عربيتي عطلت ال c4

[MuhamedNabil]

لا حول و لا قوة الا بالله , قدر الله و الحمد لله انها جت على قد كده.
انا برده محتاج اغيره عشان بقالى 40000 عليه.

[A.Adel]

لا حول و لا قوة الا بالله , قدر الله و الحمد لله انها جت على قد كده.
انا برده محتاج اغيره عشان بقالى 40000 عليه.

هو المفروض يتغير على كام ؟

40 ألف ده قليل

[mangawy2012]

بيتغير كل 60 الف كيلو بس نصيحه غيروه عند ال 50 الف لان غلطته بفوره محدش يغلط غلطتي

[rahieb_100]

هو المفروض يتغير على كام ؟

40 ألف ده قليل

على حسب نوع السير
لو الاصلى بيتغيير كل 60 الف كم او 3 سنين ايهم اقرب
لو انت مش متأكد انه الاصلى يبقى 40 الف مش قليل
مش شرط عدد الكيلو متر للتغيير ....الاهم هو راكب بقاله قد ايه ونوعه ايه

[A.Adel]

أُمال ليه مكتوب في الكتالوج سير التوزيع يتغير على 120 ألف ؟؟

[rahieb_100]

أُمال ليه مكتوب في الكتالوج سير التوزيع يتغير على 120 ألف ؟؟

معرفش
انا بتكلم على الجزء العملى واللى سمعته من التوكيل ومركز الخدمة والراجل بتاع قطع الغيار
120 الف كم ده رقم كبير جدا
ممكن تسأل فى التوكيل
وزى ما قولت عدد الكيلومتر مش هو المقياس الوحيد

[Fo1Fo]

الموضوع طلع سير كاتينه وجبلي صبابات روحت للعسكري في الحرفيين غيرت طقم كاتينه ب 800 جنيه ووش السلندر دخل مخرطه ب 150 وغيرت صبابات استيراد ب 600 جنيه وجوان وش سلندر ب 275 وطرمبة ميه ب 300 جنيه وكاوتش صبابات ب 300 جنيه وانبوبة سليكون حراري ب 60 وكيلو زيت لتززيت السلندر ب 20 ومصنعيه خدت 450 جنيه كلفت في حدود 2900 جنيه غير اني من بنها وقطرت العربيه لحد الحرفيين ب 300 جنيه

كده تخمينى فى محله الموضوع ده حصل معايا بالظبط بالحرف الواحد والموضوع طلع سير الكتينه ( هو ما تقطعش ولا حاجه ) اللى حصل ان العربيه كانت بتنقط ميه من طلمبة الماء وانا فضلت ماشى بالوضع ده كتير يمكن شهر ولا حاجه وطبعا بأزود ميه كل يوم بس اللى حصل ان طلمبه الميه لما بتنتهى خالص الأكس بتاعها بيبووش ( يبقى فيه بوش ) مع الحركه دى سير التقسيمه بيخلف التقسيمه بتاعته ويعمل المشكله دى والدليل على كده انك بصييت على السير وقلت فى كلامك السير مافيهوش حاجه الأول والحاجه التانيه انك غيرت طلمبه المياه ...... طبعا سير التقسيمه ما ياثرش على الطلمبه ويخربها ......... هى اللى كانت خربانه من الأول

[A.Adel]

أحلى بيك معانا يا أستاذ Fo1Fo

[mangawy2012]

انا غيرت الطلمبه عادي مع الصيانه القديمه كانت كويسه بس قالي غيرها بالمره عشان ميحصلش مشاكل قدام

[Fo1Fo]

انا غيرت الطلمبه عادي مع الصيانه القديمه كانت كويسه بس قالي غيرها بالمره عشان ميحصلش مشاكل قدام

ياريت تفيدنا بأيه الى حصل لسير الكاتينه ؟ أتقطع ولا نثر ( طلع خيوط ) ولا سنونه تأكلت ؟ وخاصة انك قلت ( انا كشفت على سير المجموعه لقيته سليم )

[mangawy2012]

السير اتقطع من مكان واحد لا نثر ولا اي حاجه

[Fo1Fo]

السير اتقطع من مكان واحد لا نثر ولا اي حاجه

انا هدفى أفاده الجميع وما حدش يستهون بنقطتين المياه اللى ممكن ينزلوا من طلمبه المياه انا عملت الفيلم اللى انت عملته ده بسبب طلمبه المياه مش بسبب سير الكاتينه

[mangawy2012]

وانا ممكن يكون بسببها لان غيرت الطلمبه مع الحوار ده

[mangawy2012]

امبارح بكشف على مية الرادياتير عشان ازودها لو ناقصه بحط صباعي لقيت في زيت في المياه بس العربيه تمام الحراره تمام ومفيش اي حاجه هل ده اثر مكان الفك والتركيب للصبابات وجوان وش السلندر اللي غيرتهم؟ مع العلم ان مستوى الزيت كويس ومفهوش اي مشكله

[esam123]

قدر الله وما شاء فعل الحمدلله