معلومات عن سيارات مالكى سيتروين

[m_mordi1]

أنا عندي عربية سيتروين ax موديل 95 اشتريتها من شهر بـ 20000 و صرفت عليها شوية حوالي 2000 لتظبيط الفرش و قواطيش البطارية و الترموستات و ركبت مرايات جديدة و مروحة قوية جدا صوتها بيغطي على صوت الموتور بمراحل

عندي مشكلة ان بسبب المطبات و الشوارع المصرية الجميلة المكسرة العجلة الأمامية اليمين بقت كل ما تيجي عند مطب أحس ان فيها حاجة بتشخلل و خبط ..

سألت ناس قالوا ممكن جلب مقصات أو بيض مقصات ...

و عايز اشحن التكييف و عايز اعرف حد كويس و سعره حلو في تكييف السيتروين

المشكلة اني ما اعرفش افاضل ما بين الميكانيكية

انا عرفت 3 ...

فيه واحد في المعادي في شارع 77 لو حد يعرفه اسمه الشيخ اسامة

و فيه مهندس اسمه ايهاب في صقر قريش المعادي على الاتوستراد

و فيه واحد في مدينة نصر اسمه محمد في أول الحي السادس

مش عارف اتابع مع مين و ايه المقياس ...؟؟؟

و بعدين برضه قطع الغيار عند مين احسن و أوفر ... و الاكسسوارات فين برضه أحسن حتة

[ROllY]

انا لسه جايب العربية جديد بردو ax موديل 96 ومحتاجة تظبيط كتير

بالنسبة لقطع الغيار لو عايز جديد شوف نافع في شارع دمشق ، لو استيراد بقى عليك محمد الأبيض وهارون في زينهم ، او الوكاله او الحرفيين

بس انا كمان عايز اعرف حد بتاع تكييف كويس للستروين ، ولا ينفع اي حد بتاع تكييف يظبطها ؟؟

[mohamedhelmy]

انا لسه جايب عربية zx بصراحة عربية جامدة جدا بس دلوقتى عاوز اعملها عمرة موتور واشدها شدة محترمة , سالت قالولى مدينة الحرفيين حتلاقى هناك كل حاجة وميكانيكيا جامدين جدا , حد ممكن يفيدنى فى الموضوع ده ؟

[drahmadfawzy]

بيانات مالك سيارة ستروين Ax

الاسم: د. أحمد فوزي
الموديل: ستروين Ax
سعة الموتور: 1360
سنة الصنع: 1996
تاريخ الشراء: أبريل 2007
سعر الشراء: 26 ألف جنية مصري
الكماليات: تكييف، زجاج كهرباء أمامي، سنتر لوك
مراكز الصيانة التي تعاملت معها: أمير وجوزيف (غالي جدا بدون داعي)، أوتو تيك (جسر السويس)، بعض ورش الميكانيكا والكهرباء بمدينة نصر - الحي السادس
المميزات: سيارة صغيرة وممتازة وأصيلة وأمكانياتها أكبر من سعرها
العيوب: قطع غيارها نادرة و غالية الثمن ويفضل صيانتها عند المتخصصين في الستروين فقط

[hero84]

AX

يا جماعة هو سعر ال ax المستعملة وصل كام دلوقتى؟

[mohamedadelemam]

السلام عليكم...أنا من 7 شهور إشتريت ax1.4مو1994 وكانت عاملة 44000كم وهى عربية ماشاء اللله ممتازة جدا وأنا دكتور بس أخذت دبلوم بالمراسلة فى الميكانيكا الفرنسية عشان كده صيانتها بعملها لها بنفسى وبجد أنصح أى حد بيدور على سيارة صغيرة يختارها بس يدور على الموتور ال98 حصان اللى هو لونه إسود من الجنب والعربية بيكون إسمهاallure+ أو gti فضلا عن ال1800 سىسى ولو حد عنده الموتور ال74 حصان وبيسخن معاه حلها إنه يصنع ريداتير نحاس لإن اللى بتسخن بتكون أساسا نازلة لأجواء فرنسا بس المستورد القديم جاك غلط وجاب شوية منها ضمن العاديين وأى حد عنده إستفسار عن العربية أو قطع غيارها ممكن يراسلنى على mohamedadel73@yahoo.com......والسلام عليكم

[abosamra]

عربيه جامده جداااااا

انا معايا زد اكس موديل 96 اشتريتهامن اربع سنوات وبحبها جدا عربيه اصيله فعلا مشاكها قليله جدا ومعمره سافرت بيها كثيرا واكثر من مره اروح لاسكندريه وارجع فى نفس اليوم ثباتها على لانها عريضه ولكن لحد 120 كم فقط بعد كده بحس ان المتور بيصرخ شويه لاكن صديقى الى اشتريتها منه كان بيمشى بيها على 160كم بس هو مشتريها زيرو وانا مبجريش اكثر من كده على فكره انا عاوز ابيعا واشترى زيرو برضو الحديث حاجه ثانيه رقم تليفونى 012 /8127232 محمد سمير وشكرا
على فكره لو حد عايز يستفسر من الزملاء على اى حاجه فى عربيته يتفضل وبالمناسبه قطع الغيار متوفره انا عمرى ما دورت ع\لى حاجه وملقتهاش والاسعار معقوه هى مش 128 طبعا اغلى وخصوصا فى الاكسسوارات ولكنا ارخص من الجديد بكثييييير

[elghrory]

http://www.sol.net.eg/citroen.html

روح للراجل دة ميكانيكى كويس جدا وهو بتاع قطع غيار إستيراد وجديد كمان

[mo7ammad]

الإسم: محمد يوسف (سيارة والدي بس معايا علطول، والدي معاه شيفروليه)
السياره: سيتروين AX
الموديل: 1994 (أول مالك)
اللون: كحلي
المواصفات: تكييف، زجاج كهربائي، سنتر لوك، فل أوبشن
الحاله: حالة الزيرو لأنها كانت مرفوعه طوال السنين اللي فاتت (قراءة العداد في الوقت الحالي 7000 كيلو متر بس)

[SamehEzz]

ٍستروين أكسارا - كلاكيت ثالث مره

السلام عليكم جميعا
انا من هواة ال ستروين اكسارا حاليا امتلك اكسارا للمره الثالثه. مع اول علاقتى بالستروين كنت باعانى من التوكيل (عز العرب) بس مع الوقت اصبح عندى خبره فى كل شئ يتعلق بالستروين الاكسارا واعرف اماكن متعدده لقطع الغيار الاصليه والاستيراد وحتى اماكن لعمل الصيانه فى ورش تعمل فقط فى الستروين (اكسارا , Ax, Zx)
على حد علمى كتير من اصحاب الاكسارا الاوتوماتيك بيعانو من الفتيس ومشاكله. انا هاكون سعيد لو اى حد عنده استفسار ممكن اقدر افيده.

سامح عز

[azkol2005]

انا معايا ستروين ايه اكس
موديل 95
جباره بفضل الله
ممتعه
مريحه
مناسبة الحجم

[Marcony]

مساء الخير
انا بفكر اشترى ستروينAX بس لقيت اسعارها متفاوته جدا من 17000 26000 فى موديل 1995 1994
ايه سبب التفاوت ده ؟ وياريت محدش يقول لى على حسب الحاله لان التفاوت الناتج عن الحاله ميعملش الفرق الكبير ده
ده بخلاف ان معظمهم تكييفه عاوز يتشحن معرفش ليه؟
فيه ناس قالت لى ايضا ان اعاده البيع صعبه بس بصراحه انا حابه شكلها وحجمها اكتر من 127 او 128
على فكره انا معى طفلين وهى سياره شخصيه لى
يا ريت لو حد عنده سياره كويسه AX وعاوز يبيعا يبلغنى فى المنتدى بس بجد تكون كويسه بدل المقايله والكلام وفى الاخر تكون مش قد كده
ولو حد عنده اى نصيحه يبلغنى لان كل معلوماتى عن السياره من خلال المنتدى فقط شكرا جزيلا


-------------------------------------------------------------------------
اللون الأحمر مخصص للمشاركات الإدارية فقط
يرجى مراجعة http://www.nilemotors.net/Nile/78489-a.html
مشرف الأوروبى 2
--------------------------------------------------------------------------

[nnsd10]

انا عندى مشكله كبيره اوى ياجماعه
انا عملت حادثه بالعربيه ستروين ax
موديل 94
وللاسف روحت لسمكرى معندوش دين ولا ضمير عمل العربيه وحش اوى وفيها مشاكل فى الشاسيه ملوح
وروحت لسمكرى تانى محترم بس عاوز اعرف مقاسات الحوض بتاعه الموديل
علشان اظبط عليه عربيتى
اتمنى لو حد يعرف يرد عليا بسرعه
او يسيب رقم تليفونه وانا اكلمه وانا تليفونى رقم 0119315876

[seko_one]

الإسم: محمد يوسف (سيارة والدي بس معايا علطول، والدي معاه شيفروليه)

السياره: سيتروين AX
الموديل: 1994 (أول مالك)
اللون: كحلي
المواصفات: تكييف، زجاج كهربائي، سنتر لوك، فل أوبشن
الحاله: حالة الزيرو لأنها كانت مرفوعه طوال السنين اللي فاتت (قراءة العداد في الوقت الحالي 7000 كيلو متر بس)

لو عايز تبيع كلمنى انا محتاج سيارة ax
0111999332

[sharposama]

الاخ العزيز الاستاذ سامح انا اخوك اسامة زميلك في خب الاكسارا يادوب مشتيها منذ شهرين ومحتاج اخبرتك في خاجات كتير متعلقة بها ارجو التكرم بالاتصال بي علي هذا الرقم 0103338201 والايميل بتاعي هو readme212@gmail.com شكرا جزيلا والسلام عليكم.