موتور سيتروين zx

[aly_72200]

اخى الفاضل انا متأكد من اللى انا بقوله لان لى تجربه سابقة وعملية كنت شارى مكنة 1400 فعلا فيه تجار كتير كانوا بيعرضوها على انها 1600 ويقولك انا واخدها على انها 1600 المهم خرطوم الريادتير العلوى ضرب بعد ما اتحركت بالسيارة 500 متر وغيرته ولكن وجدت الماكينة بتنفخ وقمنا بفتح الماكينة بعد ابلاغ التاجر والميكانيكى طلب تغيير الوش وراح اختار وش اكتشفت بعد ذلك ان الوش 1600 واشتغل عادى ولكن لقيت تسارع السيارة غير مرضى على الرغم انى كنت استخدم بنزين 80 وقمت فى النهاية بارجاع الوش الاصلى بنفسى فوجدت فرق كبير فى التسارع على نفس البنزين 80 فبحثت الموضوع واتضح ان التغيير بيحدث نتيجة تغيير نسبة الانضغاط اللى هى بالبلدى كده النسبه بين اقل حجم لغرفة الحريق عند صعود البستم واكبر حجم للغرفه عند نزول البستم ودى فى المحركات 1400 بتبيقى 1:9 او 1:10 فى الانجيكشن وده بيتطلب بنزين عالى الاوكتان يعنى الامثل 90 او 92 وهى نفس النسبة تقريبا فى 1600 اما لو حضرتك عكست الموضوع وحطيت وش 1400 على بلوك 1600 فتقريبا النسبة هتبقى 1:12 وده معناه تسارع جيد بس مطلوب من حضرتك تحط بنزين 95 او98 او تمشى تسقف بالموتور