طرق النصب الجديدة من التوكيل

[lord777]

ركب القديم تانى ب 20 جنيه بره التوكيل و لمل تحس انه لازم يتغير ركب الجديد اللى معاك هو ده الصح و امرك لله

[frhateg]

توكيل سموحه عمل معايا كده في صيانه ال 25000 نداني و قال لي تيل الفرامل الامامي عايز يتغير قلت له اشوفه و رهوني و هو متركب قلت له خليه و في الصيانه اللي جايه اغيره . و ماشي معايا زي الفل و ان شاء الله لما اكمل ال 30000 اشوفه . و لو محتاج تغيير حغيره بره لاني حاسس انهم بيشتغلوا للناس بطريقه مستفزه .

[tigercpu]

لسه فيه كتير قوى حسبى الله ونعم الوكيل.

[gebreel]

انا ردو قالي كدة في صيانة ال15 في العبور بس قالي لو سكتك مش زحمة يمشيك 3 او 4 الاف كيلو اما لو زحمة او نص نص يمشيك بتاع 3000 قلتله خليه انا طالع اسكندرية و ارجع ابقى ااغيره و رحت غيرته على ال18 و كان فيه ربعه لمجرد القلق من ان دي فرامل

[ahmed mousa]

الموضوع ده حصل معاى وكانوا عاوزيين يغيروا التيل بعد حوالى 14 الف بس انا ما ردتش علشان مش عامل اى مشاكل معاى وكتبولى فى التقرير ان التيل لن يكمل معاك 2000 كم
انا قولت هاشترى تيل واحطه معاى فى العربية لما ابدا اسمع صفارة او الفرامل تضعف معاى اغيروه عند اى حد

[محمد يوسف]

أنا برضه عربيتى أوتو وغيرت التيل الأمامى عند 40 ألف والتيل اللى انت مصوره ده لسه فيه نصه

[ahmed_m_ashraf]

معلش يافندم الواحد مش بيتعلم ببلاش، كمان إنت عندك ميزة إن التيل بتاعك معاك فمخسرتش حاجة بس المشكلة إنهم بيستهبلو.

بص أنا في الأول كنت هقولك ماتسكتش وإعمل شكوى ... إلخ

بس بصراحة رجعت فكرت لو أنا مكانك وعملت شكوى وحقي مجاش دمي هيتحرق زيادة، وعلى إيه هو إحنا ناقصين مسببات الضغط والسكر تزيد علينا، صحتك بالدنيا.

أنا شايف إنك تتعلم من الموضوع ده وتحطهم إنت فدماغك وتتذاكا عليه بدل ما هو إللي يستهبل، زي ما بعض الناس قالتلك كمل بالتيل الجديد لحد ما يخلص وبعد كده عند أي ميكانيكي ركب التيل إللي معاك (أو ركب إللي معاك دلوقت وشيل الجديد) وكده إنت ع الأقل ما خسرتش فلوسك. وبعد كده لو فوجئت بيهم بيطلبو تغيير حاجة إسأل وغلس وأطلب تشوف القطعة أو التيل إللي عايزين يغيروه ولو حسيت بإستهبال أرفض التغير وقوله هاجي مره تانيه أغيره عشان تكسب وقت وتسأل أهل الخبرة أو ميكانيكي تاني لو كان اكلام صح.

طبعا لو حابب تمشي في سكت الشكوى معاك كل الحق وهو ده الصح، بس في بلد زي بلدنا في الظروف دي وبالعقليات دي، إنت إللي هتتعب مش الغلطان للأسف لو تعرف تطنش عشان متحرقش دمك أو تجيب حقك بطرق تانيه ده إللي بقى بيمشي دلوقت للأسف.

[Deshahcoka]

بتهزر !!!! ده لسه جديد !

و الي غيروه غيروه جولد ده اصلي ؟ ده ب 80 جنيه !

[Johnny82]

انا قالى على تيل الفرامل وانا 20 الف قلتلة هغيرة انا برة وكشفت علية لقيتة كويس.

وفية ناس بيضحكوا عليهم يقولولهم الطنابير تتغير !!
حسب قطع الغيار المتوفرة عندهم كتير عايزين يبيعوا هههههه

ولون فى اوروبا ممكن يكون جدول الصيانات تغيير التيل الفرامل بدرى بدرى انا مش متاكد !!

[S O P H O S]

التيل ده فعلا
مكنش محتاج يتغير !

[jericho]

علي فكرة انا عربيتي مانيوال ولسه مغير التيل امبارح بره التوكيل وعربيتي عامله 18000 بس انا بجري كتير والتيل الي انا فكيته صورته زي الي انت رافعها بتاعه التيل المتاكل يعني التيل الي اتفك من عربيتك ده زي ما الشباب قالولك هنا لسه قدامه كتير انا التيل بتاعي طالع ممسووووح هيا ملهاش علاقه بالكيلومتر بس ليها علاقه باستخدامك بس كده او كده فعلا نصبوا عليك ونصيحه اشتريه من بره التوكيل بعد كده ارخص كتير اه وعلي فكرة التيل لو عايز يتغير هتسمع صوت صفارة مع الفرمله والفرامل هتلاقيها وحشه اوي وممكن تسمع كمان صوت زي غربلة كده وده معناه ان التيل خلاص جاب اخره واديك اتعلمت معلش يا باشا

[ahmedshendi81]

بص أصلا التيل الأمامي مش مستاهل يتغير في التوكيل غيره بره أحسن أنا كنت جايب تيل فرنساوي لللوجان المانيوال ب 100 جنيه و كان فيه صيني ب 45 و المصنعية 20 جنيه, في التوكيل بالتركيب كان ب 325
اللي غيرته بره ده تاني واحد أغيره أول مره كان في التوكيل بعد 25 ألف و في ال45 قالوا التاني عايز يتغيره قولتلهم بعدين و غيرته بره على 47 الراجل قالي لسه فيه شوية قولتله مش مهم و ماشي معايا لغاية 64 ألف و تمام قوي

[DR/WAFEK]

حصل معايا نفس الموفق مع ان التيل كان تركى وقالولى زلام يتغير رفضت رحت كشفت عليه لقيت لسه فيه كتير فهما فعلا نصابين