العربية بتطلع دخنة بيضة من ورة :(

[rotanamasoud]

خليك في موتور الاكسارا 1600 احسن ماتور معمر جدا جدا جدا وده هيعمل 3000 بالفتيس

انا لسه مغير موتور جديد وهربت من الاكسارا لانه لازم ضفيره وكارته وتقلب انجكشن
انا جبت موتور اكسارا برضو 1400 بس قلبته كاربراتير وميزته انه زهر غير الالومنيوم اللى فيها

[أحمد عاصم]

خليك في موتور الاكسارا 1600 احسن ماتور معمر جدا جدا جدا وده هيعمل 3000 بالفتيس

انا فعلا فكرت فالموتور ال 1600 اكسارا بس زى ما الاخ مسعود قال لازم تعديلات كتيرة

[أحمد عاصم]

انا لسه مغير موتور جديد وهربت من الاكسارا لانه لازم ضفيره وكارته وتقلب انجكشن
انا جبت موتور اكسارا برضو 1400 بس قلبته كاربراتير وميزته انه زهر غير الالومنيوم اللى فيها

طيب يا ريت تقولى انت جبت الموتور منين و سعره عامل كام مو ايه الفرق بين الزهر و المونيوم و ايه اجراءات الترخيص ؟؟ و هل احتاج تعديل و لا ركب على طول يا ريت تفيدنى عشان لو كدة اغير موتور على طول

[rotanamasoud]

طيب يا ريت تقولى انت جبت الموتور منين و سعره عامل كام مو ايه الفرق بين الزهر و المونيوم و ايه اجراءات الترخيص ؟؟ و هل احتاج تعديل و لا ركب على طول يا ريت تفيدنى عشان لو كدة اغير موتور على طول

الزهر افضل بكتير من الالومنيوم (عمر وسهوله صيانه)
الفروق سير تقسيمه الالومنيوم 108 سنه والزهر 101(مش فاكر الارقام بالظبط)
طرمبه الميه فى الزهر داخل البلوك وفى الالومنيوم خارج البلوك
دى الفروق الاساسيه غير طبعا اهم حاجه ان ده بلوك زهر وده بلوك الومنيوم
كل الفروق لا دخل لها بالتركيب لان القواعد واحده
الفرق الاخر ان موتور الاكسارا انجكشن وموتورنا كاربراتير فبتخلع الجزى بتاع الانجكشن وتركب الكاربراتير بتاعك هو ده التعديل الوحيد وتسقط الموتور
انا كنت حجيب ال1600 لاكن للاسف الجزى بتاع الكاربراتير بتاعنا لا يركب بدل الجزى الانجكشن فى وش السلندر جاتلى فكره اخرى وهى انى اركب وش السلندر بتاعى على البلوك ال1600 ولاكنى ممكن اواجه مشكله التسقيف لاختلاف نسبه الانضغاط ففضلت الابتعاد عن التجارب واشتريت المضمون
جميع ما سبق ناتج من خبره عمليه ارجو الاخذ به
البلوك انا اشتريته ب1800 و100 تخليص افراج (ورق)
اللى اشتريته كان فاضى بدون مرش ودينمو وفتيس و الانجكشن
يعنى ممكن تجيبه كامل (بدون الانجكشن ب2500-3000) وتركب الكاربراتير وتسقط على طول (حسب الاجزاء السليمه عندك)
اثبات الموتور على الرخصه لسه مثبتهوش عند الفحص
جبت الموتور من اسكندريه

[أحمد عاصم]

شكرا عالافادة انا ان شاء الله هاعمل زى ماحضرتك عملت كدة و ربنا يسهل :)

[boy zizo]

بص يا كبير حكاية الدخنة البيضة دى وش ع طول عربية عوزة نص عمرة ودى مفهاش كلام ولا نقاش والى قالك غير كدة يبقى مش مكانيكى
احسلك خدها نصية لتعملة عمرة او تجيب متور بس يكون معاك حد بيفهم فيهم لو انت بتفهم اتكل ع الله

[أحمد عاصم]

بص يا كبير حكاية الدخنة البيضة دى وش ع طول عربية عوزة نص عمرة ودى مفهاش كلام ولا نقاش والى قالك غير كدة يبقى مش مكانيكى
احسلك خدها نصية لتعملة عمرة او تجيب متور بس يكون معاك حد بيفهم فيهم لو انت بتفهم اتكل ع الله

شكرا عالنصيحة , طيب و انهى افضل عمرة ولا موتور استيراد ؟

[Fo1Fo]

شكرا عالنصيحة , طيب و انهى افضل عمرة ولا موتور استيراد ؟

هو اى عربيه تطلع شويه دخنه بيضاء أروح أعمل نصف عمره ( شنبر ) ؟؟؟؟؟؟؟؟؟؟؟؟؟؟؟؟؟؟؟؟؟ السوءال هنا هل العربيه عزمها ضعيف ؟ يعنى مع الحموله وفى المطالع بتعمل فضيحه ؟ والسؤال الأهم لما تيجى تغير زيت بتلاقى نصف كيلو فقط نازل من الموتور ؟ هل كل يومين تلاته تضطر تزود زيت لأن الزيت بينقص جامد؟ جربت تستخدم زيت تقيل (زيت شمبر ) وما جابش نتيجه ؟هى دى الأحوال اللى أكون مضطر لعمل نصف عمره مش اطلع أجرى اعمل طقم شنبر واللى يقولى غير موتور ......... وهى فى حاجه الأيام دى بتتعمل صح ؟ ولا أحنا بنلاقى الفلوس ؟

[أحمد عاصم]

هو اى عربيه تطلع شويه دخنه بيضاء أروح أعمل نصف عمره ( شنبر ) ؟؟؟؟؟؟؟؟؟؟؟؟؟؟؟؟؟؟؟؟؟ السوءال هنا هل العربيه عزمها ضعيف ؟ يعنى مع الحموله وفى المطالع بتعمل فضيحه ؟ والسؤال الأهم لما تيجى تغير زيت بتلاقى نصف كيلو فقط نازل من الموتور ؟ هل كل يومين تلاته تضطر تزود زيت لأن الزيت بينقص جامد؟ جربت تستخدم زيت تقيل (زيت شمبر ) وما جابش نتيجه ؟هى دى الأحوال اللى أكون مضطر لعمل نصف عمره مش اطلع أجرى اعمل طقم شنبر واللى يقولى غير موتور ......... وهى فى حاجه الأيام دى بتتعمل صح ؟ ولا أحنا بنلاقى الفلوس ؟

لا العربية بتسد ف اتخنها مطلع و بيكون فيها حمل و بكون عالتانى كمان و مش بتسقف و الزيت مش بينقص غير تقريبا ربع كيلو و طبيعى مش بزود زيت كل يومين تلاتة هو بغير زيت و بمشى بيه الكيلوهات المحددة و بعد كدة بغيره و مرة كنت بغير زيت فالبنزينة و حكيت للراجل اللى بيحصل فا قالى حط زيت شنبر و حطيتوا بس برضو بدون نتيجة معملش حاجة يعنى الدخنة هيا هيا .. العربية واقفة بقالها فترة و انا مش عارف اعمل فيها ايه و حيران فانا عايز اعمل الاصلح ..

[rotanamasoud]

قولتلك من الاول لو المكنه سليمه فك وش السلندر وحيطلع الشغل فيه

[أحمد عاصم]

قولتلك من الاول لو المكنه سليمه فك وش السلندر وحيطلع الشغل فيه

ربنا يسهل ان شاء الله هاروح بكرة للميكانيكى

ادعولى انا داخل على منعطف تاريخى

[egyptiandiver]

وش السلندر... I think

[Fo1Fo]

[quote=أحمد عاصم;3875028006]لا العربية بتسد ف اتخنها مطلع و بيكون فيها حمل و بكون عالتانى كمان و مش بتسقف و الزيت مش بينقص غير تقريبا ربع كيلو و طبيعى مش بزود زيت كل يومين تلاتة هو بغير زيت و بمشى بيه الكيلوهات المحددة و بعد كدة بغيره و مرة كنت بغير زيت فالبنزينة و حكيت للراجل اللى بيحصل فا قالى حط زيت شنبر و حطيتوا بس برضو بدون نتيجة معملش حاجة يعنى الدخنة هيا هيا .. العربية واقفة بقالها فترة و انا مش عارف اعمل فيها ايه و حيران فانا عايز اعمل الاصلح ..[/quot
الحل أعمل زيى ماتبصش وراك فى المرايه

[أحمد عاصم]

يا باشا ماينفعش لازم نراعى شعور الغير برضو و بعدين بتبقى شكلها وحش بحس انى عربية نموس ماشية فالشارع , انا روحت ل ميكانيكى انهاردة و حكيتله القصة قالى دور كدة و راح قعد على ركبه ورة العربية قدام الشكمان و دورت قالى دوس بنزين جامد و كانت النتيجة انى اول ما دوست الراجل كان هايروح فيها و قعد يكح من كمية الدخنة اللى طلعت ف وشه قالى دة طقم شنبر و اذا ماكنش فى بستم مكسور ولا حاجة و قالى ماينفعش تعمل فيها حاجة دلوقتى عشان الحر استنى لما الصيف يخلص

[Fo1Fo]

يا باشا ماينفعش لازم نراعى شعور الغير برضو و بعدين بتبقى شكلها وحش بحس انى عربية نموس ماشية فالشارع , انا روحت ل ميكانيكى انهاردة و حكيتله القصة قالى دور كدة و راح قعد على ركبه ورة العربية قدام الشكمان و دورت قالى دوس بنزين جامد و كانت النتيجة انى اول ما دوست الراجل كان هايروح فيها و قعد يكح من كمية الدخنة اللى طلعت ف وشه قالى دة طقم شنبر و اذا ماكنش فى بستم مكسور ولا حاجة و قالى ماينفعش تعمل فيها حاجة دلوقتى عشان الحر استنى لما الصيف يخلص

هى شويه دخنه ولا عربيه رش ناموس ؟ الدخنه البسيطه زيت شل الأحمر جاب معايا نتيجه كويسه وبيتغير من 2000 الى 3000كم وسعره 75 جنيه تقريبا ............ اما لو عربيه رش ناموس يبقى لازم تعمل شغل فى الموتور وأبدا بكوتش الصبابات زى بعض الأخوه ما قالو ومش هاتوصل لتغيير ماتور ان شاء الله أفتح وشوف على رأى الميكانيكى كل اللى بنقوله أجتهادات المهم اللى ها يشوف بعنيه