العربية بتطلع دخنة بيضة من ورة :(

[أحمد عاصم]

السلام عليكم
يا شباب انا لسة عضو جديد فالمنتدى انا بصراحة سجلت لأنى بواجه مشكلة ف عربيتى و هى ان العربية بتطلع دخنة بيضة من ورة و طبعا روحت ل ميكانيكيا كتير و كل واحد يقولى سبب مختلف عن التانى فا انا حبيت اعرض عليكم الموضوع و عشمان انكم تساعدونى .. للعلم انا كنت عامل تنضيف كاربيراتير من فترة حوالى شهرين و الدخنة دى بدأت تظهر من بعد عملية التنضيف ب اسبوع و نص تقريبا .. يا ريت تساعدونى لأنى كرهت العربية بسبب الموضوع دة
منتظر الرد
شكرا :)

[أحمد عاصم]

العربية سيتروين zx

[Honda_lover]

الدخان الاسود نتيجة لخلل منظومة الوقود الكربراتير عند حضرتك اما الدخان الابيض نتيجة لخلل بمنظومة الزيت شمبر خفيف كده حضرتك هتحتاج لنصف عمرة

[أحمد عاصم]

اولا انا متشكر على ردك .. الدخنة دى بتطلع لما بكون ماشى طبيعى و رجلى ثابتة على الدواسة و فجأة اضغت بنزين ف لما بابوس فالمراية بلاقى كمية دخنة بيضة طلعت من ورة .. انا روحت مركز الصيانة بتاع سيتروين اللى على دريق بلبيس الصحراوى , المهندس اللى هناك قالى دة كاربيراتير بيضخ بنزين زيادة فا بيعمل الدخنة دى .. فا انا مش عارف بقى اعمل ايه

[Honda_lover]

اولا انا متشكر على ردك .. الدخنة دى بتطلع لما بكون ماشى طبيعى و رجلى ثابتة على الدواسة و فجأة اضغت بنزين ف لما بابوس فالمراية بلاقى كمية دخنة بيضة طلعت من ورة .. انا روحت مركز الصيانة بتاع سيتروين اللى على دريق بلبيس الصحراوى , المهندس اللى هناك قالى دة كاربيراتير بيضخ بنزين زيادة فا بيعمل الدخنة دى .. فا انا مش عارف بقى اعمل ايه

استحالة البنزين الزيادة يطلع دخان ابيض ابدا زيادة ضخ بيكات الكابرتير للوقود تظهر علي هيئة دخان اسود نتيجة لعدم احتراق كمية الوقود كلها وعلي العموم انتظر باقي الاعضاء يمكن يكون عندهم راي تاني

[Fo1Fo]

الدخان الأبيض ناتج من حرق الزيت المتبقى على جدران غرفه الأحتراق والناتج من عدم حبك حلقات البستم (الشنبر ) اما الدخان الأسود فده أول أكسيد الكربون والناتج بسبب عدم تناسق نسبه البنزين الى نسبه الهواء الداخل ( ده ناتج من ان حد بدل البكات ) ركب واحد واسع بدل اللى مفروض يركب أوعى يكون الميكانيكى اللى أسمه محمد الأبيض اللى فى زينهم ؟ نفس الموقف ده عمله معايا والعربيه بدأت تدخن أسود وملاقتش مقاس البك المظبوط بتاعها ركبت الأصغر هو الأصغر كويس وفر فى البنزين بس ضيع عزم العربيه فى الطلعه وهى بارده لازم أشغل الشفاط او أستنى لما تسخن وأبدأ أتحرك ياريت على كده وبس بدل بك السلانسيه الأصلى الكهربى وركب واحد من عنده ملعوب فيه ملغى كهربته (شغال عادى ) وخد الأصلى اللى تمنه استيراد ما يقلش عن 200 ج وحطلى واحد من عنده حسبه ب 60 جنيه الله لا يسامحه يبقى يصرفهم فى المستشفيات ان شاء الله

[Mamoud salah H]

طقم شنبر يا باشا دة كدة الزيت مش بيترق كويس وبيهرب وبيطلع عن طريق الشكمان

[Fo1Fo]

والفيصل فى الموضوع ده هل العربيه بتاكل زيت ؟ يعنى لو انت بتغير الزيت على 5000كم فى نهايه المده بتلاقى الزيت تحت العلامه السفليه ؟ ولا بيفضل فى النصف زى ما هو ؟

[أحمد عاصم]

لا العربية مش بتاكل زيت انا بصيت على مقاس الزيت امبارح لقيتو زيادة ب حوالى 10 سم فا ممكن يكون الزيت الزيادة هو اللى ممكن يعمل كدة ؟

[elghrory]

نصف عمرة

[أحمد عاصم]

انا لسة جاى من مركز الصيانة بتاع سيتروين على طريق بلبيس الصحراوى قالولى اغير كاوتش صباب و حجات كتير كدة و لو ماتحلتش يبقى طقم شنبر و فى واحد ميكانيكى قالى عشان تريح نفسك غير موتور .. انتو رأيكو ايه ؟

[rotanamasoud]

انا لسة جاى من مركز الصيانة بتاع سيتروين على طريق بلبيس الصحراوى قالولى اغير كاوتش صباب و حجات كتير كدة و لو ماتحلتش يبقى طقم شنبر و فى واحد ميكانيكى قالى عشان تريح نفسك غير موتور .. انتو رأيكو ايه ؟

رايي تفك وش السلندر وتغيرله كاوتش صباب واويل سيل وتبص بصه على الشنابر والشمايز
لان الدخان الابيض مبيخرجش من سببين يا شنبر يا كاوتش صبابات واويلسيلات وش السلندر
الدخان الابيض يعنى زيت بيدخل الغرفه لو بيدخل من فوق يبقى وش السلندر ولو من تحت يبقى الشنبر

[hamaka]

أنا رأيي تسقطلك موتور جديد و ترحم نفسك من الفيلم ده كله ، الشغل فى الموتور اه ممكن يحللك الموضوع بس فرصة انه ميتحلش موجودة برضه بنفس النسبة و تقعد تلف حوالين نفسك و فى الاخر برضه تجيب موتور ، طب ما كان من الأول....

[أحمد عاصم]

انا لحد دلوقتى سايب العربية مركونة تحت البيت و معملتش فيها حاجة و بصراحة خايف اروح ل اى ميكانيكى الدنيا تخرب اكتر
انا بفكر ف موضوع الموتور الجديد بس معنديش خلفية عن سعره و لو هاجيب موتور هاجيب نفس السى سى ولا اعلى و هايكون بكام و منين و الترخيص بتاعه.. فا يا ريت لو حد عندو خبرة فالموضوع دة يفيدنى

[Honda_lover]

انا لحد دلوقتى سايب العربية مركونة تحت البيت و معملتش فيها حاجة و بصراحة خايف اروح ل اى ميكانيكى الدنيا تخرب اكتر
انا بفكر ف موضوع الموتور الجديد بس معنديش خلفية عن سعره و لو هاجيب موتور هاجيب نفس السى سى ولا اعلى و هايكون بكام و منين و الترخيص بتاعه.. فا يا ريت لو حد عندو خبرة فالموضوع دة يفيدنى

خليك في موتور الاكسارا 1600 احسن ماتور معمر جدا جدا جدا وده هيعمل 3000 بالفتيس