عطل عجيب جدا بالستروين سى 4

[ph_geno]

قابلني أغرب عطل في حياتي منذ قليل علي الطريق ، السيارة .c 4 موديل ٢٠٠٥ وعامله150000 كلم ، وحالتها مستقرة وتمام ، وفجأة حدثت مجموعة الأعطال التالية في غضون ٣٠ ثانية وبنفس الترتيب كالآتي :
١- زمارة الألارم واتكتب علي شاشة الأعطال breaking system faulty مع إضاءة شعار الهاند بريك علي شاشة السرعة .
٢- اتكتب بعدها علي طول abs system faulty وكمان شعار ال abs تمت اضاءته علي شاشة السرعة ..
٣- بعد كده ظهرت جملة air bag system faulty علي شاشة الأعطال وإضاءة شعار الأير باج علي شاشة السرعة ..
4- وفجأة مع إضاءة كلمة service وكلمة stop اختفت ارقام السرعة من علي شاشة السرعة وظهرت مكانها تلات شارطات - - -
ملحوظة : انا غسلت العربية من يومين وبعدها حصلت الدوشة دى كلها
هذاه الاعطال حصلت مع احد اصدقاء الصفحة واتكررت معاى بالزبط
صباح الخير انا حصل معاى نفس العطل امس بعد ما غسلت العربية وانا العربية كانت بحالة جيدة جدا ..عملت زى ما الاخوة الافاضل نصحوا واختف الالارم تماما ..ومشيت بيها حوالى 6 كم رجعت كل حاجة تانى زى ما هى وزاد عليها انها قطعت بنزين ومش راضية تدور اصلا ..فصلت البطارية طول الليل ورجعت الصبح حاولت تانى مفيش اى انذارت لكن مش راضية تدور افيدونى اعمل ايه ولكم جزيل الشكر

[akmm]

اكيد ده بسبب الميه من الغسيل حاول تترك العربيه بدون دواره وتحاول بالبلاور هواء تنشف مكان تواجد المياه خاصه علب الفيوزات وكنترول العربيه مره واتنين ... وحضرتك تنظيف الموتور للعربيه بيكون بالفووم فقط ... وان شاء الله خير .

[ph_geno]

شكرا وهاحوال اجرب وارد عليك

[Mohab.Nabil]

غسيل العربية ديه غلط خصوصا لو فى بنزينة او حد مش فاهم اوى فى الاغلب هتسبب مشاكل و معظم الناس بينصحوا بعدم غسيلها لو كده خلى البواب مثلا يرشها من برة بمية خفيفة كده و ميركزش فى حتت معينة بضغط مياه جامد عشان الدنيا متخربش

عموما لو السبب مش الغسيل بتاعها .. انا ممكن اقول ان المشكلة ديه تقريبا دينامو و دا عيب شائع فى السى فور .. بس طبعا مقدرش أكد حاجة

انصح حضرتك بالتوجه الى التوكيل او اى مركز معتمد او بشمهندس ايهاب جلال فى صقر قريش و ان شاء الله تبقى مشكلة بسيطة و يكون السبب فعلا زى ما العضو الكريم قال ان المية دخلت فى حتة غلط

[ph_geno]

المشكلة حضرتك انى انا فى الغردقة والعربية قاطعة بنزين ...مش راضية تدور

[Mohab.Nabil]

راجع الرسائل الخاصة

[ph_geno]

اتصلت يا استاذ مهاب بالمهندس ايهاب الراجل عقدنى قالى لازم تيجى القاهرة ....وقال العربية فى مشكلة جامدة فيها وخليهم يحاولوا فيها ...

[Mohab.Nabil]

اتصلت يا استاذ مهاب بالمهندس ايهاب الراجل عقدنى قالى لازم تيجى القاهرة ....وقال العربية فى مشكلة جامدة فيها وخليهم يحاولوا فيها ...

و الله يا باشا انا مش عارف اقولك ايه بصراحة ، المشكلة انى مش عايز افتى فى حاجة و تطلع غلط خصوصا ان العطل دا معداش عليا بصراحة .. هو قالك المشكلة ممكن تبقى فى ايه طيب ؟

هو مفيش اى حد فى الغردقة عنده جهاز كشف الاعطال بتاع العربية ؟

[ph_geno]

قالى انه فى مشكلة جامدة فى الكمبيوتر بتاع العربية ...ودى لازم تخش على جهاز اعطال خاص بالستروين مش اى جهاز اعطال ...ولازم يشوفها ...بقوله انا فى الغردقة قالى هات ونش وهاتها ....اتصلت بالمهندس فريد شوقى قالى ممكن تكون مشكلة فى الدينامو قالى روح للكهربائى و كلمنى من هناك
هاجرب او اشوف

[matrix_it]

اعتقد انى قريت ان المشكلة دى بتحصل لما يكون كهرباء زيادة فى العربية !!

[sonybony]

ربنا يكون معاك وهنعمل ايه في بلد خاليه من المتخصصين

[venzo]

الدينامو جايب فولت زياده ياباشا (باظ يعني) ... ده كل الحوار ومافيش اي مشكله ممكن حضرتك تجيب واحد استيراد وتركبو وهتلاقي الدنيا زي الفل ماتقلقش حصل معايا نفس العيب (بيجو 307 2006)

[venzo]

وبالنسبه لحوار انها مش راضيه تدور ده مش عارف ليه الصراحه ممكن الفولت الزياده ده يكون حرق طرمبه بنزين والله اعلم

[ph_geno]

شكرا جميعا على المجهود هو الموضوع طلع كده تمام الدينااااااااااااااااااااااااامو ...غيرته هو طرمبة البنزين والدنيا رجعت تمام زى الفل شكرا لكل من شارك

[haythamabo]

شكرا جميعا على المجهود هو الموضوع طلع كده تمام الدينااااااااااااااااااااااااامو ...غيرته هو طرمبة البنزين والدنيا رجعت تمام زى الفل شكرا لكل من شارك

طب ما تدينا تقرير رفيع عالماشى يعنى بكام الدينامو وماركته ايه وامبيرة كام وتركيبه فين وبكام والطرمبه بكام ومنين وماركتها ايه وركبت فين وبكام وبس كده