ما المؤشر مش على أعلى درجة في البارد هيكون مختلط بالهواء البارء شوية هواء ساخن، فبيكون الناتج هواء بارد بس مش بردته الكاملة، ممكن يكون أبرد من كده لو مش مختلط بيه هواء من بتاع السربنتينة الساخنة.

                      تخيل بقه لو الهواء مندفع ببرودته الكاملة، هيدي مفعول أسرد للتبريد وكمان ممكن تحتاج توطيه شويه كمان لو ساقع قوي وده هيخلي التكيف يفصل لمدد أطول وده معناه توفير في البنزين وحمل على الموتور.

                      هي دي نظريتي، وإللي تجارب الأعضاء أكدتها :)

                      المهم أنا روحت الصيانه إنهارده الصبح، والمهندس لم يعترض على الطلب وكمان قاللي إنه عامل كده في عربيتو الميجان، بس اليوم تحول وإنتهى بشكل يدايق جدا ... ده موضوع جديد بعد ما رجعت، ياريت تقولولي إيه رأيكو ....

                      Comment


                      • #12
                        شكراً وكتر خيرك ..
                        ويا ريت لوحد عنده وجهة نظر أخرى فى ميكانيزم زيادة كفائة التبريد بالغاء التكييف السخن؟
                        [LEFT]The only alternative to coexistence is codestruction - [I]Nehru[/I]
                        [/LEFT]
                        [LEFT][COLOR=#000000][LEFT]

                        [/LEFT]
                        [/COLOR][/LEFT]

                        Comment

                        Working...
                        X