معلومات عن سيارات مالكى سيتروين

[Sharky]

السلام عليكم

هذه الصفحة مخصصة فقط لمالكى سيارات سيتروين

يتم وضع فيها الموديل و تاريخ الصنع و الكماليات و السعر الذى تم الشراء به و من أين و مراكز الخدمة التى تم التعامل معها

[Aladdin]

شكرا يا أخ شاركي على الموضوع ده و معلش استحملني انا فهمي بطئ شوية :D
انا عربيتي AX موتور 1.4 موديل 1998 اخر موديل نزل منها و كان تمنها 42000 جنيه طبعا انا ساعتها كنت صغير فهي كانت سيارة امي و لما طلعت الرخصة اخدتهتا و بنتقاسمها اخويا و انا و اخويا دلوقتي مسافر فهي عربيتي انا لوحدي دلوقتي Very Happy
العربية اكتر حاجة عاجباني فيها حجمها الصغير و موتورها القوي و كمان ان فيها تكييف و تحس انها محترمة كدة مش بنكركر زي العربيات التانية اللي بنفس سعرها دلوقتي.
و انا للاسف مش فاكر اشتريناها منين لان الكلام ده كان من زمان جدا بس تأريبا من عند JAC و بالنسبة للصيانة انا معرفش حد بيصلح AX كويس لغاية دلوقتي بس سمعت كلام كويس عن امير و جوزيف

[speed demon666]

انا عربيتي سيتروين axموديل 95 1400 سي سي وبصراحه العربيه تحفه و متورها اقوى من البودي دا كمان على فكره احنا اللي عندنا دا المتور العادي دا في متور 1400 سي سي بس 98 حصان بس ايه لعنه لو اتركب على البودي ده ممكن تتطلع من اي عربيه احنا اللي عندنا 75 حصان شوف الفرق ...
من المواقف الظريفه لدرجة الخنقه ان انا اروح بيها اي حته تبقى مشيه تمام بس مجرد ما اروح ميدان الرمايه في الهرم المروحه تأف و العربيه تسخن و المشكله ان انا شغلي في 6 اكتوبر يعني لازم اعدي على الرمايه كل يوم :shock: كل ما اوصل هناك ابتدي اراقب العدادات علاشان متوقع الخيانه في المنطقه دي بالذات :D :D :D

[Aladdin]

هيا العربية دي احيانا بتلكك كده بتحصل معايا كتيييييرالتلاكيك دي بس هي عربية تحفة و بحبها جدا

[speed demon666]

يا ريس اتظبطت 8) طلع العيب من التيرموستات غيرتو و بأت مشيا زي السكينه في الحلاوه :D

[Aladdin]

هو دا الكلام وللا بلاش.. انت شوفت تيتانيك ؟؟؟؟

[habdelbar]

سلامو عليكو
انا كان عندى ax 1.4 ولسه بايعها وفعلا بحبها جدا والعربية ممتعة جدا فى السواقة بس اضطريت ابيعها عشان محتاج عربية اكبر عشان الاسرة.
انا حبيت بس اقولكو انا كونت بصلحها عند واحد فى زينهم اسمه محمد الابيض بس للاسف جنب المشرحة لكن هو شاطر اوى وحافظها وعنده حاجتها استيراد.
انا جربت امير وجوزيف مرة بس كان غالى جدا وكمان بعيد عليا.
وحاليا عاوز اشترى zx ان شاء الله بس كان نفسى فى اخر موديل نزل منها اللى هيا الفلاش
حد يعرف اختلافها ايه عن الzx العادية ؟ انا تهيالى انها نفس الموتور ونفس الشكل بالظبط بس مش عارف ليه الفلاش دايما بتحس ان شكلها جديد كده.
وانا مبسوط اوى ان فيه ناس تانية عجباها العربية دى غيرى :)

هشام

[habdelbar]

الحمد لله ربنا وفقنى واشتريت زد اكس كويسة والحمد لله
هى موديل 96 ولونها زيتى وجبتها ب 32 .

[أبومعاذ]

هي الفلاش دي من اول موديل كام
و هل صحيح في مصنع في العبور بتاع ستروين و عنده كل صيانة الستروين؟

[tareksamir556]

انا طارق
عندي ax موديل 95 جايبها من 4 شهور بس ب25
هي 1400 ccو75 حصان
أنا بحب عربيتي جدا بحترمها جدا
وعثرت علي ميكانيكي هايل جنب بيتي في المقطم
وكمن حد بتاع رادياتير هايل
(ملحوظه اللي محتاج حاجه والمقطم جنبه أنا في الخدمه)
بس أكتر حاجه بتدايني أسعار قطع الغيار
بصراحة معذباني ودي مشكلتها اوحيدة انم هيهعربية بالنسبة لسعرها تحفه
طارق

[habdelbar]

محمد
تهيالى الفلاش نزلت موديل 98 و99 بس وللاسف معرفش حاجة عن مصنع العبور ده.

طارق
الف مبروك على العربية الجديدة وربنا يباركلك فيها ويكفيك شرها.
كويس اوى انك لقيت ميكانيكى كويس بس يا ريت قبل ما تشترى اى قطعة غيار طالما مش مستعجلة يعنى يا ريت تبقى تسال الناس هنا. لا خاب من استشار. والراى لو ما فدش مش هايضر.

هشام

[elghrory]

ZX

انا اسمى طارق
وجبت Zx من سنة موديل 1997 بـ 28000
وهى عربية ممتازة جدا ونفسى فى الأكساراعجبانى جدا

[أبومعاذ]

انا اسمى طارق
وجبت Zx من سنة موديل 1997 بـ 28000
وهى عربية ممتازة جدا ونفسى فى الأكساراعجبانى جدا

لو حبيت تبيع ال zx اللي معاك قوللي

[elghrory]

لا

لا مش فى الوقت الحالى لما يبقى معايا اكمل واجيب الأكسارا

[sam6587]

أنا سامر من الهرم
كنت عايز أعرف اخر أسعار قطع الغيار للax وأحسن ميكانيكيه ممكن يصلح هالعربيه وفين أماكنهم و أماكن شراء هالقطع
أرجو الافاده
بلييييييييييييييييييز