عربيتي عطلت ال c4

[mangawy2012]

كنت ماشي عادي عالطريق الزراعي فجاه لقيت صوت حاجه بتكر والصوت جاي من الكبوت قدام المهم ركنت على جنب وانا بركن صوت الكر كان بيقل مع التهديه فصلت العربيه وجيت ادور الكهربا لقطه لكن العربيه مش راضيه تقوم يا ترى ايه ده يا جماعه انا قطرت العربيه ومستني الصبح اشوف هعمل ايه ياريت تساعدوني

[A.Adel]

ده dynamo يا محمد

[mangawy2012]

ولا سير كاتينه يا احمد؟

[mangawy2012]

اديني رقمك ضروري

[A.Adel]

اديني رقمك ضروري

أنا طلبتك على رقمك اللي معايا اللي اخره 684
و لقيته مقفول

ده رقمي 01002532481

[mangawy2012]

انا كشفت على سير المجموعه لقيته سليم

[MuhamedNabil]

ده dynamo يا محمد

شكل موضوع الدينمو بتاعك لسه معلم فيك :) , كان نفسى اجى النهرده بس للاسف الجو التراب ده بيتعب صدرى جدا

انا كشفت على سير المجموعه لقيته سليم

هو لما تيجى تدور دلوقتى ايه البيحصل , بتسمع صوت تكتكة بسرعة !

[A.Adel]

شكل موضوع الدينمو بتاعك لسه معلم فيك :)

هاهاهاها ,كان فصل مش تمام فعلا :)
يا ريت مايطلعش هو

كان نفسى اجى النهرده بس للاسف الجو التراب ده بيتعب صدرى جدا

قريت تعليقك في الموضوع قبل ما أنزل
عشان كده مكلمتكش :)

تتعوض الأسبوع اللي جاي إن شاء الله

هو لما تيجى تدور دلوقتى ايه البيحصل , بتسمع صوت تكتكة بسرعة !

الراجل ده ما شاء الله خبير :)
شوف هيقولك إيه

[mangawy2012]

لا لما بدور مفيشخير صوت عادي بتاع محاولة التدوير ده

[MuhamedNabil]

هممم طيب لو المارش شغال عادى و بيدور بقوة الطبيعية يبقى جرب بقى الكام حاجة دول

مافيش اى رسالة طلعت لما العربية بطلت او قبلها ؟

- شوف طلمبة البنزين بتعمل صوت لما بتفتح الكونتاكت لو مش بتعمل صوت يبقى غالبا الموتور بتعها مات
لو عايز تتأكد خرطوم البنزين حتلاقيه فى النحية المقابلة للبوابة على الشمال و مكان دخول الهواء من الفلير على الماتور
حتشيله (خلى بالك عشان ليه طريقة بتدوس على المربعين البيض) و تحطه فى ازازة مياة صغيرة عشان لو جاب بنزين ميغرقش العربية و افتح الكنتاكت لو ضخت بنزين يبقى الطامبة شغالة و لو مجبش بنزين يبقى كده 100% فى مشكلة فى الطلمبة

- الحاجة التانية ان حساس الحرارة يكون باظ, بس ده بيدى رسالة engine temp too high و برده مش حيخلى العربية تدور . مكانه تحت فلتر الهواء , ممكن لو هو العامل مشكلة جرب تفصله و تدور بس متنساش ترجع خرطوم البنزين الاول

- ممكن تشوف سير الكاتينة لو انت شاكك فيه بس دة لو اتقطع بيعمل مشاكل جمدة جدا, السير فى العلبة البلاستيك الجنب القعدة بتاعت الماتور ممكت تفك اول مسمارين كده و تبص حتشوفوا سليم و لا مقطوع

- الخوف كله لو طلع ECU فيه حاجة طارت , انشاء الله تطلع حاجة بسيطة

[A.Adel]

هممم طيب لو المارش شغال عادى و بيدور بقوة الطبيعية يبقى جرب بقى الكام حاجة دول

مافيش اى رسالة طلعت لما العربية بطلت او قبلها ؟

- شوف طلمبة البنزين بتعمل صوت لما بتفتح الكونتاكت لو مش بتعمل صوت يبقى غالبا الموتور بتعها مات
لو عايز تتأكد خرطوم البنزين حتلاقيه فى النحية المقابلة للبوابة على الشمال و مكان دخول الهواء من الفلير على الماتور
حتشيله (خلى بالك عشان ليه طريقة بتدوس على المربعين البيض) و تحطه فى ازازة مياة صغيرة عشان لو جاب بنزين ميغرقش العربية و افتح الكنتاكت لو ضخت بنزين يبقى الطامبة شغالة و لو مجبش بنزين يبقى كده 100% فى مشكلة فى الطلمبة

- الحاجة التانية ان حساس الحرارة يكون باظ, بس ده بيدى رسالة engine temp too high و برده مش حيخلى العربية تدور . مكانه تحت فلتر الهواء , ممكن لو هو العامل مشكلة جرب تفصله و تدور بس متنساش ترجع خرطوم البنزين الاول

- ممكن تشوف سير الكاتينة لو انت شاكك فيه بس دة لو اتقطع بيعمل مشاكل جمدة جدا, السير فى العلبة البلاستيك الجنب القعدة بتاعت الماتور ممكت تفك اول مسمارين كده و تبص حتشوفوا سليم و لا مقطوع

- الخوف كله لو طلع ECU فيه حاجة طارت , إن شاء الله تطلع حاجة بسيطة

يا محمد باشا :)

الراجل هو اللي مبطل عربيته بـايده ومقلش إنها كانت بتقطع ولا حاجة
ولما جه يدور ما دارتش

يبقى إزاي هتبقى طرومبة ؟
أكيد كانت هطلع أي error وكانت العربية هتبطل لوحدها

و حساس الحرارة فعلا لو كان فيه حاجة كان طلع error وهو ماشي

ولو المشكلة ECU مكانتش هتعمل صوت زي ما قال قبل ما يبطلها
مش بعد ما بطل ماتدورش !!!!!!!!!!

ولا إيه يا كبير ؟

[MuhamedNabil]

يا محمد باشا :)

الراجل هو اللي مبطل عربيته بـايده ومقلش إنها كانت بتقطع ولا حاجة
ولما جه يدور ما دارتش

يبقى إزاي هتبقى طرومبة ؟
أكيد كانت هطلع أي error وكانت العربية هتبطل لوحدها

و حساس الحرارة فعلا لو كان فيه حاجة كان طلع error وهو ماشي

ولو المشكلة ECU مكانتش هتعمل صوت زي ما قال قبل ما يبطلها
مش بعد ما بطل ماتدورش !!!!!!!!!!

ولا إيه يا كبير ؟

غريبة فعلا :) انا معرفش ليه جالى ايحاء ان هى البطلت لوحدها و هو بيهدى . على العموم طلمبة البنزين لما بتبوظ العربية بتبطل و مش بتدى اى رسالة تحذير.

هى الفكرة ان دلوقتى لو هى مش بتدور ممكن ان العيب الحصل هو السبب انها مدورش و ممكن هى فى زى protection mode انها متدورش طول ما الكنترول مش واصله قراية لحاجة معينة ( و دى نفس الحالة لة حساس الحرارة فصل العربية مش بتدور)
بس برده حساس الحرارة بيدى رسالة تحذير.

@ Mangawy

كان فى رعشة فى الماتور مع الصوت ده !

[mangawy2012]

الموضوع طلع سير كاتينه وجبلي صبابات روحت للعسكري في الحرفيين غيرت طقم كاتينه ب 800 جنيه ووش السلندر دخل مخرطه ب 150 وغيرت صبابات استيراد ب 600 جنيه وجوان وش سلندر ب 275 وطرمبة ميه ب 300 جنيه وكاوتش صبابات ب 300 جنيه وانبوبة سليكون حراري ب 60 وكيلو زيت لتززيت السلندر ب 20 ومصنعيه خدت 450 جنيه كلفت في حدود 2900 جنيه غير اني من بنها وقطرت العربيه لحد الحرفيين ب 300 جنيه

[rahieb_100]

قدر الله وماشاء فعل
معلش ...بس انت مغيير سير الكاتينة امتى؟

[mangawy2012]

للاسف مغيرتهوش من ساعة ماشتريت العربيه ومكنتش اعرف صاحبها مغيره امتى