حادثة مروعة من الخلف

[neemmohamed]

قدر الله و ما شاء فعل
و الف حمد لله على السلامة
ربنا يعوضك خير ان شاء الله

[neemmohamed]

ماهو عشان كدة أنا باغصب نفسي اربط الحزام حتي لو مشوار قصير .. لأن الايرباج لو فتح و جسم السائق حر الحركة بيبقي فيه خطر جامد ( تكسير ضلوع .. خلع كتف .. كسر في فقرات الرقبه .. إنت وحظك ) .. وبالنسبه لموضوع الحزام تقدر حضرتك تشيل الكرسي وتبص تحته او جنبه مش هاتلاقي اي سلك او ادابتور طالع او داخل للحزام .. ولمبه ربط الحزام اصلا مش بتنور

تمام 100%

[adel_edrees]

أولا أحب أقول قبل كل شيء ألف حمد الله على سلامة حضرتك و على سلامة الوالدة
ثانيا واضح أننا من كتر ما أتناقشنا في عيوب اللوجان من زحلقة الفرامل ألى عدم وجود عمود أتزان ألى صاج ضعيف ورقة يعنى أتأثرنا بالكلام ده و أصبحنا نعول كل شيء على هذه العيوب فمثلا لو العربية عامت شوية نقول أه ده علشان مافيش عمود أتزان رغم أننا ممكن نكون ماشيين بسرعة عالية أتحداك لو أنت بصيت في عداد السرعة لما العربية تكون بتعوم منك و تعرف أنت كنت ماشى على سرعة كام و لو العربية زحفت نقول أه ده علشان الكاوتش الزبالة اللى راكب فيها رغم أننا ممكن نكون ماشييين بسرعة و ماخدناش بالنا من السرعة اللى أحنا ماشيين بيها و بعدين نقول الصاج ضعيف وورق أولا العربية دى واخدة ثلاث نجوم في أختبارات السلامة الأوربية و ده بجد مش فتى لأن ايميجراند بيقولوا أنها واخدة 4 نجوم في أختبتارت السلامة ألأوربية طيب ما أتبعتش ليه في أوروبا طالما عربية جامده كده و الله أعلم
ثالثا حضرتك بتقول أن الخبطة جت ورا طيب مش فيه الأستبن أكيد قلل من عنف الصدمة شوية حضرتك بتقول أن العربية لفت كذا مرة و ضع طبيعى من عنف الخبطة وقوتها أن العربية تلف و بعدين طالما حضرتك ماكنتش في كامل وعيك لأن حضرتك بتقول أن حضرتك أغمى عليك فبالتالى مش حتقدر توصف الحادثة وصف دقيق
رابعا كل ما يهم في هذه النوعية من الحوادث هي الأرواح في حاجة مهم جدا هي بصوا لعربية أحمد ماهر (6 أبريل) و تعالوا نشوف عربية زى دى أزاى بنى أدم يخرج منها سليم دى أهم حاجة أي واحد عاقل بيبص لها و هو بيصنع عربية مش مهم الصاج في داهية العربية كلها المهم أنك تخرج بأقل خسائر بشرية و دى أعتقد الحمد لله أنها نجحت فيها
خامسا حادثة متوقع فيها كل حاجة من أي حاجة في أي حاجة حد فاهم حاجة
سادسا العربية لازم يكون الأيرباج متوصل بالحزام و دى ما فيهاش مناقشة أنما اللى فيها جدل الأيرباج يفتح على سرعة كام وفي بعض التساؤلات
حضرتك ماشى بببطء على سرعة 20 كيلو و جت عربية من قدام الوش في الوش وراحت خبطاك الأيرباج حتفتح و الا مش حتفتح
سابعا حضرتك كنت رابط الحزام و ألا لأ
ثامنا لو ليك أي شكوى و بعتها رينو فرنسا أنسى أن حد حيرد عليك

[ashaas]

يا جماعة أنا بشكركم كلكم على الاهتمام واتمنى الا يتكرر هذا الحادث مع أي حد تاني
بس ارجو الافادة في موضوع النصف المغربي لأني لحد دلوقتي معملتش العربية أو لوحد يعرف حد يكون رخيص شوية

[ashaas]

الى الاخ العزيز adel edrees شكرا لاهتمامك اولا
ثانيا: بالنسبة لموضوع الاستبن الاستبن عندي انبعج والخبطة واصلة لبعد الاستبن وكما قلت ان الحمد لله انى انا والحاجة خارجنا منها بسلام

[ashaas]

وعلى فكرة انا ما كنتش رابط الحزام

[adel_edrees]

المهم سلامة حضرتك و ساعة بركة الوالدة بتكون ليها أكبر الأثر في العديد من الأزمات و دى واحدة منهم الحمد لله ألف حمد وشكر ليك على خروجك بالسلامة ألأستبن أتفعص دى ما كنتش عربية اللى خبطتك دى كانت صاروخ الله يخرب بيت السرعة

[S O P H O S]

الف حمد الله علي سلامتك

[wsamir]

قدر الله وماشاء فعل الف حمدلله علي السلامه ليك و للوالدة اى شىء يتعوض ان شاء الله و ربنا يعوضك خير