Tweet
دي تعتبر أول مشاركة كتابية لي في المنتدى حبيت أعرف الناس اللي حصل معايا منذ 10 أيام في طريق مصر الاسماعيلية عند العبور كنت مدي إشارة يمين وطالع كوبري أتى ميكروباص تويوتا حديث اصطدم بي من الخلف أنا طبعا أغمي علي وعندما أفقت وجدت نفسي قاعد على الرصيف ووالدتي بجواري وهي التي كانت تجلس بجواري أثناء الحادث والحمد لله لم يحدث لي إصابة خطيرة رغم أنني ظللت أشعر بألم في الرأس والظهر لفترة وقمت بعمل أشعة على المخ والظهر والحمد لله كانت كدمات عندي وعند الحاجة
خلاصة الموضوع إن العربية ضعيفة جدا من الخلف وسأحاول لاحقا اني انزل صور الحادثة وحوالي 5 سمكرية شافو العربية وقالوا انها محتاجة نصف خلفي
لذلك ياريت اللي يعرف حد عنده نص خلفي مغربي يقولي
الامر الثاني أن لمبة الايرباج نورت دلالة انها ضربت ولما سألت حد شغال في التوكيل قالي بسيطة بيتم برمجة الكمبيوترمن تاني ازاي الايرباج متفتحش في الوقت اللي انا محتاجلها فيه خاصة ان والدتي قالت لي ان العربية قعدت تلف عدة مرات ثم توقفت فقامت السيارات خلفي بايقاف الطربق بالكامل ودا طبعا بفضل ربنا واللي اتأكدت من بعد ذلك ان اللي جعل العربية تلف ان الصاج قفش في العجلتين الخلفيتن بعد الارتطام مماجعلني اجيب ونش رغم ان العربية بتدور
طبعا من الحاجات الغريبة ان الايرباج لم تعمل رغم كل ما حدث وقد قمت بمخاطبة شركة رينو العالمية وفي انتظار الرد
ارجو الافادة في اي نقطة من النقاط السابقة وشكرا
Comment